西貢金雞海南雞

Open Now

Now Closed

我約Honey到九龍城吃海南雞飯，叫他到「栢檔」等。Honey話，找不到呀！原來，改名了，叫「金雞」已久！只是，我們一路幫襯，未留意而已！因為，食物、裝潢，都無改過。我們吃午市套餐。Honey點去骨海南雞飯。有雞腿肉、胸肉，但就算是雞胸肉，都不粗糙。三款醬汁，跟新加坡海南雞飯一樣，好好味！油飯也香口，內有炸乾蔥頭，香得很！而我呢？Honey已代我選擇了：豬手飯豬手皮稔滑而不肥膩，只嫌汁醬濃了點。而餐湯是南瓜湯，甜甜的，絲絲南瓜絲。其實，我想選擇香煎鹹魚肉餅的！好！另叫一個！即煎，香脆得很！鹹香，而不太鹹，很「送飯」！美味！

九龍城假日，無論大舖小舖都大排長龍，估唔到呢度唔洗點排隊質素都唔錯喎！以後去九龍唔洗淨係諗到泰國菜喇！呢間海南雞飯都唔錯，雖然係快餐店形式，但呢個錢價，係超值左既。我地5個人，叫左個4人餐，加碗油飯，好夠飽，又冇野剩，真係好抵食！香手刴咸魚蓉肉餅，香脆可口，咸魚加上薄薄既肉飯，煎得非常香口，送飯當然一流啦！油飯有少少炸香既蒜粒，令本身都好香既油飯更加惹味。例湯就一般，那天係南瓜湯。馳名滷水西貢狀元蹄，都几大隻下，煮得又夠淋，見到D骨膠原就好開心喇! 雖說是滷水，但又唔係好食到滷水味，但好味就夠啦！至於主菜呢，起晒骨賣相已經好吸引，雞皮有少少肥，但肉滑就好香滑。

無骨海南雞飯餐，雞肉鮮味又夠林，真係完全去哂骨，啖啖肉，但碗油雞飯就較淡d雞油無乜油雞飯味…。對個油飯少少失望，送南爪湯，另外個煎肉飯都好好味不過係香煎變左係半煎炸…

早排舊同事在荃灣金雞買外賣請我們食，真是好好味，令我時常有想去再食的沖動。 今日晚上約朋友在九龍城食飯，原本未有想到什麼idea, 行行下見到有間金雞，實在太驚喜啦！ 我們便了入去開動晚餐。餐廳簡潔的裝修，令人感覺很舒適。 我們坐下朋友點選了招牌的海南雞飯及咸魚肉餅飯。由於套餐的關係，當中送上了 ~ 今期的南瓜豬骨湯，見湯料十足，每啖都好清甜。無骨的海南雞，雞肉嫩滑，跟隨的三款醬汁選擇，而我就覺得唔點醬汁已感覺好好食。另外，油雞飯我個人覺得硬了一點。特制的咸魚肉餅出來時熱騰騰，入口帶著梅香咸魚的味道，每口都帶有種捨不得的感覺，這種滋味永記不忙。 這價錢來說，50元左右可以食到一個餐，確是感到超值。

來了例湯，南瓜青紅蘿蔔粟米豬骨湯，三個字———清甜好喝麻辣汁淋在海南雞上，麻香突出，不太辣，雞皮滑溜有彈性，雞肉亦嫩滑，沾上麻辣醬汁之後，味道更添層次感。雞油飯粒粒分明，但油香欠奉，可惜可惜。

上次試過在西貢買外賣之後又好想食海南雞飯。所以特意來試在九龍城這間分店。原來西貢是第一間, 這是第二間。我們兩個人, 懶得想, 就點了二人套餐。有半隻海南雞, 3選1選了蒜香豬頸肉, 菜, 雞油飯加兩杯飲品。海南雞依然滑, 雞皮十分爽口沒油膩的感覺。都吃光了, 有點內疚.... 雞飯裡有摻入炸shallots, 所以好香。豬頸肉普通, 下次想試豬蹄。順帶一提, 這裡服務很友善, 下次會再來!

好耐無嚟九龍城,睇完電視介紹, 今日就嚟一試。本來叫去骨海南雞飯同香煎手剁咸魚肉餅飯，但咸魚肉餅未整好，所以店員提議我叫另一樣，咁就叫去骨麻辣雞，點知又係未得，店員提議我叫狀元蹄飯，但因為我唔太食元蹄，店員見我好苦惱，就馬上幫我整咸魚肉餅首先上嘅湯好好飲，唔係平時果D味精水，好多南瓜。海南雞飯好好味，雞唔腥，有鮮味又滑，個飯又香等左一陣嚟嘅咸魚肉餅飯LIKE爆，香口，表面脆仍保持有肉汁，送飯同就咁食都一流樣樣都好好味，店員又NICE, MUST ENCORE

呢一間海南雞我哋屋企時不時都會食，有時會外賣返屋企，有時會直接堂食。佢嘅招牌菜去骨海南雞個人覺得真係唔錯，每一次食佢啲雞嘅肉質都係好嫩滑，而且佢啲雞油喺烹飪嘅過程中已經揮發左，令到你食埋啲雞皮都唔會覺得肥。我自己覺得啲師傅真係好犀利，因為除咗雞翼之外，其他部份都係去晒骨，令到客人好容易就可以食到啲雞。除此之外，食海南雞飯一定要點埋佢三種醬汁先好食。佢有三隻醬汁，第一種係甜豉油，第二種係薑蓉，第三種係酸辣醬。我個人覺得酸辣醬係最好食，因為佢酸酸辣辣好開胃。我自己覺得呢一間都幾抵食。如果自己去街市買隻雞煮一餐，咁不如去買隻現成的無骨海南雞仲好，又可以慳返啲功夫。

今日終於有得同男朋友放假 所以去左九龍城諗住食野之後按摩... 一朝早真系吾想食泰國野 行下行下行到去呢間野門口 男朋友知我鐘意食雞 所以二話不說就入左去住底好快選擇好 啲姐姐好好禮貌 抵讚去骨海南雞飯隻雞滑到不得了 唔會話太肥又唔太瘦冇肉體食 正 ！個油飯好香但吾膩 個飯局仲溝左啲炸蒜片 就算淨食油飯都得！蒜香豬頸肉配既都系油飯！所以個飯就吾再講但個豬頸肉又系不得了 開頭我地諗叫乜既時候對豬頸肉好有保留 因為驚整得吾好會得啖油 但出奇地佢整到外面脆卜卜 吾油 咬口好實在 總括有料有驚喜 下次要試埋麻辣雞先得

今晚一個人收工後去九龍城開餐， 除了食泰國菜之外，聽聞有一間食海南雞飯不錯的餐廳，它就是<金雞去骨海南雞專門店>，在7 點幾鐘的晚上時份，店內光顧客人都不少，店員都好熱情地招呼我入座，我點了一個去骨海南雞飯餐(奉送一個例湯)或可以選擇凍熱的咖啡、檸茶或奶茶.... ( 另加$5)，不久食物都好快上枱了。 是日例湯是南瓜青紅蘿蔔豬骨湯，熱呼呼送上了一碗，味道較甘甜美味，南瓜肉更已經滾至稀爛，而且飲落又不會太油膩。雞肉的份量都好足，雞皮偏原黃，好脆口，雞肉滑溜鮮嫩，同時雞味也相當濃郁，油飯的質感都好軟糯，店中選用了金象泰國米，整個油香均衡，飯中更滲有香茅的氣味。這個雞飯晚餐真是讓人滿足。

去開九龍城！問下朋友話係九龍城唔想食泰國野咁食咩好呢！咁就介紹左去呢間！一入去阿姐就帶我埋去最入個張檯！落左order後！坐左5分鐘坐下坐下唔對路！問下阿姐點解會咁焗既！佢話個冷氣無開！咁我話開啦！抖唔到氣喇！跟住佢話老細未洗冷氣！如果而家開d塵就吹曬出黎！嚇到我呢😱😱😱😱😱😱！ 食完當然係一支箭🚀🚀🚀🚀🚀咁走啦😪😪😪😪😪好介紹下

店舖細細，但食物好味。例湯都好濃南瓜味。去骨海南雞好滑，煎肉餅好香口。豬頸肉不過不失，見隔離枱嘅元蹄好似都樂好，因為我哋只有三人，所以無試元蹄。老細都好好招呼㗎😊但唯獨是久唔久有蒼蠅週圍飛呢樣唔好囉😔

中午12點半左右,入到去已經有位,價錢唔算貴,見到餐牌好似無乜幾多款嘢,咁四個人就叫個4人套餐,海南雞加上啲好似麻辣醬以為好辣,點知唔食得辣嘅我都食到,食得辣嘅就加辣椒油煎似餅估唔到咁好食,香香脆脆,仲有嘢飲送幾低食差啲唔記得講個飯,雞油飯好正

從西貢到荃灣再去九龍城，呢間海南雞專門店，氣勢如虹。要食自己，就來了。雖然這裡還有其他選擇，而且水準都唔太差，但我仍是一心吃海南雞飯好了。相比起海南雞，我更喜歡的，是這兒的湯。仍舊是南瓜青紅蘿蔔豬骨湯，幾件清甜的蘿蔔，還有很順喉的湯頭。海南雞，有分大和中的份量，細食既我，中等size夠了。雞是皮薄肉嫩，三色醬之中，我仍是最愛黑漆漆的甜醬油，令雞肉生色不少。連同香口的油飯，三兩下手勢已清碟。飲埋杯凍檸茶，安心上路去。

九龍城除咗熱氣嘢都可以選擇清淡的在西貢曾吃此店 太爽了不用咁遠水路入西貢來九龍城便可再試是次點了一份雙人套餐，有老火湯、海南雞、狀元蹄及油菜還有飲品($178未加一) 老火湯是南瓜粟米瘦肉湯，味道天然，滋潤，無味精感覺有益。湯渣都吃光了海南雞做得很嫩滑，但仍然不及西貢！無骨卻又不失雞味，但肥油稍多。不用沾上任何醬汁，海南雞的那種香滑脂味都足夠撈飯。肉質滑溜帶少許鹹味。忍不住連雞皮一起吃，伴著薑蓉、泰式辣醬及甜鼓油，幸福感飄流。醬汁中偏愛黑色的甜豉油，質感濃稠，甜味突出，但添多一碟，就變成稀稀的，真奇怪。滷水西貢狀元蹄味道偏濃，已拆骨的豬肉泡在濃稠的滷水汁當中，當豬皮雖連著豬肉，但半點肥膩的感覺也沒有，令狀元蹄保留滑口不膩，加上滷水汁的味道亦同樣出色