金啫の鍋 (Closed)

上星期同朋友去食咗個雞煲,我覺得都可以同大家分享,餐廳就係旺角嘅市中心要去都好方便,人唔係太多,地方都好乾淨，可能係因為新開嘅關係,坐低左之後店員就即刻拎雞煲上嚟俾我哋食,餐廳仲有好多唔同種類嘅配料俾我哋混醬，雞嘅味道都幾入味，我哋淨係叫咗小辣，呢度嘅雞煲係可以任食嘅，店員仲會好好服務咁樣幫我地炒烏冬，同埋煮海鮮，我哋都食咗兩 Round 雞煲，原來呢間餐廳同我之前識開好鍾意食嗰間倫哥私房菜係同出入門，不過呢度嘅Seafood 比重就少啲，但係相對價錢都平好多，不過都仲有鮑魚同埋蜆可以食，性價比都算係唔錯

去左一間個名好勁嘅金啫之鍋，食放題的話就話酒水任飲，但指名既啤酒飲左一 罐就無貨，另外比$26一支啤 酒既就有雪櫃空空的所謂既水果茶是需要另外比$15先一細支個雞煲要自己翻抄3-4次先食得，萬一唔記得就會 燶咗比4舊咁既野你就話係2人份量海鮮雞鍋食完雞就落海鮮最後落埋幾塊咁既肥牛同烏冬， 質飽你算食哂佢地安排既食物之後就可以雪櫃拎野打邊爐，食物唔多之餘完全唔夠時間食，得番半個鐘last CALL 同埋單，一夠2小時夠鐘即刻需要你走人

今日係油麻地做完gym，朋友話有間新開的雞煲想試下，聽講試營業188任食2個鐘，可以打邊爐。聽起來都幾吸引，上到去新開張環境好舒服又闊落，叫左小辣雞煲，見到可以加錢加海鮮一起煮，毫不猶豫揀左鮑魚.雞煲上到來好大件，煮8分鐘就可以食啦，期間有員工會幫我地睇住火，食到一半，老闆推架車來玩遊戲，遊戲就是揀一個人出來撈蜆，撈到幾多都屬於我地，第一名仲有機票tim！派左老公去撈，最後擺落去同雞煲一起煮，加埋自家製酒一起煮好香！好入味雞煲可以encore，叫左多左一round，最後點左蕃茄湯來打邊爐，汽水啤酒任飲，需要加錢都有清楚表明.豐揀隨意.菜品也有好多選擇 ，丸、肉、魚、蔬菜拼盤、豆製品應有盡有，最後甜品椰汁燕窩結尾.總得來說CP值高 推薦！

我上星期同朋友睇完戲跟住食飯，行經油麻地一間樓上舖餐廳，正當開張試業，價錢非常吸引，仲要係任飲任食，我哋梗係唔會錯過，入內環境舒適，座位寬敞。先先上嚟一個雞鍋，不消一會，一大鍋熱騰騰香噴噴雞鍋直撲鼻蕾，每件雞肉都全部起骨，冧冧肉，雞件幼嫩，加上大廚秘製 調味認真一流，色香味俱全，跟住還有多款海鮮揀選其一，同時全程有專人給你烹調，招呼周到，雞煲過後，還有多款湯底提供，我哋揀選蕃茄濃湯，在大堂擺設多個凍櫃，林林種種火鍋食材任你挑選。新張期內還有一個遊戲環節，獎品有機票送贈，今次真係有得食有得玩，我倆同樣度過一個開心晚上。

在譽發廣場樓下行過，看見宣傳單張「金啫の鍋」，原來新開張雞煲加火鍋任食都係 $188好似幾抵食，行到又餓又攰又未想到食咩，一於試一試先。新開張裝修光猛舒適，地方雖然不是很大但坐得幾舒服，位於位之間都有適當空位。講到明金啫の鍋當然雞煲是重點啦，坐低後店員為我們介紹雞煲食法，有四種海鮮選擇，聖子、大蝦、蟹和鮑魚，我們選擇了聖子之後店員再推出一架裝滿蜆的車，說是新開張有遊戲玩，一對手只要撈到幾多就可以食幾多，他們還有一個叫做「摸蜆龍虎榜」摸得多仲有獎品送真的幾好玩。雞煲味道真的不錯麻麻辣辣，夠晒濃味雞肉又夠新鮮沒有雪味，食到差不多會加上聖子和剛才的蜆，再煮一煮這時雞煲的味道完全不同非常鮮味，聖子加蜆真係無得輸，海鮮食到差不多的時候，店員又為我們放上烏冬和肥牛一起炒，烏冬完全把醬汁吸收炒得乾身，一個人食晒都唔夠實在太好味，店員說若果雞煲唔夠可以再加，如果雞煲食夠就可以加湯變火鍋。湯底有三種濃番茄、酸菜魚和豬骨湯底，我們選了濃番茄開始火鍋。火鍋以自助形式在門口進來的雪櫃內，自己選取已放好的火鍋配料，選擇都很多，質量都幾好性價比高，食得非常放心。食完後店員還為我們送上了凍食椰汁鮮奶燕窩，材料十足甜

之前食過呢幢野嘅打邊爐覺得幾好，原本想再食多次嘅，同一棟野見到呢間雞煲，朋友突然轉軚想食雞煲，見佢試業中，兩個鐘任食先$218，一於試試佢。可能早到同埋平日，我地唔使等位就有得入啦～枱面有張攻略嘅嘢可以俾我地啲新手跟住做。我哋揀咗小辣嘅雞煲。等雞煲嘅期間可以去攞嘢飲先，嘢飲種類雖然唔算太多但係都足夠，仲有部分啤酒任飲添，佢仲有自家嘅水果茶不過就要加錢啦 ($15)。雞煲到～好大一個煲，侍應好貼心，每隔幾分鐘就會過嚟幫我地炒一次，炒左三四次之後食得啦！全程我哋係唔使郁手嘅，服務一流呀！第一次雞嘅份量唔算太多，不過好多肉，個汁調校得好惹味，小小甜小小辣咁，又唔會好鹹。重點係佢炒到收乾晒水，真係啫啫雞煲黎，正呀！係我哋食到停唔到口嘅時候，有個侍應推咗一架車仔過嚟，上邊有一個好大型嘅貝殼裝住好多蜆。原來每2-4個客人可以撈一次蜆，撈到幾多就有得食幾多，仲要每星期撈得最多嗰前三個客人有獎㗎！最多嗰個有張機票添啊！！坊間抽獎就見得多，仲要係每一個月定半年或者一年一次，呢度直接送出機票同埋獎金，仲要每星期一次，真係好正！中獎嘅機會其實係超高～靠住朋友嘅雙手，我地撈左52隻！！本身以為好多，原來都三甲

今日約左幾個frd来食雞煲打邊爐，間鋪頭新開，試業價188起任食.如果有d 需要另外加錢嘅餸有清楚表明，唔會誤導消費者.我地揀左唔辣嘅雞煲+鮑魚.（鮑魚額外收費）78蚊有半打都好抵，d員工時不時過來幫我地翻炒雞煲，下鮑魚一齊炒，再加上秘制黃酒一齊炒，香氣逼人.員工會來提醒我地知幾時食得，雞肉大件好滑，雞煲醬有dd辣，都接受到.食到一半突然老闆推來架車，話可以來摸蜆.兩隻手撈一次，撈到幾多都俾我地.原來撈到最多嘅朋友可以贏得一張日本機票.食完蜆店員幫我地落埋烏冬，我地將牛百葉都倒落去一齊炒味道都幾好，食完就可以開始打邊爐啦.打邊爐湯底選擇番茄湯底，火鍋料係自助形式，自己去雪櫃攞，肉、菜、丸、面咩否有齊.最後仲有椰子燕窩甜品，食落去好清甜.咁好解膩.

今晚約左朋友黎食呢間新雞煲店，由地鐵站行過去只係兩分鐘路程，地點好就腳易搵新店試業價做緊每位$188任飲任食，雞煲有三款辣度揀，我地揀左小辣。除左雞，仲包左揀一款海鮮（蝦/蟹/蟶子/鮑魚）。職員好細心幫我地隔兩分鐘就炒一炒啲雞，大概十分鐘就食得嚕食雞煲預左比較油膩，但咁先夠鑊氣。打開蓋聞到好香，d雞食落亦好入味。小辣對我地黎講係bb辣，相信下次可以挑戰中辣。差唔多食完一鍋之際，店員提我地可以玩撈蜆挑戰，堅係攞到幾多就有得食幾多！我地嘅成績係50隻蜆。啲蜆都唔係細隻而且仲幾新鮮食晒啲雞，店員幫我地落蜆同鮑魚，繼而到肥牛同烏冬。後尾我地再加左雞。中途我地諗住自己炒雞點知我地兩個雞手鴨腳咁，怕油彈又熱，之後比店員見到佢主動過黎幫我地攪，好細心。最後我地食到好飽冇加埋湯打邊爐。今餐好滿足，除左野食新鮮同惹味，仲有好好嘅服務質素，呢個價真心俾得值

朋友仔訂了這間位於油麻地譽發廣場的＂金啫之鍋＂原來新開不久，食雞煲可配蝦，蟹，聖子或鮑魚，其餘火鍋配料和各式各樣的飲品在大雪櫃自助，食幾多攞幾多幾方便，而且價錢相當抵，淨係食海鮮雞煲都抵返，正😋金啫摸蜆神之手唔知係咪新張期間還有摸蜆遊戲玩😆誰人在有神之手😛如每星期摸得最多的人還有機票送✈️我摸得當然不夠多只有25隻🤣但餐廳很闊綽摸幾多都可以給客人食返，最重要是蜆肉質量唔差很鮮甜而且一啲沙都沒有👍🏻秘製黃酒啫啫雞煲顧名思義啫啫雞煲真係啫啫聲，雞煲陣陣香氣四溢有專人不時過來服務反煮，一會兒放秘製醬再隔一會兒放了秘製黃酒,微微辣很惹味，雞肉滑溜入味，吃完滑雞店員會餘下的汁醬炒聖子，蜆，烏冬，肥牛，炒的烏冬夠曬鑊氣，同平時火鍋真的唔同食法，別有一番風味😋之後才加上濃濃的蕃茄湯底，繼續打下半場，蔬菜，茹類，丸類，午餐肉，魚皮餃，肥牛黑豚肉……任君選擇，只要你是大胃王一定食到你飽飽🥰椰汁燉燕窩最後還有椰汁燉燕窩，感覺相當高級，甜味適中夠冰凍，非常潤喉，大🈵️足

今日跟朋友出咗嚟佐敦食雞煲，依間係新開嘅所以仲用緊試業價，好抵食。依家仲做緊摸蜆活動，用雙手一次過拎到幾多隻蜆就請你食幾多隻，每星期摸得最多既人仲可以免費贏到機票添，可惜我隻手撐到盡都係得60隻左右唔夠贏機票，如果唔係就發達喇XDD呢度係雞煲同出面嘅食法有少少唔同，雖然一開始都係先食個雞煲，不過係你差唔多食完啲雞嘅時候，姐姐會過嚟幫你用黃酒煮海鮮。我地4個人有8隻新鮮鮑魚，同埋頭先摸到嘅蜆。秘制黃酒再加埋原本既雞汁黎煮海鮮特別惹味，食到停唔到口。食完海鮮之後仲會用埋煲入面剩低嘅精華黎炒肥牛烏冬，呢個食法都係第一次，不過真係好好食。我地差d雞煲以外既配料全部都係自助既，可以係雪櫃任拎。飲品都係任飲，另外仲有鑵裝啤酒都係任飲。最後命每人送左碗糖水😋😋😋

講起食雞煲，大家心目中都有唔少選擇。為左更好既野食，今次抱住嘗新的精神黎到呢間係旺角譽發廣場新開既店叫金啫之鍋，唔同時段有唔同既價錢，我係5:30-7:30呢段時間，收($188+10%)。 一入到去，店面唔算好大，但絕對係乾淨企理，一埋位職員會問要招牌雞煲定辣雞煲，我地就簡左個招牌雞煲，要左少辣，雞煲份量足夠，而且會根據人數送相應既鮑魚,蟹,或蟶子。我地就要左鮑魚。呢到雞煲做到啫既效果，師父會煮到有8至9成熟之後係你面前加埋芫茜一齊啫。雞煲既香,辣,麻配合芫茜既香味十分合拍，令人食到停唔到口。食緊途中，職員推出一大盤蜆俾我地摸，原來係店家既活動，佢地話每個星期摸最多既人會有機票送。有得食又有得玩幾過癮，之後職員會再幫手加黃酒煮蜆，蜆肉鮮甜冇沙，之後再有牛肉烏冬食，食完烏冬會問食客要豬骨定蕃茄湯繼續打邊爐，而呢到打邊爐係自助既不同的菜和肉放係飲品區旁邊，雖然雪櫃不大，但種類十分多而且新鮮。其實係未打邊爐前已經9成飽，走既時候已經係11成飽，點知重有椰汁官燕送，椰汁夠濃官燕爽口，呢個相信係我係食雞煲既店入面食過最好食既甜品。呢個價錢食到咁多好食既野值得再來。

因為近地鐵站同埋突然好想食雞煲嘅關係🤣，所以黎左呢間餐廳，上到先發現好似係開張第一日，仲勁多花牌，真係第一次食間咁新嘅店。招牌金啫之鍋（$188/人）任食120分鐘，主要用秘製黃酒同雞煲醬黎調味，再加入芫茜，食落好夠味，特別鐘意果隻少少麻嘅味道（叫左少辣），雞肉本身都嫩滑多汁，聞落仲好香。食到七七八八嘅時候，店員就推架車仔黎，因為店內有摸蜆活動，每枱二至四人可以摸一次，用雙手摸得最多仲可以登上「摸蜆龍虎榜」（一星期update一次）。頭獎係價值$2500嘅日本機票，二獎係價值$1000嘅旅遊券，而三獎係價值$500嘅旅遊券😍😍。就算登唔到龍虎榜都係摸幾多食幾多，仲有專人黎啫👍🏻，質素仲唔差，蜆肉肥美又新鮮。不得不提，因新店開張，所以每人獲贈兩隻鮑魚，另有蟶仔同蟹可選其一。之後就係交返俾店員啫肥牛烏冬，都十分惹味。接著就到火鍋時間，揀左店內推介嘅蕃茄湯，蕃茄味十分濃郁，仲可以出去任拎火鍋配料，包括羊牛肉、腸仔、肉丸、魷魚同蔬菜等，仲有唔少飲料可選。最後係估唔到甜品係秘製足料雪燕，椰香味好重，仲啖啖爽口燕窩。可見呢個價錢食到咁豐盛又高質，性價比真心高，值得一試，分分鐘仲可以贏轉日本機票返黎

我和啫啫有個約會！今次來係為咗挑戰呢個《摸蜆贏機票》個貝殼超巨型！入面裝住好多蜆呀！老闆仲好熱情！同客人傾計一齊玩！場內好熱鬧～大家都玩得好開心！我隻手都唔細架！哈哈！老闆仲教你秘技，點樣先撈得最多！哈哈！都唔少喎！一陣仲可以煮埋黎食，正！頭三名有獎品㗎！幾好玩！希望得獎啦～掛住食！個雞煲都唔記得影相！好好食好夠味！醬汁好濃郁！食完雞可以煮埋鮑魚同蜆食！鮑魚大大隻，好彈牙！蜆肉好鮮甜，最後煮埋個烏冬！超級好食～好夠味點解咁好食，有秘製啫啫雞醬汁！之後仲可以打邊爐，必食豬骨湯底，肥牛、蔬菜、出邊有自助材料可以自己拎～有六十幾款！款式都好多！新鮮蔬菜籃～仲有出前一丁！汽水啤酒飲品任飲，指定有貼價錢就要另外付款～兩小時任飲任食，啱晒我大食之人！

好耐冇食個雞煲啦！知道有間新開張，仲有得玩遊戲贏機票！梗係要來試吓啦！店員時不時都嚟幫手，教你點樣食！有名比你叫金啫，所以佢哋炒嘅時候係叫做啫！記得2分鐘啫一次，啫夠四次就差唔多食得啦！個雞煲非常好食！雞肉好滑！醬汁好惹味！一個煲仲有幾款食法！雞煲配料有幾款嘅，蝦、鮑魚、聖子、蟹、我哋揀咗鮑魚，有四大隻！食完啲雞肉，加埋鮑魚同蜆肉入去啫！鮑魚大大隻！超鮮甜！*我講嘅玩遊戲贏機票就係呢啲蜆啦！要雙手撈得最多嗰三位就有奬品！大獎有機票㗎！而且啲蜆肉係送埋俾你食！超正跟住炒埋個烏冬，加左啲肥牛，所有精華醬汁同鮮味包住烏冬！烏冬勁入味！炒到有少少燶燶地咁！外面脆脆地勁好食！食到呢度都已經飽飽地～哈哈不過仲未完嫁！唔夠可以繼續再添雞肉～或者加湯底做火鍋！一鍋兩食㗎！湯底有番茄、豬骨、酸菜、我哋揀咗豬骨湯底，好似忌廉湯好滑好香！有我喜歡食嘅響鈴好耐未食過嘅牛柏葉！好爽囗！有自助食物櫃，蔬菜、肉、丸等⋯多達60幾款選擇！飲品汽水任飲～十幾款火鍋醬料等！超級滿足！食到好飽～好抵食！水果茶，呢款要另外俾$15～呢度氣氛好熱鬧！老闆熱情招待～時不時出嚟幫手，同客人傾計，好親切！新開張仲有撈蜆遊戲玩！好玩！

陪朋友到旺角交收，正好大家家裡也沒有煮飯，按著樓下派傳單，我倆一致決定在這煙雨濛濛的天氣下，吃個暖笠笠的邊爐暖下身子吧。一入餐廳香噴噴，口水直流。次序是先吃雞煲再加海鮮和自助形式仼加火鍋配料。原創雞煲不辣比較適合不吃辣的朋友，遷就她所以沒吃辣那種。吃前店員爲每張台安排撈蜆節目，台台都氣氛滿滿，朋友玩得好開心。雞煲呢？雞肉皮都不肥，芳香有獲氣，雞肉好嫩份量不少，加上芫茜洋蔥蒜頭，還有花椒味，肉也很嫩，啫得干身，鎖住濃縮的味還彈牙呀！師傅還熱情叫我們吃完就幫忙料理鮑魚呢！吃完雞加了鮑魚和蜆齊炒，鮮甜外更吸盡汁十分惹味，更有黃酒香，名正言順鮑魚雞煲。員工又幫忙炮制炒肥牛烏冬，面的食味大提食，肉又不太咸，兩者好夾，索了汁料，吃完飽半。朋友說了2次「神來之筆」她好誇張呀！挺惹味是事實。要了3.6牛乳豬骨湯底，味不出。豚肉比牛肉鬆化好吃。芝士脆皮腸好多芝士味，掂😊食後感：環境坐得ok舒適，空氣流通，食物選擇種類不少，放題價格相宜，吃足兩小時，質素亦不錯。P.S.撈蜆師傅好會製造氣氛，感覺好好。