金翠餐廳 (Moved) New Location

平時坐巴士見到很多人，已經想試到門口見話前金鳳班底，雖然唔知金鳳係咩都入去一試我地3個人，叫了西冷牛扒，羅宋湯，凍o茶同奶茶先講個湯，有個餐包，來到時熱辣辣，又軟綿綿，勁好味羅湯知道無牛，但很農，足料夠火候，酸中帶甜，少少辣，很開胃個湯飲完，扒就到，鐵板熱辣辣，塊牛扒差不多大過塊鐵板，又厚身，薯條同菜都多，個克召汁勁香，配牛扒一流牛扒有牛味有肉汁，要咬，但霖，無話用梳打嗱到綿花一樣，份量十足，差不多吃不完，最後杯餐飲正常大杯，一般餐廳水準，oK下次要試下招牌安格斯西冷

原本以為佢地係金鳳廚師出黎開鋪就以為好好味，點知。。。出事！入到去又細又迫要搭枱都唔緊要，我同男友一坐低就吹我選餐湯，諗都唔比人諗，最後我就選左個忌廉磨菇湯，同叫左個B10西冷牛扒$70。我自問食野都算快，點知佢地上扒仲快，個湯都未飲完就上左個扒，明知個湯仲有大半都仲要問碗湯要唔要，個扒上左又冇位放碗湯為有囉起碗湯飲=_=。。。以上寫既係佢地服務與環境係極差，食物就。。。如下忌廉湯:又咸又稀餐包:小小的一個，好味過塊扒，係呀，你地冇睇錯，真係好過塊扒！西冷牛扒(我食既係西冷B10$70):牛扒五成熟，唔厚身又細塊，冇牛肉味又過淋仲有d酸味，配菜係棷菜冇味仲有d菜水響個扒到，薯條唔脆仲有d生。。。肉眼牛扒(男友點既):牛扒五成，又係細塊加薄身，不過依塊都仲有少少肉味但係好un。。。餐飲:凍奶茶，冇茶味冇奶味，得個大杯。。。。。。

夜晚8點幾去到, 唔洗等位一坐低MENU都未睇已經有人問你飲紅定白湯洗唔洗咁快忌廉湯好稀, 冇咩味 叫咗1份牛扒, 1份羊架鐵板上, 夠熱但一咬落去, 好有疑惑, 到底我食緊咩肉呢? 明明係羊, 但冇羊應有的質感, 應該是被鬆肉粉整到冇晒texture, 亦都冇羊味, 唔知食緊咩肉, 曾經懷疑過佢係豬, 但應該係羊...男友的牛亦冇肉味, 感覺亦是雪咗好耐的牛唯一做得不錯的是黑椒汁, 算惹味但味道整體太重, 只吃到蒜蓉味和黑椒味,而佢重味重到第2朝都覺得唔想食野隨餐送的啫喱算好吃, 但很稀, 但呢杯啫喱係全個餐第2好吃的而 第1好吃的是餐包...

本來食開金鳯，但行過又係得那2個午餐，重常常不變，無新意，見到金翠，原來都係金鳳d人開，就去試下，見到有4個午餐都係30幾元，有湯有包有野飲，和金鳯一樣!看了幾看，今曰有豬扒同找烏冬，又有意粉但我最鍾情都係牛，所以我要了焗牛柳粒飯，坐低便叫了湯，很快到，個紅湯足料好味，比金鳯好好多，用心之作個包很熱又軟熟👍，唔似那邊凍冰冰個飯到，份量十足，焗得很香，牛柳有牛味又霖滑芝士味又十分香，重要係炒飯底，一流😍到杯餐茶，原來已經是大杯，唔似得那邊小家味道正常餐廳水準，又唔加一，超值，想信以後都會當這裏是飯堂了!

得知佢地開左兩年, 由初初幫襯知道佢地係老牌師父自己開既, 食過之後, 已經無再去舊店, 因愛上了呢間, 所以我要分享俾扒迷知道, 咩叫做平野有好野既定律.星期六既晚上, 我同我朋友2人一同去食牛扒, 因之前知道會有新牛扒推介, 所以專程去食既, 係之前食完之後, 阿靚姐姐話我地知2週年有野送又新扒既我當然會試呢個新推介既牛扒呀, 亦都選擇了我最愛飲既羅宋湯, 依然超好味 (得呢間先最好飲), 個扒既份量依然強勁, 牛扒味道一流, 好香牛味, 唔似佢地舊店個邊嗱到無晒味, 口感唔lum.....正, 起碼唔係食發水牛扒先囉, 仲要咁抵食, 點可能唔食呀 !! 佢地做左兩年, 不斷加新野, 值得一讚, 可以令我地食到唔同既牛扒......呢個廚師, 真係叻, 如果唔係我食開個種, 始早都悶, 但舊有的, 依然保持到水準, 亦都要一讚 !!   

一個人放工後悶悶地去咗太子金魚街齋睇冇野買,之後就去左網友極力推介嘅金翠餐廳食鐡板餐据個靚扒。我一個人好快就有位(唔使等),睇到餐牌鐵板牛扒同豬扒都唔錯,我兩樣都想食,叫咗份什扒餐。羅宋湯都幾好飲(見到話得獎既咪試下囉, 平時我食開白湯),我唔鍾意食麵包,冇食所以唔知好唔好食(但聽到隔離枱話好好味)。飲完個湯鐵板好快就送上,大大塊既豬扒蓋住細細塊牛柳、一件雞扒同埋一條腸仔,最下層係薯條同菜,我揀咗燒汁。塊豬扒幾腍味道唔錯,我開行turbo食晒塊豬扒,開始慢食塊牛柳雞扒,肉味夠又多汁,冇俾鐵板炸到乾憎憎,我兩三啖就食晒唔多夠喉。而腸仔就一般,反而底下嘅薯條雖然吸滿汁腍晒,但又幾好食喎。最後我飲埋凍咖啡飽晒！响呢區要鋸扒又坐得舒服而且70蚊的確冇得彈,下一次我會再嚟試埋牛柳餐。<< 最重要既係佢地無收加一服務費架, 真係唔知仲有邊到搵到咁平又抵食, 仲要咁好味既餐廳>> 

出名了後要保持水準的確很難，很失望～如果大家諗住可以慢慢食的話，本人就不建議你來這裡了。我們吃了他們推介的有骨西冷牛扒（7成熟很熟，肉不嫰，不太肚餓的可選擇這款）

細細個好多時候.....諗起想去食香港式既据扒, 就會好自然想起鳳呀..鷹呀..但通常都是牛無牛味..羊無羊味..只係想滿足一下d人据大大塊扒嘅感覺最迎有朋友介紹一間開左一年左右既扒房, 係太子區既, 交通方便, 佢食過話正呀, 叫我一定要去食, 又話價錢合理, 幾十蚊個扒咋喎, 咪即刻約埋細佬去試一試囉我朋友介紹..牛柳好好食..可惜我唔食牛..就叫咗羊膝腿 (出面好少見到有得食既), 細佬就要鐵板牛柳, 要左5成熟, 得喎...真的做到五成呀, 牛柳很"淋", 但好有牛味, 唔似個d被梳打粉"整淋"的個種而我既羊鞍呢, 就好有羊味既"so"味, 但又不太"so", 有些少羊脂在邊邊, 鐡板上面就特別香口感, 感覺上都沒有梳打粉的感覺兩個扒食完飲埋凍飲餐茶, $150仲有錢找呀, 仲有邊到有喎, 真係要再食食食.......... 

男友餐餐無肉不歡，但係天氣悶熱我唔想鋸扒咁heavy。同事推介我試吓太子金翠餐廳，話唔係獨沽一味鐵板扒餐，焗飯同沙律餐都好出色，值得一試。我哋星期六晚七點左右到餐廳，要等位約10-20分鐘左右。到有位時我已經肚餓，我哋好快叫咗“焗茄汁豬扒飯餐”同“串燒牛柳餐”。首先上嘅羅宋湯唔錯，夠濃夠酸酸辣辣又多菜，配埋熱辣辣牛油餐飽(超正)。男友嘅牛柳餐先到，鐵板上一串串已經切成塊嘅牛柳+青椒洋蔥，實在太香令我忍唔住拮咗一塊牛柳試味，香辣黑椒汁配上軟熟多汁嘅牛柳塊，夠肉味yummy!!!跟住我再食串住嘅青椒洋蔥塊，中和牛柳嘅油膩感覺（天氣熱覺得heavy)試完牛柳我嘅焗豬扒飯就到，好大碟，飯面有好多蕃茄+大塊豬扒，茄汁香濃豬扒又醃得入味夠腍，我雖然唔想食太多肉，但係都因為茄汁豬扒太好味而食咗半碟飯，剩下嘅半碟飯當然係俾食肉獸掃清光。餐茶凍檸茶同凍咖啡幾好飲，呢餐唔駛百五蚊，食物質素好，坐得舒服唔會食到大汗叠細汗，我哋下次會再幫襯!

星期六去太子食好評多的茶餐廳, 失望而回. 比起翠華超大魚柳/豬扒歐陸餐, 都是$35. 金翠貴而不抵食.叫高價歐陸餐吉列魚+茄汁豆+腸仔($34)+$2凍奶茶.吉列魚: 除咗夠熱外, 和翠華冇得比, 薄到紙一樣, 仲好鬼細塊茄汁豆: 罐頭貨, 2匙咁多腸仔: 普通貨, 樣唔得多士: 一般+$2凍奶茶: 唯一可取, 奶味重.不過見到其他早餐$24有交易, 比其他茶餐廳平.環境: 由於坐近, 有人開門時, 一陣熱氣吹入. 梳化背好厚, 佔超過四份一坐位, 肥d都唔落.

因開飯搵食而來的,也因門口大字報貼住"金鳳前廚主理"而滿有祈望的一坐下menu未送上就要我們點餐湯了,店員受不了我們番了又番menu, 我們也受不了店員梵音對待,終於先點餐湯,及後再看看牆壁周圍, 啊... 原本餐廳內貼有此店得獎作品"羅素湯"是也,是這原因嗎?羅素湯的牛肉味的確很重很濃,但只有湯水,紅色湯內是什麼菜及肉碎也沒有的.我們4大2小先點了2份牛仔骨,羊膝脾及5成熟的牛扒,此時店員才說小朋友也要點一份餐,每人都有最低消費,因晚餐menu全是鐵板扒餐,我也請店員介紹2位3歲人仔可以點哪份餐,店員沒有推介, 只另外給了我一張menu,叫我們點小食吧,問她最低消費是怎樣計算,她也是叫我們點小食吧以100元有找的價錢,有著3塊鐵板大小的肉排疊在一起,加上經典的黑椒汁,買相相當吸引,無論是牛仔骨,羊膝脾,或是牛扒,全都像魚柳一樣一刀就輕易的切到底,.我右手邊的牛魔王大佬就這樣一大口的將5成熟的牛扒放入口 , 他說入口即溶,但沒有牛肉味,看看這塊5成熟的牛扒,質地就像是那款有渣的牛膀一樣,同台的專業c9說: 一般餐廳都是這樣對待肉類的,勁用梳打粉.起菜快,我4大將一塊塊肉當魚食所以都食得

第一次寫食評, 請多多見諒, 因好想俾其他人知邊到有好野食, 邊到唔好去食, 所以由我新搬屋既今日開始, 我會多多批評....啱啱搬入太子區住, 第一個入住後既早餐, 我是但搵一間茶記幫襯食個hea既早餐, 行到荔枝角道, 見到有幾間茶餐廳, 行到金翠門口, 見到較新既裝飾, 唔似其他個幾間較舊既 (怕同好多長者一齊, 有陣味), 於是走一入去, 打開門後, 聽到幾位女侍應叫 "早晨呀, 幾多位呀? 埋邊卡位坐呀, 有位喎", 我就跟隨佢既意思坐了坐後就問我食咩早餐呀, 有ABCD餐, 你睇下今日想食D咩? 好NICE呀, 好有親切感呀我就叫左個D餐米粉有一碗熱騰騰既米粉, 仲有一份餐肉太陽蛋配又軟又熱既牛油餐包及熱奶茶, 都係$24咋, 個麵包值得一讚係又軟又熱架, 出面好少茶餐廳會咁做, 好好食呀 !!份量絕對唔少, 一定飽呀 !!

朋友知我鍾意柚子嘅食品,特意帶我去太子呢間由前老字號金x大餐廳班底主理既餐廳食呢個廚師推介。由太子站步行五分鐘就到都算就腳,不過幾多人幫襯要等位但唔係太耐約15分鐘左右,餐廳裏面裝修簡潔唔侷促, 相比老字號好坐好多啦。朋友幫我點"柚子蜜汁金沙骨沙律",佢就點西冷牛扒,套餐跟餐湯同餐包, 我地要嘅羅宋湯唔錯。佢大力推介嘅柚子蜜汁金沙骨份量幾大,原來係燒金沙骨再配上韓國柚子蜜嘅汁,金沙骨既香口又有柚子香,的確好好味yummy! 而沙律係什菓沙律, 又新鮮蘋果, 薯仔..........都有罐頭菠蘿, 什果係入面, 調味恰當, 生果冇出水,賣相幾靚,朋友話沙律裏面嘅生果大大粒,老闆出手幾闊綽。我食完清爽嘅主食,餐飲都要爽一爽,我點咗加$12嘅雜果賓治。呢餐抵食又好食,下次我會再幫襯!

今日突然想食下西式野,扖就最正啦!搵到呢間太子好似唔錯播!就黎呢度食啦!地點唔錯唔算難搵,太子C2出口行前幾步轉個彎就到啦!仲以為會好多人,8點幾,可能今日星期一啦,去到就即刻有位啦!幾懷舊ge感覺~哦卡位好佚以前哦冰室咁!睇左陣,今日一反常態,我唔想雜扖,食羊鞍!女朋友就食雜扖先食個前菜-->餐湯同餐包!好鍾意呢個種類ge餐飽,好似係好傳統果隻!暖暖地,搽少少牛油上去融融地岩岩好!暖暖地入口最好食!女朋友果個唔要牛油,不過佢都話好暖口好軟熟!個白湯都正正常常忌廉湯.好飲!熱ge,好快就飲晒啦!主菜黎啦!羊鞍都有2大件,薯條壓係底!咁樣其實令到哦薯條扁晒,但係又吸晒D黑椒汁,有好有唔好啦!D薯條扁左冇咁脆好似冇咁熱氣囉XD羊鞍好易就切開, D肉幾軟熟入味,冇羊羶味(我好怕架!)配上黑椒汁剛好!唯一要改善ge地方就係略嫌D根D肥ge地方多左D!不過都好飽肚架啦!女朋友果個冇咩點試,不過食左舊豬呢都好淋,唔會咬唔開咁!雞扖就普普通通啦!仲叫左個白飯(其實唔叫都夠,不過諗住有汁有扖送飯會好味)!其實以呢個咁平ge價錢($7x-8x)有咁ge質素,性價比係高ge!會再黎試呀

今日是第二次光顧此餐廳，但他的美食令我決定日後不再幫襯。首先此餐廳的優點是，等位不用超過5分鐘；因開業不出兩年，所以環境較為企理；餐飲大細及價錢較合理。本打算將他列入頭三大附近必到扒房之一，但是‧‧‧‧‧‧今次叫了一客$74的肉眼扒餐及一客$120的美國德州頂級西冷牛扒餐，因我上次試過肉眼扒餐是合格的，而且是都正常，所以特意賞試他最高級的扒餐。這西冷扒一到我就發現他的薯條真的比其他餐高級的(嘩！薯角黎架)，再試試塊美國德州頂級西冷牛扒，驚恐就此出現，第一口全是肥膏，心想這是和牛嗎？？然後賞試從另一邊切下品嚐另一口，這次好了好多，成啖都係筋來的。唯有由中間，再切一口，結果都是筋多，並且肉質的味道是怪怪的。這時，試了朋友的一口肉眼扒，很正常喔！我請朋友試試我的美國德州頂級西冷牛扒，他亦有我同樣的感覺，於是叫來了侍應問他原因，他的答覆是：「扒是一塊塊獨立包好運來的 (我心想：難道有牛扒是原隻牛運來才切的嗎？)，牛扒有筋是正常，因每個扒每個部位都是不同的(但餐牌註明的是西冷wor，最後不再跟他討論)」及後叫來櫃位的老闆再跟她傾同樣的問題，她的答覆是：「牛扒係咁0既，無問題，正常0既，呢塊扒的特