金蘭花泰國菜館

Open Now

Now Closed

有一段時間無食泰國野，今日口痕同朋友去九龍城試新野。餐廳係同一條街有兩間鋪，入面都唔細，平日食都滿座，證明都好食。去骨白雲鳳爪($55)完全被佢外表呃左，食第一舊辣味即刻攻上來，但另外一個食得辣既朋友就覺得少少辣，可以接受。鳳爪爽口，分量作為前菜就剛剛好。椰青($32)椰汁好清甜，配辣野，椰肉好易刮出來食，而且好滑，我連個椰蓋都唔放過，刮晒出來食。蝦餅 ($52 /4件)炸得剛好，上菜時仍然是熱辣辣，外皮炸粉薄薄一層，入面蝦肉份量都好飽滿，旁邊醬汁都特別，是甜醬加辣椒，我都KO 左大半碟。串燒($12一串)我地點左雞肉，豬肉，雞腎，雞軟骨，魷魚，12蚊一串真係好抵食，重要每件都厚身，不會將貨就價。雞腎係最出色之一，食得出燒烤味，熟度控制剛好，可以保留到肉汁，魷魚大小切到剛剛好，可以一口咬到。旁邊既醬汁入面有少少花生粒，配理串燒味道好夾。呢間泰國嘢都唔錯，價錢又不算貴，是心水之選。

唉，公司入面最熟既同事今日遞左信，真係好唔捨得佢走......不過天下無不散之筵席，臨走前知佢最鐘意食泰菜，所以今餐就由我請，順便farewell啦！黎左碟乾炒雞肉貴勺，有港式乾炒河粉既口感，混埋雞肉、蛋花同菜苗大兜亂，幾有泰式風味，夠鑊氣！當然要叫返個菜平衡下，呢個炒椰苗簡單清新，椰菜苗即係最鮮嫩既中心部分，所以食落特別覺得鮮甜爽脆。希望個好同事前程錦繡，以後食餐泰菜都會諗起我啦！有緣再見吧BYE~😘

周末一家人到九龍城行街，順道吃晚飯，吾知點解，雖然尼到的食肆種類繁多，但大家仍有那種「來到九龍城必定食泰菜」的想法，於是就選了這間老字號名人飯堂。我們點選了燒豬頸肉，煎或焗也比不上炭燒，瘦中帶肥，口感爽脆，配合泰式辣汁是一流；炒通菜不會一味得個咸字同重口味，而是食到馬拉盞同香料味；生菜包的生菜幾爽甜，包起洋葱、辣椒和豬肉碎來吃，酸辣醒胃；海鮮炒粉絲初放入口時味道不太辣，但幾秒後辣味就湧現，非常過癮，最難得是海鮮的數量出乎意料的多；泰式鳳爪同柚子沙律都是必點小食，每口都包含酸、辣、甜幾種滋味。服務方面，泰籍姐姐侍應幾Nice，上菜速度快，整體而言是不錯的選擇。

這陣子，多了不少走fine dining路線的泰國菜餐廳，fine dining是吸引的，但又有誰會經常去fine dining的泰菜呢? 有時還是要做平民，走到九龍灣吃泰菜。這天，我們走到了九龍城的金蘭花，嗜一嗜美味又便宜的泰菜。炸蝦餅也是吃泰菜必點的，這裡的炸得不錯，不會太油膩，而且真材實料，充滿了蝦膏，質感彈牙，大件夾抵食。另外亦來了份串燒，豬牛雞分別各二；沙爹醬味道濃郁，肉質方面亦軟腍，整體的感覺都不錯呢。除了小食外，當然要來上主食；這份炒飯名符其名，真的有點辣呢，不過越辣吃得越爽；當中亦有數隻大蝦，吃飯的同時，其實用來伴下圖的咖哩汁是超棒的。

每次去泰國旅行都要吃個夠、吃個瘋狂，因為當地美食實在正宗好味又經濟，好彩在港也能找到價廉物美又夠地道的泰國餐廳滿足口腹~唔同平時好多泰國菜館食個D咁，一係太淡唔入味，一係得個酸字。呢度個鳳爪咸、酸、辣味平衡做得唔錯。不過我食呢度菜，最鍾意唔係食鳳爪，而係食配菜，佢D青瓜同生菜都好新鮮，但若果能夠有埋唐芹，取其香味，爽口，咁就一絕了！咖喱汁味濃而充滿椰香味，但至正其實係個大法包，個皮焗到脆卜卜，相反入面又鬆又軟，點咖喱汁食就啱晒。

見天氣凍凍地，就約埋兩個friend去食啲「刺激」嘢暖下身，講緊嘅就梗係食辣嘢啦！而辣嘢嘅首選毫無疑問必揀泰國菜，問問同事意見，有人推介我哋嚟呢度食~見到店內嘅侍應姐姐都係泰國人，感覺食物都會夠地道~首先叫咗個冬蔭功，個湯頭可以話係集合咗酸、辣、甜、鮮同香嘅味道，飲得出非常足料上枱嘅係豬頸肉，件件都燒到好香口，肉質帶韌性，食起嚟好有脆度，先食一件唔點汁，再食一件點辣汁，唔怕辣嘅人真係要試下，因為辣得好惹味，仲越食越開胃，令人忍唔住一件又一件咁送入口~yummy~臨尾食埋個泰式炒飯，入面有好濃嘅金不換葉香味，令人食慾大增，炒飯粒粒分明，食完好飽又滿足

好像很久沒有食泰國菜了( 其實只是個幾月,不過好像過了很久) , 所以昨晚就跟朋友去了九龍城食我最喜歡的泰國菜~ 一來到門口見到有一群人聚集在門口, 原本以為又要再等上好一陣子。怎料原來他們是剛埋單走了,所以不消一分鐘就已經安排了座位給我們, lucky ~ 泰式鳯爪：見到人地個碟好靚，所以叫了一碟，都幾辣，味道就不過不失；炸蝦餅 , 有5粒大大粒, 比想像中脆口和大粒, 正~ 泰式炒金邊粉: 一致認為好食, 夠酸又甜麵包咖喱雞：用麵包配咖喱，幾好食但個咖喱偏向香甜,椰汁味多, 辣d會更好

閉關一星期後,晚上別再讓自己呆在家中,相約家母飯聚;一行五人本躍躍食泰國菜"泰蘭花".老闆娘引領我們至六人座 ,他們很體貼。串燒沙爹半打--豬牛雞沾上極惹味濃重的沙爹汁後,基本上已分不清為哪款肉,但整體水準不錯!泰式炒通菜及鹹魚炒芥蘭--碟頭極之的骰,沒甚漣漪的味道!泰式無骨鳳爪--無骨鳳爪酸辣味不嗆鼻,鳳爪醃得入口味爽口出品超凡 服務倒超群一眾侍應笑容滿載,招呼勤快落力;令此頓飯滿意度大大提高!下次都要一家人再尼試其他

所有野勁鹹！超難食既一次泰國菜！好失望！海南雞=鹽水雞！食左啖都唔想再食！離曬大普呀！飯又勁硬燒鰂魚=鹹魚！佢整出黎係好靚咁但完全食唔到⋯一咬勁鹹！叫佢取消立即同我講話整緊第二條⋯心諗當比多次機會！五分鐘都冇就整好出黎⋯但明明第一碟等左四個字多先有⋯一食！又係一樣！直頭發火話佢！佢就話係唔岩你口味者！嘩叫人點食呀泰國人都唔係食咁鹹既炸魚呀⋯⋯冬蔭公湯又勁鹹勁酸！我自己再溝d水整番淡d先飲到⋯反而馬拉盏椰菜苗就可以完全冇味！

好耐冇食泰國菜啦，放工後過左去九龍城呢間金蘭花泰國菜館食晚飯！由旺角搭小巴或巴士都幾方便。餐廳裝修簡約夠地道，餐牌選擇都幾豐富架，仲圖文並茂，夠晒貼心！同朋友隨便點左以下幾項食物試試泰式鳳爪酸酸辣辣嘅醬汁配鳳爪，開胃又好味，作為餐前小吃就啱晒鮮蝦冬陰公湯冬天凍冰冰就梗係要飲返碗熱湯，所以就點左呢個鮮蝦冬陰公湯！鮮蝦都幾爽口彈牙，冬陰公湯都係酸酸辣辣的，好暖身馬拉盞炒通菜通菜碧綠鮮嫩，馬拉盞份量都幾多，所以食落好鹹香又香口，仲好有鑊氣添，好味道香脆豬手豬手外皮燒得香脆，內裏啖啖肉，充滿豬肉香，建議搭配酸甜汁一齊食減低油膩感！同埋呢道菜適合多人開心share食泰式燒豬頸肉大大塊厚切豬頸肉，份量勁多！廚師將肉燒得剛剛好，軟腍富肉脂香，送飯食一流呀！

再一次來到呢一間好耐歷史既金蘭花泰國菜館 記得以前來過係同屋企人來的食但係都唔係好記得D味道了 所以今次再來食。 我叫左兩樣我好鐘意既小食第一樣就係呢一個無骨泰式鳳爪，份量不少，鳳爪去骨，啖啖肉，又爽又彈牙，味道酸酸不會太辣，十分開胃清新，伴碟的洋蔥和生菜都十分新鮮。第二樣就係呢一個泰式蝦餅表面炸得好脆唔會過厚 入面蝦肉都好有口感。 講完小食之後就係呢個主餐 我叫左個法包咖哩雞 咖哩慘入包中小辣帶甜 配合法包軟綿綿 但有有咬口 真的好滿足！ 值得我再來這裡。

病左幾日.幾日都無咩洛肚 今日終於好返小小-哄左朋友好耐叫佢帶我去食金蘭花我之前都食過一次. 味道很好- 所以一病完就馬上來尋找味覺 今天比較多人..都等了一陣。好食既野系要付出點時間 我不介意終於坐低左..馬上點了: 泰式海南雞- 雞的肉質一點都不老. 配埋個泰式酸辣汁.真系一個好好既配搭!! 肉碎生菜包- 這種辣是慢慢辣下去的辣, 越吃越辣 生菜包的特色。這個菜式,十分適合愛辣之人 而且生菜非常新鮮 串燒拼盤- 其實串燒拼盤都離不開豬牛雞3款- 旦為何要選擇食它. 因為它的沙爹醬汁不會太辣.甜甜地好特別呀…串燒上枱時依然都系熱熱的….而很香!! 讚讚讚我會經常尼食咖…因為各方面都好好

呀哥話好想食泰國菜 就係OPENRICE 搵左呢一間有得泊車既泰國餐館金蘭花泰國菜館。仲要唔洗加一所以就揀左呢一間。 我地一坐底就已經話要叫馬拉盞通菜因為我地兩個都好鐘意食 另外我地就叫左一個小食拼盤同一個泰式金邊粉 先講下小食拼盤佢地小食拼盤有串燒 春卷 炸蝦餅等等。 串燒D肉唔會燒到好難咬 配上呢一個沙嗲醬 好食 其他都幾不錯 蝦餅想多吃幾個。 之後金邊粉酸酸甜甜十分開胃 麵也不會太Dry 容易入口 口感不錯。最後我的最愛-炒通菜 呢度都整得幾好食 重味但又唔會過鹹 做得好食我一個人都可以食一碟HAHA

兩個人放工來到九龍城 來到九龍城就梗係要食泰國野啦 我地來左呢一間金蘭花泰國菜館 兩個人食唔到太多野所以就靜係叫左兩樣餸 一個就係黃咖哩雞 第二樣就係呢一個脆皮豬手 叫豬手仲有兩支啤酒送 岩曬兩個人岩岩好。 先講下呢一個黃咖哩辣度我覺得岩岩好辣很來好食 同飯一齊食真係一流 雞唔會話好老 酸咖哩非常人味 好好食。 第二樣餸就係呢個豬手 面皮做得非常脆唔會硬 入面的肉唔會好老令至叫感好差 反而係幾好口感 肉鹹鹹地配上一D酸酸地既汁 真係幾好食 好正 一啖肉一啖啤走 爽！

呢間金蘭花食左好多年，原因係九龍城黎講價錢算平，味道亦吾錯，同埋通常吾使等，大家都去名氣較勁既其他食店食😎呢到裝修左，比以前舒服左！今次點左菠蘿炒飯、炒芥蘭同咖喱海鮮😍同以往一樣咁足料，味道好吾錯，咖哩亦吾會太辣易入口！咁多年都無令人失望，價錢亦無乜點加👍🏻👍🏻