金蘭花泰國菜館

Open Now

Now Closed

><朋友外婆是泰國人 外公是中國人某程度上也算四分一個混血兒所以對於泰國菜 也有獨特嘅情感明爐烏頭魚鍋($158)賣相繽紛 有不同顏色嘅配料湯底呈奶白色 味道帶點酸同辣 魚鮮味濃一直有爐Keep溫  幾好飲魚肉嫩滑 唔會腥 嗦咗湯帶點微辣素菜炒時蔬($68)這道菜較清淡 只配上簡單嘅木耳同蘑菇蔬菜仍翠綠 用嚟中和啱啱個魚鍋 也很夾亦不會炒得太過油膩 是健康之選食完個魚鍋已經好飽等下次齊人先 多叫其他菜式喇><><><><><><><><><>><><>><><金蘭花泰國菜館九龍城龍崗道10-12號

在九龍城辦點事情後走得有點累了，便隨機選了一間餐廳歇息，順便充充電、試試九龍城還沒試過的泰菜。坐下後看了看餐牌，多得有點花多眼亂，最後隨便挑了三道菜品嘗一下。蒜子胡椒炒青口青口份量十足，肉質飽滿，而且彈牙爽口，蒜香味濃，胡椒味香，整體上味道也是恰到好處，也不錯。炸蝦餅蝦餅炸得外表金黃，外皮炸粉衣薄薄一層，入面蝦肉份量飽滿。醬汁是甜醬加辣椒，與蝦餅是完美配搭呢。香酥抓餅抓餅烤過後不會很軟，用它來蘸咖哩汁，一流！抓餅酥化煙韌，用來填飽肚子是最好不過。這道加起來都只是百元多一些，價格公道。

最近睇旅遊節目，節目介紹起泰國菜，搞到我都心思思想食下泰國菜。搜尋開飯啦嘅泰國菜餐廳，最後就簡左金蘭花呢間老字號嘅泰國菜館。先點一道海南雞，海南雞雞皮油潤肥美，雞油香氣撲鼻，雞肉亦有濃郁雞味，口感嫩滑不韌，雞皮較厚身肥美，雞皮與雞肉之間有脂肪啫喱層，配搭薑蓉，味道不錯。如果海南雞可以去骨，相信會更加完美! 之後係鹽燒鰂魚，這菜係即叫即燒，鰂魚表面有又啡又黑嘅鹽，翻開堅硬嘅魚皮/魚鱗，露出白色嘅魚肉，魚肉又嫩又滑呢！相信鰂魚是保留魚鱗直接燒，剛好把魚肉嘅原汁原味封存起來。所以流出嘅油份，就係魚自身嘅油份，所以先可以原汁原味食到魚嘅鮮味！

食慣左日本菜,西菜,中菜,諗食乜,諗黎諗去都冇乜好idea,於是諗起不如轉下東南口味,一於就試個泰國菜!今次就簡左好多人都推薦既一間泰國菜館-金蘭花。因為下午茶食左碗麵打底,都仲係好飽,所以晚餐只點了唔多既野食試試。首先是三色冰,杯野飲雪得好凍,入口有濃濃的椰香味,清涼,冰爽,很適合在這炎炎夏日消消暑。杯野飲都好大杯,一個人飲都差d飲唔哂!之後到小食拼盤,拼盤包括有串燒,春卷,蝦餅,香葉包雞。包雞有嚼勁既口感,蝦餅和春卷都炸得香脆,蝦味濃郁,串燒不過不失,有牛有雞,點上醬汁味道更佳。拼盤有這麼多種類,絕對是誠意價。

聽日係媽媽生日,由於正日唔得閒,所以我地提早一日出去食飯慶祝生日。問到媽媽想吃什麼,她說想吃泰國菜。於是我們一家3口就簡左呢間金蘭花泰國菜館。這店已經扎根很多年了,相信味道質素都會有一定保證!我地訂左當日晚上8點既枱,一個靠近窗邊的位置。我們點了3道菜和白飯。先來的是泰式無骨鳳爪,它酸酸辣辣不嗆鼻,鳳爪醃得入味爽口,這道菜很貼心,鳳爪都去骨,吃起上來很方便。然後是蝦醬炒飯,炒飯炒得很香,鑊氣十足,吃氣想來不會很油膩,蝦醬的咸香味為這道菜上色,配料與飯的比例也很足,感覺物超所值!我地一家人對呢餐都好滿意,我一個人都爬了兩大碗白飯!

岩岩去完泰國返黎,食左幾款泰國菜,趁對泰國菜味道既記憶仲係到,一於就比較下香港泰國菜同泰國當地既分別。今次就簡左位於九龍城一間幾出名既泰國菜館—金蘭花。先來一碟小菜-蝦餅蝦餅炸得剛剛好，上菜時仍然是熱騰騰，外皮炸粉薄薄一層，入面蝦肉份量都好飽滿，旁邊醬汁十分有特色，是甜醬加辣椒，醬汁直接昇華了整道菜式。與我在泰國的相比,這小菜不論脆度和醬汁都更勝一籌。 再來主菜--麵包咖喱雞這道算是頗有特色的泰國菜, 咖喱偏香甜,椰汁味重。不過,比起泰國當地的,這道菜感覺有點不夠辣,可能是為了迎合香港人的口味吧。

今日係朋友生日,咁岩朋友鍾意食泰國菜,佢就推薦左一間係九龍城既泰國菜館,就係金蘭花啦。係Openrice見到有好多正評,希望今次唔會失望啦。以下就係我地點既幾道菜生蝦刺身第一次食,幾特別,個汁我幾鐘意,酸酸辣辣,但又唔係勁辣咁。呢道菜係凍食,但覺得佢唔係幾夠凍,可能因為我地食完左其他熱野先再食呢道刺身掛! 香脆抓餅只是26$,很便宜,就點了它,用它來點咖哩汁,超正!抓餅酥化煙韌,配上咖哩汁簡直一絕! 最後再加了一份蒜子胡椒炒青口，青口份量都好足，肉質十分好飽滿，而且好彈牙爽口，蒜香味濃，整體上味道也是恰到好處，也不錯。

家住龍華樓,今日有D攰,唔想走咁遠,就簡左樓下既一間餐廳食晚餐。呢間餐廳位於我家的斜對面,佢就係金蘭花泰國菜館啦。我點左兩碟菜,分別是馬拉盞通菜和麵包咖哩雞。先講通菜,通菜爽脆,但顏色仍保持鮮綠,馬拉盞香味覆蓋條條的青菜,在很多餐廳很多的通菜都會炒得很油,但這個不會。然後是,麵包咖哩雞,這碟份量十足,外形就像一個大漢堡,只是漢堡被一層咖哩披著。咖哩唔算好辣,椰香味很重,配上麵包,這道菜很開胃,雖然份量很多,但我一個人也吃得哂!最後點了一罐可樂,可樂不是這餐廳的特飲,就不多說了。

如果話夏天係食泰菜既季節，應該無人會反對，如果話食泰菜就要去九龍城，應該都唔會有人反對。呢晚同朋友兜左幾個圈，望到呢度入面都幾有人氣，一於入去湊下熱鬧我揀左個冬蔭功湯粉絲花蛤，老闆話花蛤呢一兩個月最盛產。果真冇介紹錯，食落都幾肥嫩鮮甜，再配埋冬蔭功既香辣，唔錯！不過份量少左D，如果再大碗少少就更加好喇。鹽燒鰂魚，魚肚入面塞滿切碎左既香茅、南薑、香葉等泰式香料，令魚肉的嫰滑鮮甜更為突出，充滿泰式風味。餐廳環境比較嘈同埋坐得迫，但食物質素同性價比都算高，大家下次黎開九龍城不坊一試。

呢個春天，同朋友出街唔係打邊爐、食日本野就係去cafe呢晚，相晚好友放工後去九龍城開飯，終於轉轉口味食久違了的泰國菜!九龍城泰國菜餐廳林立，友人揀左位於龍崗道嘅金蘭花泰國菜館，佢之前食過話唔錯 !去到見到menu寫住 "廿年老字號，泰菜夠地道" 先知係一間老派泰國菜館。Menu第一版有"廚師推介"見到隔離檯叫左豬手賣相好吸引 ，我地都決定試下我地豬牛雞各order兩串上檯時係熱辣辣香噴噴 !個醬夠惹味濃郁，雞肉嫩滑，豬肉唔"鞋"，牛肉我冇食~脆皮豬手 (廚師推介) $158德國咸豬手就食得多，泰國豬手都係第一次食大大碟上檯時已經聞到陣香味!豬皮炸得夠酥，十分脆口!豬手肉質嫩滑，連豬皮一齊食，夠鹹香且唔油膩 !蘸上泰式醬，甜甜地又有D辣，好開胃 !炒金邊粉 $68炒金邊粉係經典泰菜，我一向好鍾意加D青檸汁 & 花生碎撈埋食，口感更有層次兼充滿風味 ! Overall, 金蘭花食品款式多，夠地道 ，價錢大眾化~店員有效率亦友善 ~當晚有個男人好落力招呼食客，我估佢係老闆/經理， 親切感加分 !

新年前忙於約朋友食團年飯, 今次一行四人去左位於九龍城既小泰國區食泰國菜此店店內比較舊式, 揭開餐牌原來此店已經是廿年老字號,現在店鋪經營到廿年真不容易, 無加一服務費, 款式方面比其他泰國菜多,呢到菜一客有蝦餅同魚餅, 炸蝦餅夠彈牙, 內裡全是蝦膠, 炸魚餅都好大件, 香料再落重D就好美味, 每款兩件(切上), 岩晒兩人或四人分享,馬拉盞自選蔬菜, 配通菜味道就最夾, 唔辣又帶點咸香, 一D都唔油膩, 好健康脆皮豬手不得了, 豬手皮炸到脆卜卜非常香口,每一啖都食到(索索聲), 肉質夠淋, 份量都好足, 仲要配埋兩支泰象啤, 真係非常抵！地點位置方面, 右邊的小店都是金蘭花, 約左朋友記住要睇清楚邊一邊先岩地點

之前行街多數食日本菜，韓國菜或者西餐，巳經食到厭。近來愛上食泰菜, 喜歡果種酸酸辣辣既感覺。問過朋友，佢叫我試下九龍城呢間老字號金蘭花，於是放工去左呢間食。冬蔭功朋友叫我必試呢度既冬蔭功，我叫左碗細既。個湯睇落好濃咁。飲一啖試下，WOR~ 即刻愛上! 香茅味好重好正，酸同辣都好夠勁道。成個湯好多香料浸住，D蝦Size都夠大，湯又夠濃郁，真係真材實料！曾經去過幾次泰國玩，覺得呢間既冬蔭功仲好飲過好多泰國果邊既餐廳。算我朋友無介紹錯啦~炒椰苗泰國既菜，賣相翠綠，食落爽口，蒜蓉味都幾惹味。OK~泰式生菜包生菜食落都新鮮爽脆。肉碎炒得好香又唔會好肥。食落去又係我最鍾意既酸酸辣辣，好開胃。生菜包住肉碎食，食完一塊又一塊都唔覺得超飽。最後我連墊底果塊菜葉都食埋。金邊粉炒得幾有鑊氣，夠乾身唔油膩，入口彈牙，甜、酸、鹹咩味都有齊，仲有花生碎撈埋一齊食，味道層次豐富到不得了，超開胃，我諗我自己KO一碟都無問題呀。

九龍城美食匯特別係泰菜這間餐館是九龍城的老字號抵食味美用料十足.先黎這個鮮椰青 HKD32份量大椰水清甜解渴 非常解膩有別於外面椰青體型大 所以椰青水不少不像其他餐廳那樣金玉其外...... 而椰肉易於刮出來吃 滑嘟嘟 好好吃.看似平平無奇的炒飯但味道及香氣突出鹹魚令整個飯變得更香飯夠香口並具有口感雖然有鹹魚 但卻鹹度適中唔會過鹹加入芥蘭碎令炒飯口感變得韌而爽.整頓晚餐都令人十分滿意性價比高無加一的服務費是很值得推薦的家常便飯

姊妹又係時間食飯，因為T小姐開會開得夜，於是就佢去九龍城食飯。見T小姐遲遲未黎，唔理LU，同F小姐叫住野食先：炸蝦餅：T小姐食到停唔到口，自覺是不錯的水準。炒椰苗：不錯的說，爽脆又好甜，最快清哂。泰式抓餅：推介正呀，熱辣唔在講，外脆內軟，煙煙靭靭，係九龍塘眾多抓餅中都係冠軍！順帶一提，阿姐人很好，而每枱自己一壼冰水，實行自由斟都幾好。謝謝F小姐請我食飯>3< 希望往後日子你多啲請我食飯啦~ 也謝謝金蘭花給我們留一餐美好的飯局

通常吃泰國菜我也選擇專程到九龍城這邊！！跟出銅鑼灣灣仔等地其實差不多，不會特別麻煩。每次我也盡量試不同餐廳，見識多一點嘛。今次選了一家名為金蘭花的泰國菜館，整體感覺也蠻泰國feel，而且價錢算是相對相宜，免收加一。招牌脆皮烤豬手（$158）: 推廣期內還送兩支象啤，真的超值。豬手皮脆肉嫩，一個菜式兩種感覺，皮烤得香而脆，還帶少許脂肪香~在豬手肉滑，味道剛好不會太鹹，還附秘製酸辣醬。GOOD 下次可以再試下