金坊泰國美食

Open Now

Now Closed

和好友在金坊泰國美食吃泰菜作午膳，都需要在餐廳門口排十來 mins, 可室內就覺得有點兒擠逼感，可能因為人幫太嘈雜！朋友 order 咗燒香茅豬扒湯河，香茅味十足，河粉嫰滑，但她百思不得其解的是為何要河粉每塊呈不規則形狀！我則點了我的至愛的泰飛天炒通菜 + 白飯 + 泰式咸檸梳打！🍹🍹🍹

成日見到呢間泰國菜lunch time都好多人排隊，所以今日同同事經過見有位就入去試吓。佢哋最出名係佢嘅泰式海南雞飯，我哋就每人叫咗一個試吓，。 佢哋嘅雞肉同埋油飯嘅份量都好多，而lunch time仲會送多杯飲品。講返佢哋嘅海南雞飯， 雞肉都尚算嫰滑， 但係我覺得脂肪就偏多，至於油飯方面，就好似多水咗少少唔夠乾身，但係總括嚟講性價比都幾高值得一試。

今日試左金坊既泰國菜，我地叫左兩味，咖哩炒蟹同海鮮濕炒河。D炒蟹略為炸得有D緊要，雖然味道其實唔錯，不過賣相就一般一般，而且用膠碟上，感覺唔得高貴，總的來說是中規中舉，唔算太差可以一試但唔係特別推薦。至於海鮮濕炒河就比較出色，好惹味，可以一試。價錢就三百幾，正常價錢。不過而家疫情之下都算做足抗疫措施，有消毒地毯比客人消毒一下，抵讚。

這晚來到黃埔站A出口後面的一間泰菜，地理位置方便容易找到。星期六的晚上大約七點，餐廳差不多全滿。我們一行四人幸好有最後一張空檯，要不是就要等位了。海南雞飯配油飯，份量都幾多。雞件的數量有不少，肉質都算滑，油飯幾香。同時這個飯跟配了一碗湯，裡面有兩隻鮮雞腳，所以比較硬難咬一點。有來過用餐的朋友推薦他們的豬頸肉，就點一碟來試試。豬頸肉有兩款，我們點了貴少許跟配青檸汁的那款。豬頸肉果然不錯，除了肉質軟淋，還有燒過的香味，沾點醬汁很是惹味，而件數都幾多，三、四個人分享也不是問題。其實底部有一些蔬菜讓這道菜更好看，不過餐廳使用的是芥蘭，有點奇怪😅食泰菜當然要點很有代表性的泰式炒金邊粉。若說海南雞飯的份量很大，那這碟炒金邊粉則是巨型顏色是應有的橙色，旁邊有芽菜、花生碎和青檸，撈好灑上後就可以食。味道合格有餘，濕度和調味適中，芽菜和青檸增加了清爽度，而花生碎有增加口感。裡面的配料還有韮菜和幾隻蝦，整碟味道是可以的，特別是份量特大幾抵食。串燒一碟有六串，豬、牛、雞各三。若只想要其中一或者兩款肉應該是可以的。上菜時覺得樣子可以，事實上有很大的期望落差。由於我們是分享的，便要把肉從竹籤弄出來，不過十分困難

今日同朋友慶祝生日，就揀咗呢間泰國菜。貪佢夠近黃埔站，同埋見佢門面嘅裝修， 同埋評價都唔錯。我哋就叫咗佢哋嘅豬頸肉，青檸汁牛扒，咖喱炒蟶子，仲有馬拉盞炒通菜。首先講下佢哋嘅炭燒豬頸肉，豬頸肉燒得幾惹咪味，有少少燶邊，點買佢配嘅沙嗲醬，味道都幾好唔會太膩。再講下佢哋嘅青檸汁牛扒，牛扒唔會燒得太熟生熟到啱啱好， 配合埋佢哋特製嘅青檸汁十分開胃。佢哋嘅咖喱炒聖子都唔錯，聖子勝在夠大同埋夠新鮮。至於馬拉盞炒通菜，水準就一般。

最近鍾意同朋友捐窿捐罅搵嘢食，呢間泰國菜係朋友介紹嘅，聽聞都好多年啦，廚師係泰國人，煮出來嘅菜式相對正宗，而且見門口排滿人，相信該區都頗受歡迎。泰式豬頸肉米紙卷，餐廳姐姐大力推薦呢個菜式，果然豬頸肉烤得肉質爽而不韌，十分惹味，用米紙卷包住豬頸肉、生菜一齊食，口感豐富，配上泰式醬汁更好味。燒大鱔，大鱔烤得皮脆肉嫩，猛火將大鱔的油脂壓迫出來，吃起來更加香口。豬手飯，讚賞十足的菜式，見不少人會外賣豬手飯帶走，豬手肉厚卻煮得很軟腍，配上特製醬汁，我都忍不住一口接一口。脆肉炒椰菜苗，椰菜苗是泰國餐廳經常食到的蔬菜，用脆肉去炒椰菜苗，多了一層肉香，椰菜苗若軟身一些會口感更好。椰皇沙冰，一飲就知足料，用上整個椰皇攪拌而成，混合沙冰，又好飲又冰涼！金坊泰國美食的食物份量十足，街坊價格，今次我兩個人去食，下次試吓叫多兩個朋友，就可以叫多幾款不同菜式啦。

今晚要坐得舒服食得好，所以跳入金坊，點了冬蔭功爐魚，鴨肉金邊粉及鐵板蠔。先上鴨肉金邊粉，湯底帶甜，有D傳統泰式船麵風味，但湯底唔夠熱同埋金邊粉未煮散。再來一條大爐魚，有好多配菜係面，超好食。再來的鐵板蠔，都係唔夠熱，但味道十分好，酸酸甜甜有啲似咕嘍肉，蠔十分肥厚，而配亦是亮點之一。三色彩椒加上洋葱，剩食彩配菜都飽，而最開心係食滿三百元送兩杯飲品，點了咸檸七及椰汁珍珠涼粉冰。好滿足的一餐，又有飲品送，又唔收加一。真心推介！

上星期在附近的店舖吃飯，發現這裏原來都有一間泰式食店，今晚便來到了。這裏除了提供探熱和酒精搓手液之外，門口還有一幅地氈，可以清洗鞋底，這個安排實在很窩心。現在有一個推廣優惠，星期一至四，但惠顧晚市滿$300，奉送飲品兩杯，包括啤酒呀。星期五至日返惠顧晚市滿$400，奉送飲品兩杯，包括啤酒。象啤(免費)冰凍又可口。燒鯽魚$110，粗鹽鋪滿了魚的表面，魚肉吸收了鹽味之後，更加香甜可口，加上魚肚內的香料，雖然簡單的做法，已經令到魚的鮮味得以提升。如果喜歡濃味一點，可以點些泰式酸辣的海鮮醬，味道更佳。泰式古法煲仔翅$168，除了魚翅之外，還有冬菇絲、雞絲、紅蘿蔔絲和蟹肉，湯頭味道鮮甜濃郁，加點芫荽、芽菜或香醋，便可以增加層次感。泰式豬手$86，豬手的皮軟諗，肉質吸收了醬油的香味，份量適中，再加上伴碟的酸菜，便可以減少豬手的油膩感。芒果鴛鴦糯米飯$66，芒果味道鮮甜，份量差不多有一個芒果，黑／白糯米飯口感偏腍，如果糯米硬一點，而椰漿多一點，味道更佳。這裏是全日免收加一，不過清水每杯$3。

雖然而家武漢肺炎搞到有四人飯聚令但係都無改我想出去飲飲食食😁今日同老公忍唔住去咗屋企樓下呢一間泰國菜館食嘢因為見到啲位真係唔會密質質門口有探熱消毒地氈 真心覺得幾安全😂其實我哋平時都有食開不過佢啲嘢食好大份如果兩個人唔係好餓嘅話根本食唔到咁啱我哋兩個都冇食午餐.💟冬陰功湯(小) $128呢個真心好抵 我哋嗌咗細煲講真其實兩個人真係飲唔曬首先本身佢個湯底已經好濃味其實飲唔到超過三碗入面料亦都好多有蝦 魷魚 魚 青口 同埋好多菇😁又甜又辣勁開胃 入面好多茄蓉超足料講真如果係四人以內飲呢個細嘅已經夠 性價比勁高☺️💟香茅炸雞$88勁大碟 入面最有半隻大雞 香茅味好足啲雞又炸到好亂 應該叫多個咖哩 點香茅炸雞☺️☺️仲多過kfc 真係好痴線好抵💟勁量蝦餅$88個蝦餅有掌心拳頭咁大個 彈牙爽口香蝦味外層炸粉炸到脆卜卜點埋泰式辣醬簡直世界級💟泰式金邊粉$76睇顏色已經知道 好好味入面有蝦芽菜蛋絲 大大碟又係驚死你唔飽 味道酸酸甜甜好有泰國風 不過我哋真係食唔曬 眼闊肚窄雖然而家唔可以成日同人周圍傾計但係員工都好友善 門口嗰位姐姐又風趣幽默 真心抵讚埋單食到咁飽四百蚊左右 抵🥶🥶🥶.🎀金坊泰國美食Gold

今日想食泰國菜🇹🇭就同朋友黎咗金坊食。我同朋友叫咗5碟餸，有海南雞、豬手，仲有芒果黑白糯米飯，另外仲叫咗咸蛋炒魷魚同甜品榴槤炸彈。間餐廳嘅芒果🥭糯米飯整法好正宗，加上芒果依家夏天係當做季節，令到個飯昇華到去另一層次。個飯熱熱哋加埋香滑嘅椰汁🥥簡直令自己好似係響泰國食緊糯米飯。至於碟炒魷魚🦑亦值得一提，魷魚炒得啱啱好，加埋咸蛋令成碟菜香脆可口。當然，亦吾少得甜品榴槤炸彈，炸得外脆內嫩，入面嘅榴槤熱辣辣咁，極為香甜，而餐廳送嘅椰汁糕亦都好香滑，入面有粟米粒🌽，食落清爽可口。而天時地熱配埋餐廳嘅泰國象啤🍻都係一個吾錯嘅選擇！！😋

金坊泰菜有幾間分店，之前成日途經荃灣都想試,今次就順道黎左紅磡分店同大部分餐廳一樣，進入前請先量體溫。座位卡啦甘供應。雖定價比九龍城區泰菜高d, 但食物質素有驚喜，全日免收加一外，而家外賣自取仲有8折！餐牌都算幾多款式，剩係炒菜嘅款式都兩版甘多。港式檸檬茶 （走甜）青檸汁燒牛排青檸酸辣調味好好，牛扒火候剛好、油香牛味濃。底部仲有芥蘭墊底添！馬拉盞炒粉絲海鮮夠足料，粉絲炒得乾身入味。燒馬友 除馬友仲有另外4款魚揀，魚肉燒得咸香紮實，沾酸辣汁幾醒胃。椰汁千層糕總共8件本想叫芒果糯米飯，店家話芒果太酸無得食就轉叫呢個，椰汁千層糕口感煙韌軟Q，都不錯吃。

復活節幾日紅假都冇特別去邊度，只係夜晚去附近食個飯。金坊係一間連鎖泰菜店，好多年前喺佢荃灣店食過，味道唔差份量又足，見佢喺黃埔開左新分店又好耐冇食，近近地就去試外。金坊除左例牌會幫食客量體溫同提供清毒搓手液之外，每個食客入店都要先踩過消毒地氈，每張四人枱之間都加左膠板隔住，食得放心。龍眼冰($33)入面有超多龍眼，甜度亦啱啱好。椰汁沙冰($33)雖然話係沙冰，但打得夠碎完全唔會飲倒冰碎，椰汁味亦夠重。燒雞翼($20/隻)雞翼燒到金黃色，唔會太乾，雞翼我揀左辣，辣辣地幾惹味。酸菜明爐烏頭($162)哩個明爐烏頭非常抵食，本身單價都已經比出面平少少，烏頭上面鋪滿唔同蔬菜，有通菜、椰菜、西蘭花、椰菜花同紅蘿蔔，非常足料。烏頭上枱時仲連埋多一碗酸辣湯，煮到乾水可以加湯入去，酸辣度夠酸夠辣好開胃，不過就杰身左少少，如果稀返啲更好。烏頭好多肉，冇乜細骨好易食。香辣乾炒河粉($86)河粉都幾大碟，夠兩三個人share食，河粉比較大塊，不過厚度可接受，河粉有豬牛雞揀，我揀左豬肉，另外仲有秀珍菇同紅蘿蔔，都幾足料，只係略嫌油左少少。芒果黑白糯米飯($66)白糯米轉左做綠色嘅班蘭糯米，兩款糯米都好軟糯，芒

今晚同朋友去咗食泰國🇹🇭地道嘢，叫咗碟青檸汁燒豬頸肉、青咖喱海鮮炒飯🦐、咖喱卜卜大蜆煲同埋芒果冰沙、椰青。我最鐘意食係餐廳嘅青咖喱海鮮炒飯，炒飯吾會太辣，海鮮亦好足料，啲蝦夠哂嫩滑。另外，碟豬頸肉亦吾差，燒得外脆內嫩，夠哂惹味。至於煲咖喱大蜆煲亦令人一試難忘，咖喱放咗落gas爐度滾🍲，保證夠熱🔥，送飯一流，配埋餐廳夠哂溶嘅特式芒果冰同正宗嘅椰青，簡直令自己好似係泰國咁，下次一定黎試埋佢嘅炒蟹🦀同冬陰公湯！！😋

天氣很好☀， 陽光燦爛的日子🌞。 復活節假期，很想重拾郊遊的感覺 ，吹吹海風曬曬太陽。因疫情關係，避開人山人海的離島線。到北角逛逛，再坐船到黃埔海濱公園🌅。 穿上運動衫，在海旁的緩跑徑 盡情放電😆😆。預早book好餐廳，吃喜愛的泰國菜。 出完一身汗 ，盡情食鍾意食嘅嘢。香辣炸鱸魚🌶🌶鱸魚係超震撼的size😆， 份量頗多 😎😎。香脆肉嫩的魚肉 ， 配搭大量青胡椒、 辣椒、香茅、炸蒜、 炸金不換。 超級惹味😍😍咖哩炒大蜆🍲蒜蓉包條🍞大蜆肥厚肉嫩冇沙， 黃咖哩加入滑蛋🥚， 香香甜甜又滑身， 再加埋青椒+ 紅椒+ 洋蔥 +青蔥， 更加豐富口感。 記得一定要嗌蒜蓉包條， 呢個汁配蒜蓉包真係絕配😋😋😋蒜蓉包外層鬆脆，仲塗滿厚厚嘅蒜蓉醬🍞。糯米釀雞翼🍯大大隻嘅去骨雞翼， 釀咗煙韌又飽滿嘅糯米飯， 加入芫茜香蔥， 香口惹味。雞翼外層炸到酥酥脆脆， 同煙韌嘅糯米飯形成強烈嘅對比😋😋最後仲有免費嘅椰汁西米糕贈送😆😆😚😚超級冰凍的西米糕， 面層係香濃嘅椰汁， 餡料有西米 +香芋+粟米🌽， 唔太甜又夠香濃， 令人回味無窮。

今日因為探細妹佢喺紅磡讀緊理工大學。因為怕冇位，所以早半個鐘去霸位，慶祝佢考試成功。這個菜式我同佢由細食到大都覺得咁好食。柚子泰國沙律:這個菜嘅特色就係酸得嚟好甜得嚟腳好酸。裏面用上海蝦其他同埋柚子青木瓜。青木瓜是用泰國上等青木瓜做所以特別香甜。其他餐廳做唔到呢個感覺。最主要係色香味俱全令人覺得心曠神怡。我細妹同我最愛係佢哋嘅手拉奶茶非常好飲。唔係淨係得個甜字最主要有奶香味。餐廳無論服務質素同埋環境我自己覺得一流。😊