權八居酒屋 (Moved) New Location

今次中午過左去銅鑼灣利園同朋友食飯點左佐賀午市定食裡面既雞串燒溫泉玉子飯 ($198)定食先有沙律同小菜之後就黎三條串燒連玉子飯同溫泉蛋串燒有雞翼，雞腿肉同雞肝 (本人唔食雞肝所以有兩條雞腿肉)味道唔錯 雞肉都幾嫩而串燒下就係玉子飯都唔錯架 份量亦十分豐富餐最後跟個小蛋糕同一杯茶或咖啡另外我同朋友都散叫左三文魚籽同燒芝士三文魚籽好新鮮啊 兩個人食一份好似真係唔係好夠 燒芝士都好好好食 熱熱地食既時候最好食!

我好鍾意既日本餐廳 *權八 * @利園今次我諗應該係黎第五次了每次掛住啲海膽，我就會返黎食。已全部放進我肚的整板海膽。。好鮮甜。。經理講今日剛到貨。果然一啲腥味都無。。超正😋😋😋(整板海膽 $2,200)， 自己慢慢食哂， 好爽😆😆😆仲有例牌點幾款刺身食，又係入口即溶😋😋😋梅酒超易入口，好香梅酒味，自己飲一枝都唔係問題，岩哂女士。赤貝壽司 $58, 好爽口秋刀魚，雜錦天婦羅，蕃薯天婦羅，南瓜天婦羅，活鰻魚串燒，石頭窩鰻魚飯，雞泡魚乾。。全部都好好食。。。.最後經理仲送了新出甜品(豆乳白玉紅豆芝士醬)俾我試下。果然夠特別，好食😋😋😋.滿足了.😀😀😀

已經第幾次0黎權八呢?哩間係朋友0既心水飯堂慢慢都變成我地相聚0既落腳點今次係我地0既午間小聚平時晚市人比較多都好小可以影到餐廳入面0既裝潢其實都真係幾有心思怪唔得好多荷里活明星都係日本總店常客前菜係菜salad其實有講過係咩菜, 但我已經唔記得啦只係苦苦地食落有點像火箭菜般配日式芝麻醬都唔錯!朋友唔喜歡,店員則以蕃茄作替換名店服務果然有水準旁邊0既係菠菜伴雜菌配芝麻伴食,是個很好的前菜!無記錯哩個個名好似叫富士鍋顧名思義,應該係D豚肉砌到好似富士山一樣(一切都係我自己想像0既 XDD)佢0既醬汁伴以韓式泡菜真的很下飯!串燒定食左邊起 : 雞 / 豬 / 牛 / 露荀豬肉卷 / 杏包菇 (看不出吧!) / 秋葵0黎權八能不吃他的名物...串燒嗎?牛肉由其出色!真有入口即溶的感覺而且吃得出有炭火的味道人家貴都唔係無原因架....壽司定食看見那toro的魚油正向你揮手嗎?看見油甘的光澤向你呼喚嗎?一口就將他們吞掉太可惜了吧(可是我還是這樣做了...哈哈)南瓜椰汁白玉子每次都叫我們驚艷的甜品!香滑的南瓜蓉與軟糯的小丸子配合得天衣無縫加上北海道十勝紅豆的甜與椰汁的香為此甜品加上了不小的分數最妙

好開心呀！又來食日本菜。今次仲勁到自己食哂一大板海膽 ($2200), 自己食真係好多。份量大過我塊面。(其實應該係六人份量)。 order 果時都唔知變左咁大份量。仲自己食哂啲刺身。食完一大板海膽加幾款新鮮刺身都已經好飽。好正。好 full Total fee: $4900 (2ppls)平政魚刺身 $136 (左邊兩件)金目鯛刺身 $198 (中間五件)三文魚腩刺身 $188牡丹蝦刺身 $168 (2件)馬糞海膽$2200。好新鮮，略帶少少馬糞味 (其實我麻麻地好強勁既馬A味，所以好彩這份海膽不太大陣味，而且都幾鮮甜)活鰻魚 $58 /串活鰻魚， 超好食。我每次都食兩串。好新鮮。好有鰻魚味，外皮燒到脆卜卜。咬落又香口又有魚汁。好正美國牛柳$116 (2串) ， 一咬落去好多肉汁。天婦羅蝦蕎麥麵 $188櫻室町清水白桃酒 $428炭燒雞泡魚乾$88松葉蟹鉗天婦羅 $168甜品盤 $138好正的日本蜜瓜 $88每份。每咬一口，啲汁係咇哂出黎，超爆多汁。真係勁好食環境靚，係燈光暗左啲。食物一流。

以前都試過lunch 食權八，但從來未試過佢既brunch...今個復活節無去旅行，就緊係流港消費刺激經濟啦，shopping 完一輪黎，我地黎到權八，原來今日節日限定，有semi buffet我地4個人，叫左4個main，值得推介既係魚，但炸豬排就好麻麻，應該講無乜特別。串燒、刺身任食，我地食左好幾轉先食得。埋單加人每位$5xx，平時lunch 就多數300埋單，而家任食黎講都算抵食！

權八居酒屋位於利園一期4樓, 一開電梯門己經見到, 一大個鼓係門口, 太黑唔到相, 但感覺好高級啊~哈 打開餐牌又未係想象中的誇張價錢, 算中上價錢啦, 當日我地2人因為食左個大下午茶所以唔係好餓, 先來杯生啤, 仲有豆腐沙律 (初初以為好怪, 點知原來好香豆味, 第一次食豆腐沙律原來好好味架) 來個雜棉刺身, 雖然唔係重量級但全部好新鮮, 好肥美雞泡魚干係我去日本餐廳必叫既食物, 其實好多間都麻麻地, 但權八既雞泡魚干超好味, 蜜汁燒好香, 魚干好有口感, 真係好想再來多一客 吞拿魚容卷, 壽司飯做得好好, 醋味剛剛好, 其實好好味, 但得6舊實在太少啦 >.<最後點左個橋麥面, 日式湯底加一隻蟹腳, 面條好滑, 蟹腳己經無左個穀, 啖啖肉真係超滿足.

今天 一行六人lunch time 第一次去食，環境幾舒服，還有waiter 幫我們在背後高處掛褸，服務幾好。我叫左極上新鮮海鲜飯定食$238，有湯、前菜係薯蓉，幾好味，中size 飯碗放左新鮮蟹肉、鮮橙色魚子、一隻大茅單蝦，小許海膽、側邊放左海帶、足夠女仔食嘅飯，係好新鮮，好食嘅，但略為小餸，不值$238。

關於權八居酒屋的美食，相信留意開這裡的都不會陌生，因為已分享過多次，也提及過這裡甚得我喜愛。上月答應了跟家人在二月份去旅行遊玩，若要遷就於助手的生日前回來，就會剛好情人節不在香港…不如，跟助手來權八提早吃大餐慶祝及補償吧？這次來到，剛巧遇上日本「三重縣美食之旅」推廣。三重縣位於日本中部，海產達三百種之多，而入口即溶的松阪和牛亦正正產於此呢。先來一點前菜醒胃吧，來到日本居酒屋，雞泡魚乾可算是經典的前菜之一，這個送上來還是暖烘烘的！煙煙韌韌有嚼勁，又不會太硬太黏牙，味道夠香甜。慢慢咬著等上菜，消磨時間就正好不過。向來愛吃龍蝦的我…每次吃什麼慶祝大餐都總會忍不會要點龍蝦來吃，伊勢龍蝦為三重縣的一大象徵，又怎能錯過？記得曾經在台灣上引水產吃過龍蝦刺身，感覺味道淡，不算喜歡，原本對這道菜帶點猶豫，但入口後卻大大改觀，厚實的肉質，咬落非常爽脆，最重要的是龍蝦味比我在台灣吃到的濃得多。隨龍蝦刺身送上的蟹肉蜜柑寒天，因為我對蟹肉敏感的關係，只能以羨慕的眼光看著助手一人獨享…香甜又清新的蜜柑，與蟹肉味意想不到配搭，輕盈醒胃又極具滋味。吃完刺身，店員將剩下的龍蝦頭與身體的殼拿去熬製龍蝦麵豉湯，可能時間不足

男朋友生日想食日本菜，在openrice遊走一輪看到銅鑼灣權八居酒屋評價不錯，就決定一試，雖然是平日，但入座都有7、8成，心諗今次應該冇揀錯。店內裝潢充滿日本居酒屋feel，侍應都好有禮貌，逐一推介menu入面的菜式，佢推介我們餐廳正在推廣的「三重縣美食之旅」menu，男友鍾意食和牛，於是決定點松阪和牛珍寶壽司，我就想食個開胃沙津，見到有吞拿魚沙津配搭蜜柑同草莓，兩樣都係我最愛的水果，就點了這個，之後店員再介紹幾個當晚新鮮食材的菜式，我們就試試他的推介吧！

lastday正日, 與多年的前舊阿姐食飯, 真謝謝她。點了三文魚子蟹柳飯, 真係比十個讚!看賣相已經不捨得吃掉他。三文魚子份量乃係我吃過以來最大粒的, 每粒都彈牙而且大小一致蟹肉鮮甜整碗飯份量十足,十分滿足,^^再一次感謝舊阿姐的散水飯^^

臨近聖誕節的星期六，銅鑼灣的食肆周圍都 fully booked，臨急臨忙打電話訂枱吃飯基本上是無可能的事，最後給我們book到權八，不需要限時限刻，也不需同人迫。7時入座，吃至8時半離座，全程都尚有好多吉枱...大家可想而知權八於香港的受歡迎程度....其實權八的環境絕對不差，裝修上非常有心思。有 Bar 枱、和式枱及西式枱，全間餐廳以深木色為主調，燈光昏暗。喜歡的朋友就會說有情調，不喜歡的就說陰沉。提提大家，如果閣下是 Lee Gardens Club Avenue 的會員，每次消費都可免費獲贈一支清酒。今晚送的是300ml的"真澄"，味道都不錯。令天大家都 focus 點了多款串燒，價錢每串由$30至$138元不等。串燒整體上味道是可以的，最美味是索價$138元一串的大葱吞拿魚腩串。角切 Toro 都算大件，燒至 medium rare，外脆內微温，油脂十足，貴得有道理。汁燒美國牛柳 ($58/串)，牛味濃郁，火喉控制都好好，每件都約4成熟。燒汁也不會過鹹，推介！牛舌串($68/串)其實都OK好食，牛舌夠厚及有彈性，只可惜坊間都有很多比 Gonpachi 平靚正的選擇，所以十分抱

這晚與朋友齊齊來到銅鑼灣Lee Gardens內的日本過江龍居酒屋權八。權八的裝修帶濃濃日本居酒屋的氣氛。不過這裡的空間感很足，加上通風系統良好，食客們都可以坐得兼食得舒適。今次就發現權八新推出了多款只限於晚上供應的日式鍋物，包括火鍋和石鍋，看來都好吸引呢！一於就趁這夜我們人多好辦事，可以share多幾款，亦可免得大家選擇困難症發作。來到居酒屋，當然先點杯飲品～ 這裡的清酒、燒酎、威士忌、梅酒、紅白餐酒和雞尾酒等選擇很多，而這日我選的是岡山櫻室町的清水白桃酒 ($128)。這杯白桃酒味道香甜中帶淡淡清香，很適合女生飲呢。吃鍋物之前，我們先吃點小食。「炭燒雞泡魚乾」 ($88) 和「枝豆」 ($48)是我們經常會點的熱門小食，最夾邊吃邊聊天，送送酒。「刺身拼盤」有帆立貝、拖羅和牡丹蝦，3款都鮮美。權八燒物向來出色，這次我們也選了4款：「日本牛肋肉味噌燒」 ($98)「特選牛舌」 ($68)「蟶子」 ($98)「燒雞翼」 ($38)當中我最喜歡的就是日本牛肋肉味噌燒 ，肉香豐富又juicy。牛舌爽彈，質感與味道都相當不錯吃。燒雞翼燒得外皮焦香的同時肉質仍很嫩滑，真美味。用備長炭烤燒出來的串

想吃下午茶，又想食日本菜，於是來到銅鑼灣的權八居酒屋。之前已來過權八數次，一直喜歡他們優美又寧靜的環境以及食物水準。近日，權八更新推出了「和風下午茶」。這次我們坐在榻榻米用餐區，凝望窗外的日式小庭園，享受著悠閒下午，感覺十分寫意。　權八的「和風下午茶」為二人份，分為四個部分，分別為日式小食、招牌串燒、精緻甜點，以及兩杯特色飲品。在日式小食方面，有兩款清新及兩款香酥的前菜。三文魚粟米沙律的食材組合很新鮮，味道不錯；米紙卷除了蝦肉，還有青瓜、醃蘿蔔等材料，加上牛油果蓉，感覺開胃；最喜歡豚肉薯球，外層鬆化而餡料打得幼細惹味；至於炸北海道魷魚絲，炸得有少少韌，不過味道香辣，依然吸引，最適合配我們點的 Yuzu Mojito 特飲。　權八的招牌菜之一是串燒。今次下午茶就加入了五款串燒，吸引度大增。包括燒雞翼、蒜片豬頸肉、冬菇、露筍、粟米，另外還有一份枝豆作為配菜，讓人在吃完濃味的串燒後可清一湛味蕾。幾款串燒的火喉都不錯，說到最愛就必定是豬頸肉，既咬感十足，那份鹽香和蒜香，令豬頸肉份外誘人。當然，嫩滑而皮脆的燒雞翼亦是不吃不可。　最後一盤是日式甜點，包括鬆軟香甜的燒番薯紅豆餅；像丸子般的栗米大福沾

It was time for our weekly catch-up, and my friend suggested Gonpachi. We booked in advance, to avoid waiting for a table. Although, when we arrived it was only partially full. The manager and staff welcomed us and showed us to our table right away. The first thing you see is the bar and the charcoal grill, with chefs busy grilling skewers. The smell of the yakitori immeditely made you start salivating. The interior was decorated in a modern-japanese style and had both normal and traditional jap

大家喜歡怎麼樣的下午茶，相信都有不同的見解，而我則喜歡悠閒的環境，可是大多數供應下午茶的地方都很嘈吵，想靜一靜地與朋友傾談也不行，所以每當我遇到有空間感的餐廳時，都會很喜歡。最近，權八居酒屋就推出了下午茶餐，所以特地來了一趟。這個權八和風下午茶有一個最大的賣點，就是加入了它們的招牌串燒，真是吸引。賣相甚有日式風味，分為三盒，其中一盒是放著日式小食，另一盒咸點則是串燒，最後一盒就是甜點了。先由日式小食開始，共有四款，由【三文魚粟米沙律】開始，接著還有【鮮蝦牛油果米紙卷】、【豚肉薯球】及【炸北海道魷魚絲】。感覺上三文魚上放有粟米汁有點奇怪，不過味道都不俗，最好吃的必定是薯球，在香脆可口的外層下是軟滑的薯蓉，吃來香口又惹味。而魷魚絲絕對是佐酒的小吃，友人與我皆放到最後才吃。再來就是主打的燒烤盒了，放著一些串燒及枝豆，當然事不宜遲拿起愛吃的燒雞翼了，皮脆肉嫩，再來大啖肉地吃的蒜片豬頸肉，真的很喜歡這兒的串燒，火喉恰到好處。另外，還有冬菇、露筍及粟米，燒得乾爽而保留了豐富的肉汁，不錯不錯。而枝豆當然又是傾談時的好小吃了。最後就是甜品了，款式較少，但創意搭夠，可能我不喜歡和果子太甜的關係，只是少嚐