Goobne Chicken (天晉匯2)

Open Now

Now Closed

聽講韓國人夏天先會食人蔘雞湯，咁岩見到屋企樓下間韓式烤雞有呢個Menu所以帶埋屋企人走咗去試啦。可能係早左你入去都有位坐，我哋首先叫咗個招牌凱撒沙律食下先，啲菜又夠多又新鮮加埋佢個秘製醬汁好好食好開胃。跟住叫咗一個人蔘雞湯同埋一份吼雞仲有雞蛋捲。個人蔘雞一上枱就聞到好香嘅人蔘味，但食落又唔會好重藥材味，好好食，嘆住冷氣食啲咁熱嘅嘢真係好頂癮。到個BBQ醬煙燻烤雞，嗰張甜甜地好易入口好快就食晒成隻雞啦同埋係煙燻烤雞，所以唔覺得好油膩雖然係啖啖肉。最後仲有個韓式雞蛋捲，個樣真係病到不得了，蛋皮超厚超嫩，入面仲包住好多材料口感好豐富好好食，再點埋個醬汁真係好好味呀。

呢排天氣熱到咁又成日落雨，梗係要出嚟啤一啤佢啦，所以去咗食韓式烤雞飲啤酒舒緩下呢排嘅情緒。我哋都係行街行到咁上下返屋企前見餓餓地，就揀咗間韓式吼雞入去食啦。我哋入去嘅時間唔早又唔晏，食太飽又唔知點咁。所以我哋淨係叫咗個一份半半嘅果味醬油蒜香烤雞加甜辣烤雞同兩杯啤酒。個雞一咬落去就好多汁，外皮又唔會太乾，同埋兩隻味一齊食都幾夾，雖然個甜辣味對我來講有少少辣但係會越食越想食嘅，加埋個醬油蒜香烤雞味一齊食，岩岩好。一啖雞一啖啤酒真係好爽，咁熱天氣飲番啖啤酒就最啱啦。

上個星期朋友生日，諗住一齊出嚟食餐飯又唔想出咁遠，咁岩大家又喺將軍澳住，所以揀左間食韓式烤雞嘅，夠晒健康又好食。呢度地方闊落又夠光猛，行入嚟就覺得好舒服。好彩我哋早左嚟唔使等位，入嚟我哋就order野食啦。首先叫咗個招牌凱撒沙拉，唔使成餐飯剩係得肉食有啲菜食下幾好，冇咁罪惡咁，夾埋啲雞一齊食又唔會咁油膩，同埋啲菜好新鮮又冇草腥味，岩哂我胃口呀。到主菜啦，我哋叫咗份半半果味醬油蒜香烤雞加甜辣烤雞，最啱就係食唔多但又想試多種口味嘅人。甜辣味啱啱好唔會太辣，就算好似我食唔到咁辣嘅人都食到。加埋果味醬油甜甜地可以中和返個辣味，夏天食都幾開胃。下次決定諗唔到食乜都可以返嚟再encore。

生日月份特別多飯局。。中菜，西餐，日本菜等等都食左。。今日同朋友黎食我最愛既韓國菜😁😁一睇個menu,選擇困難症又出黎啦～好多野都想食。。點算好。。一輪選擇過後，我地好貪心咁選擇左一次過可以滿足2個口味既half half烤雞，由於朋友鍾意蒜頭味既食物，所以簡左就果味醬油蒜香烤雞+甜辣烤雞 一上到黎果然蒜香味好濃。。未食已經差d相都唔記得影就食左啦。。🤣🤣 好在落手之前都記起未影相🤭一影完就即刻開餐啦~~甜辣烤雞果然係我既最愛。。朋友就第一時間食果味醬油蒜香烤雞。。佢話蒜香味好正，好好咪。。下次都要再食多次🤭🤭同埋兩款烤雞都唔乾仲好juicy添

之前突然間好想食雞，但覺得炸雞好唔健康，於是去咗搵左搵，發現到有一間好似唔錯嘅烤雞店，就係呢間叫左一隻蜜糖咖喱烤雞，同朋友兩個人食，烤雞幾健康，當然係與炸雞相比，唔會話好油，雞肉幾嫩，蜜糖夠多，咖喱味都有，整體來講真係幾好食，甜甜地嫩嫩地但不膩，會再吃的

收工之後就同韓國朋友来將軍澳食烤雞！一直都想食呢間韓國嘢，炸雞经常食，但烤雞是第一次試！這間烤雞非常出名，有多款不同焗爐烤雞，不經油炸，雞的油份從烤焗過程中迫出來，有效做到低熱量、低膽固醇、低鈉、無反式脂肪，極力推行健康烤雞！門口已經聞到好香嘅烤雞味，裝修佈置都是韓國風，有Kpop音樂，座位寬敞，燈光明亮。（侍應哥哥仲係韓國Oppa好貼心！） 見佢哋餐牌出咗一款Half & Half Special Menu果味醬油蒜香烤雞+甜辣烤雞，看起来很诱人食下好似炸嘅咁脆咁香口！兩種烤雞各有特色。這兒烤雞量都太大了食完都好飽，一食落去肉質嫩滑，外層香脆，好好味！韓國朋友说這間烤雞已经食過好幾次，每次都很出色！

Goobne chicken一直係我喺香港食過嘅韓式炸雞烤雞專門店中數一數二的最愛之一!!!! 趁假日，同媽媽姨媽佢地試試先!!!將軍澳店位置雖然有少少隔涉，但可以由Popcorn經天橋過，唔難去。Goobne chicken佢地以烤焗形式去炮製全雞，比起炸雞更健康!!黎到Goobne當然必試咖哩蜜糖烤雞!!!! 烤雞外皮香脆，雞肉肉嫩多汁，有咖哩的香氣而且帶有蜜糖的甜美，真係食到一口接一口!!!!韓式雞蛋卷亦是另一必點菜式!!!! 雞蛋卷包著火腿黃蘿蔔青瓜等配料，雞蛋卷軟嫩，而且點點芝士醬，非常濃郁好味!!!!媽媽同姨媽都話一碟雞唔夠喉，再叫左碟半半烤雞，選了甜辣口味同果木蒜香口味。甜辣不會太辣，醬汁多少少會更好，當然雞肉依然嫩滑!!! 果木蒜香比較香甜，蒜味濃，另一唔辣嘅好選擇!!!ufo拼盤係新出品，下次人多啲時要試試拉芝的好滋味!!!

間唔時就會好想大啖大啖咬雞脾但炸雞會好熱氣呢間係烤雞，咁就冇問題啦！👍🏻蜜糖烤雞，唔好睇佢望落份量唔算好多，兩個人食落原來都幾飽！雞肉嫩滑👍🏻😋😋😋沙律份量大，一班人share最岩👍🏻👍🏻👍🏻呢個有驚喜，明太子芝士蛋卷，咬落有拉絲效果，加埋啲沙律汁，幸福嘅味道💗💗💗青檸梳打就偏酸，味道一般，無咩層次西柚沙冰又ok wor! 有時西柚野會有好強烈嘅苦澀味，但呢個又唔會，仲愈飲愈開胃👌🏻

今日晏就想試下啲新野，所以就同成班同事去試左Goobne，本來對於韓國野麻麻地，不過食過之後覺得有另一番風味。因為我地人多，所以就簡左Goobne UFO、韓式雞蛋卷、韓式牛肉炒年糕、鐵板芝士泡菜炒飯，依四個韓國特色食品試試佢。係未講味道如何之前，先要讚讚餐廳既上菜速度，令我地依啲打工仔，唔洗食到趕頭趕命 韓式雞蛋捲我首次接觸，蛋味好濃郁再加上配埋青瓜同蘿蔔粒寧舍開胃，而且3色不同既醬料，可以有幾種唔同食法! 但個人推薦會選擇茄汁配蛋捲！另外，韓式牛肉炒年糕煙煙 "un" "un"，但都係一間專賣炸雞既食肆，所以不過不失啦，但味道都係有一定保證。之後不得不提 Goobne UFO, 上菜既時候已經聞到啲芝士同雞既香味，而且待應會幫手捲芝士，仲特登拉長啲芝士等我地影相。不過食既時候就要小心啲，因為啲芝士好辣口。熱騰騰既芝士包住甜辣烤雞，質感十足雞肉又嫩滑，加上我第一次試依種韓式烤雞 ，所以真係有小小衝動一試再試。最後，追加左個鐵板芝士泡菜炒飯，賣相一流味道亦都係上準之上，鐵板上既芝士配上濃郁泡菜味既炒飯，撈埋一齊食，別有一番風味

Goobne oven chicken!同啲friend一齊嗌咗炸雞，蛋捲，人參雞湯，沙律同生啤炸雞可以嗌兩種味(各個半份) 所以我哋嗌咗양념치킨+소이갈릭치킨 兩隻都幾入口😋소이갈릭치킨特別好食👍🏻 炸雞同一齊嗌嘅生啤好襯🤤分量都適當蛋捲同人參雞湯好在好似韓國傳統嘅食物咁👅出嚟嘅沙律同炸雞都好襯!!同二個朋友一齊食👭🏻分量非常之充足👍🏻但價錢就貴咗少少😅不過除番三個人一齊分都還可以 唔算負擔🤔

將軍澳越開越多食肆，今晚繼續去天晉果邊覓食，嚟到呢間韓國餐廳，主打烤雞而唔係炸雞，真少見UFO Fondue$248-中間啲芝士粒有瑪蘇里拉芝士、車打芝士、Grana Padano芝士，店員會幫手煮溶，睇住佢地溶化嘅過程真係好吸引，食落口感幼滑又唔膩，就咁食唔配烤雞都好正三重芝士烤雞-芝士粉比啲芝士奶酪咸香，卷埋一齊食味道更上一層樓蜜糖香滑烤雞-好香甜唔油膩，雞肉夠juicy韓式牛肉炒年糕$148-除咗牛肉同年糕化有粉絲芽菜等，湯汁甜甜地咁啱曬啲唔食得辣嘅人Shark Blood$88-成杯嘢藍色好靚，再加埋個鯊魚裝飾好似置身海洋咁，飲落涼浸浸好爽

前幾日見朋友ig出post食呢個UFO Fondue勁吸引!今日一於去試試佢!就咁食一樣野太dry於是我地又叫多個部隊鍋，加埋兩罐汽水~超正!部隊鍋部隊鍋黎先，湯底係辛辣麵果種辣度，唔食辣既我都接受到，材料有腸仔、午餐肉、年糕、即食麵同埋焗豆~成鍋上檯好熱辣辣，呢d材料其實點煮都唔會差，不過份量唔算多，每樣得幾件，對我地黎講只可以作前菜~UFO Fondue主角UFO Fondue出場，首先由店員係gas爐上面一路攪勻d芝士，一路睇住d芝士溶既感覺好治癒~而且一路攪一路聞到勁濃芝士味，簡直係視覺同嗅覺既享受!!每個UFO Fondue可以揀兩款唔同既烤雞，我地就揀左果味醬油蒜香烤雞同甜辣烤雞。之前食過原汁原味既果味醬油蒜香烤雞~蒜香味比果味突出，咸咸甜甜好惹味，而甜辣烤雞係係韓國人最愛果款最傳統口味，辣味我諗係跟番香港人口味所以唔整得好辣，甜味足夠食完一件再一件，完全停唔到口!今次加埋芝士食，味道更加豐富，中間既芝士熔岩係用左3款芝士製成，包住烤雞時勁拉絲，芝士口感煙韌，芝士控一定瘋狂!雖然真係好邪惡但好味程度係會令你引唔住係咁食~呢個時候再飲罐汽水真係一大享受!雖然食到滿肚腸肥但呢一

最近見到Goobne有新野食，就約左朋友黎食。入到去已經見到好多人食UFO Fondue ，所以我都唔執輸。每個UFO Fondue可以揀兩種味，我就揀左火山烤雞同埋BBQ醬烤雞。第一次食一邊煮一邊食既芝士同烤雞，都幾新奇，而且都好好食。芝士味道好香，一邊煮到半融，用烤雞點落去食可以拉絲又香，不過如果再濃少少會更好。烤雞有兩款味，而且全部都係雞錘，肉質嫰滑又惹味。 之後又叫左個黃金脆烤雞，雞肉好結實而且嫰口，有種食緊走地雞既感覺，食得出雞肉好高質。而味道亦好好，首先雞肉用左咖哩味烤，食落又有咖哩味又有少少辣味，好惹味。而且仲有兩款唔同既醬汁，一款辣一款唔辣，岩哂唔同口味既人。 食雞食到口渴就叫左啤酒飲，Asahi就唔使介紹，相信好多人都飲過，配烤雞一流。最正係餐廳做緊promotion，draught beer有買二送一，好抵飲。

上網睇見goobne chicken開左係將軍澳，剛好又要去探朋友一舉兩得😂一入到餐廳枱頭張紙印住邪惡UFO烤雞，超吸睛 心心眼😍叫左三重芝士烤雞同火山烤雞，單是滿滿的芝士已令人很治癒，辣雞加埋ufo芝士好惹味，令外芝士雞甜甜地再加埋啲芝士同粉會令人食唔停，好彩叫咗一個辣一個唔辣中和返另外再叫多咗份蜜糖咖喱烤雞，圖片真係唔止供參考，真係同想中一樣咁多件👍🏻皮脆肉嫩，食到第四件我哋已經飽到食唔落，外賣拎返屋企做宵夜，真心想讚韓國嘅烤雞只係普通加返熱皮仍然係脆🤤好彩係烤雞，如果係炸雞一定熱氣到食唔得多除左烤雞亦叫左份炒粉絲，清清地中和烤雞嘅濃咪，同埋粉絲感覺唔會肥

平日看韓劇經常見到演員識食辣及飲啤酒，令自己也很想吃，但要食到正宗的韓國炸雞真的不多店舖有，今次同朋友來這間連鎖韓國炸雞店吃炸雞🍗。我們叫了兩款雞，一款是甜辣雞，但味道普通，甜多於辣。相反，柚子芥末炸雞味道較好吃