Goobne Chicken (天晉匯2)

Open Now

Now Closed

我和朋友都是愛吃雞的人，剛巧經過將軍澳Goobne，便立即坐低吃烤雞。那裏環境簡潔寬敞，地方舒適，也播着流行的韓國流行歌曲。「蟹籽沙律醬芝士雞蛋卷」$128，大量的蟹籽放在雞蛋卷上面，再加上沙律醬及沙律菜，外型賣相已經十分吸引。蛋卷吃起來嫩滑可口，層次分明，蛋味又非常濃郁，蛋卷芝士邊吃邊呈半融狀態，有拉絲效果，真是回味無窮，十分美味!「蜜糖香滑烤雞」$205，今次選擇了無骨的烤雞，味道香軟柔滑，更帶上蜜糖的香味，還有少少芥末味，令我停不了口，美妙的滋味留在我心間啊！「三重芝士烤雞」$208，也是值得推介的。它的香脆的外皮灑上芝士粉，味道香濃誘惑，份量也適中，真的引人吃過不停。第一次去Goobne食韓式烤雞，價錢唔算貴，但份量適中，所以印象很好，值得推薦！

朋友帶路食雞件，聽聞好正，可全隻上，或件上，我就唔想全肉加應該食唔晒，就叫左蛋包飯，除左價錢貴少少，絕對值得黎食一食。辣辣地加成隻上，下面系雞粒咁上，雞肉嫩又有汁，以為無骨雞粒會鞋d，但又無喎淡淡肉，彈牙嫩口易咬浸皮都唔肥，份量真心大份，男人食都覺得夠飽，薯角就無乜特色。可以揀配飯同沙律之類，湯就咸左d。辣同唔辣，有骨同無骨都無影響個鮮嫩口感，反而系就你個人喜好同方便揀隻上定粒上就得，水準很穩定。之後就到我既蛋包飯，比意料中大份。條腸超大條，無欺場，脆皮肉軟好喜歡！咖哩唔辣，就日式甜甜地果種，蛋系全熟得恰好，但就唔系嫩嫩半熟果隻，不起上黎就蛋蓋住飯，剛好。附圖

約了朋友在將軍澳聚會，他是愛吃雞的人，他極力推薦我吃Goobne烤雞，我平常炸雞吃得多，烤雞極少吃，所以要試一試。我們到來的時候已經是晚上八時半，店內也坐滿了很多人。「蜜糖香滑烤雞」$205，份量很充夠，一上桌，賣相已經好靚，更附有一份酸酸甜甜的醬料和酸菜。因為是烤雞，不經油炸，吃起來健康很多！嚐一口之後，感覺非常美味!雞塊熱騰騰的，甜甜的蜜糖味包裹着嫩滑的雞肉，一吃便愛上它。蜜糖香滑烤雞，嫩滑充滿肉汁。啖啖肉的蜜糖香滑烤雞，超惹味好吃。「蟹籽沙律醬芝士雞蛋卷」$128，雞蛋卷上面有大量的蟹籽混合沙律醬再放上沙律菜，外型已經取滿分。吃起上來蛋卷嫩滑，蛋味非常濃郁，再混合了拉絲的芝士和蟹籽，吃得很滿足，絕對值得推薦。蛋卷層次分明，芝士呈半融狀態，好美味!「鐵板芝士韓式烤肉炒飯配醬燒豬肋骨」$143，豬肋骨烤得好有光澤，配上沙律菜、芝士醬汁，整體賣相已極之吸引。豬肋骨的肉好嫩，唔會太乾，惹味可口。烤肉炒飯，除烤肉外，當中更有些菜粒、紅蘿蔔粒，味道非常好，令人回味無窮。Goobne裝修時尚，上菜速度快，整體食物，包括賣相都令人喜歡，而且餐廳強調選用百分百安全食材，為顧客提供健康美味烤雞，這對

今天一行四人搵食，因為時間關係不想等位，趁着時間還早，所以就到這裏來了，來到的時候未夠七點，可以直接入坐。因為今天有四人，所以可以點多點食物，點了韓式炒粉絲雞蛋卷丶招牌凱撒沙律及了三重芝士烤雞，本想再多點一窩湯，幸好沒有，因為四個人，點三味餸已經吃得很飽了！韓式炒粉絲雞蛋卷味道不錯，還拌有三種不同醬料，是一道美味的前菜。招牌凱撒沙律分量不小，沙律菜也算新鮮，唯一略嫌的是沙律醬的份量不夠。三重芝士烤雞是三味食物中最美味！烤雞味道濃郁，再加上甜甜的芝士粉，簡直是人間極品！呵呵！單單這個烤雞，已經令我必定encore! 當天還點了這個士多啤梨特飲，味道不錯！下次有機會必定會試試人蔘雞湯！

話說果日同女朋友約左食野，但本身出街之前各自都食左啲野，仲飽飽地喎，甘我地見面就諗住搵間無甘多野食既餐廳食，我地行左一陣，望到呢間專食韓式雞既食店，見個餐牌啲圖片都幾吸引，諗住入去兩個人「些牙」一份食。入去坐低好快有位幾靚女既侍應招呼我地，放低兩杯水同餐牌，加個笑容就繼續做野。我地揀左都一段時間，因為都幾多款式，我地又十五十六，樣樣想試又眼闊肚窄。呢度其中一個優點係佢有啲雙併既餐比你選擇～我地就試左甜辣+黑椒先講黑椒味比我想像既有小小差，但味道都可以，5會太辣，但肉質就比較「孩」，5夠嫩。甜辣真係無得輸，我同女朋友食完都係同一個感想...「早知叫哂甜辣」甜辣味道名符其實，甜甜地帶有辣味，但又5會太甜，辣道適中，對於食開辣既人來講有辣味，對於5係甘食得辣既人來講就有辣勁，但又未去到會接受5到。如果真係要講缺點，就係佢價錢都5平..其實我對佢既芝士烤雞都好有興趣，因為我係一個芝士控。或者下次再食呢間既話，試完再同大家分享下！今次係甘多，下次食好野再同大家分享！

今時今日嘅將軍澳，無論shopping定食嘢，真係好多選擇，今日探完朋友之後，朋友話帶我去食烤雞，真係啱晒我啦😍呢間烤雞店，其實各區都已經有分店，估唔到將軍澳都有，呢間專門店，我其實都試過幾次，好有水準👍🏻中午時段，剛剛開門不久，未算多人，我哋兩個可以揀番個靚位，未食都已經開始流口水🤤乜都唔使講，第一時間order左招牌的「蜜糖香滑烤雞」，可以揀有骨或冇骨，我咁識食梗係要連埋骨一齊食啦，上枱嘅時候，大大份的烤雞，香氣四溢，遠遠都聞到蜜糖的香味，金黃微焦的表面，未食都知道有水準😍急不及待，手口並用，用手食又得，扮斯文用叉🍴食又得，得咗😬我就鍾意用手揸住食，甜蜜的外皮又香又脆，雞肉好有雞味，而且又嫰又滑，熱辣辣，唔係講笑，堅好味👍🏻👍🏻👍🏻另外呢個韓式牛肉雜菜伴粉絲，牛肉嫰滑入味，粉絲食落與別不同，軟綿綿的，又吸收左牛肉的精華，仲有啲雜菜伴著一起吃，好過癮，感覺好健康🤗叫咗兩杯野飲，綠色好靚果杯叫「莫希托」，薄荷的味道加上青檸的酸酸尾尾，特別啱用來配烤雞😍另外果杯「玉竹茶」更加可以解膩和幫助消化，還有美容功效😬呢度坐得舒適，環境又好，服務員十分有效率，唔怪得朋友都推薦我嚟呢度食啦🤗

今晚落街跑完步，本來諗住輕食，經過呢間食雞店，諗左一陣，最後都係敵不過menu 上既「蜜糖香烤雞」被吸引入左去，因為小妹好鍾意蜜糖香味，所以即刻點左呢個，揾個藉口俾自己食餐好嘅補充體力💪🏻💪🏻 點左冇骨個款，啖啖肉而雞肉嫩滑又juicy，配埋小妹至愛嘅蜜糖，有點胡椒味，甜中帶微辛，yummy！因為係烤雞，所以食落唔熱氣但又好香口，唔使一定食炸雞，又多個選擇👍🏻 另外，為左配合今晚晚餐嘅主題，仲點左意大利青醬雞胸肉沙律，賣相同味覺都好清新，個沙律醬係分開上既香草同橄欖油混成，但係個雞胸肉就比較失色，看上去同食落去就比較乾，有待改善。配埋兩杯清新特飲，薄荷或檸檬特飲我都覺得幾好飲，好夾食烤雞同沙律，可以再encore呢😋

Goodne一向都係我喜歡既食店之一，今次試試將軍澳店，看看水準如果先，由於將軍澳店上蓋太多物業，我竟然迷路了，最後打電話比店員才找到正確位置，雖然與訂枱時間遲了點點，但店員還是幫我們預留了用餐位置。枱面寬敞整潔，還貼心的備有手套，不怕用餐完後雙手油油膩膩。首先來了一杯鯊魚之淚，這個一定係打卡飲品之一，味道甜甜地，有少少似檸檬沙冰。鐵板芝士韓式烤肉炒飯配醬燒豬肋骨：豬肋骨味道配塔十分出色，底層的芝士可以拉絲，醬燒汁用來拌炒飯，甜甜的醬很特別，拌飯也不會太鹹，整體濕潤，裡面的韓式烤豬肋骨份量不少韓式雞蛋卷：蛋皮外層軟滑，內包有大量韓式粉絲，紫菜，紅蘿蔔，午餐肉，醃蘿蔔，咬落口感豐富，味道唔錯。蜜糖香滑烤雞：重點推介，一碟應該有一隻雞的份量，件件都清脆俐落，皮肉分明，雞腿雞翼雞胸，唔會黏住黏住，直接用手食最配合，蜜糖味甜甜的，雞皮烤得脆口但唔覺燶，沒有熱氣既感覺，適合我怕熱氣既人。芝士泡菜炒飯：鐵板圍著濃濃的芝士，在半溶的芝士包著流心蛋及飯一起吃，一啖有齊三個口感，鹹鹹的芝士加上少許辣的炒飯， 味道配塔得剛好最後吃一點消膩的漬蘿蔔，清清口中油感，大滿足。

👓蜜糖香滑烤雞(無骨) $205味道似蜜糖芥末醬，芥末味比蜜糖味重。另附有一兜醬料，但跟烤雞本身的底醬無異，甚至覺得唔點仲好食。順帶一提，依款烤雞不是皮脆嗰款炸雞。評分：7/10👓果味蒜香烤雞 $185甜甜蜜糖味中帶點蒜香味，惹味十足。蜜糖味甚至重過上面新出的蜜糖香滑烤雞。雖然依款都係烤雞，不過個皮好脆口似炸雞feel炸到好香脆咁。好食👍🏻評分：8/10啲雞塊好滑，但肉質較為靭咗少少，不過整體嚟講都好食，果然醬料非常重要🤣

今日老公早左收工，咁我地就黎試下屋企附近間烤雞店。佢餐廳裝潢好新派，好乾淨，卡位好舒服，完全唔會有擠迫既感覺。餐廳入面有電視播住k-pop mv， 食起上黎就都覺得好似去左韓國咁。黎到烤雞店，當然一定要食烤雞啦。入黎既時候見到門外推廣全新推出既蜜糖香滑烤雞當然要一試。烤雞好滑，仲好juicy,佢出面包住醬汁酸酸甜甜，好野味，如果想再濃味d可以再點多d醬。另外我地叫左韓式炒粉絲雞蛋卷，佢口感好豐富，蛋味好香，加埋韓國粉絲有d QQ既感覺，好好味，佢有配上3款唔同醬汁（芥末，芝士，蕃茄）。我覺得芝士加上蕃茄汁配搭perfect。我同老公仲分別叫左一杯檸檬特飲同Mojito，味道好清新，好適合配搭烤雞。杯檸檬特飲係自己加檸檬汁，可以按自己喜好加入去。

星期天,農曆新年期間,朋友說要吃韓國炸雞.到了將軍澳,小店不多,連鎖店最多.在各方條件下,選了GOOBNE,顧名思義是韓式烤雞店,不是炸雞.韓式雞蛋卷,配笳醬,芥辣醬,芝士醬.味道正常,不過不失.想吃韓國海鮮蛋餅,但賣完.中午時間,全店人不多.嗯,可能是沒做,或不想做居多吧.那就轉要香辣炒年糕,可選小辣.菜到了,其實應是韓式辣湯年糕,留意不是炒,是湯,名實不符.配料是年糕,魚餅,芽菜,粉絲和一隻雞蛋.鐵板軟芝士蜜糖咖喱烤雞,是無骨的,小朋友也可以吃.鐵板不熱,芝士醬和烤雞件分開,雞有咖喱味沒有雞味.芝士可以用叉叉上來吃,不會黏住雞件.嗯,整件事可以當是雞一碟,另有一小碗配芝士醬,就像雞蛋卷配醬的安排般.在新年少人上班的情況下,能滿足到吃韓式炸雞的期望,算係咁了.

這間餐廳的烤雞我經常吃，每次吃都覺得很驚艷，明明沒有油炸，為什麼雞肉還那麼香脆呢？而且吃起來也沒有油膩感，所以讓我一吃再吃。今晚約了住在附近的朋友一起吃飯，餐廳裝修時尚，客人普遍也很年輕，這裡的店員也很青春，哈哈！⭐️蜜糖香滑烤雞$185上桌時還冒著烤雞的裊裊香煙，嚐一口，雞塊依然很燙呢！味道香甜且帶有芥末的味道，甜甜辣辣的，外面的汁液包裹著雞肉，雞肉的肉質很嫩很滑，很好吃呢！⭐️果味蒜香烤雞、甜辣烤雞$218點了一半辣一半不辣。入口香脆，吃起來「喀擦喀擦」的，相當過癮，而且肉汁鎖在雞肉內，吃了一塊，基本上已經停不下來，因為太好吃了！⭐️藍橙沙冰$58吃烤雞少不了來一杯清涼的飲品，顏色呈海洋藍，看著也覺得涼意來襲，入口清爽解渴。

前兩日同呀妹行完街返屋企，見有d餓就諗住食埋野先返屋企啦，將軍澳依家都有goobne，我地又咁岩鐘意食韓野，就揀左佢啦！ 可能我地早黎，都唔洗等位就有得埋位。我地行到都幾餓，叫左一個原味烤雞同一個鐵板軟芝士黑椒烤雞，一人一雞咁先肉韓國丫麻。原味以為無咩驚喜啦，點知都唔係wo，反正食到雞嘅鮮味同肉汁，又唔會烤到乾哂，又唔會表面炸到油膩咁。另一個黑椒味呢，食落就有少少辣啦，一食落去無咩嘅，但個後勁有d強，唔食辣嘅就唔好亂叫啦，哈！我地仲叫左個香桃韓式米酒，真係好香好香桃味，飲落好似食左啖桃咁，同米酒陣味又好夾，食完雞飲埋佢真係好滿足呀！

呢間烤雞店，次次嚟食都要等位，今次當然都唔例外，不過好彩今日好好彩，等咗十幾分鐘就有得入座。嚟到烤雞店，梗係要食烤雞啦！今次試咗個金黃酥脆烤雞、泡菜煎餅，同埋藍莓沙冰。以前飲過西柚沙冰&香橙沙冰，覺得已經好好飲。今次都諗咗一陣，先決定試藍莓味，因為驚會似藥水味。一飲落去，好味喎，真係藍莓味喎，食炸嘢，飲沙冰，一流。泡菜煎餅: 裡面除咗泡菜之外，竟然仲有魷魚&魚肉，用料充足，有驚喜。配埋個醬汁，有多少少辣椒味，。金黃酥脆烤雞: 同其他烤雞比較，呢款烤雞比較似炸雞，並無大量醬汁喺面，亦無濃濃嘅調味。比較平實，但反而可以食到雞味，而唔會俾醬汁搶曬風頭，亦都無咁膩，可以食多幾件。另外仲見到新出咗蜜糖烤雞，唔食辣嘅朋友下次可以試一試。

每逢食晏時間，將軍澳區啲餐廳成日都爆唒棚於是同友人邊行邊睇，諗住見到間幾Ok就入去，終於就見到呢間Goobne Chicken呢間餐廳環境都唔錯，而且人比較少，可以同朋友慢慢傾(站喺顧客角度，個人當然希望唔好太多人大嘈吵）原本擔心會否中伏，畢竟冇乜將軍澳嘅餐廳會咁少人結果當然冇中伏啦，首先佢嘅價錢令人有啲驚訝平時佢嘅晩餐Menu起碼百幾至二百蚊，但午餐居然60零蚊都可以有交易，仲要冇加一我叫咗個韓式BBQ醬煙燻烤雞午餐拼盤，飯嘅分量好多，大食積都應該夠飽面頭仲有隻煎蛋，好有韓式feel主角BBQ醬煙燻烤雞超正，個皮脆卜卜，感覺似係生炒骨嗰種口感一流，熱辣辣食仲正加埋BBQ醬，惹味到爆食到停唔到口！