好燒味 (Closed)

在外飲食，尤其是人少少，或者是得一個人，整份燒味飯絕對是又快，又唔會唔好食。所以，在我的飲食誌中，廣東式的燒臘，是佔有一定地位的。這一天一下班，決定同太太出去銅鑼灣行下街，以行街為主的我們，決定找地方快快食。於是，大家都看中了希慎的 food court，而我看中的，是一間聞名已久，在中環、金鍾主打的燒味外賣店，《好燒味》(Good BBQ)。年前在朋友的 blog 看見 《女子燒味》，奇怪的名字同美妙的叉燒飯照片已經吸引住我。看多了一眼，問多了一問，才知道，正確的名字叫《好燒味》，店方只是故意把 "好" 字拆開玩文字藝術而已。本想幫太太點一份素食叉燒飯，可是當日一早已經賣晒。而我就看中了一個久違了的燒臘味道，那就是羊肉叉燒。回想當年，在深水埗某街坊酒樓試過之後，就一直未見過了。該日看見這羊肩叉燒飯，便決定一試。羊肩叉燒飯，我可以說，吃起來同一般的叉燒分別不大。只是用上了羊肩，瘦肉比較多。入口雖然夠香軟，但肉質是比較爽，吃入口更是一絲絲的。好多人都會怕羊肉羶，但此羊肉的味道係的確比豬肉的叉燒肉味重，但又未至於羶的程度。肉味好，飯味也好，只是此羊肉叉燒，肉質始終較為硬少少，而且欠了半肥瘦

以質素來言，價錢略為高，飲品需要另加收費，加購的湯價錢太貴了，只有一杯仔，份量很少。外賣同堂食都用紙飯盒，好像不太環保。今日很忙很趕時間，食燒味飯就會最快捷方便，我點咗貴妃雞加燒腩仔，平時都係食開呢個，但係今日竟然俾咗個豉油雞我，同佢講話畀錯咗，個男人店員居然話係因為加咗豉油先係咁嘅樣。其實畀錯咗我唔介意，但係你居然指鹿為馬，實在不能接受，可否管理一下店員的服務品質及態度？不老實嘅店舖，一間都嫌多。

路過見到有黯然銷魂麵。應該係黯然銷魂飯嘅變奏版，亦都可以講係核蛋叉燒伴麵。黯然銷魂飯配搭嘅係煎蛋，而好燒味版本係改為核蛋---亦都即係溫泉蛋。餐廳會另外提供1包味粉去撈麵，香濃蛋黃加上惹味味粉，為麵底增添滋味。麵底本身質感都好好，唔會煮到黏住一團，口感唔錯。叉燒偏瘦但肉味搭救，叉燒外圍旁邊帶少少肥膏，不會過肥，但無咗半肥瘦嘅油脂香。不過相信係這間餐廳特色，提供相對健康菜式。見到餐牌有素叉燒，而家係beyond meat, omnipork嘅年代，下次試下假叉燒又可以有幾真先。

夏天啱啱過左，天氣開始凍，係時候減肥!不嬲食LUNCH都鐘意大魚大肉~叫我食齋食菜去減肥真係慘過叫我行路去印度...其實減肥就唔係得一種方法既~食住肉減肥都得!食雞胸就係其中一個好方法啦好燒味就有個為減肥或者健身人仕而設既雞胸飯入面除左雞胸之外，仲有減肥餐單經常出現既西蘭花有肉有菜，營養均衡，雞胸仲要係已經幫你走埋皮雞胸用左白切雞既煮法，唔係就咁滾水烚熟雞胸咁DRY，都叫做易入口既西蘭花就煮得夠熟，我最怕食到勁生既西蘭花!當然，雞胸呢D部位就唔會期望會好鮮嫩多汁架啦....但呢啲係做到有少少軟熟既口感，比起白烚雞胸高一班啦

唔記得左影張相先食因為都係普通燒味飯啫，無諗過我要影係因為太差我叫左油雞燒鴨飯加埋我諗有10塊「肉」但我食食下發現有幾舊都係骨+皮其實我唔係第一次食燒味飯遇到呢個情況係咪見我細粒女仔所以比啲咁既野我食？見到人地大隻佬碟野啖啖肉真係好嬲個燒鴨我只係食左1.5舊肉離哂譜呀！！！專做燒味飯既都比啲咁既野出黎！我唔會再幫襯👋🏻

Omnipork 新豬肉x Good BBQ 好燒味小菜 嘅 素 #半肥瘦新女子叉燒飯 ～即將推出喇！#新豬肉 本身已經幾可亂真😊今次師傅大膽嘗試用桃膠造成嗰種肥糕嘅質感，造成油潤嘅效果，但又冇咗肥肉嘅漏同臊，口感都幾特別。另外，因為新豬肉冇膽固醇，食多啲都唔怕😆加埋滑嘟嘟嘅溫泉蛋食(有冇蛋版)都唔錯㗎！如果可以再燶少少同埋甜多少少就更好喇😉之前講過，冇得食我最愛嘅叉燒係我素食生涯𥚃面嘅小小遺憾，而家可以再喺真燒味店食到叉燒真係好滾動!師傅剛剛話我知，叉燒本身係全素，醃料所用嘅係麥牙糖，冇加蜜糖㗎😉純者叫冇蛋版就得喇😉#唔怕三高#greenmonday #家嚐變新#素食#素叉燒

午飯叫了叉燒燒腩飯，出餐時間算快但某女店員態度有待改善，十問九不理客人。叉燒肥瘦適中，燒腩皮也算脆，也附上芥末，飯也足夠男士腹飽，價錢也尚可，出餐速度快，有短髮女士態度可以，男士也很正常，唯獨是這長髮女店員服務有進步空間。

做人真係唔好睇外表，裝修精緻，入去叫咗個叉鵝飯，啲叉燒切到大大嚿，仲係瘦叉，真係咬到口都軟，燒鵝都還好，啲飯真係難食有啲生骨情況，飯係好重要, 如果飯唔得就真係死得，希望儘快改善

今天去誠品逛逛，精神上滿足了，然後就是醫肚的時候。週末午餐時間的美食廣場，全都擠滿了密密麻麻的食客，等了好一會，好不容易才找到座位。今天試下新口味的鐵板燒味飯。蜜汁叉燒（慢煮）鐵板飯+溫泉蛋$66叉燒有基本年和慢煮兩款，我選擇了慢煮叉燒。叉燒的份量十足，差不多有成十片。雖然叉燒切得唔太厚身，若有5,6mm, 但頗為大片。慢煮叉燒肉質極為軟腍juicy, 仲有少少燶邊，肉味唔太突出，但味道香甜。個人雖然偏愛傳統叉燒的厚實和嚼感，但這種新派慢煮叉燒也不錯。鐵板可不是只有賣相，它熱度十足，快快的把溫泉旦和飯拌勻，旦馬上的凝固，變成旦炒飯。軟腍叉燒配上甜粟米、芽菜和旦炒飯，就好像港版pepper lunch. , 吃到尾仍然是熱的，但缺點是鐵板底的油份唔少，吃多了，覺得有點膩。p.s, 千萬不要下所有豉油，因為豉油比較咸。鐵板燒味飯是幾新奇的，味道亦唔錯，簡單的一頓午餐，十分飽足。

今日去食叫左個羊肩加汽水，86元，肉完全無羊味，衰過燒味店义燒，罐裝汽水唔凍無飲筒，重點係態度，好以欠左佢咁！我無哂野好講，8十幾食餐咁野，唔怪得d人話香港宜家無野好食啦

新開張既時候 呢間女子燒味 真係好好味佢既叉燒 真係做到半肥廋 好香口 而且每一舊 入口 都好香 好有口感 非常懷念 果種口味 今次打算再食一次 已經做吾返之前既感覺 而且 叉燒好乾 全部廋肉 白切雞 更不用多講 無乜肉 皮多過肉 而且比少了 薑蔥整體感覺 算是跟太興的差不多 ～

之前係IG見到燒味飯都用鐵板上？好新奇有趣，慕名去試一試。一行二人，我叫了一個叉燒飯焦燒，跟飯除了有主角叉燒外，還有溫泉蛋一隻，牛油粟米及芽菜。另外叫了一個雙拼飯焦燒，燒腩仔配燒鴨，配菜同樣。我們都對食物有不錯的評價，最喜歡它的叉燒，肉質非常嫩口，又不會滿口肥膏。燒腩仔的皮意外地很脆口，燒鴨也算肉嫩入味。用鐵板上除了外觀奇特外，還令食物長時間保持熱騰騰的狀態， 燒焦的飯既香又脆。總結而言，食物非常不錯，且性價比高。在希慎廣場Food Court能找到一間新式燒味店，食物和價錢又不錯的確實不容易！

因為轉工關係，好耐無係Hysan foodcourt 食lunch啦，因為金剛小儀的介紹，我係平日未到lunch高峰期去食個lunch.金剛，小儀介紹foodcourt都有高質的叉燒，當然要去食下。講真，我抱住幾高期望去食依間的慢煮叉燒，俗語講得啱：希望越大，失望越大，講下點解咁失望當日點左(慢煮)叉燒，貴妃雞飯貴妃雞：重點不在他，所以無期望，只可以話可以食入口的普通質素。雞肉係嫩同"鞋"的中間(慢煮)叉燒：我食左一啖立即有個疑問：點解叉燒會係凍平時食d燒味都唔係熱辣辣，今次食的慢煮叉燒個種凍係佢好似由朝放到晚，連個心都凍，但唔係雪櫃拎出黎有雪味。叉燒咬口是爽爽地，我預期的叉燒唔係凍+爽$53一個飯，汽水要加錢，飯加飲品都要$60,平貴就因人而異，本人覺得唔值，亦無左叉燒應該有的本質，我就唔會再幫襯另外都幾唔環保，堂食都用紙盒，餐具就係木。

今晚趕時間又肚餓, 唯有去Hysan Food court快快解決。呢間燒味係新嘅, 好似係主打慢煮叉燒。都有聽其他人提起過。既然係咁， 同友人叫左2個雙拼飯再分享。第一個係叉燒拼貴妃雞飯。啲雞普通, 唔難食又唔係特別好味。叉燒幾好， 唔肥又唔鞋。落左一堆芝麻送飯lol 可以自己加唔同配料。第二個係叉燒搵拼燒腩仔。燒腩仔好味過貴妃雞， 而且唔肥。叉燒一樣係唔錯。加左$25要菜同湯。兩樣都唔錯。個湯標榜冇味精， 飲落都幾清。個西蘭花都係清清地。兩樣食落都幾舒服。總括黎講呢間都唔錯。想地方乾淨唔迫咁食下叉燒, 呢度都係一個唔錯嘅選擇。下次再食應該唔會拼其他肉， 淨係要叉燒蛋飯夠啦。或者再加湯同菜啦~

1. It’s a really satisfying dining experience in Good BBQ concerning speed and quality of food. In Hong Kong, food courts in shopping malls could get quite busy during dinner time, and you might have to queue for some time to have your order taken, and wait for some other time before your food is prepared. However, Good BBQ offers speedy service with only one cashier. There were a few people in front of me, but from ordering to getting my food, it took about 5 minutes, which is truly amazing to