星小宴

Open Now

Now Closed

黃金海岸商場食肆不多，除了各國美食外，中式有點心專賣一間，主售大路中下價餐品，中菜2間，一間位落遊艇會內只供會員享用，另一間便是這酒家，這酒家偏於商場盡頭一隅，出入門口在海濱長廊，所以極欠地勢之利，行過路過也没有衝動想吃它一頓飯，這令我實在錯失了它的美味，機缘巧合，週末朋友與愛犬到訪掃管笏寒舍前想找間酒家吃些點心，而會所又不準携犬進入，逼於無奈下唯有這間中菜的選擇了，這館子分2區，人客若想享受藍天白雲及遊艇泊岸悠閒景觀，可選擇海濱的露天茶座，在盛夏怕熱的亦可進室內享受冷氣及美食。酒家的點心不是大路行貨，應該有點心師傅自家制，已經是一讚，而令我最驚喜的就是它們的煲仔飯，原本以為是一般午市蒸飯而已，誰知是瓦煲上，足2人份量，飯粒不含糊，尤其煲底飯焦更是香脆可口，售價$52實在是物超所值！店內有2-3位誠懇有禮的女服務員，相信是老伙計，令人有賓至如歸感覺，希望老闆要好好珍惜這樣的伙計。總體：環境好，食物好，招呼好，值得再光顧。推介食物：义燒包，咸水角，潮州蒸粉果，臘腸雞煲仔飯

講起黃金海岸餐廳，大家都以為只得酒吧、西餐，其實係有中菜廳㗎！仲要係味道正宗，非常高質，當然有靚海景view睇，Chill住食！海黃魚仔拼秋葵 $50/份朋友未到就叫咗碟小食食先，海黃魚仔同秋葵都係風乾咗，脆卜卜好香口，嘆住龍井望靚景好休閒X.O. 醬蔥爆脆藕螺片 $108/例極度推介一定要試依碟小菜！首先X.O. 醬炒菜已經好香，螺片非常爽口，最最最驚喜係蓮藕芯，入口爽脆，用酸菜浸泡過後陣陣酸菜味好開胃，我同朋友都食唔停口！黃金蝦球 $108/例鹹蛋黃Fans唔可以錯過，外層係炸到金黃色脆皮，包住大大隻鮮蝦，淋上香濃鹹蛋黃醬汁，一碟超惹味黃金蝦球，每碟約8隻大蝦都好抵食！招牌酸菜滑魚片 $238/大份依碗招牌酸菜滑魚片真係令我大開眼界，第一次食到用鴨血同午餐肉做配料，另外有青瓜、蛙蛙菜、薯粉、滑魚片配料相當豐富，湯底香而不太辣，食開小辣朋友仔都食得到金銀蒜銀魚蒸勝瓜 $98/例本人好唔鍾意食勝瓜，覺得有陣青草味，出奇到星小宴做到無咗果陣味，變咗我好鍾意食嘅青瓜咁，加上大量蒜蓉，送飯一流！

☀︎ 𝗦𝘂𝗺𝗺𝗮𝗿𝘆：位於屯門黃金海岸的「星小宴」近日推出炭火串燒坐係室外，望住海景，享受住海風嘅吹拂邊燒串燒邊聊天暢飲環境舒服寫意，渡假ғᴇᴇʟ滿滿呢！.◈ 招牌酸菜滑魚片 $²³⁸鮮魚起骨切成魚片配上四川酸菜，泡椒，花椒，辣椒等滾成鮮魚湯湯頭鮮中帶香，既麻辣又鹹酸味重而不膩，香氣濃厚美味開胃之餘，下飯一流魚肉以蛋清及澱粉微醃口感嫩滑細膩，不會過老仲有芽菜，寬粉，酸菜，木耳，黄豆等增添豐富感.◈ 冰鐼菠蘿咕嚕肉 $¹⁶⁸老少咸宜既菜式，咕嚕肉必定係其一原隻菠蘿裝住咕嚕肉再散發出「仙氣」，擺盤令人眼前一亮菠蘿既底層係冰底上層係咕嚕肉外冷内熱，口感薄脆，味道甜酸夏天食好正！.◈ DIY串燒採用環保炭，比起傳統木炭燃燒時間長，火力均勻旺勝無煙無味，更不會散出灰燼燒烤時更放心呢叫左數款串燒：。菠蘿 $²⁰。雞翼 $²⁴。雞軟骨 $¹⁸。雞腎 $¹⁸。肥牛 $¹⁸。羊肉 $¹⁸。雞肉 $¹⁸。雞皮 $¹⁸係鐵板上落油烤熟，灑上調味料如孜然粉，辣椒粉等趣味性十足，調配最岩自己既口味！.◈ 上湯杞子瑤柱浸時蔬 $¹⁰⁸菜式雖簡，但滋補又養顏菜心綠油新鮮，更能掛到上湯汁加上杞子，瑤柱絲增加口感

【Background】盼望已久嘅長假期終於黎臨，一唸到係黃金海岸酒店3日嘅Staycation就特別興奮🤣 下午Check in 後，沿住海濱行去商場附近，見到呢間「星小宴」中菜廳，環境優美，更分為室內室外兩Part，室內以中菜為主，室外供應炭火串燒/雞煲/打邊爐等，望落都好吸引下😍────────────────────【餐前小食】.【餐牌】【炭火串燒 $18/$24/$20/串】不同一般於一般串燒，係以DIY形式去燒，鐵板下裝滿炭火，自己想點燒都得🤣仲有燒烤汁，海鹽，生油，蒜香粉，孜然粉，辣椒粉等調味料添😆揀左：肥牛串，羊肉串，雞肉串，雞皮串，雞腎串，雞軟骨串，單骨雞翼串，菠蘿串其中最推薦：1. 羊肉串：肉味醇厚，肉嫩多汁，更冇羶味，建議加孜然粉，辣椒粉，海鹽2. 雞皮串：食落卜卜脆，灑上辣椒粉，更香口.【招牌酸菜滑魚片 $238】勁大一鍋酸菜魚，3~4人都夠食😂 魚片肉厚度適中，肉質嫩滑鮮美，配合住酸辣又麻香嘅鮮魚湯，就咁食或送飯都係一流👍仲有大量酸菜，芽菜，木耳，特別係盡吸湯汁嘅寛粉，入口彈牙煙韌，極之惹味😘.【冰鎮菠蘿咕嚕肉 $168】菠蘿承載住咕嚕肉，彩椒，菠蘿等，加上冰

今日同朋友過嚟黃金海岸依邊行下海濱長廊確實是一個打卡嘅好地方啊可能今日係平日，所以周圍都唔算好多人臨近黃昏嚟到青山灣海濱長廊，望住遊艇，靜靜地享受海風，可以放緩腳步，如果秋天黎，應該會更加舒服，我地覺得真係好寫意接近黃昏嘅時候，我哋選左間中菜因為我哋想欣賞日落，所以選左坐戶外雖然天氣非常之炎熱但係店員勁好，開咗把大風扇俾我哋如果怕蚊既，仲可以問店員拎蚊怕水，勁貼心我哋叫咗個串燒組合一邊吃串燒一邊把酒言歡，邊燒邊灑上不同的調味料，風味十足。另外加咗個水煮魚嫩滑魚肉與麻湯汁結合而成，內裡有很多配菜，十分豐富，一眾嗜辣可以一試，麻辣好像在嘴裏頭爆發出來。

今年嘅下水禮揀左黃金海岸，游完水零舍肚餓，一於食埋飯先走😍😍😍星小宴個花園茶座對到正個大海景，黃昏日落🌄真係靚到呢🔆🔆🔆記得上次過嚟係冬天，我哋食咗幾個特色小菜加羊腩煲，今次再嚟加左炭爐串燒，食小菜加BBQ，估唔到又得喎👍👍👍 酸菜魚唔係好辣，酸菜開胃，魚片滑嘟嘟，薯粉索晒啲湯汁入曬味蝦球大大隻，爽口彈牙，搭配翠玉瓜，清脆健康，好啱熱天食冰鎮菠蘿咕嚕肉喺呢度嘅招牌菜式，上枱飄曬煙咁好有儀式感，睇見都開心呢度嘅串燒種類都好多，豬、牛、雞肉之外、茄瓜、雜菇、翠玉瓜一串串咁處理得好整齊。炭燒鐵板好似食韓燒，多種調味自家製作，小朋友覺得好好玩， 大朋友嘆吓啤酒，慢慢傾慢慢食，好開心嘅一餐🍡。

位於海旁的中菜廳門口有很多戶外座位最重要係剛好對正碼頭而且見到黃金海岸酒店對住個海燒烤真係好正剛好當天有適量海風 所以唔太熱不過如果室外有風扇會更加好前菜有秋葵乾和小魚乾小魚乾香脆可口涼菜陳醋珊瑚海蜇頭酸酸咪咪很開胃不過海蜇頭軟身一點會更好唔同款式嘅串燒都點一啲肉類有肥牛、羊肉、雞皮、雞腎、單骨雞翼蔬菜類便點了雞髀菇和原條茄子串燒本身沒有太多調味枱面另外放了不同的調味料可以根據自己喜好一邊調味一邊燒烤天氣熱食冰鎮菠蘿咕嚕肉啱曬底下有乾冰 絕對keep到凍菠蘿肉清甜爽口咕嚕肉就有點肥黑松露翡翠炒帶子夠香口帶子大粒又彈牙 呢度啲茶葉都幾香 龍井茶夠香仲有特別嘅蕎麥茶 晚上七點前還有生啤買一送一

最近香港成日落雨，難得今日天清氣朗，決定去黃金海岸走走，心情都特別輕鬆😎經過呢間餐廳，俾佢戶外嘅環境吸引咗，決定喺度醫下個五臟廟😊睇住個海景，嘆返個酸菜魚，估唔到個感覺又幾過癮喎👍🏻而且材料豐富，魚片份量亦多，再嘆埋啲薯粉，吸晒啲汁真係好正😋叫咗多款串燒，豬牛羊雞唔少得，仲有原隻茄子🍆呢度係用明火炭爐，我哋一行四人慢慢燒慢慢食，睇住個天又光變黑，嗰種感覺真係特別好feel😃冰镇菠蘿咕嚕肉，飄曬煙咁，賣相非常吸引，而且咕嚕肉係凍凍地特別滋味😉雙味菇蔥爆蝦球，蝦球爽口彈牙，正！一路食一路傾吓計，戶外嘅感覺真係好正，確係值得推薦👍🏻

黃金海岸staycation，響附近周圍貢，竟然發現一間餐廳有中菜，同埋有串燒烤，中菜可以響室內亨用，而串燒烤就安排在室外，面對海景，遊艇停泊碼頭。串燒烤食品林林種種，有肥牛串，羊肉串，雞皮串，雞腎串，雞髀菇，五花腩肉串及原條茄子等等。燒烤爐用環保炭，炭火均勻，無煙，放在燒Pan上慢慢烤，睇住啲食物慢慢熟。另有一番風味。慢火慢烤，燒烤嘅香味慢慢飄起。燒烤最好就係配啤酒，響晚上七點之前，生啤重買一送一。餐廳小菜都好出名，所以叫了一個冰鎮菠蘿咕嚕肉，呢個菜，有看頭，有特色，又好味。另一個小菜，黑松露翡翠炒帶子，呢個真係出色，帶子翠玉瓜，火路得啱啱好，值得再讚。再值得一讚的是魚乾，烤一烤，送啤酒真係一流。美食，美景加美酒，人生一落也。

—就嚟父親節，決定搵間靚靚嘅中餐廳請老豆食番餐今次揀咗間係黃金海岸嘅中餐有靚景又有美食，老豆都好滿意ᕙ( ˙-˙ )ᕗ♡︎去到餐廳原來有分室內同外外邊係食串燒同邊爐，室內係食中餐因為怕落雨同想食中菜，所以我哋揀咗室內𝐎𝐫𝐝𝐞𝐫:⧐麻香口水雞 | $68⧐陳醋珊瑚海蜇頭 | $68⧐招牌酸菜滑魚片 | $238⧐冰鎮菠蘿咕嚕肉 | $168⧐蝦球蟹子粉絲煲 | $98⧐竹笙紅茄泡勝瓜 | $168⧐鮮菠蘿海鮮焗飯 | $118開頭一嚟就俾咗個前菜小食我哋食係秋葵乾同魚乾，勁脆同勁香口頭盤叫咗口水雞同埋海蜇頭口水雞嘅醬油好出色，又香又辣而海蜇平時我就食得多海蜇頭真係第一次食配合陳醋，好爽口開胃♡︎(°´ ˘ `°)/酸菜魚係呢度嘅招牌菜，魚片酸菜都好足料而且魚片超滑，好好味咕嚕肉係原個菠蘿上，外型一百分食落又酸又甜，又凍又熱咁好特別蝦球粉絲煲嘅粉絲炒得好乾身調味唔會太重手，幾好食竹笙紅茄泡勝瓜好適合配飯食番茄湯底撈飯，再食竹笙同勝瓜，口感一流( ∗︎°⌓︎°∗︎ )♡︎鮮菠蘿海鮮焗飯都係用半個菠蘿上碟再喺面頭嗰一層芝士拎去焗啲飯同芝士多到跌晒出嚟仲有青口同帶子，都好新鮮可口最後送咗一人一碗紅豆沙比我哋

—————————————座落黃金海岸嘅星小宴係中式餐廳，以中菜為主。餐廳有分室內同室外，室外主要係一流嘅黃金海岸夜海景，係到食嘢真係賞心悅目。可惜天氣唔係咁好，我就無坐室外食啦。𝐎𝐫𝐝𝐞𝐫:⧐招牌酸菜滑魚片|$238⧐冰鎮菠蘿咕嚕肉|$168⧐蝦球蟹子粉絲煲|$98⧐鮮菠蘿海鮮焗飯|$118⧐竹笙紅茄泡勝瓜|$168⧐麻香口水雞|$68⧐陳醋珊瑚海蜇頭|$68◎招牌酸菜滑魚片，叫得招牌，果然係招牌。成碟酸菜魚大大碟，魚肉好滑無骨，啖啖肉，類似太二酸菜魚咁，有花椒有酸菜，不如我自己嚟講可以辣少少就好了，鍾意食酸菜魚嘅人一定要黎依到試一下😋。◎冰鎮菠蘿咕嚕肉，自己點都諗唔到咕嚕肉點解可以同冰整埋一齊😱，仲要整得咁夾咁好食，成件事都係脆卜卜酸味味好好入口。◎蝦球蟹子粉絲煲，成住粉絲都佈滿蟹子，啖啖蟹子味，蝦球亦都好大粒🍤。◎鮮菠蘿海鮮焗飯，用左芝士去焗，芝士味重，飯有炒飯底，食得太多會膩。◎麻香口水雞，川味野，個辣度反而啱我心水🌶。◎陳醋珊瑚海蜇頭，第一次見咁大個海蜇，酸酸地食落去真係會上癮。餐前小魚同青葵亦都幾特別食落去脆卜卜，送酒一流。食完仲有紅豆沙送，記得以前細個去酒樓食完圍餐都有糖

黎到黃金海岸星小宴本來打算吹住海風歎串燒別有一番風味點知天公不造美落大雨所以一行4人唯有移師室內轉食小菜由於我地都懶得諗食咩就由侍應姐姐拍板決定我地呢晚嘅菜單雖然食唔到串燒有d可惜但慶幸呢度嘅小菜水準都唔錯極品叉燒皇肥瘦適中，入口鬆化招牌酸菜滑魚片用料十足胡辣口味刺激味蕾，加埋薯粉夠曬飽肚黃金蝦球炸得酥酥脆脆趁熱食夠曬鹹香味值得推介冰鎮菠蘿咕嚕肉打卡必嗌而且味道酸酸甜甜咁可以話係色香味俱全最後食埋個比較清淡嘅竹笙紅茄泡勝瓜就完成左滿足又美味嘅一餐之後等冇落雨果陣一定要再黎試下呢度嘅串燒同埋炭火雞煲

放工同朋友去黃金海岸食串燒，望住個海景特別舒服~員工服務態度好好，我地一坐低已經送上係魚仔乾、秋葵乾，兩樣都好香脆！我地仲加左串燒用嘅調味粉落魚仔乾度，超好食😂平時怕食秋葵嘅朋友都唔使驚，因為烘乾左入面唔會有滑潺潺嘅感覺！之後上串燒，我地點咗7種，包括肥牛、雞肉、雞皮、雞腎、雞軟骨等。餐廳提供燒烤汁、蒜香粉等調味料，可以隨個人喜好加落去。我最鍾意食雞腎同雞皮，雞腎食落好爽，雞皮燒到金黃食，食落脆脆地，正！金銀蒜銀魚娃娃菜（$98）上面鋪滿滿滿嘅蒜蓉，已經好香好吸引。蒜蓉食落鹹鹹地，因為入面加咗銀魚，令味道更豐富。清淡既娃娃菜加埋銀魚蒜蓉，簡單之餘又好好味道。蜂蜜柚子蝦球（$98）d蝦超大隻，份量好多！蝦肉非常彈牙，而且層炸粉好薄，所以一啲都唔會太膩，因為有時食炸野會擔心食得多好濟。柚子蜜甜甜酸酸好開胃，食完串燒食啱曬！冰鎮菠蘿咕嚕肉（$168）一嚟到已經出哂煙好吸睛😍仲要d冰放喺咕嚕肉隔離，食落去透心涼，熱氣全消！咕嚕肉肉軟多汁，加埋三色椒同菠蘿，色彩豐富得嚟食落酸甜醒胃又解膩，唔覺唔覺就比我地全部食哂🤣食下野傾下計，咁就過咗一個愉快既晚上

對上一次來黃金海岸已經係我中學時期，當時年紀輕，相隔半個世紀後，今次真正黎享受美景和美食。我哋揀咗依間中菜餐廳，環境好大好舒適，可惜剛落雨，如果唔係坐室外仲正😊前菜係秋葵和大魚乾，好特別。大魚乾手指咁長,好脆又咸香；秋葵超級脆、甜甜哋好開胃。我哋點左：酸菜魚小辣，好大碟呀！！而且擺碟好靚🥰魚肉片超滑，超香麻辣味和酸菜味，松子香脆，娃娃菜吸收晒湯既精華，仲有木耳和芽菜既爽口感，和我鐘意食既薯粉，正呀👍🏻間唔中咬到啲花椒，好刺激～冰鎮咕嚕肉菠蘿盛住酸酸甜甜既咕嚕肉，一啲都唔靭，煮得岩岩好，而且咕嚕肉面既山楂汁煮到拉絲，勁呀！有啲有少少肥豬肉既部份冰鎮咗後有爽脆口感，真係煮得唔錯👍🏻加埋青、紅，黃椒，口感清爽，仲好甜蜜蜜既菠蘿🍍鮑魚雞粒炒飯真係有鮑魚既鮑魚炒飯，仲要超多鮑魚，炒飯粒粒分明，依個鮑魚炒飯無得輸～上湯杞子正時蔬勁多乾瑤柱😁菜心好嫰，大廚將菜心最靚既部份呈上，加埋杞子，依度菜仲有食療功效。陳皮紅豆沙陳皮正氣，紅豆綿，每啖紅豆沙都滲出淡淡陳皮香，又唔會好甜，好健康🥰

今日要陪家人黎大西北睇醫生，結果okay, 所以揸左車黎附近嘅黃金海岸食晚飯。行左幾轉，家人都係揀左食中菜，所以就入左星小宴。一入去就感覺樓底真係好高！果然較偶嘅地方連建築都唔同啲，好正！另外staff整晚都好幫手，又有禮貌，家人都好滿意。講番重點，即係啲食物先。我會大推介佢地嘅厚切叉燒王！整整6件超級厚切嘅半肥瘦叉燒，真心口感係非常鬆化，甚至有啲入口即溶嘅地步，真心好好食，仲要價錢非常合理，一定要試！另外講下兩樣吸睛菜式，包括酸菜魚同冰鎮咕嚕肉。酸菜魚份量驚人，同埋用料一啲都唔馬虎。魚塊有好多，同埋魚質都認真唔錯，個酸味亦調配得宜，撈飯冇得頂😍 冰鎮咕嚕肉用左最有gimmick嘅乾冰霧化presentation，一上枱連隔離枱都忍唔住問係咩黎😂 本身以為個菠蘿咁細會得一兩舊咕嚕肉，點知份量依然好大，食極都有，並且調味好正！其他野包括黃金蝦、菜等等都幾好食，有機會會再黎！