星小宴

Open Now

Now Closed

我很少打評語…千萬不要去入去食小菜，食材差用最平最差的食材，野很難食冷氣很大，叫佢開細風D佢又唔改細，還同我講29度？食完吹到細佬哥都頭痛…沒下次。百幾蚊個 粉絲&炒河 & 炒飯，差過大家樂質素，燒鵝沒鵝味，百幾蚊個蒸菜更不知所謂$10成本都唔洗。

昨晚母親節去左屯門黃金海岸的星小宴晚飯， 7:30 入坐， 一坐低就先叫個片皮鴨，已經話售罄。叫左2個前菜+5個小菜， 先來兩個前菜係叉燒同埋燒腩肉仔，味道不過不失，之後來第一個小菜冰鎮咕嚕肉，係無冰鎮的，微暖，像是炒完好耐攤凍後拎出來，大家都體諒係今日母親節，估計廚房應該繁忙所以都唔介意。之後等咗25-30分鐘，侍應走過目無表情講我們之後點的三個小菜冇得供應了，跟住就閃走咗。我們只好再係餐單上再揀，但揀左幾個小菜都係話冇，跟住我就同侍應講不如你地有啲咩話俾我知啦，我哋等咗好耐先話冇，真係好浪費大家時間，估唔到佢覆我一句：我打工嘅咋乜都唔知，跟住就走咗。好不容易叫到部長過嚟，請佢喺Menu上寫返那些小菜有， 邊啲冇，至少等我哋唔使不斷去估估下，點知原來Menu上5-6成嘢都係冇嘅晒，咁我哋就唯有喺餘下仲有嗰啲小菜再揀，再叫侍應過嚟落單，竟然都係冇晒，我就開始同佢理論：我哋已經跟足部長話有既小菜去落單，竟然又無？ 佢哋都係覆我一句，真係冇呀，我打工嘅咋，唔好為難我！ 最後我哋想叫個菠蘿海鮮炒飯，但求老爺奶奶有淡飯食，唔想母親節要他們餓着個肚回家，點知想要個炒飯都係冇，最後好不容易叫到個鮑

8點入座 食咗個醉雞湯底雞煲邊爐食到8點45左右有個女侍應走嚟問火夠唔夠大呀我哋話ok呀 嗰陣野食都食咗大半 但佢之後都再走嚟話換番個火 但原來所謂換火唔係換過盤新炭 而係先將我哋個煲放地下 再換隔離枱食完滴過哂湯嘅炭 見到嗰下都你眼望我眼 感覺唔太衞生不過嗰陣都覺得算啦 知而家晚市規定要10點閂門 所以都冇理咁多換完之後每10-15分鐘就嚟問火夠唔夠大 之後就話就閂門 好食快啲先唔講其實都食得7788 女侍應好似完全冇諗過其實有用外賣盒拎走啲野食呢個option 淨係喺到催催催 催到佛都有火成餐飯其實野食係好食 醉雞湯底夠濃 雞好滑 牛肉都好食 不過用餐體驗真係好差 建議嗰位女待應下次serve客嗰陣諗野可以轉下彎 知道其實客人可以用外賣盒帶走野食 咁你都可以準時收工😊

平日lunchtime 過去黃金海岸hea下，walk-in 去到都有大把位，不過出面既位就無開放。呢度無lunch set果d, 全部都係散叫。紫薯天鵝，食得出即叫即整，熱辣辣 叉燒腸，皮薄餡靚，一d肥都唔覺但又唔鞋口荷葉飯（勁香好入味）鵪鶉蛋燒賣有驚喜原來收埋左粒蛋喺入邊，同埋第一次食到個黃係creamy feel!很流心既燕窩流心飽大大粒牛肉球唔係周圍有得食既炸鮮奶，一碟有咁多，外脆內軟，值得一試！PS 呢度有得揀麥茶飲，好特別👍🏻

難得黎到黃金海岸，當然要試下呢度嘅餐廳呢度有cafe有扒房，仲有間未到七點已經坐滿嘅餐廳夜晚晚驚訓唔著的話 呢度仲有玄米茶選擇一行四人點了$298花鵰醉雞煲、$238安格斯牛肉、$68韭菜餃、$20紅薯粉、$68手打牛丸炭爐一上個人就暖笠笠醉雞上枱已經聞到好香花鵰酒味🤤建議先將雞頭雞腳骨放入鍋中煮湯一滾就放入鮮雞肉 雞肉十分嫩滑煮耐咗都唔會鞋口可見牛花滿佈 厚薄適中 燙熟後薄薄一片更濃牛香韭菜餃大大隻 包入大量韭菜、豬肉還有爽口蝦肉👍🏻充滿口感手打牛丸係牛肉球質地😆大大粒好爽口麵食叫咗紅薯粉，放入醉雞湯底煮到淋，入晒味雖然炭爐的火喉比一般爐慢熱，但吹住海風打邊爐真係好享受

寒冷冬天, 晚餐選擇很多卻是抵不過在嚴寒的 戶外看著美景打邊爐.​ 海邊漆黑一片只看到近海旁的船隻， 與朋友一起聊天， 確實是一大樂事。​ 美景必須配上佳餚， 只要能令身體暖和， 美食變得更加美味。​ 炭爐雞煲你食過未， 真正需要在戶外吃的一個雞煲， 十分別具特色。 味道與其他餐廳的雞煲其實也不太大分別， 特別就是特別在這是一個明火炭爐雞煲。 雞肉十分入味， 可能辣椒份量比較多所以辣味也很強。 吃完雞煲便用剩餘的雞汁， 再加上特別的清湯， 然後繼續打邊爐。這餐廳的食材也比較出色。 安格斯肥牛一碟，咬起來真的比較鬆軟， 另外有點兒覺得奇怪的事就算，放在湯裏浸淫著多分鐘後，牛肉的質感雖然變了點，但是入口依然很鬆化。 可見牛肉十分高級。 其他配菜例如西洋菜，牛肉丸豬肉丸，豬肉餃子及豆腐也很美味。另外還有日式蟹柳和薯粉這也是街上也可買到所以我也不特別提了。 總括而言這餐也是色香味俱全， 和伴侶一起來到這餐廳吃用作慶祝過日子也不錯。​

今日難得去到黃金海岸，見到有一間中菜館，可以坐室外，望住海邊海景，真係特別寫意晚餐主打雞煲同埋羊腩煲，而呢度係用炭爐，好夠火喉，所以我哋揀咗炭爐雞煲！呢度茶位$13一位💕秘製炭爐雞煲 半隻$188呢個雞煲嘅器皿係砂煲，而且係用炭爐，唔會有陣陣炭屎，已慢火烹調，所以整個部受熱均勻，同埋好快就加熱食得，雞件嫩滑，好入味食完雞煲之後就開始換煲打邊爐，我哋叫咗鴨血、菜肉餃同埋手切特級安格斯牛肉菜肉餃皮薄餡料多，而且個皮得好彈牙另外呢一碟手切安格斯牛肉份量好多，雖然只係小份， 但都夠晒兩個人食

近來天氣轉冷 都好想食暖笠笠既羊腩煲呢間餐廳位黃金海岸 仲可以望住個海景相當有情調座位上都設有一個炭爐望着浪漫的海景吃飯 羊腩煲入面有枝竹 冬菇 馬蹄羊肉沒有羊膻味 份量超多腩位充滿油香 肉質細嫩冬天就最岩食羊肉滋補下 醬汁濃厚 帶點藥材味大大舊的羊肉 吸晒醬汗精華仲要一咬就溶化在口中一啲都唔柴 當然要配上腐乳醬😋手切安格斯牛肉從紋理上看已經是有水準的牛肉食落口牛味相當重而且不會切得太薄保留口感10分推薦的鱸魚片魚片肉質嫩滑新鮮比坊間的魚片更鮮甜順德魚腐金針菇分別叫了魚腐和金針菇打邊爐當然要叫能夠吸收湯汁的餸整體食物水準非常之好而且環境舒適 份量亦都足夠家庭聚會

天寒地凍， 最啱就係約埋屋企人一齊嚟食雞煲。 一間位於黃金海岸商場嘅中菜館《星小宴》， 之前推出咗炭爐雞煲同埋羊腩煲， 雖然天氣寒冷， 但係喺戶外對住個火爐，一齊食雞煲、談天說地， 真係幾正。火爐用咗環保炭， 冇煙之餘仲好襟燒， 大約都可以保持到兩三個鐘。 呢間餐廳嘅環境優美， 戶外再有少少歐陸感覺，而且又對住遊艇會。餐廳內部嘅裝修亦同樣高雅。呢度嘅雞煲色香味俱全， 雞件尚算嫩滑，味道方面夠曬香濃， 惹味得黎又有少少麻辣，正。呢一碟安格斯牛肩色澤紅潤而且雪花平均， 輕輕淥一下之後，五成熟剛剛好。 牛味香濃，入口即溶。韭菜餃大大隻， 餡料豐富， 韭菜非常香濃。另外，魚腐軟熟，香口，小朋友實鍾意。寬粉淥完之後， 晶瑩剔透， 口感煙韌，相當彈牙。天寒地凍， 可以大家一齊圍爐取暖，確實溫馨。希望疫情快過，大家可以名正言順慶祝一番。

喺停晚市之前可以嚟到黃金海岸食佢嘅雞煲， 再加上天公造美， 這個冬天不太冷， 於室外晚餐也不成問題， 沿岸海邊景色美麗， 看著岸邊的船隻晚餐也是一種享受。​ 這餐廳的特色就是用炭爐。首先來了一個秘製香辣雞煲， 桌子是中間有一個圓形鏤空然後有一盤丟空了的碳，那些火碳是用科學碳燒的。燃燒著，十分有熱力，在這個寒冷的冬天手控著這個暖炭爐也十分舒服。 至於味道， 雞煲也很有香味，那些辣椒的感覺也充斥著整個口腔，味道不會太濃烈，但是雞味也很突出， 雪味也清除了。然後因為我們太耐沒有叫侍應處理我們的雞煲使煲底燶了。 侍應也很用心的和我們換了另一部清湯， 又要清湯太單調所以加了一些雞醬， 接下來打邊爐也有雞煲的味道。有手切特級安格斯牛肉， 真的是特級十分好吃入口即溶。 即使放在煲裏煮了很久也不會變到好韌。白菜豬肉餃是我十分推薦的， 豬肉味濃， 但與配菜的比例十分剛好， 加上雞湯的湯底十分合襯。還有黑松露豬肉丸， 老實講黑松露的味道我不太吃得到，但是那個豬肉丸的口感十分爽口， 如果下次再食我一定會再叫。​

今日放大假同朋友一齊入屯門黃金海岸沙灘🏖️曬下太陽及吹下海風，行過商場被我們發現「星小宴」有香港碩果僅存的炭爐火鍋🍲，一定不會錯失機會，身處歐陸風情餐廳🍴，嘆住傳統風味的炭爐火鍋🍲超正👍👍秘製香辣雞煲（1隻）$298用炭爐的好處是火力均勻，唔似用電爐過分將熱力聚焦，所以用炭爐打邊爐一刋都唔熱氣，燒得紅紅炭火，放入裝滿秘製香辣雞煲，滾下滾下，麻辣鮮香，掛汁的雞件，嫩滑入味，風味無窮🤤🤤手切特級安格斯牛肉（小）$238油脂比例均衡，呈現出高品質的霜降紋，肉味濃郁，吃到香濃牛肉味道以及入口即化的油脂香味😍😍巧手韭菜餃$68每日新鮮自家製韭菜餃，豬肉蝦仁韭菜豐富餡料，餃子香軟紮實，香汁四溢，吃得根本停不下來😁😁西洋菜$44西洋菜本身獨特味道，簡簡單單用湯滾滾，就很好吃😋

成日喺黃金海岸見到呢咋戶外位都相當嚮往，今日得知呢間星小宴仲有戶外炭爐邊爐食，戶外打邊爐已經相當有風味，呢度仲要係用傳統嘅炭爐，真係令人急不及待要即刻過嚟試下。秘製香辣雞煲，我哋選擇咗先食雞煲再加湯打炭爐邊爐，雞煲十分惹味，香辣俱備，雞皮微脆，唔知係咪經過走油處理，雞肉嘅份量都相當充足。手切特級安格斯牛肉，中間嗰幾塊牛肉擺成花冧形狀，賣相滿分，牛肉油脂均勻，一入口散發著淡淡嘅牛味，肉汁香濃，口感嫩滑。白菜豬肉餃，白菜豬肉餃餡料飽滿，菜肉嘅比例係我最喜歡嘅一比一，讚。爽口貢丸，貢丸菇味香濃，明顯無落太多粉，真材實料。趁天氣仲涼涼地可以再嚟返兜多幾次，始終炭爐要喺戶外，戶外要喺冬天。

2022.1.5 晚 菜式: 花雕醉雞 (半隻)雞煲178 , 脆皮豬手188雞隻不算大size, 雞湯奶白色的, 除了鹹咗些, 真的唔錯！讚的是 脆皮豬手, 皮好脆！！豬又不太肥, 肉又不鹹, 正！上菜慢了些, 服務唔錯: 適時地加炭、加湯

今日去咗黃金海岸由朝玩到晚☺️為咗睇埋夜景燈飾，當然要食埋飯先走☺️呢度有間炭爐雞煲，見天氣凍凍地即刻扑鎚👍🏻$298花雕醉雞煲🍲最鍾意啲充滿花雕酒味嘅湯底🤤藥材又香又濃味👍🏻雞件嫩滑🐓好欣賞佢呢度用環保炭，比起傳統炭少燒烤味👍🏻$238手切特級安格斯牛肉🐄牛肉紋路一個字，靚！🤤肥瘦均勻，輕輕淥熟入口軟稔🤤🤤🤤好重牛肉味👍🏻正！$68手打爽滑牛肉丸🍡咬落似牛肉球🤤係肉球的彈牙👍🏻$68巧手韭菜餃🥟餃子好香韭菜味，入面仲包住蝦肉🦐有多一份鮮味🤤$48炸魚皮🐟不論係浸湯食定就咁食都非常之脆口👍🏻唔儲好油👍🏻$44甜口娃娃菜🥬新鮮娃娃菜爽口！😋$20紅薯粉🍝以為薯粉要配麻辣湯底，估唔到配花雕湯底都一樣好味入味😋滑嘟嘟入口！總括而言，凍凍地天氣坐室外享用炭爐雞煲有特色👍🏻食完又可以睇夜景🌃周圍行豆睇燈飾👍🏻chill~~

喺一個好凍嘅晚上，響戶外對住個海食炭火辣雞煲真係一絕！呢間野環境一流、食物一流、服務態度都好好，美中不足嘅係佢哋嘅手打爽滑牛丸竟然係有馬蹄芫荽嘅牛肉球？打邊爐食牛肉球 are you kidding me? 我哋問咗職員，佢哋話佢哋嘅手打牛丸係有馬蹄芫荽嘅所以冇比錯我地，同埋佢地話開業以來從來冇食客咁樣評論過，令我有小小懷疑我哋一行四人係咪集體出現幻覺。所以提醒大家，除非好鍾意打邊爐食馬蹄芫荽牛肉球，否則真係唔好柯打佢哋嘅手打爽滑牛丸。