阿爺粥品手工涮涮鍋 (Closed)

星期六見有位即管一試，$268+假期$30+任食$30=$328一位，有海鮮，但任食紙選擇非常少，飲了3枝啤酒，埋單$1606，就算加埋10%都不用這價錢，查詢後原來每人再加$18茶及醬油錢，即每人$380.6，本人覺得有些取巧，我沒有看見標示要收茶醬費，侍應介紹時只標榜$268，假期前夕加收$30，如想任食就再加$30，幸好我沒有再加$20任飲，否則唔飲茶都會變成$38，講多無謂，總之就冇下次！

午市粥火鍋放題，11:00開始，40款食物當中已經有最少4樣食物沒有供應，如蜆，海沙白，炸鮮奶，台灣黑椒腸， 而12:30連象拔蚌都沒有了。另外加錢飲品放題都好不了多少，叫了一杯涼茶就話賣晒，迫你飲沙冰，檸茶就不可改甜度。食物方面就將牛丸誤當貢丸上枱，其他普通，只有紫菜響鈴，蟹柳比較好食。要辣椒就要加＄10一份⋯⋯最離譜係，明明門口單張寫明，星期六日及公眾假期加收20，但埋單時就話是假日及前夕加20蚊，所以在這店一定要睇清楚單先好俾錢，否則中了陷阱都唔知！！

見到openrice有百幾個好味得少少負評，諗住都係不錯嘅選擇，點解一個字講晒: 伏。由book位去到坐低揀好，叫餐先發現原來係限時2小時，就算嗌餐冇放題都限時。坐低見到成張櫈都係食物碎冇清潔好已經有啲唔開胃。叫咗一個餐$328人頭，星期日再加$30，有一人一份海鮮，都幾細份 (一人份量包括有2隻蝦、半隻龍蝦仔、半隻蟹、兩件魚片、一隻貴妃蚌，本身仲有小象拔蚌，不過當日冇貨所以店員用2隻蝦嚟補返) 第一眼睇已經覺得怪怪哋，海鮮下面嘅冰底已經溶咗一半.....食落就真係出事，16隻蝦 全 部 都 係 “霉” 嘅，蟹亦都係極少蟹肉！粥底亦都只係一般白粥，平平無期。埋單加晒所有錢$4xx一位，呢個價錢食呢個質素嘅食物認真唔抵，埋單再去食過其他嘢

花膠與圖不符，完全唔似花膠質地店內既花膠較鬆弛，雖然我冇食過好靚嘅花膠,但同我地係出面食過食開嘅花膠係完全唔一樣口感,雖然話58蚊想要咩質數，但連58蚊都唔值，似魚肚多啲，旁邊啲汁或膠勁似鼻涕，仲有個面同出面正常餐廳係細碗啲。

經朋友介紹，我與同事結伴到阿爺粥品手工涮涮鍋午膳。餐廳是地舖，位置不算太偏僻，而且門面招牌很大，因此較易找得到。餐廳的裝潢算是特別，不只是普通淨色的牆壁，而是有彩色的特色牆，除此之外，還有一串串的仿樹葉做吊飾，令整體氣氛不太單調。食物方面，我們點了Set lunch蟲草花滑雞粥加混醬腸粉及籠仔蟲草花滑雞飯。☝🏻蟲草花滑雞粥加混醬腸粉粥極之鮮甜入味，不用加任何調味料就已經很夠味，且天然的食材令原本純白色的粥變成了鮮黃色，可見其味道完全浸泡粥內，配菜的滑雞如其名，十分嫩滑；混醬腸粉亦勁滑勁香☝🏻籠仔蟲草花滑雞飯份量十足，且籠仔內的飯夠香，雞夠滑，送的燉湯（菜乾湯）亦十分足料，絕不馬虎整體而言，阿爺粥品手工涮涮鍋無論是裝潢及食物都十分有水準，是荃灣打工仔午餐的不俗之選。

同一班朋友即興食飯，星期六晚，無訂位，在荃灣要搵一間可客納8人的餐廳不易，於是黎呢間碰碰運氣，有位即入。我地連食咩都唔知，原來晚市只有火鍋，假日另加30蚊，我地八人只可分開坐兩張四人台。我地點左粥底海鮮$219既餐，包海鮮同自選四樣野，有菜，有丸，有肉，有響鈴。其實食物都唔錯，但火鍋係二人起有一個鍋，然後五人先兩個鍋。。。我地八個人，兩台得兩個鍋，即4人一台都係得一個鍋。。。。完全唔合理。。。希望餐廳老闆可以改一改，真心趕客。。。加上一開始竟然將我地四人單，開左二人單。。全部野上左二人份。。好彩我地發現左。。。服務真係唔得。。。咁既價錢。可以有更好選擇

今日小弟生日，早幾日已經訂定9點鐘6位，8點50分已到齊門口問定門口侍應攞位，侍應話10-15分鐘會比到位我地，順便比埋個蛋糕佢雪住係入面先。咁既然未夠鐘我就行住街等，9點10分返到門口再問待應，佢話入面枱客已經埋左單，咁好啦 繼續係門口等下，時間一秒一秒咁過，等到9點半 再問下佢，佢話枱客埋左單 亦都夠左鐘，我望入去 果班人仲繼續食緊野 飲緊酒，明明限時兩個鐘 夠鐘係咪應該請佢地起身呢？我訂左9點鐘枱 9點9都仲未可以入座 你話無人等位 你唔請佢地起身我唔怪你，我一家大細係門口等左9個字，經理行出黎剩係講句唔好意思就算。最後我拎返個蛋糕 去對面幫襯第二間就算。

相信是唯一荃灣一 間獨一無二的粥底火鍋店，同愛人就去試一試他的午市任食放題，一坐下發覺餐紙上已經有超多的選擇，當然選了粥底之後，就開始我們丰富的粥底火鍋，海鮮類也有很多選擇包括蜆沙白等。店員強烈推介他們的手打肉丸和餃子，當然必試還有他的肥牛和賣相突出的玫瑰花豬爽肉，在粥底的浸泡後鮮味突出，他除了這個玫瑰花豬爽肉的特色菜外，還有蜂巢豆腐、韓國泡菜 、雲南野菌、伯爵肉丸 、松花皮蛋 。我們兩人只各點了少許，也未能將所有五十多款的火鍋料試盡。已經捧著腹了，但之後還看見有甜品包括大良鮮奶、椰汁糕、冰花燉蛋和薑汁燉奶，實在是令人喜出望外的一個任食粥底放題。每位也不需一百元實在是超值而且水準甚高。

只可以講食一次都厭多，仲要9點后入座食這個價錢$328起，在潮福食蒸氣石鍋好過，起碼海鮮有保證，依間食肆D服務態度差到無朋友，完全唔似想做生意，大家真係要諗清諗楚，至於點解有大量好評出現大家心中有數，其實一粒星都唔想比但系統無得唔比星😅，我仲相機食先好彩無推介出去😥平心而論，得依杯野ok架咋小心中伏!

第一次光顧，之前見到好評都幾多，即管一試。最後真係非常後悔及失望！第一，餐廳清潔欠佳。碗碟杯都有啲洗唔乾淨既殘漬，杯上竟然仲可以有個清𥇦既紅唇印🤢🤢🤢第二，所謂有米粥，係真係有米，但係係真係”有米”only lor🙄 米水禁樣，好似飲湯禁lor，差到喊第三，非常貴，或者禁講，以呢種環境，清潔度同食物質素黎講，非常非常唔抵！218起既套餐，假日加每位30，之後俾晒調味料你，原來個到又每位18，最後仲有加一。🤷🏻‍♀️🤷🏻‍♀️🤷🏻‍♀️俾呢個價錢，食呢個質素，真係非常唔ok🙄服務又唔係好，餐廳有一個侍應確係服務細心，但其他人都真係麻麻最後真係無癮，試左個個粥水之後真係唔想食落去。粥底火鍋嚟講真係差，絕對無下次，非常問號其他禁多既好評係邊到黎？

4個人想去試下新野啦打邊爐打到悶就去試下打粥底邊爐入去之前都研究過下D收費佢唔係做任食既,係揀左一個SET ( 例如:不同海鮮/龍蝦/蟹...)之後再加5樣火鍋配料我地揀左218 SET睇睇有D咩食先~呢個就係4人分量既218 SET之後揀左5樣野大概就係咁,如果想做任食每位好似+30但只是配料,海鮮係唔包架我就特別喜歡個蟹,雖然唔易拆,但係真係勁鮮甜套餐沒有野飲,係要另叫既~講下個味道呀~個粥係幾好食既,但一定要等所有野都熟哂先食之前一開始打個時我都試左少少,係會冇咩味佢好靠個海鮮同肉出味,係生滾粥啊~!!!材料新鮮但係唔大份,如果唔想食放題既你就0岩哂,坐都好舒服可以傾下計~仲有宵夜時段,9點後會多D人.

見過youtuber介紹過呢間粥底火鍋，而我又未食過用粥黎做湯底打邊爐，價錢又吸引，於是特登過去荃灣一試。午市放題係由12點至五點都有得食，最平係98一位免加一，仲有啲貴少少都只係個粥底落蟹or多啲其他野咁，不過假日去要全部都要加多20蚊一位。不過我對海鮮興趣不大，所以叫左最平98果個，姐係埋單118一位。點單每張紙只能點五種，有點不環保，不過佢就make sure 到冇漏單，食物種類都算多，質素都ok，啲豬頸仲特登整個玫瑰花形幾靚，牛肉有滑牛同美國肥牛，滑牛更好味，同粥底更相襯，似反食牛肉粥咁，皮蛋就唔太ok，啲豬腰都好爽，豬潤食正果幾舊都有筋，唔鐘意，海鮮就叫左啲貝貝同象拔蚌，唔係話勁新鮮，不過咁嘅價錢食的話就會係接受到嘅質素，手打丸同餃子不過不失啦。不過我好欣賞佢啲炸物都係即叫即炸，例如紫菜響玲，油炸鬼，炸鮮奶，同佢個順德春花卷。炸鮮奶係必食我叫左好多件春花卷係老闆推薦，我地一人叫左件，可能因為我本來對韮菜冇咩興趣，所以我覺得麻麻地啦。響玲卷都好脆，不過油炸鬼就唔得啦，好大油“益“味，同埋唔似平時粥舖果啲鬆軟，所以不推薦。甜品我全部都有叫，椰汁桂花糕，燉蛋同薑汁撞奶都叫左，啲燉蛋

未食先谷氣.....訂咗八點鐘， 去到門口位侍應姐姐講，你係第二張枱……我話下咩意思？你要等，你排第2…… 我話我訂咗枱我唔係冇訂位！ 係呀，你訂咗枱都係要等………… 我就暗自講咗句早知我早啲嚟 (其實我一早就到咗喺附近，見未夠鐘就游下游下 差唔多時間先行過去) ，點知佢話 系呀七點半嚟仲有好多位架！ 我真係覺得好奇怪 既然七點半有位又有booking係咪應該要留枱呢, 佢話冬天而家係咁㗎啦，早D黎咪可以早D入羅! 咁你就唔好學人有得訂位啦 不如直接只能walk in…………………… 最後我係8點45分先入座講番啲食物 海鮮ok嘅其他就一般啦 但係我哋覺得 以300蚊 人頭計 咁嘅質數算係可以！希望佢哋可以改善一下訂枱入座嘅問題 咁就更好啦

今天凍凍地，有人話想打邊邊， 想試粥底火鍋好耐， 就嚟試下， 點知撞正三八婦女節， 女士們有8折， 試食$328餐，本來想加$30任食火鍋， 都係睇定d，食晒海鮮加自選5項火鍋配料先決定， 食晒之後真係唔夠飽， 但食埋個粥底後就飽飽了， 食飽仲暖笠笠添。

My first time to try congee hotpot and my friend recommended this place to me. For those who doesn't know your way around Tsuen Wan, Grandpa's Porridge Shabu Shabu is closer to Tsuen Wan MTR than Tsuen Wan West Station. We walked from Tsuen Wan West Station and took us about 15mins. Reservation was made but when we arrived the table was not ready. After 20mins, sofa seats table was ready. The table is very spacious for two.It took us a long time deciding which hotpot menu to try. Menu price rang