Green Ocean Seafood

Open Now

Now Closed

今天中午坐朋友車去了錦田~天空之城吃午餐。那裡環境很適合開車人士，有大量停車位。我們選了一間接近路口的餐廳，因為有牛扒餐。由於今天天氣不是很熱，我們選擇坐在戶外用膳。我選了西冷扒+薯菜+熱斋啡。熱斋啡喝下去不像即磨咖啡，有點像是掛耳。可能今天人比較多的原因，牛扒上得有點慢，要大概20分鐘才做好。不過也是值得的，不會像茶餐廳一樣怱怱忙忙的。牛扒煎得有點過火，如果能再生一點完美了。薯條乜炸得很好，夠熱，可惜的是鹽放多了，咸了點。

元朗 天空之城Green Ocean Seafood.味道：7/10🌟抵食：7/10🌟環境：7/10🌟.元朗有驚喜嘅隱世小店☕️呢度嘅香草烤雞配薯菜係招牌，幾好食😋烤雞皮脆肉嫩，份量都唔少🥰而搭配嘅薯菜幾特別，係烤蕃薯🍠同薯條🍟另外，石鍋牛肉拌飯都幾高質，蘑菇粒同牛肉粒好夾🍄‍🟫🐮想假期放鬆下都可以一試🤤.

2023真係一眨眼就過 經歷過聖誕節不太愉快嘅晚餐之後醒起之前係錦上路爾巒附近食過嘅呢一間西餐廳其實2019年個陣曾經係呢到食過聖誕晚餐記得佢無特別整啲節日set食物質素又好 就決定去呢到食估唔到原來咁快就已經4年🙈今次我地叫左蒜片紫蘇煮蜆、安格斯肉眼同埋黑松露帶子扁麵蒜片紫蘇煮蜆＄128啲蜆好鮮甜冇沙！而且都好肥美紫蘇味雖然唔係好出，但個汁都好好食我地仲特登問左店員有無法包可以配黎食點埋啲汁一流😋美國安格斯肉眼＄368好耐無食過啲有質素嘅牛扒呢個價錢雖然唔係話好平，但好多餐廳收呢個價都未必俾到好味嘅牛扒你食🥲我地叫左medium 出到黎煎得岩岩好而且有少少燒焦味 佢雖然有汁但我都無咩點過因為就咁配少少鹽已經好好食熱愛薯條嘅我仲再加左薯條好滿足🤣黑松露帶子扁麵＄178當呢碟意粉黎到嘅時候我地已經飽左一大半😂個汁creamy得黎唔會太漏意粉個texture同埋帶子嘅生熟程度都岩岩好！最後我地要打包一半返去做宵夜😂整體黎講呢餐真係好滿意幾年無黎唔單止食物質素keep到，仲要價錢都無咩加過下次經過要再黎食😋要特別一讚啲staff同老闆全部都好nice😆

我今晚八點半左右先至入到去，餐廳老闆都好好招呼全程冇黑面，仲免費加咗麵包畀我哋送個青口汁。新鮮藍青口，真係好好食，個汁夠熱又好香！ 我哋點左一份10安士嘅阿根廷牛肉眼扒 ，佢嗰個做法真係好好食，係有一種燒焦嘅香氣，但係係啱啱好唔會over。食完我都忍唔住口讚老闆，話份牛扒charcoal做得好好，佢話一定係要用火燒一燒佢㗎，好滿意咁樣笑咗一下🫡

在錦田，近年多了cafe ，西餐，日本菜一應俱全，唯獨是欠缺韓國料理。今日突然見到餐牌有［泡菜牛柳石頭鍋飯］真係要試一試。平日到這餐廳Lunch 通常都係食雞，佢既烤雞係冇試過失手，不過既然上星期出新餐牌，就試下佢地處理多國菜的水準。一上檯，其實都幾吸晴，泡菜的橙色，加半熟牛柳的粉紅色以及芝麻的點綴，印象分係攞晒既。而牛柳一食落口，大e概5成熟啦…唔講得上入口即溶，但佢既肉汁被封住，外脆內軟的感覺，佢Handle 得好好。下星期又試下新menu 其他菜🤤

今日係第一次同狗狗喺天空之城呢間餐廳食嘢架！嚟到時接近3點，而餐廳只有午餐選擇，我同狗狗爸爸點咗2個set lunch：美式和牛漢堡包同石窩黑松露野菌飯。午餐包咖啡、茶或特飲，而我哋就點咗香檳葡萄梳打同雪梨蜜。美式和牛漢堡包係open burger，配料一目了，仲方便狗狗爸爸進食。和牛漢堡係自家製，夠厚，切開後好juicy，狗狗爸爸話幾好食。至於漢堡包內的其他配料亦夠新鮮，不過醃青瓜同生洋蔥就唔係普遍人的心頭好（尤其後者，好嗆喉）。薯條炸得好脆，沙律菜亦幾新鮮。整體呢個餐係好唔錯既選擇石窩黑松露野菌飯係我點的。飯同雜菌的份量都多，喺飯面亦見到有啲好似黑松露醬的東西。呢個飯似risotto，不過米飯係「淋」的，冇米芯。雖然足料，但唔知點解，佢真係冇乜味，冇一份屬於菌類的香。所以，喺味覺上而言，佢真係好寡。由於份量大，食下食下，我就唔係好想食喇2杯飲品賣相平平，但幾好飲。雪梨蜜勁甜，雖然我哋唔抗拒，但如果唔係嗜甜者，就建議要避免柯打，因為飲緊時似係飲緊一匙蜜糖落肚咁。總括嚟講，我覺得呢餐不過不失，餐廳的午餐價錢同附近鋪頭差唔多，冇加一，而跟特飲唔使加錢亦係一個特點。不過，令我有所保留的係，

非常喜歡的一家西餐私房菜。樣樣高質素。煎美國帶子，好大隻，煎的半生熟，外香裡嫩，一個帶子分兩口。這家生蠔是特色，選用的全是0號蠔，價格不便宜，但質素有保障。燒雞沙律太好吃了雞肉有香有多汁，沙律菜爽口新鮮。肉眼牛扒三百塊錢對的起價格，用的是Prime，火候準確，不會過熟，配菜的釀番茄太好吃了。不夠吃又叫了半只烤雞，皮脆肉嫩，值得推薦。最後甜品要了心太軟陪雪糕，我選了自製椰子雪糕，很有特色，餐後咖啡也很好。

▶️香草烤雞半隻｜𝟾 𝟻▶️西班牙黑毛豬腩扒｜𝟾 𝟻驚豬腩扒會好肥膩，結果一啲都唔會！煎過嘅黑毛豬腩扒外層香口，肉質軟嫩有肉汁呵呵呵，雖然有幾忽over左有致癌嘅味道😂😂😂🍹青檸梳打跟餐唔洗加錢，有得走甜🫶🏽

疫情期間週六週日到郊外走走，今天去左錦田一帶，呼吸新鮮空氣兼尋找美食。經OpenRice search了呢家西餐廳，覺得不錯，於是就去試一試。下午茶時間叫左忌廉白酒煮法國青口及House Wine，其實海鮮應該飲白酒，不過個朋友話想飲紅酒，唯有捨命陪君子。侍應表示法國青口無貨，建議我們可以試佢地D蜆。忌廉白酒煮顯蜆也不錯，還跟左幾片法國麵硬包，用來點汁非常正，D蜆都好肥美。他們的House 他們的House Wine是小瓶裝，一支一杯，味道不錯，就此我們就到過了一個愉快的週末。

意想不到遠於錦田也有驚喜Lunch。此餐廳之實際位置位於元朗錦田高埔村的「天空之城」內，有少少風景，在屋苑「爾巒」旁邊，Lunch Time時間就試了他的set lunch，我點了紅酒牛脷燴意粉，我朋友則點了煎比目魚扒意粉，我們share一起吃。我碟紅酒牛脷意粉先到，它的碟竟然略帶微溫，真是細心非常，有誠意。其牛脷煮得軟硬適中，沒有渣，CP值極高。比目魚扒意粉也不錯，廚師用了日式汁去煮，味道略帶甜，比目魚扒亦算鮮味，肉質不會散開，魚的皮煎得夠香夠脆，煮得很好。餐飲改為飲啤酒，德國來的啤酒，都是麥啤，味道不錯，綠色的手工啤味道很好。啡色的是濃味麥啤，其實也不太濃，味道不錯。

🇭🇰住喺元朗可以食 九龍人士唔使特登入嚟🧐揸車人士比較適合 因為都幾偏僻個位～美國頂級西冷牛扒（$288）油脂豐富 五成熟啱啱好 好大塊 一個人一定食唔晒～要同朋友share！冇咩特別一般水準🥰煙腿卡邦尼意粉（$158）個sauce幾好食😋普通正常水準香煎美國野生帶子（$68）鮮甜新鮮 上面有少少黑松露醬叼味🥳配上多士就有啲滯鵝肝（$128）兩件冇咩特別 就唔再多講了 油脂豐富 唔會腥臭👍🏻🌟推介分數（2.5/5）📍 Green Ocean Seafood (元朗)元朗錦田高埔村108號天空之城第5座地下

主打生蠔唔整餐牌 客人問價錢模棱兩可 🤔問推介生蠔有咩選擇 問非所答 直頭似趕客 店員漏單 無say sorry 叫你唔好再食😤未食完就清台 收工大晒架⁉️老細大晒❓又唔係無比錢你 要客食野成肚氣 以為自己係高級餐廳 唔係落雨天根本唔會選擇你間店❗️有無客路有眼你睇得幾台客人 好心態度好返少少🤏

同🏋🏻又去元朗做gymGym前食下好西😌揸車入去錦田chill下🧏🏻‍♀️聽🏋🏻講天空之城d嘢幾好食兜左幾個圈睇左menu就決定食呢間西餐廳😆純粹撞手神🥸希望唔會伏1️⃣香草烤雞🐥配薯菜 $80 (lunch set)呢到既lunchset都幾抵食😍仲送埋特式飲品🍹👱🏻‍♀️做gym前要食下d蛋白質for操鬼背模式😂同埋👱🏻‍♀️想食少d crabs所以就揀左🐥🐥如圖所見d雞肉都幾多有雞脾雞全翼各一隻其他雞肉夾埋都有4舊🤨份量足曬一個女仔食👍🏻至於雞肉質素真心不錯嫩滑得黎帶有雞汁💦唔會overcook搞到d🐥柴曬不過🧏🏻‍♀️醃得有少少少少咸👱🏻‍♀️去左皮都食到重手既香料味🍟就交曬俾🏋🏻食就咁睇外表炸得幾靚仔🏋🏻話油溢味唔重幾脆口唔會食到成口油同過多既鹽味🙃但伴碟既沙律🥗醬汁太多好漏🥲2️⃣黑松露鮮露荀蟹肉🦀菠菜闊麵 $88 (lunch set)👱🏻‍♀️中意黑松露又中意闊麵所以🏋🏻好貼心嗌左呢個set俾👱🏻‍♀️試食個闊麵黎到真心O左咀😮係好大碟🍝肉眼所見既蟹肉量都幾多老闆仲好貼心叫我地快d食😂忌廉一琼左就唔好食😚卷起d闊麵啖啖都有滿滿🦀肉點解可以咁足料😢食落口第一下先係淡淡地既白酒味繼而黑松露味慢慢

一年前食過覺得麻麻，但今日因為冬蔭牛牛滿座、樂都冰室裝緊修、農情味星期一唔開，又見呢度轉左menu好似唔錯，所以又俾多次機會佢。兩個人加一個坐住bb車嘅9個月bb，被安排坐喺室外一張二人檯，位置幾闊絡，可惜坐低落order後，附近幾枱就陸陸續續開始吸煙，唔係叫左野食真係想即走，但order左惟有要求轉坐室內位。一個似係老闆嘅人安排左一張近門口嘅三人枱俾我地，一坐低佢就嫌我架bb車阻住，問我bb可唔可以坐櫈，但係冇bb櫈提供，試問一個9個月bb點坐到喺一張大人櫈？我bb係細粒嘅，點睇都唔會過一歲，佢咁樣要求我地有少少呆左，不過只係禮貌話佢未坐到大人櫈，會盡量將架車放埋d。當時附近嘅枱都未有客嘅。。。之後疑似老闆每次行過都會望住我架車，可能係擔心撞到啦，但嗰種注目禮令人感覺麻麻。食物冇咩大問題，係份量較孤寒，黑松露蟹肉露荀菠菜闊麵只得三條約3cm長嘅露荀，蟹肉大約有奶茶匙仔1/3匙，我食量中等，都要飲埋杯野先夠飽，飲品百香果茶都係普通糖漿開嘅飲品，不過不失。另一個叫左軟殼蟹南瓜意大利飯，個闊麵食完後先上，相信係需要炸蟹，因為下段嘅原因，5分鐘食完，都唔記得咩味。食到一半大量（真係極濃烈）煙

去元朗爾巒探朋友，一於來個Happy Friday，佢帶我去咗間隱世小店食西餐，點知去到都不知幾爆，真係估唔到星期五Late Lunch都竟然有咁多人，我地去到坐Last張枱，戶外的，幾好Feel。我朋友叫咗個菠菜汁闊條麵，我就點了個羊架，因為見佢係廚師推介，而且都只係$98，所以決定試下。貪心的我在朋友的菠菜汁闊條麵上抽了少少水，菠菜味好Fresh好好味，個汁的濃度我自己個人覺得幾好，唔太杰又唔太稀。至於我個羊架，肉質好軟熟，同埋我無諗過$98會有3件羊架，仲要每件都係兩條骨，真係好抵，性價比好高。我地另外仲飲了佢隻德國麥啤，麥味好香濃，配羊架啱晒。