Greyhound Café (新城市廣場) (Closed)

這間泰式西餐廳，fusion菜！出品穩定，每間分店都維持到。讚！兩個人不飽也不餓，就是口癢癢啦！我們點了兩個輕食。雞肉蝦紙卷配生菜🥬配泰式偏甜醬汁九小件的米紙卷皮軟熟，有彈性！生菜細心的準備了葉的軟身部份生菜頭的硬和厚部份拿走了軟身生菜葉包上米紙卷容易入口，不錯呀！豬肉串燒配糯米飯大推之選！我十分喜歡的菜式糯米飯的感覺很好！埋單用了$50的集團優惠券✅提供透明膠袋放口罩⭕️全店職員戴上口罩 ⭕️進店前量度體溫 ⭕️座位間以透明膠片分隔

真是對店長俾個,對一些無理的客人仍保持忍耐及包容.昨天見到一客人要求一定要坐心儀的位置。店長解釋巳有客人訂了，但那個客人只是不停要求我要坐那處，店長耐心不停解釋，然後再安排她等下一張枱，全程也有禮貌真是值得加許食物方面，點了單骨雞翼.有點乾,可以在時間方便再調控.泰式奶茶是我最愛.每次必點的飲品.泰式肉丸河味道不錯很有泰國風味

用餐經驗🗣一入餐廳，服務員細心提供口罩套，點完會交代等侯時間服務幾好🕞輪後時間🕤 因為配合政府要求雖然餐廳大，但都要輪侯一段時間才可入座🥢推介食品🥢1️⃣ 泰式海南雞飯 $148雞油飯頗香，不過飯質太軟，個湯有肉碎酸酸甜甜幾開胃，雞份量唔多口感平平2️⃣ 泰式河蝦冬陰功河粉 $138手掌甘大隻蝦肉質鮮，冬陰功湯酸而不辣，岩唔太食得辣既朋友味道 😋😋😋賣相 👱🏻‍♀️👱🏻‍♀️👱🏻‍♀️👱🏻‍♀️價錢 🏦🏦🏦🏦(5分最高）✨餐廳環境✨：餐廳佈置睇唔出係泰國餐廳完全係西式設計🔆總結一下🔆：今次係來試午餐但見Menu有好多特色甜品，會再來試

今日同朋友尼食Tea, 一心唸住食蛋糕，就揀左greyhound，唸住食衣度既千層蛋糕^_^衣度既tea set幾抵食，連埋加一既蛋糕set都係$64, 平時叫一件都唔止衣個價。除左蛋糕，衣度仲有好多咸食，有light有heavy,想食個麵都有～豬師奶同朋友叫左一個椰子千層蛋糕，一個泰色奶茶蛋糕。棷子蛋糕好fresh, 好多棷子肉，我覺得衣個冇咁甜，而且食落冇咁濟，不過真係好大件，一個人真係食唔到一件奶茶醬係自己倒落去，衣個味就甜d,茶味唔算特出，怕甜唔好倒晒d醬建議一件share, 蛋糕控必試

同朋友慶祝食生日飯 成個沙田勁多人 記得呢間評價唔錯 又唔洗等位就入去試下啦～ 侍應安排左卡位比我地 唔知係味知我地幾個女仔有排講又好嘈呢🤣🙊 睇餐牌係比較特色既泰國菜 我地揀左一輪 決定叫炸魷魚圈 軟殼蟹沙律豬頸肉糯米飯 黃咖喱配薄餅 蟹肉炒飯食物落order 後都好快上菜 唔洗等咁耐 可以開餐🙌🏻🤤 炸魷魚圈熱辣辣好香脆好好味 反而軟殼蟹沙律份量唔算好多 無咁抵食～ 豬頸肉糯米飯唔係好識點食😂😂 佢係一份燒豬頸肉再配一舊糯米飯好似唔係好夾😂 但旁邊個汁 酸酸辣辣幾開胃👍🏻 黃咖喱配薄餅分量比較多有成10幾塊又好吸到汁 好好味😋 蟹肉炒飯都好香粒粒分明又炒得好乾身唔錯 最後同朋友慶祝生日當然有叫蛋糕🍰 叫左一件泰式奶茶千層蛋糕同一杯雪糕 入面有d 布朗尼蛋糕同香蕉 🍌食落幾清新 但千層蛋糕就比較甜但志在影幾幅相😂所以都好滿意🤣

好耐好耐無黎greyhound, 之前食過夜晚，今次就試晏晝，下午有lunch set ，不過呢度既set既兩款價錢$98同$118入面，基本上大部分再會要加錢。今次揀左一個要加一個唔使加錢既餐。泰式河蝦冬陰公湯河粉 ($98+20)個冬陰公湯底係幾好味既，有一隻幾大隻既蝦，有大部分殼已經剝開左，方便食。但其餘又無乜太特別，要再加$20呢個餐其實略貴。泰式鹵水鴨湯河粉 ($98)鹵水鴨係成隻上既，味道唔錯，湯都係濃，好味既，但份量就略嫌細碗。另外半價加左泰式炸蝦，魚餅球呢個又幾好食，各四五粒蝦球或魚餅球，個人覺得魚餅球再好食少少，加埋泰式辣醬，個底仲有少少泰式沙律，食完更加開胃。餐飲要左泰式奶茶，呢度既泰式奶茶真係幾正宗，好好飲。

同事餞行飯局，3個人，原本去第二間餐廳，但因為啲檯擺放得太近距離，所以去另一間，就嚟咗沙田Greyhound。空間闊落，檯與檯之間有一段距離，侍應服務好，有禮貌，問到揀酒問題，細心回答，最後叫咗兩支唔同嘅紅酒，感覺安全舒服，食物很好，上菜快，唔洗催促，好耐之前喺又一城嗰間食過，有啲新菜色之前冇食過，好味有驚喜。雞翼單翼，易入口，送酒一流。魷魚圈雞串燒，入味，又係送酒。蜆意粉，好香。泰式蝦炒金邊粉芝士餅，唔太記得個名，認住個樣，好味嘅。燒蝦粟米蟹餅，好好味。芝士餅雪糕窩夫，仲有叫咗個巴菲冇出鏡3個人共叫咗8樣嘢食，兩支紅酒，共$2,100度，每人都係$700，地方舒服，乾淨，算抵食。

之前晌又一城都有食過呢間，係新派既泰國菜。今次來沙田食，嘩，Full House，好彩都唔係等左好耐。今次叫左串燒：係呀，份量係好少，一個人都食鬼哂啦，但係配那個燒烤汁好好味，有少少咖哩味，加上好重既椰子味，woowoo，畫龍點睛啊！咖啡牛腩：都係份量較少，個咖哩都幾辣，個餅好香，同咖哩好夾椰子千層蛋糕：真心推介，真係好好味！千層蛋糕有一粒粒椰肉，其他地方食唔到。其他野真係可以唔點，呢個一個點，除非你係好討厭椰子味啦。個蛋糕睇落細細件，但食落都幾多，一個人唔係好食得哂，最好兩個人share 啦。朱古力蛋糕：同椰子千層蛋糕放埋一齊，已經唔記左呢個朱古力蛋糕係咩味啦。但係一定唔係難食既。

星期六新城市好多餐廳都大排長龍，見到呢間唔使點等，同埋聽朋友話都ok，就入咗去試試。佢lunch time 有個 chef special, 但其實同menu 入面散叫係一樣，唔係 lunch set, 都冇包嘢飲，純粹係方便我有乜特別推介掛。叫咗個鮮蝦帶子墨魚麵，本來以為會食到成個咀都係黑色，但原來係墨魚麵，唔係墨魚汁，所以唔會食到個咀黑色，同埋都冇乜墨魚味。但個汁係鹹中帶酸，好開胃，麵身爽口，海鮮份量唔少同新鮮，都幾好食。另外再叫咗個菠蘿炒飯，用一個好熱嘅鍋上菜，侍應仲小心提醒唔好掂到鍋邊。入面除咗炒飯有一粒粒菠蘿外，仲有兩串微燒過嘅菠蘿，菠蘿好甜好清爽。炒飯唔會過甜而且仲有大蝦同腰果，層次分明，味道唔會好重。

店舖環境方面有驚喜，現代設計，黑白灰為主，型格又有情調，空間夠大，座位充足，方便情侶進餐，又方便放工後約同事三五知己一起晚飯。蟹肉炒飯套餐，湯清甜不濃，適合送飯，蟹肉多每口都能品嚐蟹肉和炒飯，而且蟹味充足，炒飯另外再有加入炒蛋及肉碎，好味，價錢可以反映質素。飲料方面，點了一杯凍檸茶及椰子冰，最大驚喜的是你點的款式就用該款式來做它的冰，例如我點了凍檸茶，凍檸茶的冰都是用凍檸茶來做的，可讓你一路喝的時候不會因冰而溝淡了你的飲料，非常有心思。店員的服務態度良好並主動提出協助，有作出推介及樂意解答。

Greyhound位於新城市廣場，位置放便，由停車場升降機一上，行十秒就到。菜式方面，今次點了幾道餸菜，有傳統泰國菜又有新式菜，第一樣小食，炸魷魚圈，賣相漂亮，全部金黃色沒有炸”窿”，皮脆內韌，十分香口美味，配上特色菜汁再加青檸，用作開胃菜一流。傳統魷魚筒，味道好，熟成恰當，配上秘製辣汁，小小辣又滑又辣，非常不錯，用作餸又得，小食又得。蕃茄辣味大蝦煮螺絲粉，辣到十足，建議吃得辣的人才好品嚐，大蝦份量足，蝦肉入味，看似普通的兩樣食材用辣把層次昇華，害我吃了半小時有多，因為有種又辣又過癮的感覺。

食左第N次 本menu多野叫到食極都未食完😂試左個以為好普通 好safe嘅鮮蝦炒金邊粉點知！係好好好好食㗎！必叫！再試左個芝士肉碎餡餅皮脆不特只！入面肉碎爆棚😍仲要好多芝士食嘅時候拉絲又拉絲😍估唔到亂叫都叫到個好食嘅野！甜品有成三頁紙！啱晒港女們(即係我)😝所以叫左兩個！1) 班蘭千層蛋糕 $68上面塊餅乾好乾好硬...可不吃😂汁...傑到不得了..倒唔出...係好香嘅 但有點兒多cream 有啲滯嘅感覺2) Brownie加雪糕以為又係好普通 無特格la點知！係好高水準㗎😍😍😍$48 + $20雪糕個brownie濃到不得了！仲要好濕潤！高汁高汁！價錢:有啲貴1 主食+ 1小食 + 2甜品 Total: $441 即係人均: $221!!!!!

今日同朋友嚟咗沙田嘅Greyhound，呢間泰國菜好出名，唔止一間分店添，見到佢個冬陰公湯河粉好吸引，就入咗去試啦。香煎鵝肝芒果沙律$168鵝肝拍上天婦羅粉，鵝肝煎至金黃色，鵝肝的香油味十足，很好吃呢！結合了芒果的香甜，是一個富有創意的料理。底下佈滿了火箭菜，雖然係苦苦地，但係同鵝肝嘅味道非常之夾！泰式海鮮沙律$158 是很地道的泰式沙律，上至高級餐館，下至夜市都有售。沙律菜用咗生菜以及豆苗，非常清新！配上泰式辣醬，味道酸酸甜甜，有點像在吃泰式鳳爪的那個醬汁。海鮮嘅款式都唔少，分別有帶子、蟹肉、蝦肉、墨魚圈等等。。超級之好食泰式河蝦冬陰公湯河粉$138好香濃嘅香茅、青檸、薑 ，酸辣蝦湯蝦味香濃，原隻大蝦好新鮮，蝦肉好容易離殻。這裏的河粉偏向粗身，口感軟硬適中湯味馥郁，色澤帶紅，冬陰功醬功不可沒！意式雞胸三文治$108三文治嘅外層係香戰的牛油多士，而雞胸好軟熟，整得好好食，配上生菜和沙律醬等等，味道都唔錯。比較特別嘅係旁邊係一啲薯片，好好笑呢！香蕉朱古力千層蛋糕$68煎蛋皮好考功夫，所以我成日都會出去食，唔會自己做。此款千層口感很紮實，甜度也剛好，層次分明，差不多每一口都會吃到香蕉，喜歡

好耐都冇食泰國菜啦🤩昨日心血來潮，勁勁勁想食，於是捉埋吳先生去左「Greyhound Cafe」😆鮮蝦炒金邊粉：超級正！上碟時會比埋花生碎同埋辣椒粉你，如果撈埋一齊食，真係冇得輸呀！超惹味！🤤但提提大家，佢既辣椒粉都幾辣，唔係好食得辣就唔好撈咁多😎菠蘿海鮮炒飯：幾有睇頭，淨係果兩片燒過既菠蘿已經夠晒吸引，望到都流晒口水🤤有齊晒菠蘿海鮮炒飯既主要元素👍🏻好足料！泰式奶茶：呢個係我每次都一定會飲！佢有種好獨特既味道，好難形容，個種茶味真係佢先有！成杯奶茶都好滑好香濃！唯獨係甜左少少😁但都唔會影響我對佢既愛😍雖然好多人成日話呢間野係食泰式fushion菜，款式創新，但我個人認為，創唔創新都唔緊要，最緊要保持到食物水準👍🏻

最近經過沙田入咗嚟一間泰菜餐廳~冬陰公湯配意大利雲吞，冬陰公湯惹味，小辣，配上意大利雲吞好掛湯，仲有一隻大蝦係湯頭，飲落好鮮甜，大蝦亦都啖啖肉，正！開胃！酥炸豬手配糯米飯，豬手香脆，不過有少少太硬，加埋糯米飯整體有少少乾~菠蘿肉鬆炒飯，呢個份量超大，兩個人食唔晒，好抵食！甜品方面，泰式奶茶千層蛋糕，面頭淋埋奶茶醬，味道更香濃！蛋糕食落每一層皮都好薄身，質素一啲都唔差！椰子雪芭，餐廳嘅招牌菜！椰子味超香，仲有天然嘅甜味，食多啲都唔會好濟！