Grill n More (Closed)

今日公眾假期，附近餐廳都爆哂人要排隊，見呢間無咩人，又唔洗排，就決定入坐！.點知....惡 夢 就 開 始 了！.1. 食物質素：一般*燒肉有醃過，但唔入味，結果燒出黎隻隻咪都一樣。*壽司唔新鮮，似乎放左係室溫好耐。.2. 食物種類：多而不精食物種類的確多，有熟食，有壽司，燒肉，甜品，豆腐花等。但味道確實一般，有很太進步空間。.3. 服務態度：劣第一，在用膳期間，已有男樓面職員與其他職員有口角之爭。你要知道，作為食客無得離開，只能坐在原位用膳，被逼聽你地嘈，極影響假日心情。.第二，令我決定唔會再幫襯，亦唔會推介親戚朋友幫襯既原因係一位中年女待應的趕客態度！.用膳期間已經聽到佢係度鬧客人「食得個兩三百蚊，霸張枱霸幾個鐘。」試問如果貴餐廳不滿有咁既情況出現，是否應閉門相討對策，而非任由員工於上班時間講說話比客人聽？我地係食客，唔係你地既出氣袋！.見仲有時間，去拎個雪糕球卻被大聲斥罵「夠鐘交枱，你食唔切嫁啦」。然後我平心靜氣回應「咁我唔食啦。」其回覆：你拎左小小就食埋佢。回座位食左啖，個女人又行過黎謂：其實你地真係好走啦！.聽罷，我 地 立 刻 走！ .想點？叫我食埋佢，又叫我要即刻交枱？.

款色多，有中式、日式、韓色選擇，不怕沒有不適合自己的菜色。食材新鮮度一般，肉類的食材很新鮮，海鮮類尚可，唯獨章魚不太能接受，因章魚頭部發現有刺。飲品不夠冷，冰箱的飲品有少部分不夠冷，如果酸梅湯可以提供冰塊更佳。甜品選擇多，有蛋糕，啫哩糖，不過芒果布丁稍為硬，有待改善。價錢便宜，今日4月1日紅日的價錢168+1，90分鐘，此錢值得一試。整體來說，此餐廳性價比高，想平平地但又想食得高興不仿考慮

味道及品質很差，和去年相比實在太差。可能快要接埋。牛肉又只有牛肉粒，和以前牛肉的種類大相逕庭。全場只有三個員工，有時連一個也找不到。最後一次來，沒有下次了，失望，

今日bbf生日，決定邊行邊決定食咩。去到grill n more, 聽之前媽咪成日去，應該都幾好味啦，就即興話食果間，6點開始7點半埋單係$168加一，但過左果個時間，於是等宵夜9:00 開始，一樣係$168。係個商場行左幾圈，終於夠鐘，餓左咁奈即刻番去擦餐勁啦。星期五晚都唔係好多人，可能因為晏啦。小菜都算幾多，韓式餐廳點會少得泡菜，醃芽菜，醃瓜，仲有蘿蔔燜牛腩，燒賣，炒荷蘭荳，咖哩牛肉，西蘭花斑腩等等。小菜都ok好味既 燒賣真係唔expect佢會有，都係驚喜地好味既選擇。係個泡菜同醃漬瓜好咸，咸到個樣都囧左。肉都係有d太咸，魷魚同豬扒都麻麻地。豬扒太hai,雞翼都醃得唔太好味，所以我都係沾個燒烤汁咁食。（ 果到有三樽野，黑色既係燒烤汁，黃色既唔係油，係檸檬汁，而陶瓷樽既係油）我覺得貼左label會好d lor~唔係真係靠試😂😂蜜汁叉燒同五花腩都幾好味10 點半壽司吧last order. 都新鮮既d菜料，但個三文魚壽司好似放左好奈...仲有炸雞鎚，薯條，麥樂雞甜品個質素都係麻麻地，個芒果芝士蛋糕，還可以，但其實唔係芝士，係慕絲，個tiramisu 都係其實係cream,冇可可同rum

星期一夜晚，爸爸生日一家四口食90分鐘放題。食物一般刺身一般，刺身的種類不多，不是特別好也不是特別差。但服務態度真是惡劣到極點。作為一間燒烤店舖，不提供換爐，食到最後半個鐘，食物已經只有燒窿的味道。夜晚八點只有兩成客人，當時間只剩5分鐘的時候，職員走過來提我們要走。我表示我食完爐內的食物便會走，不會再拿新的。但職員堅持話一時間一到，無論餘下多少成日都要走。真是令人費解我只是不想浪費食物。而且門外亦沒有客人要等位。總括而言，完全沒有服務可言， 不可一不可再。

次次都係無得claim 亞洲萬里通！一時又話因為已經出左單所以冇得claim, 下一時又話因為係特價時段唔適用；結果每次都係claim 唔到Asia miles. 服务又差，extremely poor service! 未夠鐘就趕人走，我女友見仲有幾分鐘未拿拿臨出去想攞杯雪糕，點知個阿姐發哂惡，仲要大大聲當眾追住嚟喝鬧，指住我女友閙：”你咪囉雪糕呀你，夠鐘好走啦！” 喂！當賊咩家下！都未夠鐘呀！又無人等位！走時同佢理論服務態度，佢竟然一手推開我！”你去投訴啦！投訴啦！” 嘩！咁都得！！食物評論： 牛腩難咬 ，刺身欠魚味，肉類味精重；最重要係燒賣上有隻蟑螂！細細隻淺啡色有班紋果種，我當時嚇左一跳以為自己眼花，馬上問隔離唔識嗰男人：「係咪曱甴？」 佢都呆左！經理即刻成盤拿走。

星期一至四 晚上6:00-7:30 特價時段 大小同價每位$138，抵食嘅燒烤放題! 本身已經嚟食過幾次，第一次嚟試特價時段， 老實說食物質素下降了不少。 最失望係 一口牛/安格斯牛片(無論你點燒都係韌到死) 羅宋湯辣到拿喉，原本有嘅炆牛尾變咗炆牛腩，牛筋 超硬，冇咗炸雞翼炸薯餅，朱古力噴泉中段停咗， 冇咗棉花糖機，熟食整體ok，炸春捲咖哩角好大嚿，豆腐花好滑，三文魚刺身類一般，雪糕有啲融， lego款啫喱好快清曬! 如果冇乜要求,價錢相當合理

本人打算與友人於18/2/2018大年初三惠顧此餐廳賀年，特於年卅 (即15/2/2018)致電該餐廳 ，查詢年初三是否營業及可否使用團購優惠券。當時那名女接線生回答，只是初一中午12時後才營業，初三是營業的，並可用團購券。可是本人與友人在年初三下午二時入座，並出示使用團購現金券時，餐廳拒絶提供有關韓日More 午間食堂套餐。由於此現金券只供其韓日More 午間食堂及晚間食堂套餐使用。本人向侍應說明該優惠券是可以在公眾假期使用，團購現金券是不用預先訂位，且本人曾致電查詢才前往。及後該店經理及侍應們在當眾食客以惡言相向，當我們食客是乞丐，我們當然立即離去。大年初三竟然有如此餐廳與食客口角，食物點好味都冇用，唔去都擺，天晉商場食肆有好多選擇。

今日兩個人去食下午茶 韓燒套餐叫了一個牛 一個豬套餐先來兩碗人蔘雞湯我飲了一半 有xx在入面😫之後侍應換多碗但我完全沒再飲🤢然後上食物燒燒下 燒了豬大腸我爸已經食了一件之後我問爸 乜豬大腸酸既佢話係酸呀！🤐🤐我見唔對路 沒吃了但我爸 再燒另一件 話這件不酸喔雖然說不酸 但都吐出來不吃最後當我正期待一件似要炸 但現在是燒出來裏面是芝士流出來的東東點知一口咬落去酸lor總結 本來是我爸想吃的如果不是我爸 都不會再吃因為之前吃過一次 麻麻地還要很平 會吃不飽 已經心知但沒想到食物品質 會是這樣🤦🏻‍♀️🤦🏻‍♀️🤦🏻‍♀️雖然同經理說了 她說可能是檸檬汁但我爸說是豬大腸和芝士東東酸的她是沒出聲ps 沒影相 所以信不信由你但我是不會再去吃了🤬而且我第一次寫食評嬲到呢。。。。

如題，一個人本打算來吃烤肉，結果在門口等了半天經理在那接電話不理人，過一會兒門口的大姐來了之後問我一個人就直接說今天沒有一個人的位置，第一次去吃飯遇到不做生意的，我表示呵呵。

同朋友一行5人黎到食韓燒慶生，貪佢呢度近近地方便，而且之前食過覺得質素真係唔錯店員安排我地坐近門口右邊既卡位，我地都怕坐得太入拎野食唔方便，而且會好多油煙好焗。一黎到梗係事不宜遲咁拎咁d肉燒住先啦，拎左牛仔骨，豬頸肉，雞翼等等，好快就燒好。牛仔骨肉質好軟熟，調味岩岩好。豬頸肉好靚，肥瘦適中。而雞翼都有幾隻味揀。再出去拎左d豬腩片同腌左既腩肉條。熟食方便佢都幾多選擇，有薯條雞塊，咖哩角等等。拎野食既位下面好多格就放肉類同海鮮既，有八爪魚同腸仔等。上面既格就放蔬菜類。自己拎既野飲有豆漿，酸梅湯等。好開心既係呢度有刺身食，一次過滿足哂兩個願望！好似去左放題咁一班人出黎食野總係有人好快食飽，開始決戰甜品，佢呢度有部機比你自己整綿花糖亦有人留守到最後一刻，食埋d金莎骨，波蘿。我最後都拎左兩件密瓜，少少沙律吧既粟米，同埋朱古力噴泉既綿花糖先走，實行食到抵

早排經過popcorn先發現原來在popcorn樓上有一大堆食肆由於位置太隠閉我一直都冇留意到而呢間韓燒我都地都想試左好耐咁岩經過一於就決定入去試一試由於價錢好平民 好貼地所以呢到ge野食唔算好高級但勝在選擇夠多不過就真係唔使對味道有太高期望因為肉質普普通通亦都唔見有咩特別啲ge款式除左燒肉外仲有啲小食同熱盤不過refill得唔會太快但驚喜ge係可以自製棉花糖呢點可以大大加分不過環境太過黑食得唔係太舒服希望可以改進下

岩岩同朋友黎左食晚餐，對上果次食都1年前，宜家發現除左食物質素每況愈下熟食方面，愈來愈求其，入到場，人數了了可數，得果幾枱客，但唔知係咪閒日關係其實成晚最激氣係，一夠中，即刻叫我地離場，但其實跟本無人等位，佢地d員工趕收工掛，有一個知客既女職員，一過黎唔係提示你食多5min好走，係直接叫你即刻交枱！燒肉要d時間同耐性，而我地又真係好唔想浪費d食物，結果，燒到一半既食物(附相)，無得食之餘，要我地即刻離開，依d手法真係趕客！嬲到呢！唔會再幫襯依間店！

店舖平日星期一至四已沒有推出任食，但門口標示沒有寫清楚，帶位的經理只顧講電話，帶位時沒有任何職員提及過沒有任食，到我們諗住自行拎湯時，才有職員以極度不禮貌的語氣說不可以自行拎野。建議: 如果門口標示不是放在顧客的腳邊，方便人睇到會更好! 仲有，如果職員可以再double confirm一次顧客是知道沒有任食的話會更好，作為店舖經理，只顧住講電話，沒有理會顧客的需要，實在需要改善。服務非常差，以後不會再幫襯！

今日同一家大小去左 grill n more 食韓燒，食物種類好多吖。拿完食物，大肚餓了，全部放曬去一獲焼。食物有牛肉，牛仔骨，豬排，菇，粟米，菜，豆腐花，飯，春卷，炸物，棉花糖，抄麵，湯，飲品。。。。。daddy mummy 話抵食，食物又多，好啱食，所以下次自己2老想再嚟，所以睇下 餐牌有咩可以食。原來吾食 buffet 都可以食 set ....小朋友可以自己製作棉花糖同朱古力噴泉，又有 jello, 當然十分滿意la......