Grill n More (Closed)

之前放假嚟過食燒肉，覺得幾抵幾好食，又發現呢間舖平日晏晝係賣小菜套餐，今次咁啱平日嚟popcorn，就決定再嚟試下。餐牌食物款式很多。加$10小食好吸引，不過我怕食唔哂所以冇加。叫咗個安東金氏燉雞配白飯。雞肉煮得恰到好處，夠嫩滑，肉味也很夠；湯底也很濃郁，有少少藥材味；配料的薯仔、蘿蔔亦吸收了湯底的精華，而且都夠稔，很入味。另外我再加多杯拿鐵沙冰～天氣熱就最好飲沙冰啦～套餐飲品加$15就可以升級，難得想飲就唔理了～咖啡味適中，最緊要夠凍！小結：呢間嘢水準不俗～下次都會再嚟！

琴日(14/6)夜晚6個人嚟食嘢，已經早超過一星期訂台，入座竟然比一張兩人枱同一張四人枱我地，個帶位仲要話「都係喺隔離之嘛」，我已經嬲到爆，不過係預早食父親節飯，我都費事喺阿爸面前嘈，只係問佢有冇其他枱，之後就安排咗一張六人卡座比我地，嘅然係有枱嘅點解唔一早比我地呢？到食到差唔多夠鐘，有位員工比張單同我地講幾點夠鐘，咁呢啲都唔緊要，正常程序嚟，到我地食完想食甜品，有位員工就走過嚟同我地講話過咗鐘，再食要加錢，我真係火都嚟埋，我都知夠鐘，咁食杯雪糕都得啩，我望周圍個場都係得嗰四成客，你地好趕翻枱咩？再講你地喺燒烤場，你唔係要我攞定啲雪糕擺喺個爐側邊等佢溶先食吖？總結食一次就夠，寧願去第二間食！

買完嘢兩點幾諗住食個Tea，行行下嚟咗Popcorn上面搵嘢食。同行朋友揀咗呢間餐廳，佢話試過食燒肉放題，味道都唔錯，所以我地就入咗去食lu。我地叫咗一份鐵板泡菜豚肉炒鳥冬同埋芝士炸雞配薯條，兩個人share～鐵板泡菜豚肉炒鳥冬，泡菜唔係好辣，我自己唔係好食得辣，覺得啱啱好；豬肉係五花腩，食落唔係好油而且爽脆；烏冬煙煙韌韌幾好食。另外下午茶竟然有芝士炸雞～～出面啲韓式炸雞店啲炸雞總是太大份，好容易食唔哂，呢度就細細份用鐵板上，過下癮就好，都幾啱下午茶食。雞肉都算脆，而且鐵板夠熱，芝士都好拉絲，另外薯條點芝士呢個配搭都唔錯～因為啲嘢食好熱，我地破戒飲咗汽水XD有機會我嚟試下個放題先！

幾個月前過黎食晏晝78任食都幾好食,今次特意帶埋屋企人黎食下個任食什餐但已經沒有這個套餐了. 咁都唔緊要既然冇任食就試下個下午茶吧. 但估唔到現在退步得咁緊要.食物質素真的很差. 叫了咖哩牛腩飯...送來的是咖哩加鹽加水既湯...再加埋未煮過既洋蔥青椒同見到白色肥肉既少少牛腩.. 温度只是微暖...另外叫了雞扒飯,催了3次,等了四十分鐘都仲未黎. 頂唔順要取消又同我講話已經整緊都唔洗取消...話雞扒好難整...... 經理一席話令我無名火起.直頭想即時反枱又話得一個廚唔夠人,但當時唔過5枱...部份仲係韓燒... 既然連幾枱客都做唔切,不如唔好做了.

Came here because we felt like we wanted some Korean BBQFirst time hereThe meat quality wasn't horrible , but I guess for the price you are paying you cannot really complainThe thick pork belly was very good The kimchi was the sweetest kimchi ever (obviously not very korean)The sashimi quality was alright- the rice was a bit hard in the sushi

農曆新年前同女朋友喺Popcorn買衫順便買啲禮物拜年，諗住食個飯先。上到餐廳嗰層見到呢間燒肉放題店有做Set Lunch，最後就決定入去試下了。嗌咗一份燒烤拼盤，配蕎麥麵、人蔘雞湯同可樂。燒肉有醃好嘅牛仔骨、雞翼、一字骨、五花腩等等，咩都有啲，啖啖肉最啱食肉獸（我地）。不過食食下感覺有啲油膩，如果有份沙律食下會更好。另外叫咗個石頭鍋飯，都係套餐，入面有牛肉、泡菜、蘿蔔絲、芽菜、菇等等，份量很多，一定夠食，順便補充下澱粉質和蔬菜。不過感覺裝得太滿，攪拌時容易滿瀉，寧願佢放少啲飯，因為我地最後都食唔哂，兩個人share一份燒肉+一碗石鍋飯其實會好飽。對於Lunch嚟講，放題可能太Heavy，呢份Lunch Set已經夠食有餘，如果午餐想食燒肉可以試下。

今天和朋友吃下午跟本就未到一小時 就拎張單嚟叫埋單話仲有半小時 咁我同朋友繼續傾計同食食食下 有個女人行過嚟好大聲講 你哋過晒時 要即刻走呀!我哋都未執好嘢 已經清我哋枱 今時今日仲有啲咁嘅服務態度 一啲禮貌都冇 你講句唔該都好呀!一句唔該都冇食物ok 好味食物ok 但服務這麼差 真係唔會有下次個個職員都 黑口黑面 態度極差😕😕😕😕😕如果改變吓服務員的態度 應該好好多燒烤食品種類oK 冷烏冬同冷麵 好好味希望你們可以改下你啲態度

當放工好疲累好餓嘅時候係會好想食啲濃味野, 填飽個肚叉返滿電.呢度嘅肉食都有幾多選擇, 牛豬雞、魷魚、內臟同埋好多唔同既蔬菜, 我最鍾意將燒肉用羅文生菜包住嚟食, 想再韓式啲就加塊泡菜喺入面.  以前喺拎生食旁邊會有韓式辣醬, 用黎點燒肉就最正最有韓燒風味. 除咗韓燒, 呢度仲有壽司刺身, 沙律, 熟食, 甜品, 雪糕... quality當然唔算得上高啦, 但多選擇, 唔會淨係燒肉咁悶仔.  每人2百幾算係咁, 想再抵食啲真係中午黎食.

價錢合理，最重要入面夠乾淨，坐左個幾鐘冷衫都唔會吸味👍🏼野食選擇多😋一入去最吸引都係個朱古力噴泉同自制棉花糖機，無論大人細佬都好啱玩😍人參雞湯味濃，好味😋牛同豬等肉類肉質唔差，值得一試👍🏼

今日有屋企人生日，早排行popcorn經過見到呢度有間好似幾多野食嘅燒肉餐廳，於是決定入黎試下。價錢198+1一位，一行六人，入到門口經理已經好好人咁問我地想要一個爐定兩個爐，我地想坐得鬆動啲，而且果日餐廳唔係太full，經理就俾左張八人台我地。入到去即刻睇下有咩食先！入面有冷盤區，炸物區，熱葷，凍肉櫃，甜品區同dreyers雪糕任食，款式都算好多呀，熱盤數量拍得住酒店宵夜buffet呀！冷盤有三文魚，立魚，呑拿魚，八爪魚同北寄貝刺身，仲有壽司，迷你沙律吧，冷烏冬同凍蝦炸野選擇都好多，炸多春魚，麥樂雞，韓式炸雞，薯條，炸魚塊等等熱盤方面大約有十幾款，因為冇試到全部，所以唔係好記得，有牛腩啦，蕃茄豬扒飯，銀針粉，炸豬手，仲有男人的浪漫同蠔仔粥喎！湯方面有羅宋湯同人參雞湯，入面真係有一支支人參絶無揸流攤。整體熱盤味道ok ，雖然冇食到好多，不過感覺上餐廳有用心，絶對唔係擺幾味係度充撑場面。所以如果一家大細黎聚會，老人家唔太鍾意食燒野，淨係食熱葷都完全夠飽同夠選擇。戲肉燒肉呢，我個人非常满意，我最怕啲任食韓燒醃到啲肉好濃味(可能係為左掩飾啲肉唔新鮮)，食完都唔分唔到自己食緊乜，反而呢度啲肉唔

食物質素同漢陽X差唔多，熱食麻麻地，可以燒嘅就多數係D街市凍肉舖都有得賣嘅港式燒烤醃肉。平時食正宗韓燒必備嘅生菜/辣醬/生蒜都全部欠奉，白飯就係用泰國米而唔係真珠米，總之就係所有嘢都好無韓國風味...但係呢D都唔係重點。我成餐最唔滿意嘅係其中一個四眼亞姐嘅服務態度。我食到一半時，佢粒聲唔出咁由我後面伸隻手出黎收走咗我仲未食完果半碗飯。無幾耐之後，就喺我斜後面隊張單響我枱角叫我比錢。到咗最後，重要喺我食緊甜品嘅時候再次閃出黎，好大動作咁執枱兼阻住我食嘢。佢除咗出過聲將張單嘅銀碼講過比我聽之外，全程不發一言，極之無禮貌。我一定唔會再幫襯呢間餐廳！

 今天放假，到將軍澳MTR附近午餐。由於没有吃早餐，就特別想到任飲任食的餐廳，於是來到這家韓式燒烤店。剛好朋友是會員，有95折，享用1.5小時。印象中，這家有做午市團購98元，比會員價95折更便宜，還可食足2小時。誰叫今日特別想大飲大食！唯有入內就座。為節省時間，朋友先去取食物，自己則調校好配料。個人覺得：鹽＋醋　最好味。　朋友取了一大堆食物，自己負責燒吧！自己最喜歡牛舌，還有五花腩沾麵豉醬配泡菜製作生菜包。蔬菜瓜果就喜歡洋蔥，各種大菇，菠蘿，粟米及南瓜。燒南瓜真係好好味，外脆內軟，不需加任調味，好味又健康，如果是厚身南瓜口感會更好。自己不愛甜食，主攻其他熟食，有炸雞，蕃薯，韓式餐廳竟然有蠔仔粥。豆腐花也很有豆味。這個午餐真是大飲大食了！可是我倆以正價光顧，任食時間竟然比團購少。只是今次心血來潮想食韓燒，所以没有提前預備團購優惠。午市正價入場128與團購98，如果任食時間是相同的話，還可以接受。　　但是正價所享用的時間竟然比團購短，這一點就覺得不公平！　有團購，先至會考慮囉！　　　因為無食早餐，好肚餓，所以覺得食物味道正常。

今午食－小時放題，食完第—碟已經來收錢，仲話得翻十五分鐘，她們不會錯，電腦入單不會錯，比她睇我剛影完食物張相上時間，我係只食左＋五分鐘，她們仲話張相可以係之後影👿 ，後來我們才發她們對調了隣枱張單，但她們都無表示錯，全無禮貌！

第一次來呢間食放題覺得很多選澤,食物有好多不同類, 今個星期因拍拖就周年再來食過已經失準例如熟食牛腩應該係一件件變係散晒,類似係隔夜再煲過,有其他熟食係凍要來燒既食物少左選澤, 還有埋左單後即時有職員過來提我地夠鐘,即要我地走,我地正再準備離開又有另一個侍應話我地已夠鐘我睇過鐘只係遲左 3 分鐘都唔使咁趕人嗎? 當日係平日,仲有好多空抬, 唔係咁既態度去對代客人嗎?所以唔會有下次,已對呢間野失望

今日同呀妹黎左將軍澳食放題，純粹貪方便因為一出地鐵站就係。黎到可能因為今日係星期一，所以都幾多位唔洗等😎😎so lucky黎到一開波仲要左碟魚生，真心唔錯，所以又洗我妹去要多碟😝😝啲要燒既肉肉質唔錯，種類算多。個人私心特別推介牛仔骨😍好正😍蔬菜就普通過得去，都係放題常見有既。甜品好中意個朱古力噴泉，好靚😜啲棉花糖除左加朱古力黎食，當然唔少得要燒燒佢啦😈😈而個Dreyers既雪糕就抵食啦，仲可以落啲小丸子😜😜提外話，個環境幾正，牆上既圖案幾過引😂😂🙈🙈夜晚一個人都係200多啲食兩個鐘，可接受既，會再幫襯❤️😭