研香

Open Now

Now Closed

朋友行過，就話要食呢間，咁好囉，咪入去囉！估唔到裝修平平，啲嘢有幾多貨真價實喎！啲職員又好殷勤，眼明手快，成個流程好暢順，整個體驗都好愉快！！！ 芝麻糊加入日本金芝麻 芝麻糊呢～睇住侍應拎過嚟，嗰一陣陣嘅芝麻糊，隨即撲鼻而來！！！ 濃稠度比厚身，芝麻糊磨研得好幼滑，可能啲芝麻係經過炒完之後，用熱力迫咗芝麻香散發來 ，所以用嚟做糖水特別香。 聽講仲話用8小時去慢磨而成，心思十足。 開心果露 $48濃稠度剛好，香濃幼滑嘅開心果仁露，再配合表面一撮果仁粒，可以讓客人每一啖沾少少果仁粒，伴隨吃，增加口感！！！ 份量剛好，可能係因為果仁類，所以食落都幾飽肚😄 食物質素（5個🦴為滿分)🦴🦴🦴🦴🦴環境指數（5個🦴為滿分）🦴🦴🦴🦴🦴服務指數（5個🦴為滿分）🦴🦴🦴🦴🦴衞生指數（5個🦴為滿分)🦴🦴🦴🦴🦴

呢間甜品鋪係尖沙咀厚福街，鋪頭唔大間，但係都唔會逼到冚晒，坐得都舒服。我地試佐開心果露同埋芝麻糊。開心果露$48一碗，但絕對抵食👍🏻開心果係意大利新鮮運到，之後就用石磨低溫磨製出黎，石磨磨完出黎開心果好幼細，成碗糖水好綿滑，加上灑係面頭既開心果碎，味道好清甜好好食，超級正，完全係高質甜品呀！之後就係芝麻糊，芝麻糊加入日本金芝麻，用8個鐘慢磨出升級版既經典糖水，芝麻味道濃郁，好香，成碗糖水都好入味，食到粒粒芝麻蓉係我入面，日本金芝麻更加香，濃烈既芝麻香味透出陣陣甘香，食得出真係好足料，好健康！

好久沒有食傳統糖水，在尖沙咀做完運動周圍走，經過厚福街見到間糖水舖，門外看不像一般傳統糖水鋪裝潢，入內好多人，细細間滿迫夾，慶幸得一個人坐得舒服啲。看了簡介硏香是用了其中一位老闆媽媽的祖傳秘方，並以網店的形式售賣中式糖水，高峰日賣500碗。嘩！超高人氣，好誇張啫。看餐牌介紹芝麻糊不惜工本採用日本金芝麻，經歷烘焙後再慢磨8小時來炮製成芝麻糊；值得一試，我又多心想雙併食合桃糊。芝麻核桃糊 HKD38上台熱騰騰，肉眼睇有細緻顆顆粒，但食落口兩款好滑溜濃密、核桃糊香氣逼人，芝麻糊香甜濃，與其他糖水舖比較它為香滑，難怪那麼多客人。

新年同家人去食，點了腰果露、合桃露和杏仁茶湯圓等。杏仁茶湯圓黎到，發現微䁔接近凍即刻向員工問，是否提供了凍的杏仁茶，員工一路大量垃圾一跟向後面走去，並無禮貌向我媽媽大喝一句：「無錯喎」。我再問，因為而加凍，可否整熱小小，員工即刻起摃：「我哋全部煲滾晒㗎，唔可能凍」然後頭也不回走咗。到後來我發現原來佢係負責糖水嘅員工。我超級無奈，再問另一位員工可否幫忙翻熱糖水，最後問多兩次先可以。唔明白嘅地方係明明見到旁邊都有人叫杏仁茶湯圓，人哋嗰碗就出晒煙。另一個失望嘅地方就係，見到佢哋用好多即制品，而家以為湯圓自己整，原來都係買返嚟。買返嚟都唔緊要，點解個員工要喺客人食緊嘅時候攞一大盤垃圾，包裝喺全部客人面前行過去後門？第一次嚟食係因為好欣賞呢間鋪嘅精神，講到要研磨出香港嘅味道。今次就係屋企人嚟食，結果有個咁差嘅體驗。極度不推介，除非想受氣

今日初二開年，走進小巷道，看到「研香」二字，蠻特別的⋯叫了芝麻糊、蛋白杏仁茶，配土司⋯餐點精緻，濃厚的芝麻味、杏仁香⋯飲到今年甜甜蜜蜜開開心心❤️❤️店裡三位年輕人，充滿朝氣👍👍值得推薦😃😃

星期五晚同朋友食完飯後諗住食個糖水，呢排最興嘅開心果，作為開心果控既我，知道新出左開心果糊即刻約埋朋友一同試食。要食嘅第一啖，我同朋友一齊有少少驚訝，唔係因為太好食係因為太難食而震驚。可能我對佢期望太高，失望所以帶咗。另外有朋友叫咗個芒果西米露，芒果有雪味，唔夠甜，雖然未試過其他食物，但係我哋都唔會再尼食。門口好多人排隊，三個人入座大約等咗20分鐘。店內環境屬於小文清風格，簡潔。而食物質素整體來說感覺有點伏。

🌝放學之後溫完書，打算搵個地方休息下，行完一陣之後見到有得食糖水，二話不說就衝入去啦～ 依？🌝見到個個員工個個都心情勁好，仲好有服務幫我地推櫈坐，服務周到哇～其實呢度啲糖水算係比較抵食，全部都唔貴，價錢合理 ！ 好近我屋企，得閒落來食下💃🏻呢間舖頭好文青又帶點日本風^_^😍芒果冰 $42平時我真係勁鐘情於冰食，好好食，食到又好飽，好多芒果🥭好多西米，質素簡直一流啦😍楊枝甘露 $46呢碗真係夠大兜，第一眼望已經流晒口水，口感爽口香甜，感覺係好滿足阿，食糖水確實真係會令人好開心😀 下次會帶埋朋友一齊食其他款呢間咁好食，要讚下先得😗價錢😋😋😋😋😋味道😋😋😋😋😋服務😋😋😋😋😋

同屋企人食完飯諗住去食個糖水，聽朋友介紹來左呢間糖水店，間店就唔係走懷舊風，不過就真係食到好多好港式好地道嘅糖水😙 ⭐️ 椰汁紫米西米露先叫左個「椰汁紫米西米露」來試試，點知真係幾好食，因為個椰汁，成碗糖水都有個椰香味好正，又有紫米又有西米，真係一次滿足兩個願望🤪⭐️ 楊枝甘露再試埋個「楊枝甘露」，因為呢d 都係屋企唔會自己整嘅糖水，個「楊枝甘露」都一樣好正，好香芒果味，仲有少少柚子味，又香又甜又清新，西米都煮得好好味，好好咬口🤤

鍾意甜食嘅我，行過呢間裝修外觀裝修日式嘅糖水店🌕咁我好快可以入坐。一坐得落嚟，我諗都唔諗，我就叫佢嘅芝麻糊，佢話用八小時可以研磨喎！！！～我真係想睇下佢嘅用心程度❣❣❣佢仲要配合埋日本啲黃金芝麻。。。 食第一啖嘅時候佢個芝麻糊香好濃郁， 濃稠度適中。侍應递咗一支日本黃金芝麻，畀我是行家加落去，果然日本芝麻，真係粒粒都飽滿，粒粒流露醬著炒香咗嘅芝麻香味。單單食幾粒用前牙咀嚼，已經充滿咗成個口腔。 好滿足呀～～～ 店舖每一個客人都好安靜，我也好安心，好寧靜品嚐我的碗芝麻糊，嗰份量認真唔錯，份量適中，再配合粗擴型嘅水泥碗賣相，打卡唔錯！

好耐冇食到性價比高，好味又抵食嘅甜品糖水店，今次聽同事介紹來左尖沙咀呢間研香試，食完十分滿意！「榴槤冰 $48」真心好正，啖啖榴槤香，好比真係食榴槤，好香好濃，中意榴槤嘅人一定會好中意呢款冰，可以話係愈食愈過癮，其實呢碗冰食落都幾大份，同人share 就差唔多！「開心果露 $48」食落都好好味，好香開心果味，開心果露真係好濃郁，而且個口感都做得好幼滑，真係愈食愈滋味！呢到環境唔錯，坐得闊落舒適，甜品糖水個賣相都好可打卡，真係覺得呢間餐廳超值！

今日黎到尖沙咀呢間硏香，係厚福街，鋪頭唔大但五臟俱全，呢度好多健康甜品，好值得大家黎試下合桃露: 食得合桃多補腦，我今日就要試下，食完唔知會唔會好似menu咁寫會變聰明仔呢😆用頂級原粒合桃整成，好甘香但又唔會苦，每日新鮮整成，用大程度保留多種天然營養同保健成份，真係男女老少食都有益呀😏成碗糖水好滑好幼細，口感好好，會食到粒粒合桃碎，好足料，好好味！呢度其他傳統甜品都應該好好食，仲有西式甜品添，絕對值得黎一試😆

📍「研香」- 尖沙咀今次食食食之旅黎到尖沙咀😌放假係尖沙咀行到攰，又口痕想食野，就決定去試呢間新開嘅糖水舖🤩最重要嘅係👧🏻係開心果控，咁就梗加要去試🤤📷甜品店嘅裝修偏向小清新風格，位置都幾闊落，坐得舒服，而且糖水種類都好多😍不過今次我哋係為咗中式糖水而嚟，當然要試返中式款啦😎🍴開心果露💰HK$48✨推薦指數：8/10呢款用咗意大利開心果，用石磨低溫手法研磨，同上次係蘭苑饎館食嘅唔同，唔係綠色，而係平時食Gelato 見開嘅泥黃色，仲有開心果碎作為點綴😆✨呢款食落開心果味幾重，口感濃得嚟幾rich ，夠creamy ，而且唔會太甜，👧🏻認為好食過上次個間😇呢間仲有開心果碎增加crunchy口感，層次更豐富🤤不過建議同人share 會比較好，因為開心果露食得多有啲渴喉🤔🍴腰果露💰HK$36✨推薦指數：8.5/10合桃糊就見得多，腰果露就無咩點見過，所以就嗌咗呢款試吓😎腰果露用咗低溫烘焙嘅原粒腰果，有天然奶香味，聞落幾香，食落腰果味超出😍口感好滑，而且比開心果露更濃稠更rich ，甜度亦高少少，👦🏻就覺得呢款更好食😋有機會要試埋其他款🤩

話說我同我男朋友都好鍾意食糖水㗎，所以每個星期我哋都會搵一日去試吓唔同地方嘅糖水舖！今日要介紹呢一間餐廳佢嘅環境都幾舒適，有少少日係風格。雖然冇話一啲好特別嘅打卡點但係勝在夠乾淨企理💕我哋兩個都係芒果迷，所以去到依家間甜品店一定要叫楊枝甘露 $46同埋芒果冰 $42，估唔到咁大碗都可以$100落樓💕講吓佢嘅味道先，我覺得楊枝甘露好香，每一啖都好重芒果味，唔會話有死甜嘅感覺💕另外嗰個芒果冰係我男朋友話一定要叫！佢話冬天食冰正過夏天食，雖然我唔知點解，但係我淨係覺得好凍。所以最後成碗芒果冰都係佢自己食晒。佢話呢度啲芒果都幾甜，冇諗過唔係當造季節都咁好食💕

厚福街又多一間甜品鋪，每次經過都超多人排隊，點知今次經過見少人問下等一張就入得 ٩(ˊᗜˋ*)و 終於試到了～裝修係簡約無印風，啱嗮文青打卡。自助落單形式，掃 QR Code 落單好方便。不過店舖細，枱與枱超貼近，所以都唔會坐太耐，食完就走，好彩店內都算明亮乾淨。.✔✔ 熱 開 心 果 露 // $48本身一向唔食中式糖水，例如紅豆沙芝麻糊花生糊合桃露，因為每次都係太杰 / 太甜食完好想咳。開心果糊比較少見所以都想試試 ·͜·♡黎到望落質地超濃稠，口感綿滑但唔算好杰，畢起仲係流質嘅，熱度剛好唔會燙到。表面有粒粒脆口開心果仁增加口感，甜度可以自己揀，揀左店家推介嘅半甜，用日本天然代糖，微甜帶出果仁香味，不過開心果味比較溫和，冇想像中咁濃，但都會冇咁膩。.✔ ✔ 龍 眼 冰 // $45睇落好細碗，其實分量剛剛好。上面既爽口椰果 + 水晶爆珠增加多重口感。雪葩質感幼細，龍眼味超濃而且好清甜，就算食嗮D配料就咁食冰都好食。.食物價格黎講偏貴，但份量算正常。依度只收現金，同埋冇紙巾提供，不過有得買一包紙巾 $5 全數捐俾兒童癌症基金會。‎- - - - - - - - - ‎- - - - -

小店位於厚福街，人流較旺的位置。小店主打中式生磨糖水。天氣冷，比較喜歡吃點熱的中式傳統糖水。今次點了杏仁茶，開心果露！杏仁茶味淡，雖然沒有太大粉感，不會過於黏稠，糖水含有杏仁幼粒，但杏仁味還未夠濃郁。反而附近杏仁專門店 AlmondDxxxxxx 杏仁甜品相對岀色！開心果露這個有驚喜，開心果味十分香濃，甘露入口幼滑，讚！