GUM "JENG!" X 御前上茶 (Closed)

同朋友打完邊爐, 飽飽地行出旺角吃甜品, 經過廣華附近, 見到呢間好日式feel既甜品店, 身為抹茶控既我, 當然要入去試下味啦!不過價錢都唔算平及每人需叫一樣消費!抹茶雪糕夾心蜜瓜包呢個蜜瓜包好好味, 推介!雖然吃唔到蜜瓜味, 但個包好鬆脆, 好特別,不過抹茶雪糕好易溶, 吃果陣都幾狼狽抹茶鬆餅配焙茶霜淇淋果2塊綠茶窩夫係即叫即製,窩夫好厚, 但依然好脆好鬆軟,吃落口有陣抹茶味, 配料有紅豆, 抹茶啫喱, 抹茶雪糕,抹茶雪糕有好香既抹茶味,又軟又幼滑,配鬆餅一齊吃, 好夾又好味!御前抹茶 (凍)呢盒果凍未吃都覺得好特別, 用個正正方方既竹盒盛住,抹茶果凍有濃郁及甘香味既抹茶味,食落去有啲彈牙,好QQ御前雙色盛合呢款甜品用竹盛雪糕,雙色=抺茶+焙茶焙茶=煎茶, 兩款茶味都好濃,不過我覺得抹茶好味d, 奶味濃d,因為個盒內有乾冰, 送上黎時會有煙飄,影相一流~紅豆白玉抹茶霜淇淋抹茶雪糕很濃郁好幼滑, 而且紅豆好淋同好甜, 白玉=丸子, 煙煙韌韌, 配埋雪糕一齊吃好正!收據

吃過晚飯，到此店再吃甜品。其實上次經過呢間店舖見到有綠茶菠蘿包，已經想試下，無奈多人排隊所以今次再黎～店鋪規定每位客人要叫一客食品/飲品，特登過黎試食，就叫左兩款甜品，兩款雪糕都試下啦個人覺得甜品味道還好，但唔係話非常好食，但最大問題係侍應一見你食完就拿拿臨收左你個碟，明明間鋪唔滿客都要你搭枱，感覺都幾趕客...(大佬，你d甜品唔係賣得特別平㗎，我想坐多陣傾下計都得掛？）

剛吃完拉麵，行了一會消化了少少，又想吃甜品。因為時間尚早，等了五分鐘就有枱了。這個窩夫比想像中大份很多，四件窩夫配綠茶啫哩、紅豆和綠茶雪糕。綠茶窩夫很厚實，像吃蛋糕一樣，很飽肚，雖然看上去有很濃的綠色，不過綠茶味少得幾乎吃不到；綠茶啫哩亦是沒有綠茶味；綠茶雪糕偏甜，雖然還算是creamy ，但如果可以多一些綠茶的甘味會更好；幸好紅豆可以做到又軟又能保持紅豆的形狀，加返少許分數。最後實在是太飽，要打包兩件窩夫返屋企。

利申本人不是抹茶控，對最近大行其道的抹茶甜品認識不太多，但御前上茶的抹茶、焙茶雪糕的確令我印象深刻:剛到埗時店員告知雪糕機壞了，起碼要等半小時。我跟友人差點放棄等待，最終決定在店舖坐坐，慢慢等~ 等了大約20分鐘的御前盛合 (抹茶焙茶) 一端上就足以令班港女哇哇聲😂 乾冰造型十分有話題從左至右分必是抹茶焙茶味雪糕、紅豆、丸子和抹茶jelly. 我必須為雪糕大嗌一聲"OISHI~~~" 雪糕的抹茶焙茶味剛好，有茶的甘香，雪糕質感綿密😋😋😋 一想起又流口水了。。。由於店舖規定每人最低消費，我跟友人又點了個抹茶豆腐拿鐵。個人認為飲品的豆腐過多，有點不太平衡。但抹茶拿鐵味道不錯，抹茶味較重。無論是不是抹茶控，若經過御前上茶的你必定要試試它的雪糕，不試後悔喔

同KAKA食完一杯，又好早，而且我地一定要食個甜品先叫完滿晚餐，我就問佢，不如出旺角食甜品，因為觀塘無~~點知……KAKA呢個綠茶控突然發青光，話要食綠茶雪糕，因為呢間御前上茶開咁耐佢都未食過，所以好想試，無所謂喇，最緊要佢鍾意，佢就嚟出走韓國，一年見佢唔到，就佢一次半次無問題經過咁多次，每次都見好多人食，今日見都唔係太多人，都唔需要等好耐位原來……你就係傳說中好出名嘅蜜瓜包，我之前去日本食過一個終極好味蜜瓜包，唔知呢個有幾多成呢御前雙色盛合 - 雖然要$68，但係只係睇佢出場已經值回票價，用竹盛住雪糕，下層重要放乾冰粒，一出場就起晒煙，另外雙色係有綠茶、煎茶軟雪糕，另外有我最愛嘅小太子、紅豆蓉，當然重有綠茶啫喱個煎茶味雪糕真係無敵好味，好香濃茶味，紅豆蓉唔會太甜膩豆腐雪糕蜜瓜包 - 好蜜瓜包登場，雪糕有4款味道可以選擇，綠茶、煎茶、豆腐、綠茶煎茶雙色，當然，我會揀豆腐喇蜜瓜包本身加熱咗，所以食落口會好軟熟，另外豆腐雪糕豆漿味濃，其實同蜜瓜包好夾，因為本身問店員，夾邊款雪糕好味，店員話綠茶，但係我覺得包已經係綠茶味道，雪糕其實最好選擇味淡，好彩……我今次無揀錯，蜜瓜包面香香脆脆，超好味

【2015 年 12 月 27 日】這日在旺角逛完街路過這間人龍綠茶甜品居然只得幾個人等位囝囝很鍾意綠茶的，咁好機會就拎個籌等位喇 !!!店面裝潢帶著簡約日本風，以為是日本品牌原來是來自台灣 高雄的抹茶專門店 ... 餐廳的抹茶採用京都森半抹茶粉製造每人點了一份甜品 ... 最先上枱的是 抹茶聖代 HK$52濃香的抹茶雪糕下面有很多配料，好豐富耶 !!! 有軟糯的白玉、脆卜卜的脆米粒、滑溜的豆腐、紅豆和綠茶蒟蒻鐵板培茶霜淇淋鬆餅 HK$58平時鋸扒就食得多鐵板，第一次用鐵板食甜品雖然有窩夫隔著雪糕，但是雪糕被熱騰騰的鐵板烘得有點溶化上枱後快手淋上培茶醬汁品嚐，以免雪糕溶化培茶雪糕很甘香，很濃郁，配搭窩夫一起味道很夾，但是單食就太濃豆腐雙色霜淇淋 HK$48 啱哂鍾意豆腐又愛抹茶的囝囝可惜擇錯了雙色霜淇淋，因為是抺茶雪榚搭培茶雪糕甘香的抺茶雪糕就合哂囝囝的口味，但是較為濃郁甘口的培茶雪糕就不太啱他喇 !!!囡囡的 抹茶雪糕夾心法式杏仁餅 HK$68 ... 好大件的 Macaroon 賣相很吸引外面鬆脆裡面帶點煙韌的馬卡龍，帶點抹茶香，又不太甜配搭中間甘香幼滑的抹茶雪糕，真是太美味**

身為抹茶控的我，當然不是第一次光顧這間店啦！這是我最愛的抹茶專賣店之一這次跟友人很早便來到店裏，並瘋狂地點了四款 - 抹茶聖代、抹茶卷、鐵板抹茶霜淇淋鬆餅、抹茶雪糕夾心蜜瓜包 抹茶聖代 HK$52每次來到都會點一杯，抹茶味夠濃，紅豆也不會太甜，口感豐富 抹茶雪糕夾心蜜瓜包 HK$48雖然命名為蜜瓜包，但完全沒有蜜瓜的成分，只是基於外觀像蜜瓜而取其名。包面上有些糖，而且麵包較硬，我個人比較喜歡抹茶雪糕夾心菠蘿包 鐵板抹茶霜淇淋鬆餅 HK$58這個只是鬆餅配霜淇淋的四分一份量，但以鐵板上，令鬆餅保持溫暖，淋上抹茶汁，暖暖的鬆餅配丄霜淇淋一起吃更美味，味道更濃 抹茶卷 HK$38就像茶之環的Matcha Roll Cake，蛋糕不夠滑，但茶味亦算濃

周六與友人相約於朗豪坊，然後慕名早往此茶館一嘗招牌綠茶菠蘿油。茶館的菠蘿油正推出期間限定版，用上雪糕取締牛油。雪糕有幾個口味選擇：豆腐、抹茶、焙茶和雙茶味，我與友人不約而同點了個雙茶味，叫多了份雙色蕨餅和一杯焙茶。二份的菠蘿油率先送到，先談外相真加了不少分：墨綠色的菠蘿油， 外表酷似（如店方所形容般）日本的蜜瓜包， 面頭酥皮弄得綠中帶白，很是吸引。我們急不及待拿起麵包大口咬下去……嘩，很冰，門牙都冰的刺痛很爽再咬，雪糕的培茶味一湧而至，抹茶後來居上，不過抹茶味來至於菠蘿油。很過癮，我地大口大口吃着聊着，卻突然發生牛油紙袋泡了泡溶解了的雪糕很煞風景整個包我最為欣賞的是軟滑雪糕和香脆酥皮的配合，加了糖做的酥皮來得比平日的脆和甜，配合富有茶香味的雪糕來得非常搭。而雪糕，我認為奶味不及別家的豐足，茶味卻是充足的，算是合格。另可考慮用分子雪糕方法製造，希望盡量延遲雪糕溶解時間。雙色蕨餅有兩種口味，黃豆和綠茶味。蕨餅比我以往食過的較為軟身，難道是搓粉那圈出了問題？黃豆粉太少而綠茶粉太澀，加上黑糖變得更差，黃豆味被蓋過而綠茶味……變得怪怪的，但我友人喜歡吃，每人口味就是有偏差的。培茶，未什特別。付畢

見到好多朋友/網友推介這個來自高雄的手作抹茶專賣店－御前上茶，仲話抹茶迷唔食對唔住自己。身為抹茶控既我，終於有機會來試這裡的抹茶甜品了！幸好那天和朋友是在傍晚時分去，只等了十分鐘左右就有位啦。望望店內的menu，最吸引的還是抹茶聖代 & 聖代雙重奏 聖代其實是像芭菲，頂層是抹茶/焙茶雪糕配白玉丸子，然後是脆卜卜的米通，再配上豆腐凍，最後是紅豆和抹茶凍。配料方面由上至下的配搭雖很有口感，但抹茶雪糕卻令我十分失望。因雪糕完全沒有突出抹茶淡淡的甘味，只強調甜味。相反焙茶雪糕突出了茶的香味，甜味剛好，算是有驚喜。可惜兩個雪糕都是不夠實和滑，跟Via Tokyo 的相差太遠了!

身為抹茶迷的我，當然系咁寒冷的天氣下依然無懼寒流既侵襲去吃抹茶雪糕啦！身為港島人的我突然想吃抹茶雪糕菠蘿包，由於銅鑼灣分店已結業，咁我為左吃當然不怕遠就出發旺角去！今日雖然好冷，不過客人都頗多，可能大家都覺得識吃一定係寒天吃雪糕！當然我要左我一心想食既抹茶雪糕菠蘿包，真心真係無敵的，個抹茶菠蘿包又脆又香加埋抹茶雪糕於中間，感覺好幸福呀！ 另外，仲叫多左個抹茶窩夫，我將其窩夫切成一小塊來沾抹茶雪糕！今日既外出係值得既

肚餓周圍搵野食之際見到呢間野就入左黎試下。本來諗住叫份髮餅兩個人分，但我地無留意到原來每人必須最少一款食品或飲品，所以就叫多左杯聖代。最先上的係抹茶聖代$52, 望落唔算好大杯，最頂層是抹茶雪糕伴隨兩粒丸子，抹茶味香濃，個人蠻喜歡的，丸子煙"un"但就無味。雪糕下夾雜著米通，脆卜卜又香口，仲有抹茶凍同豆腐凍，前者味度較廿，後者散發香濃豆腐味，底層有大粒紅豆，整體配搭得宜，口感豐富有層次，是一個不錯的選擇。 食完聖代再等左陣，終於等到個鬆餅。由於食代我地揀左抹茶雪糕，所以鬆餅我地就揀抹茶鬆餅配焙茶霜淇$78。 成個set仲有一小碟紅豆同抹茶凍。個人對焙茶雪糕不太感興趣，覺得有點苦澀，但友人就覺得焙茶雪糕比較好食。 至於鬆餅，份量適中，一個人食哂應該飽肚既，而且蛋味很香，外面微脆，肉裡鬆軟，但就欠缺抹茶味，而且我地一致認為呢個配搭唔係好夾，可能同味鬆餅配同味雪糕應該更合適更好吃吧。雖然味道可以，但賣到將近八十蚊既價錢確實唔太值又好唔抵，嚐過一次就夠了。

店名：GUM "JENG!" X 御前上茶地址 : 旺角廣華街13號廣輝大廈地下4-5號舖好味指數：7.5／10價錢：$44抺茶焙茶拿鐵霜淇淋抺茶味道不算醇厚，但口感仍是可以的。焙茶味道較濃，因此味道更為突出。倒入自家製抹茶拿鐵，味道頓時提升。店名：GUM "JENG!" X 御前上茶地址 : 旺角廣華街13號廣輝大廈地下4-5號舖好味指數：7／10價錢：$40抹茶拿鐵豆腐飲用新鮮全脂奶 、抹茶 、豆腐布甸整成，豆腐入口都算滑，抹茶味道可以更濃，份量唔多。 

豆腐霜淇淋（$32）之前食過佢地既抹茶食品，少少失望啊。今次唔抱期望咁試下豆腐雪糕，反而比到驚喜司令！ 豆腐味好濃，唔算太甜，而且雪糕滑，大大筒食到落尾都仲有，豆腐愛好者可以一戰。豆腐甜品比抹茶出色！

同朋友去完旺角食完飯，諗緊食咩甜品好😼，突然靈機一閃✨，諗起有間食綠茶甜品既，就一於去個到啦位於登打士街既御前上茶，以綠茶甜品🍵為主，綠茶蛋糕🍰，電糕🍦應有盡有，今晚星期二去仲算唔洗排隊，就嗌左招牌既綠茶聖代($52)同培茶聖代($52)🍨聖代頭層係雪糕，之後係米通，紅豆，綠茶羊羹等配搭，綠茶雪糕味道較甜，少了甘濃，相反培茶雪糕帶有驚喜👀，一啖雪糕充滿培茶香味👃🏼，培茶的甘香係口入面散香，甜度適中，期待下一次的其他甜品

其實都唔係第一次食呢間店，但係最近都有好多介紹抹茶菠蘿包，我咁鍾意食抹茶，一定要來試一試。佢啲抹茶甜品其實都唔錯。但係今次綠茶菠蘿包我都知要寫！一坐低餐牌都唔睇就叫左呢一個抹茶菠蘿包，你可以揀抹茶雪糕或者焙茶雪糕。我就揀咗抹茶味!🤗個包熱辣辣雪糕凍冰冰，唔係太甜，不過就要五分鐘之內食晒！雖然40幾蚊但係都係值嘅！