牛牛日式火鍋放題 (海之戀商場) (Closed)

🇭🇰 荃灣-牛牛日式火鍋放題 成日去到海之戀都唔知食乜好～～今次俾我發現呢間日式火鍋做緊優惠 所以就同朋友仔一齊去食！整體方面☑️•上菜速度快•有海景卡位•連熟食都唔錯•有位置打卡專用•一人一鍋👍🏻🔲 LV3澳洲和牛牛肉放題套餐 $318/人泰.酸辣蝦鍋湯底超好味！！有啲似食緊冬陰功，但佢又唔會話食到好膩～～反而酸酸辣辣會令到你更加開胃，加埋個烏冬落去索哂啲味😍好正啊！同埋坊間好少會有呢個湯底～建議大家嚟嘅話可以試吓！▪肉類澳洲和牛澳洲黑安格斯極上牛舌丹麥王樣牛小排肉類大致都同出面嘅放題差唔多～～食落牛味都幾濃，而我最鍾意就係佢嘅牛舌～～因為唔係間間放題會有🥹食落薄切得來 又爽口～～而且安格斯牛都肉質都幾嫩㗎！▪️海鮮海扇貝，紐西蘭青口，蜆…海鮮數量唔算好多款～～但食落都新鮮的👍🏻▪️飲品飲品選擇方面算幾多～～有冷泡茶，不同類型罐裝飲品，仲有啤酒，日本清酒，紅酒及白酒Free～另外仲有外面餐廳較少出現嘅包裝果汁(朋友仔表示好好飲！)▪️熟食& 自助區出面有得拎唔同炸物～「炸雞，炸魚，薯條…」全部都香脆㗎～另外仲有鰻魚食啊😍而麻辣鴨血亦整得幾入味同香辣👍🏻我地亦點咗明太子炸蝦🍤即叫即整？熱辣辣又

呢2日又凍返 就好想食火鍋去左海之戀嗰間 @gyugyu_shabushabu 牛牛日式火鍋放題，一人一鍋唔使擔心唔啱味呢左個lv3。澳洲和牛。3百令蚊 食到攬住個肚腩仔我叫咗個冬陰功湯底朋友仔叫咗個蕃茄湯底。太酸辣蝦鍋湯底 - 好濃酸酸地越食越開胃。Lv3有得任飲緊咩紅白酒同清酒👍🏻👍🏻。場內小食有我最中意嘅shakeshake薯條仲要有好多唔同味嘅shakeshake粉～正。不得不講有好好味嘅鰻魚燒💖🥹仲有鴨血～好味中意打卡嘅女女 仲有個打卡位有埋和服著黎影相有得食有得玩～仲有好多飲品～我就中意飲佢個😎桂花女神飲多啲變女神😂💖90分鐘任食黎講 真係食到飽～📍北角渣華道123號北角匯二期1樓110-111號舖荃灣大河道100號海之戀商場1樓1010號舖#牛刷 #日式火鍋 #shabushabu #荃灣 #放題 #李諾陶 #lottovi

第一次食選咗最基本嘅$288任食特選牛，冇咩要求，只希望啲肉正正常常，食吓蔬菜食吓甜品咁！第一輪嚟到啲肉賣相唔差，不過食落係韌嘅！跟住再加單嗰啲，嚟到再嚇一跳變成半肥瘦牛肉，立即要求更換！四個人最終只係食咗八碟牛肉就放棄！比較可取嘅係啲蔬菜類選擇多，亦都算新鮮！飲品選擇，亦都算幾多元化。最後到甜品類，都相當失望，只有一款Movenpick雪糕，其他係牛奶公司脆皮或者牛奶公司蓮花杯😩😫，其他甜品得一款大福選擇！食過咁多次涮涮鍋放題，呢間最失望唔會再幫襯！

預先book位唔需要等, 一行5人食晚市, 只係大家揀湯底先用左少少時間~湯底都算多選擇, 有8款, 而我揀左藥膳麻辣鍋, 餐就揀左Lv3 澳洲和牛90分鐘放題.湯底夠濃味同足湯料, 另外配菜係自助出去拎, 選擇尚算多.肉類就正正常常, 只可以話無投訴 另外仲有熟食區, 各種小食, 湯品, 雪糕都可以隨別拎, 佢地既獨立包裝拉麵好食!!scan QR Code仲有其他小食可以order, 前菜炸物海鮮沙律等等都有.年糕福袋同墨魚滑都不錯~其他就正常. 飲品會推介佢地既冷泡茶, 特別係桂花女神, 幾fresh, 解渴解膩~店員上菜收碟速度幾快手, 態度正常.overall大家都食得滿足開心既

我同我老母下午食198/90分鐘個plan，選擇兩款湯底，一個係冬陰功湯底，另一個係山椒湯底。冬陰功真係唔錯既，一嚟就覺得開胃，或者自己本身鐘意，所以我地都食得好開心。自助位有好多新鮮嘅蔬菜，特別係羽衣甘藍同生菜，真係好新鮮好脆，出面都好少有羽衣甘藍食，其他就正正常常，不過可惜原來自助熟食位午市冇開，跟住可能平日唔多客人，所以叫既肉類都好快就上枱都冇吹埋單，可能我岩岩好係90分鐘內食飽，環境唔錯坐窗邊得閒可以望下。

海之戀個場餐廳多，但無乜邊間full⋯平時牛x、牛xx個啲就食得多，今日第一次黎試下呢間日式火鍋放題~只可以講食得非常趕，午市黎到，揀食一碟肉嘅餐。我知揀得食六十分鐘自己心目中都是要趕，但餐廳都係得嗰幾枱客，就黎侍應多過客。加湯你叫佢加，佢是成壺拎黎叫你自己加⋯食到四十五分鐘有個侍應黎叫你好準備食雪糕啦，就夠鐘⋯食到夠鐘又有另一個黎同你講夠鐘啦⋯再過多五分鐘爭啲又有個過黎同我講夠鐘（只是咁岩比人截住話我提左啦）⋯真係好想講，食個邊爐，等個湯滾、個客出去夾頭轉野都要十分八分鐘啦，好似坐多你十零分鐘會蝕咁⋯總之，比服務費就係呢啲服務，真係多謝晒⋯唔會有下次⋯

喺某平台用$5買咗一張$50嘅coupon，每次可以用兩張，咁我同🤴🏻兩個撐枱腳就啱啱好啦！😁😁～～～泰 · 酸辣蝦鍋～～～起初諗住係酸辣湯嘅味道，一黎聞到勁重泰國嘅香茅味，我就勁麻麻😕😕，而酸辣味亦比想像中少，完全比香茅味蓋過，決定交俾🤴🏻！😅😅～～～傳統山椒味噌鍋～～～呢個比起酸辣蝦鍋明顯容易接受好多，起初鹹味正常，但之後再落湯水都keep住重口味😅😅～～～蕨餅～～～好似係第一次打邊爐有得食蕨餅😀😀，抹茶味OK，但黑糖味應該放到乾晒冇晒口感😕😕～～～鰻魚～～～又係好少係打邊爐見到，鰻魚汁味好香手，一定要試😊😊咁其他打邊爐料牛肉、豬肉、丸類其實都正常發揮，冇乜特別😃😃扣埋現金券，每人二百幾蚊OK啦😄😄

I came here around 3pm for their unlimited hotpot. I decided to try their 1 hour hot pot as most places don't offer that.I ordered the US Supreme Beef and compared to the Supreme Beef, it definitely has less fat on it so overall, you would likely able to eat more. Definitely worth the $30 extra.The other buffet food and drinks are quite standard.The refill service was very efficient. I think each refill came in around less than 5 minutes after ordering it by QR code and despite the 60 minutes, I

之前友人告知呢間位於D字頭日式超市樓下既日式火鍋放題推出左午市定套餐.. 今日碰巧休息一於約埋友人一齊試吓再順便去埋D字頭超市行下，點知友人告知～已經約咗朋友哈哈～唯有下次早啲約佢今日叫左一個set B 吉列芝士豬扒. 味道芝士仲有拉絲加$8要左杯冷泡茶整體不錯。最窩心是店員一早告知我，如果需要多少少隨時可以告訴她

去到門口想問企係門口果位金色短髮阿姨個位接待野，都未開聲就用好惡既態度叫我等等啦，咁好啦等一陣。然後好聲好氣問佢小朋友係咪免收費，佢就用歧視既眼光望住我小朋友，我小朋友確實係六歲只係生得比較高，佢問我小朋友幾歲，我話六歲之後佢即刻改口改rule問我小朋友邊年出世，我話2016 年尾，佢即刻改口話2017先得。全程態度好差好惡。如果你唔想比小朋友免收費可以唔做呢d promotion,希望你老闆睇到可以去改善下員工的態度。

2人訂枱，要等到天昏地暗，都沒人理，由其是男性經理，態度惡劣，以後絕不幫襯，你買coupon的時候就什麼都可以，這是什麼的服務態度呢？太令人氣憤，食物質素只是一般，價錢亦不便宜，實在得一個差字。

超級低食，味道好，食物干凈，環境好，仲要有海景😂 飲品種類多蔬菜區 丸同菜類菇類都好多。仲要有雪糕最重要有我最愛嘅萵苣最重要係唔洗等位，一去到就有位～快靚正～

每次逛完荃灣海之戀商場的Donki後，都會心思思想到鄰近位置的Gyu Gyu 牛牛日式當火鍋放題，今次終於決定去試了！90分鐘晚市套餐主要按牛肉品質分成4個等級，lv1: 美國特撰牛食心放題, lv2: 丹麥王樣牛小排, lv3:澳洲和牛 lv4:宮崎和牛肩胛肉。.接著就要數每個等級的食物選項多寡，等級2起便解鎖了羊肉，等級3起更增添了青口和扇貝類，最高等級的還出動鮑魚和關西壽喜燒。我們最終點了最親民貼地的等級一，假日早割時段收費為每位$258（另加一）。湯底選擇蠻多的，每一個鍋勻有特別名稱，分別為椒、燒、蝦、鰹、蕃、豚、辣、豆。我們則點了（辣）藥膳麻辣鍋和（豚）膠原豬骨鍋。一人一鍋，乾淨又衛生。等級一的牛肉質素並不差，雖不至入口即化，但仍然柔韌肥嫩，牛香十足，性價比高。套餐除了豬、牛外，還有紅魚柳、墨魚仔、明太子青瓜、鹽味技豆、辛味泡菜等前菜，不過麵食類，如烏冬和珍珠飯，以及揚物類，如黃金雞塊、日式豚肉餃子、脆香雞翼，我們就沒有點選了～場內除了有各式各樣肉丸、素菜類、炸物拼盤、雪糕外，還有任食厚切極上蒲燒鰻魚、麻辣鴨血、汁煮豚肉生薑燒、日式咖哩和牛等等。不得不讚歎現在的火鍋店，連熟食

三人同行食火鍋安排窗口卡位，可慢慢品嚐美食，欣賞窗外美景膠原豬骨湯底~湯濃帶有紅棗杞子，補血補身蕃茄湯底~茄味特濃，甜酸開胃壽喜燒湯底~和式風味，香甜醒胃選了中午時段進餐，和牛放題 $198 一位，牛肉肥瘦適中，牛味亦濃郁 豚肉片淋滑可口，味濃有質感 另有自行出外取食物 ,有不同的丸類、蔬菜、瓜類、菇類、麵類等等可自取亦有唔同醬料可自選，咸甜辣自由選擇亦有唔同飲品選擇多，總有一款啱你口味品嚐所以熱食食品，最後當然要到涷櫃食埋雪糕雪條，真係好滿足，90分鐘放題食到飽飽

一直都好想試下呢間牛牛火鍋，雖然唔係揀最貴既等級牛肉黎食，但同牛x，x魔王果啲黎比，牛肉算係有質素！出面有熟食可以攞，鰻魚熱辣辣，好好食👍🏻👍🏻（利申：本人唔鐘意食鰻魚）試過一舊覺得好食！蔬菜，丸類款式都多，值得再去！☺️☺️