牛極 (雅怡居)

Open Now

Now Closed

最近好少食牛扒，咁啱朋友有介紹我食呢一間，特登過嚟睇吓係咪真係咁好食🤤一入到泥個裝修好日式感覺幾靚好特別原來有牛肉湯同埋沙律同埋白飯免費供應全部都係自助形式，咁樣我肯定食得飽飽的🤣兩個人就叫咗一份牛肋骨排同埋牛柳佢係用火石版形式上，感覺幾新奇，好玩又好味🤣lol一次過滿足三個願望牛扒上到嚟都好生下 ✌🏻因為要新鮮上比我地慢慢燒,燒到適合自己嘅熟成度, 我就鍾意食生啲嘅 所以兩面加埋剩係燒左1分鐘多少少左右入面仲係粉紅色 有啲血水，但系咁食超juice☺️而且肉質好鮮嫩，亦都冇好多根，入口感覺不錯🤤 另外仲有醬汁辛未芥末燒汁 胡麻沙拉汁 同埋燒肉汁因為今日吾食得辣所以淨係點左燒肉汁，同埋沙拉汁，個人比較鍾意個燒肉汁多啲甜甜地好香，今次朋友介紹得唔錯，下次再嚟食其他先☺️

平價石板牛肉店牛極，開咗間分店喺深水埗，佢主打$80就有180克牛肩肉眼，仲有湯，飯同埋沙律任食佢用咗日式自動售票機，客人先起售票機買自己想要嘅牛肉款式同埋份量，比好錢出飛仔，然後自己搵位坐低，又或者樓面姐姐會幫你手搵位佢有個自助吧有返湯同埋沙律任裝，大家起等食牛之前就自己裝好飯同埋沙律仲有少少紫菜粉你可以加上個飯度旁邊有提醒話啲牛排係呀成熟，放喺熱石上邊自己煎等左一陣件牛就到啦，佢會用張餐巾擋住個牛送過嚟唔使佢啲汁彈到周圍都係今次點左佢$80嘅牛肩肉眼，唔到180克原來幾大舊，好口感所以一切開見到裏邊都幾生，可以慢慢煎，可能我食得慢，切到大半之後覺得塊板真係冇咁熱，同店員講佢就會幫手換過另一塊熱嘅石板。其實$80仲有沙律飯同湯呢個份量都係幾抵嘅，牛肉嘅品質都OK。

今日我們靜悄悄加入高溫火山石燒肉行列，試下而家好興嘅熱石牛扒先。深水埗分店早前搭車經過見好多人排隊已經想食，搵日放工早少少去好彩有位，因為坐落已經不少人陸續入座全場爆滿！柯打了一份牛肋骨排同一份牛肩肉眼，各100g，前菜及飯採自助形式，食幾多裝幾多，不要浪費！自助落單後可以去自助區夾沙律菜，麵豉湯及醬汁，白飯就等牛肉上先再裝。熱石板及牛肉徐徐送上，牛肉約一成熟，自己切開再煎到自己喜歡的熟成即可。果然是不同部位，果道大不同！牛肋骨排是牛仔骨部位，脂肪較多，所以熱石上油花彈得較厲害，食落牛味濃之餘，脂肪味更突出，喜愛吃肥一點的會很不錯！相反牛肩肉眼則較瘦，肉汁同樣充足，不用燒很久很嫩滑，無得去日本，食住先啦！牛肉部位種類有六種，下次再試。

今日同大家介紹下呢間餐廳，裝修非常好，服務員非常有禮。招牌菜牛真係無令人失望，非常特別，世界級好味，份量又多，最緊要價錢又唔貴，最岩帶朋友仔黎試下，原來牛都可以係咁出色。

朋友推介我去今期嘅潮食熱石牛，佢有兩間分店，今日就去左近深水埗同長沙灣個間，地鐵站a 出口一出行兩分鐘就到，非常方便。一入門就有部自助點餐機，可以按自己要求選擇KG 同部位。入到餐廳環境好有日本東京感覺，座位闊落仲有放手袋籃，服務體貼。我地選擇了牛肩肉眼和牛肋骨排，之後就去了自助吧，拎沙律，麵豉湯和飯。沙律菜很新鮮，配搭柚子汁，十分清新開胃。麵豉湯有昆布豆腐，味道剛剛好，不會太鹹。飯就係日本飯，粒粒分明，質感軟熟，配埋紫菜粉一流，感覺好像到了東京一樣。好啦重點到啦，就係期待已久嘅熱石牛！兩款牛肉都係以超高溫既熱石上枱，熱石上會放上一成熟嘅牛排，大家可以將牛肉切成小塊，按個人喜好加熱。牛肋骨排200g $100骨排夠大份，肉嘅比例都佔得多。非常多肉汁，喺熱石上彈得好勁，肉味十分濃厚，肉質幼嫩。牛肩肉眼180g $80肉扒上有啲乾蒜片作點綴，切開肉扒，裏邊仲係半熟狀況，個人認為可以將肉切小塊後，左右兩邊都加熱一下。牛肩肉眼肉質較牛肋骨嫩口，一樣都係咁juicy，咬落去啲油脂十分香！兩者配合醬汁味道更特出，送飯食一流。餐廳都好細心咁樣喺熱石上鋪上紙巾，以防彈到客人。不過提提大家要著好餐廳提供

一直想試下呢間牛極，收工經過深水埗就拉埋男朋友黎試下，餐廳外面既紅燈籠🏮勁搶眼，裝修非常日式，落單仲要係好似日本咁，有部自動販賣機，可以自己禁！好新奇有趣！裡頭掛左好多日式風格既旗子，成個格局非常闊落，坐得舒服。每張枱附近都有貼住點樣係熱石烹調，熱石唔夠熱仲可以叫店員換石板。另外仲有即棄圍巾，可以擋住燒個時彈起既油，記得要拎，非常有用，因為彈油真係幾犀利。自助區可以免費任食沙律，飯，湯同水。位置都幾乾淨，店員都打理得非常企理～三款自選沾牛肉既醬汁：辛味芥末燒汁、胡麻沙律醬、自家製燒肉汁。個人喜歡自家製燒肉汁～另外每張枱面都有鹽同黑胡椒。前菜既沙律都係新鮮既～食幾多夾幾多，唔會浪費～牛肩肉眼（180g）$80每人都叫左一個肉眼，上枱既時候有張廚房紙蓋住整個牛肉，防止彈油～肉眼勁大舊，好厚身，聽住啲燒牛肉既吱吱聲真係好治癒～牛肉上面放左蒜片，增加香味～切開既牛肉一放上石板一秒，再拎起就已經變左熟，可見石板既溫度好高～我中意食七成熟，所以燒耐少少，一邊見到血水滲出，肉汁豐富既牛肉，真係好吸引！食落口都幾有牛味，咬落又唔會好韌～果然自己燒既牛係特別好食～有得食又有得玩，燒完咁大舊牛真係幾有成功

近月火山石燒牛扒非常盛行，好多朋友都讚不絕口。所以今日決定去以火山石燒岀名既牛極。首先要到自助點餐機點餐，好似去日本既拉麵店要買票。kg同部位由自己決定。入到去餐廳發覺幾大。另外全部座位都係卡位，裝潢俾人感覺舒服。我地座位對開就係自助區，蕃茄牛肉湯、椰菜沙律同飯都可以任取。其中蕃茄牛肉湯我攞去總共三次。湯酸酸甜甜，入面真係有牛肉粒，肉質唔韌幾軟稔。等左唔夠5分鐘，我叫既牛肋骨排就上菜啦！上菜既時侯牛肋骨排大約一成熟。餐廳用吸油紙蓋住，唔洗驚彈油。自己可決定生熟度同將肉切細，過程幾有趣。食落無咁筋，肉汁豐富。朋友就叫左牛柳。肉質相對嫩滑得多，肉味更香。之前以為價錢咁實惠，味道一定麻麻。估唔到cp值咁高。既然牛柳牛肋肉都咁正，下次一定要食和牛。

聽朋友介紹黎到呢間專食牛既餐廳由於牛既油份有機會彈到身上，所以店家準備即棄圍裙比顧客裝潢和環境可以自助吧提供麵豉湯、飯、沙律，全部都係無限添上碟會有張紙巾蓋住以免油彈到周圍都係揭開神秘面紗，偷睇下舊牛仔先😆由於店家只會將牛煮至一成熟，其餘就靠顧客自己利用石的熱力煎熟後再食用5秒前5秒後可見石板非常熱，待牛排燒熟後，可以自行加入枱上的即磨鹽和黑椒作調味，牛肋骨味道帶甜，牛味唔錯整體嚟講以相對價錢又有得食又有得玩，性價比確實不錯👍

為符合大眾所求小店推出新鮮組合拌勻附添加服務講究貼心是可考慮的！上煎時可按照自己心水生熟程度狀態來開動自己味蕾，有等級牛扒不論蠻快三至五分鐘就可以開動小宇宙新品牌進駐引入最紅滋味..熱潮捲起以石煎烤潮流風氣風靡在日本東京捲起以親民價格帶進深水埗本土展示，看起來肉品都有一定質素標明尺碼名稱標記( 牛肩肉眼 180g $80 )( 牛肋骨排 200g $100 )牛排刧面逼出油脂、滋滋的聲響紅粉嫩肉質沾染焦香更令牛排層次更加富有

今日去左呢間最近好高人氣既熱石牛極据扒😻有兩間分店，我地去左長沙灣個間。都好易搵到，地鐵站一出行2mins就到👍餐廳都算大間。我地6點幾去食已經開始好多人黎食，要開始排隊。點餐就用左日本好常見到既自助販賣機點牛扒。都容易操作，揀番自己想食個款牛扒同份量，入錢就得。好簡單😼牛扒有5款，牛肩肉眼，西冷，牛肋骨排，牛柳，日本和牛。價錢都算幾抵食喎！！🤝點完餐之後就可以去自助吧 到拎沙律🥗，飯，麵豉湯喇！雖然只係普通既沙律菜，但佢有埋柚子沙律汁撈埋黎食，又幾清新開胃喎！麵豉湯又幾好飲，唔會話好鹹。仲有昆布同豆腐食，幾解膩。提醒下大家，係牛扒黎之前，大家記住好著好餐廳提供既圍裙。以防俾油彈到成身都係呀！🙀我就叫左兩款牛。牛肋骨排 同牛肩肉眼🥩以超級高溫既熱石 張牛肉熱熟，以自己既個人喜好去加熱。唔洗怕會燒到好熟。牛肋骨排 🐂啲油彈得好勁，好多肉汁。味道好濃，好重既牛味。肋骨燒到好香，好惹味。而牛肩肉眼 就比較嫩肉啲好juicy既口感。舊肉好厚，食落好有口感。送飯一流呀！如果覺得唔夠味仲可以自行落調味同沾燒肉汁，令到牛肉味更突出！

65 蚊一個lunch4件麻雀咁大，0.5cm 厚嘅牛舌有啲芽菜係底咁冇野飲唔講以為係好名貴但其實都係普通味道自助區得沙律湯同飯同汁但沙律都係得啲椰菜絲乾到哽都哽唔落

We finally came here for dinner today! This place has been on my steak list since its opening & finally we get to try it! They opened a new shop in Mongkok and this is the one we went this one. The shop is quite spacious and the staffs are super attentive to our needs! what’s special about this restaurant is that we’re the one who decide how cooked the steak is, each diner will be offering a stone in which they can grill the steak on top. very interesting idea! At the same time, the restaurant o

東京嘅立食牛扒大家食過未? 未食過/未去過日本既朋友仔唔緊要 今次吃貨小妹就為大家介紹深水埗呢間同日本立食牛扒有異曲同工之妙嘅火山石燒牛扒專門店不過有位坐低慢慢嘆當然更岩香港人 牛扒嘅部位係任君選擇 有平有貴 食幾多食幾重都可以自己話事係日本成日都見到既自動售賣機 當然係香港就好神奇少見啦成個感覺即刻好似飛左去日本咁落完order未食得 帶返塊圍裙仔先 唔怕彈污糟件衫 夠晒貼心餐廳周圍環境都形造強烈既東瀛風同日本一樣 珍珠白飯同椰菜沙津係以自助模式任拎任食既就連麵豉湯亦有得任飲我地用自動售賣機買飛仔 揀左一份300g既牛肩肉眼同一份300g既牛肋骨排 加埋都係$260抵食300g果然好厚肉一切開就可以見到入面既肉仍然係粉紅色既不過只要放落塊"火山石"上一陣就會好快變熟 想要幾多成熟可以自己決定牛肩肉眼每一啖都係肉肉 最岩食肉獸而小妹個人就比較欣賞貴小小既牛肋骨排 除左連住骨既牛扒份外重牛味外 脂肪亦較多 d牛膏係火山石上燒香後真係油香四溢正

成日見到朋友係ig到打卡燒牛食得咁滋味其實真係好想試下架！！🥰🥰完全比佢塊熱石板燒起左我試試佢嘅心啊！咁正好有日行過牛極一見係石板燒就二話不說入座🙈🙈門口有部機比你自己點餐嘅咁旁邊都會有位店員從旁協助🥰🥰而我地就好順利地點左想試嘅肉喇坐底店員會比個籃放袋嘅同埋湯啊沙律飯啊果d就自助形式自己搞掂🤣沙律都係菜啊番茄果d啦正常人就會落旁邊個柚子醋嘅不過我個人就覺得落胡麻醬會正d～🥳🥳老實講一打開個湯係有驚喜嘅以為一定會係麵鼓湯啦 點知原來係日式牛骨湯有肉有菜 味道都唔錯😝😝～（覺得幾淡 要自己返位落鹽落胡椒調味）主角好快就已經出現喇！我點嘅係牛肋骨排 近骨位好多油脂好香口肉質嫩滑 可以自己控制生熟度咁我就鐘意食生d嘅 大約煎到5-7成就食喇正啊！😆😆😆同埋都有3款醬嘅個人推介紅醬！辣辣地食落好過癮😇😇！整體覺得幾好！店員好好笑容 上菜又快而且又會好貼心咁提供圍裙唔怕彈到衫🥰🥰🥰！

之前住係長沙灣站附近，今日返去俾啲野朋友發現呢間新野，不期然會同另一間大排長龍既有啲比較，最重要呢度唔洗排隊，而且空間好寬敞。食完仲可以落黃金行下，呢間舖食自助機下單，之後入座會有店員送上熱辣辣既牛扒，仲有好多唔同部位選擇，同埋不同份量，因為個人胃口。湯，白飯同湯律是免費任食，當然唔好浪費，食幾多拎幾多，唔夠先再拎。個牛扒放係熱石上面，十分吸睛，同時可自己控制生熟程度。有唔同調味料選擇，個日式醬汁甜甜地，係我最愛。牛助骨-有骨既同埋呢款個味咸咸地，似俺過，牛魔皇一定會愛上牛肩肉，肉質好細嫩，好冧，而且牛味比牛肩骨重上枱個陣會有張紙隔一隔防彈油，好似開禮物咁，好有喜感