牛極 (雅怡居)

Open Now

Now Closed

最近深水埗某間鐵板牛好多人排隊，一直都想試吓，咁啱經過呢間「牛極」都有得食，就入去試下。一入門口就有部自動販賣機，睇啱食乜就買飛交俾店員就OK。唔駛怕唔識買，因為店員會好貼心喺隔離教你買。今次同朋友各自嗌咗一份牛，一份80g嘅牛肩肉眼同一份100g嘅牛肋骨排。牛肩肉眼朋友嘅牛肩肉眼比較重肉味，可能朋友煎得太耐，肉質比較鞋，同超級市場買返嚟嘅分別不大，不過尚算幾厚肉。牛肋骨排我叫嘅牛肋骨排肉味不重，但肉質較為滑，食落去油脂味道都幾重，啱哂我呢啲鍾意食重口味嘅人。另外店內有沙律、白飯、日式牛肉湯任裝。雖然任裝，但質素都唔差。沙律分別有柚子汁同胡麻醬，啱晒唔同人口味。白飯旁邊有紫菜粉，用嚟送飯一流，因為呢啲紫菜粉我足足食咗三碗飯。

今日去深水埗買電腦用品順便打算喺附近食飯見到網上呢一間石燒牛好似幾得意就行去睇一睇~一入到去好似日本嘅感覺 一部機要喺部機度入錢攞收據 然後就張收據俾店員 然後就坐低等食我哋兩個人分別叫咗牛肩肉眼300g 同 牛肋骨排300g ~係等個牛嘅同時 亦都可以出去 攞沙律 飯 湯 沙律有新鮮嘅椰菜任攞 可以揀胡麻沙拉醬同柚子沙拉汁 自己係勁鍾意食麻醬嘅人 落左勁多 為陣間嘅主餐帶來一啲食慾先點牛嘅醬汁都可以喺出邊攞 分別有芥辣 辛味燒汁同自家製燒肉汁自己就偏向自家製燒肉汁等左一陣啲牛就上到嚟啦 全部放喺個石板上 一開始係差唔多生肉俾上嚟 自己去調教究竟想要幾成熟每樣都等到大約六成熟我哋就食啦 ~兩款都好有牛味 但係我覺得牛肩肉更加嫰滑 肉汁鮮美 俾我揀我就鍾意食牛肩肉多啲 ~呢度價錢相宜 又可以有半自助式嘅享受 一定會食得飽

食物：1.5分（個1.5分我係比個湯！千其唔好以為係牛排！一陣講）服務：3.5分 （處理投訴既員工態度都正常🙏🏻辛苦哂！幫間咁既店打工！）環境：1分（垃圾！雖然大！但係通風極差！食完成身酒煙味！三拍子牛排食完完全冇呢個問題！牛肩肉眼（$160 - 400g）：先講左冇咁嬲既肉眼排😼因爲牛肩位！所以有d硬！但都要160蚊😁不如我去食 feathers and bones 都係200蚊一塊！佢既味都係因應佢試先浸過鹽水，唔係因為隻牛好食！牛肋骨排（$140 - 300g)：真係好嬲好嬲！佢完全唔係排！佢係成塊脂肪！有筋算！但牛肋骨邊有可能成塊都脂肪咁濟！一咬落去成口油！又咬唔爛！係咪傻架？比咁既野人食都得！蕃茄牛肉湯（任飲）：全餐廳最好既野...竟然係免費既蕃茄牛肉湯！佢係真好飲！仲有牛肉，落足料！一開始飲個湯！搞到仲好期待d排！點知！沙律菜（任食）：小蕃茄，但都正常總結：一定一定一定唔可以試！垃圾中既垃圾！浪費哂我對最鐘意牛排既期待！P.S. 總之唔好食以上意見只代表個人感受🥺🥺

第一日食 就揀舊細d 再食埋飯（圖4️⃣&5️⃣）反正飯 沙律菜 牛肉湯 想食幾多就幾多🤤自由任添😍好中意佢d湯係好似紅酒燴牛尾嘅味！🤤不過當我發現d牛扒好食過outbxxk🙈所以第二日再去食大。舊。d😍🙈😂好痴線圖1️⃣400g嘅牛肩肉眼 好似一個好大好大嘅心臟😨仲要自己牛扒自己煎就係樂趣無窮有d人就切哂佢 先再煎🙈但坦白講 咁樣好快10成熟😂我自己prefer食一啖 先切一啖 避免呢個情況📌記住要落勁多鹽😂無汁都無所謂肉質嘅香 脂肪 鹽味 一齊融化喺口嗰下可以一𣊬間忘記唔開心嘅野！

早排見到介紹專登走嚟試👍🏻試完覺得要好好推介下呢度係食日式石板燒牛扒基本上全自助好有日本食店風味 首先揀牛扒！我揀咗肉眼，朋友就緊牛筋骨扒俾完錢就入去搵位坐低呢度嘅餐具、沙律、飯、醬汁、湯都係自己拎嘅好好啊！自己拎返自己個份！食得曬先拎，唔浪費有柚子醬同沙拉醬揀味道很好呢度仲有圍裙預備唔驚整污糟衫褲好貼心白飯任裝，係日本珍珠米♥️牛湯落咗啲洋蔥好香好飲好足料醬汁方面有燒汁、芥末、辣醬揀另外仲配有粉紅岩鹽同黑胡椒主菜到喇♥️♥️♥️呢度嘅扒全部一成上枱生熟自己調節我呢個係肉眼好嫩好多汁牛肉味好香好好味朋友叫嘅係牛筋骨扒素感比較豐富但牛味更香更濃我最鍾意係佢可以自己控制牛扒成數食野之餘仲可以享受下煎扒嘅樂趣不過真係要好小心因石板好熱辣親手就唔好喇🙌🏻

自從係澳洲食過熱石牛排念念不忘！唔好問我點解係澳洲，但總之一直想搵返專食熱石牛排既餐廳，香港終於開左，仲要有好幾間分店，我就嚟到美食集中地深水埗既分店，避開左繁忙時間，晚上八時半先到，但餐廳依然爆棚！餐廳內外一入到去就會見到部自助購買機，唔洗驚唔識用，可以請教店員，比現金找現金好方便。食物選擇只係供應牛肉，分別係牛肩肉眼、牛肋骨排、西冷、牛柳、日本和牛，再分gram數，選擇簡單。自助區(湯、米飯、前菜沙律)有牛肉湯、米飯、前菜沙律任飲任食，亦有調料區。牛肩肉眼 $80(180g)食物好快上枱，店內有貼介紹指牛肉都係煮至一成熟放上熱石比客人自己根據自己既喜好煮至適合自己既熟成度。180g岩胃口比較細既女仔，份量不多，我煮至兩面都微焦就切開再煮至約五成，牛肩肉眼好鬆化！牛味亦頗濃，冇渣冇筋，以$80嚟講好抵食！牛肋骨排 $100(200g)因為係牛肋骨排，連骨比較大件，呢個有啲失望，因為比較難咬同有筋，肉質一般，相比之下牛肩肉眼好食好多。用$80食到熱右牛肩肉眼，肉質仲要不錯，加埋有自助區，好抵食，餐廳用自助形式亦好有日本既感覺，難怪咁受歡迎！

最近興起熱石牛✨✨我就緊係唔放過喇～去左位於長沙灣「牛極」正正係宇宙商場對面～好簡單就揾到～六點幾去食所以未算多人，食完開始有人潮🤣🤣唔想排隊既朋友就早啲去食喇用上自助點餐機，容易操作。坐位之間有空間感，有日式佈置，而點餐後，枱上有三個碗係半自助的，因為飯、湯同沙律自己拎既，食得曬先好拎🤪🤪唔好眼闊肚窄～拎完就等上牛扒喇🤭🤭 沙律菜：用上椰菜絲，有柚子汁同麻醬任君選擇，今次我就㨂左柚子汁～清新又開胃😋😋麵豉湯：非常足料，味道也不錯。 ⚠️溫馨提示：記得記得拎圍裙。以免俾油彈到成身油🙈🙈🙈🙈🙈🙈牛扒連高溫熱石上枱，要小心啲燙手～自己鐘意幾成熟就整幾成熟。牛肋骨排：骨位比較大肉比較小～但牛肉味非常濃郁，肉質有口感～加上蒜片食，好惹味。愛牛味既必選✨ 牛肩肉眼：沒有牛肋骨重牛味，勝在啖啖肉，非常嫩滑，肥瘦適中😃最岩食肉獸 抽風系統需要改善🤣🤣人多的時間 大家一齊燒牛扒，煙就是多了一點，其他都滿意～

黃昏時間經過，被門外熱情店員帶入呢間有趣既牛扒餐廳。與不少日式拉麵店一樣，顧客須從點餐機選購，再自行就座。餐廳佈置簡約，梳化位亦坐得舒服。套餐的白飯，沙律和麵豉湯都係自助，份量多少任君選擇我們點了一客牛肩肉眼和牛肋骨排。這裡的一成熟牛排放在極高溫石板上，淨係賣相已經話題性十足。我們切開牛扒，自行調節生熟度。牛扒素質不錯，油脂分佈均勻，食落亦幾近入口即融。牛肉份量剛好，唔洗一陣就清曬，仲可以留肚到附近食甜品

先在自動販賣機購買牛扒餐，之後話俾店員我哋坐哪一張枱，接著就可以自己去攞沙律、白飯、牛肉湯、水和刀叉，這些是任食唔嬲👍🏻*牛肩肉眼 (HK$120, 300g)送上枱時是煎至 1 成熟的牛扒在一個很熱的火山石上，自己切件在熱石上燒。塊牛肩肉眼好大塊好厚身，面頭仲有些蒜片，但可能塊牛肩本身好多筋 (隻牛真的好實正💪🏻)，所以要小心點切走啲筋先，之後再切細細粒先燒。*牛柳 (HK$120, 200g)塊牛柳腍身好多，也比牛肩肉眼薄身一啲，所以我快快切、快快燒和快快食，之後先慢慢食飯、食沙律、飲湯。*牛肉湯有紅蘿蔔、番茄和牛肉一齊燉，好飲喎，可以飲多幾碗。

成日經過呢間鋪頭都好想入去食下，因為我超級鍾意食牛，今日終於可以入去試啦，一入到去門口就有部機俾你自助點餐，點完餐之後啲你就會攞咗張飛去幫你落單，二你就可以搵個位坐低等食喇，等夠牛肉你支持，你可以自行出去自助區嗰度拎少少頭盤食住先，因為佢哋有自製沙律菜，有即煲麵豉湯，有白飯，有調味料，呢啲所有嘢都係俾你任食任飲，所以其實都幾抵，主角終於黎啦，一嚟到就見到有張牛油紙擒住舊牛肉，因為可能係驚係熱板上嘅時候啲油會彈到周身都係嘅關係，我哋叫咗一個牛肩肉眼，同埋一個牛肋骨，兩者都好好味，牛肋骨更加軟林林更加juicy，見到啲吱吱聲都差唔多冇嘅情況下我就拎開張牛油紙開動喇，切開一嚿嚿之後都仲要繼續喺塊熱石板上繼續俾去燒，因為裏便係全生既，所以一定要燒多陣，整體來講呢度嘅就唔會太貴，好親民，亦都好好味，我決定咗會再繼續黎食。👍🏻👍🏻👍🏻👍🏻

位於深水埗近期大熱自助燒牛扒店。一入到門口先用自動售票機選心水牛肉類型同重量，分別有牛肩肉眼、牛肋骨排、西冷等。買左飛後交比店員就會安排位置,同埋可以先去自助吧。自助吧有沙律、麵豉湯、白飯同檸檬水，都係任食任飲沙律菜好新鮮,椰菜絲切得好幼細。麵豉湯好濃郁,而且好足料有海帶豆腐蘿白。牛肋骨扒係帶骨嘅,因為本身厚切上,所以有骨份量都足夠,而且骨附近既肉更重牛味。用火山石燒熟表面，不但有口感，牛肉味好突出。肉眼扒,用火山石燒熟表面,自己切開燒熟其他肉面,可以自己控制熟度。切開再輕輕燒一燒入面,肉質好嫩唔會韌，加上小小海鹽更加帶出牛味。！！！

早前聽到朋友介紹長沙灣新開左間熱石板牛扒，今次有時間就出去試下啦！同深水埗間「三triple steak」一樣都係以自助形式為主去經營。首先o係售賣機到揀左食邊款牛先，然後再揀份量。每款牛同份量價錢都會有少少唔同，不過整體黎講大概100-150左右就有交易啦今次同朋友一齊黎食，我地分別嗌左一個牛肩肉眼180g ($80) 同一個牛柳200g ($120)o係講d牛扒之前，講下間店ge環境先。店入面ge角落位放置左d沙律呀，飯呀，湯呀，餐具等所需品以沙律、湯同飯都係免費增添。o係飯隔離有樽紫菜鹽ge調味料，所以用黎送飯。另外湯就係蕃茄牛肉湯牛肉湯黎講，d牛肉都唔會煮到太韌。不過蕃茄同味增味太濃，所以牛肉味唔重。終於黎到重頭戲啦！熱石板牛柳先講左我自己呢個200g 牛柳先，一黎到就已經聽到d肉汁o係熱石板上ge滋滋聲第一刀切入去個陣，見到入面係全生架~所以最初切都幾難切，要慢慢大大力咁切落去基本上塊牛柳一掂到塊熱石板就熟啦，所以食個陣先切，就唔怕塊牛柳過熟。然後牛柳本來就比較淋d同多肉汁d，所以用黎撈飯就一流啦！200g 黎講，其實都幾多。基本上食晒成舊牛柳已經飽，不過咁多汁唔撈飯好似有d

呢期hit既飲食潮流非石燒牛扒莫屬，用一塊加熱到好高好高溫既石板燒住一煎到一成熟既牛肉，食客可以隨心所欲切牛肉既大小同埋控制舊牛肉既熟度，岩曬咁多位鐘意自己黎既朋友仔。一入到餐廳就係用自助機落單岩曬啲怕羞朋友仔🙈，今次👦🏻就㩒左牛肋骨排👧🏻就㩒左牛肩肉眼，之後交飛俾店員就可以啦，提提大家拎定條圍裙先呀。坐低之後，店員就話👦🏻👧🏻知檯面上個三隻碗有咩用途，分別係食沙律、食飯同飲湯；沙律、湯、白飯都係自助同埋任食（咁多位朋友仔當然要量力而為，唔好浪費食物呀😫），沙律係椰菜絲&車厘茄，另外可以揀胡麻汁or柚子沙拉汁；日式牛肉湯就👦🏻👧🏻都覺得好好飲，佢係有啲似雜菜湯加牛肉，完全唔係普通既麵豉湯，都幾有誠意，👦🏻👧🏻都飲左幾碗。食左一陣自助吧，啲牛扒就上檯啦，店員會用張抹手紙蓋住舊牛肉先，千奇唔好咁快拎開佢，因為高溫既石板上面有啲油，佢一直煎緊舊牛肉，啲高溫既油係會不停四濺，所以之前提大家要拎既圍裙呢個時候就好有用，不過都唔可以煎一面煎太耐🙈，因為個一面會燶左，所以等一陣就記住要翻一翻面同切開佢，煎一煎中間個面，👦🏻👧🏻都鐘意食牛肋骨排，因為入口肉質比較淋身，肉味都較另一款重同突出，鐘意食牛肉

平時這條街道人流唔多但我同老公覓食時接過單張就入店食進店時店員協助點餐要在販賣機點你需要的牛扒類每款牛有三種克數我們點了牛柳及牛肩肉眼主菜未到我們先食自助的沙律老公食了一碗至在食下纖維反而我對熱湯有興趣主要紅，白蘿蔔片，牛肉粒足料的下火湯水主菜終於到店員提醒我們小心熱熱石板上沒有油，但很熱掀起紙就見到熱石上的牛柳按自己喜歡的熟度在石板上煎幾下拌以喜馬拉雅山岩鹽，黑椒帶出牛肉的肉味牛肩肉眼多筋老公都唔太喜歡不過他覺得肉眼的牛味比我的牛柳更重可惜珍珠米飯較硬我其實中意軟身的飯整體而言，這間牛店係值得再去

今晚行經深水埗西九附近，本來想食'三'果間，但因門外有很人輪候，知道附近有間牛極是新開的，所以便行去試一下。地方比時下一般同類型店舖，座位較為寬敞，有卡位坐，不用背貼背咁坐，飯，湯，沙律又是自助任食，這點的而且確是個吸引賣點。微熱，可能放得耐在飯煲內熱住，所以比較硬風乾生菜絲，可加沙律醋或麻醬湯亦不，是麵豉湯，而是牛肉湯。湯窩打開時是很熱的冒煙，但回位置時喝一啖，竟然只是微溫。今晚食西冷 可能我今晚真是不太幸運，西冷上枱時已有九成熟一成生，而不是一成熟九成生，唉，我沒有即時向侍應反應，只是將西冷快快切開放在沙律碗上，以免因為繼續放在熱石上而變成well well well done。我望向其他客人枱上食物，切開時都不是太熟，都有5成熟架啦。雖然食物上有失望，但環境尚算舒適，售賣機旁的侍應哥哥仔親切有禮。只是抽風系統不太好，今晚只是4枱共11人同時食用，整間鋪已充滿油煙。當我走時，先前在售賣機旁的侍應哥哥仔問我食物有咩意見，我最後都忍唔住同佢講塊西冷上枱時已經熟晒，個侍應哥哥仔都好有禮貌同我講，會向廚房反應返，下次可以再黎試。當然啦，每間鋪如食過一次是有問題，通常都會隔一排再試，比好一次