牛極 (雅怡居)

Open Now

Now Closed

最近香港大熱自助燒牛扒店，對於我嚟個牛魔王嚟講真係好消息，今日特登帶媽媽去試嚟間店嘅流程係一入門口先用自動售票機揀啱心水牛肉類形同重量，總共有六款，分別係：牛肩肉眼、牛肋骨排、西冷、牛柳、日本和牛，同埋每月推介店內仲有提供一次性圍裙俾客人使用，非常窩心體貼之後就會安排入座，交埋飛俾店員就可以先去自助吧，自助吧有沙律、麵豉湯、白飯同檸檬水，都係任食任飲，唔洗額外俾錢，非常抵呀！牛扒會由師父煎至約一成熟，再放到烘熱至攝氏300度嘅火山石板上面。派餐時香氣四溢，師傅煎牛扒時會加自家製和牛牛油，令肉味特別香濃每次切一小塊牛扒放喺熱石上面，按自己喜好燒至理想熟度有三款醬汁可以比客人揀你自己想沾的牛扒的醬西冷-四四方方，賣相很好，肉味重，油花不算多，但分佈平均，而且最有彈性！牛柳-油花較少，但瘦得嚟很淋，超嫩滑，肉汁很多，好juicy按個人喜好加點喜瑪拉雅岩鹽同黑椒調味，更有層次感

“牛極”是一早已收藏想去的食店，今日朋友約飯正好一去試食。去到只是下午6點左右，未有客人，店員幫忙點點菜機，入錢，拿單（無自助過），便可以入坐等食。等食時可先去自助區，有飯，湯，沙律同調味料，自助一輪，牛就幾不多到。牛油紙阻彈油是細心位。唔大食，300g已經好夠，加上蒜片香口（見意拿食免被熱石燒燶）。今次點了牛肩肉眼，朋友點了和牛，牛肉切開全生，全是自己用熱石處理熟成，本人喜歡5成熟，快手切開燒好兩面便可夾走，熱石唔係好大塊，要一邊燒一邊切一邊食都幾忙，牛肩肉眼比較嫩，有肉汁，少根，油脂偏多，已有少許調味，可以只加枱上的胡椒粉便可，今晚盛了兩碗飯，超飽，店員服務幾好，環境闊落，$120任飲任食（除主菜），又有的燒下牛，性價比高。今次十分滿意。

朋友帶隊，黎試呢間火山石燒牛扒餐廳，餐廳位於長沙灣，地鐵站行10分鐘左右就到，位置都算方便。去到都唔洗點等位就入得，店內裝修幾有日本feel，掛左好多旗仔。餐廳係以自助形式點餐，要先去個自助售賣機撳左想要既野食，（會有店員從旁協助）跟手店員就會送餐到枱面。呢度個湯同沙律都係任食的，個湯味道鹹鹹地，普通。沙律都算新鮮，我加左柚子沙拉汁，食落都幾開胃。我點左200g牛柳，我個石好似特別熱咁，D牛好快就熟，仲搞到燶左少少。個牛都唔太多筋，都keep到肉汁的，但有少少「鞋」，d肉唔夠嫩。值得一讚係侍應會換手換舊石的，都幾貼心。

而家越開越多依一種鐵板或者熱石牛肉，主要就係切一舊牛擺上去熱嘅鐵板或石，熟度就自己控制。鋪頭又做少啲野唔使預備咁多，熟度又可以自己控制一定啱自己口味，真係一舉兩得。依度有人入日本嘅自動購買機，令人感覺新鮮好多唔同嘅選擇，有牛肩肉、牛肋骨排、西冷、牛柳，同埋仲有我去到嗰日咁岩賣晒嘅和牛，仲有唔同重量牛肉上枱嘅時候會用一張紙巾遮住，唔會彈污糟叫咗肉眼同埋牛肋骨排，兩個牛肉味都好濃，有鹽同埋胡椒可以調味飯、沙律同埋湯係任飲任食。相當抵食，如果大家經過可以試試

近排成日聽人講熱石牛，感覺好新鮮...到底熱石牛係點架呢🤔？！沉日喺深水埗宇宙商場對面就見到呢間牛極...剛好肚餓係時候要食晚飯，見到門面都幾新，所以我地估應該是新開張吧😌見到有部自助點餐機，門口企左一位服務員💁負責介紹同埋指導你點用部點餐機😎入到去先喺點餐機選擇自己想食嘅食物，再點選飲品，完成後就入錢，然後服務員會安排坐位，感覺服務都唔錯！因為呢到係自助形式，所有餐具🍴、醬汁、飯、湯、沙津都係自己到自助吧枱攞😄呢到上菜好快，大約5分鐘已經有得食👍👍我地點左一份牛肩肉眼300g 、一份200g牛柳我地 share食，個人偏向喜歡牛肩肉眼排多啲😋細食嘅我份量岩岩好！如果比較大食嘅朋友建議點大份啲，佢每款牛都有3個size😃

幾特別嘅體驗 叫左份牛眼同一份牛柳牛都唔差嘅 可以自己決定幾熟 仲有得任添飯食同埋湯 但係我見之前啲飯係有紫菜 我去既時候已經冇左 變左紫菜粉 好難食 有D失望 其實既整體都ok 員工既服務態度都唔差 整體100分都有70分☺️👍🏻

朋友屋企附近有間新開食熱石牛扒店門口日式裝修，入去後就有一部自助售賣機可以揀想食既牛和份量我地分別點左牛肩肉眼300g,牛肋骨排300g坐低等一陣後，店員會送上熱辣辣既牛扒自助區有牛肉湯，白飯，沙律菜，3款醬汁個人喜歡燒肉汁，朋友喜歡胡麻醬白飯仼食，加紫菜，配燒牛肉粒牛肉湯肉味濃，似羅宋湯上桌時牛肉一成熟牛肩肉眼相對多筋，但肉味較濃牛肋骨排肉較嫩，易切和入口熱石夠熱又keep到一段時間都好熱切切下忘記左要反下牛肉幾面黎煎底有少少燒硬左，但切粒後食落又幾香口呢個食法都幾好，可以一路食到熱辣辣既牛扒，由自己控制切幾大粒，煎幾熟可以加鹽，黑椒我喜歡加黑椒粒，令牛扒香d

之前見到有page 介紹 哩間主打 「火山石燒牛扒 」嘅新日式餐廳 －「牛極」！身為食肉獸，就決定曾假日去試下啦！今日大約7點到場，幸好未有太多人，所以都可即時入座！入到去，就會發現門口旁邊有一部「自助點餐售票機」售票機上餐牌簡潔清楚，牛扒類別總共有5款，分別有牛肩肉眼、牛肋骨排、西冷、牛柳、日本和牛而且每款都提供約 200 克、300 克及 400 克的份量選擇。最後我哋就決定試下 ： 300g 牛肩肉眼 ＆ 300g 牛肋骨排！點好餐&付款後，就可以憑票據入座啦餐廳裝潢骨子，帶簡約日系風，牆上仲掛上不少和風旗幟。座位間隔得宜～幾舒適。而最特別嘅裝飾～就莫過於哩個大型金屬牛頭等待牛扒上枱前，可以先到自助bar 拎沙律、珍珠米白飯、牛肉湯及醬料。重點：全部都係【任取】！⭐️沙律菜：好新鮮～ 再淋埋柚子醋及胡麻沙拉汁一齊食，好fresh又開胃！⭐️日式牛肉湯：有驚喜！蕃茄味勁濃～ 仲飲到牛肉味～ 忍唔住Refill 咗兩次呀！⭐️醬汁：共有3份，包括 蒜蓉蘸醬、胡麻沙拉汁、自家製燒肉汁另外，餐廳仲有圍肩提供防油濺，相當貼心⭐️300g 牛肩肉眼 ($120)比想像中大塊，差不多有我手掌般大！牛扒

鍾意食牛嘅我，今次試咗一間 熱石牛排🥩做主題嘅＂牛極＂行入店內已經聞到陣陣香濃嘅牛味！未食都流哂口水🤤近門口放咗部購票機，有個職員細心講解介紹，好似日本嗰啲拉麵店咁，裝修都幾日式feel。買完飛就去拎飯、湯和醬油。自助區 沙律、餐湯，白飯任裝👍🏻👍🏻是日餐湯係蕃茄牛肉湯，超濃茄味仲帶有肉香好開胃喔！牛排拎到來時用一張餐紙蓋住，防止啲油四處飛彈！ Honey點咗西冷排，牛排🥩係塊熱石板上吱吱渣渣，好似叫我地快啲食佢啦！😁嘩！肉味十足，西冷好食之處在於好味又有咬口，飽足又滿足。我就點咗牛肋骨排，比較厚身大大嚿，切開見到脂肪分佈均勻，食落較鬆軟，同樣好有肉味，我個人喜歡呢個多啲。

4月30日下午六時到牛極試試和牛200g，失望至極！本人試過多間自助牛扒都未食過有這麽粗的牛筋,牛筋不能咀嚼而要吐出來，上等和牛不是脂肪及牛肉組成嗎？為可硬如石頭的筋都奉上及供客人食用？快快把所謂和牛食完，連影相都不想影，不會再食！至於服務亦需要改善，賣牛扒的地方要客人自己取刀及叉？為何服務人員奉上牛扒時不會奉上餐具，而碗放在枱上要客人拿回自助區取飯/菜/湯，店舖根本無從客人角度想想，減少客人在店舖內走動次數，服務人員大多親切有禮！

經過個頭見幾特呢門口買牛的份量，先付款要入面任食沙律飯同湯。我兩人買左最平$120牛肩同$170牛柳。之後入地拎沙律菜，成大盤都係耶菜得幾粒蕃茄，之後拎湯無晒蘿白之類湯料的似比人拎哂。之後拎白飯加上紫菜粉都可以。埋位牛就上台，有熱石板一路燒個舊牛，幾好方法，邊食邊切唔洗一下熟晒，如果之後唔夠熱又可以教新一塊板的。貴牛真係好食好多，有牛味，平個舊無牛味好梅。總結，每人$150真係貴左d，配菜唔惦太小，不包飲品。去食扒房比較好吧

依排好多間任食飯 湯同埋沙律嘅石燒牛排餐廳今次嚟到深水埗依間新野😚食石燒牛排嘅好處就係可以自己控制生熟度咁就唔驚太生或太熟啦🤓如果塊板凍咗 仲可以叫店員幫手換過塊大家食之前可以去攞圍裙 咁就唔怕整污糟你件靚衫啦😆佢地嘅湯係類似羅宋湯 幾好飲入面仲有啲肉碎添-#牛肩肉眼 $120/300g#牛肋骨排 $140/300g佢嘅牛排都好厚 份量都唔錯牛肋骨排嘅肉味比肉眼更濃鍾意肉味重啲嘅朋友可以試下牛肋骨排可惜肉眼多筋咗少少其他方面質素都幾平均

一個人的浪漫，除左涼瓜排骨飯又或者火腩飯之外，其實仲可以有好多好多選擇，今日一條冷特登來呢間新開無耐的「牛極」，就係要試吓佢哋嘅牛究竟得唔得😬之前佢裝修緊嘅時候已經留意到，佢哋其實喺旺角已經有另一間分店，今次喺深水埗呢邊再開第二間，就更加方便我啦😍自助形式購票，全部收現鈔，呢點就有少少唔方便，如果有埋其他唔同嘅支付系統就好啦😅買咗飛就可以搵個靚位等店員送餐俾你，店內提供一次性的圍裙，我自己就唔鍾意麻煩，小心啲咪得囉😬屬於半自助區，提供無限添加的沙律和白飯配菜之類，絕對唔驚食唔飽，呢個形式對於大胃王嘅我絕對適合不過😂300g嘅牛肩肉眼$120，好快就為我送上，真材實料，冇花冇假，分量十足，生熟由你自己控制，咁就更加方便啦👍🏻我就鍾意五成熟，粉紅色的牛肩肉眼，入口肉味特別有牛味，無渣又易咬，果然不同凡響😍再整返碗紫菜飯，真係我都要講返句，好幸福喔🤗

今日朋友帶路食熱石牛，入到嚟去自助位拎野前菜食先！圍裙高質，記得要拎真係會飛汁嫁！沙津配柚子汁脆口醒胃，椰菜為主。日系沙津，都食到一大碗。鼓勵大家食菜，哈哈。牛肉湯蕃茄味勁濃、仲有紅白蘿蔔。味道幾濃好吸引飲多少少，好快又再refill啦！二個熱石影相靚靚！牛肩肉眼 300g $120細心位係有廚房紙避免d汁彈到人，聲音之之之。拎開紙就見到大大肉同香氣。快快手切開，鮮紅血肉同有根位。整體熱石夠熱比你燒熟哂，唔洗擔心。牛肩肉眼肉質有彈性，佢係肩膀和脖子部分的肉有一定既脂肪既有咬勁既跟腱位。因為肉就跟據熱石左幾耐而保持軟硬度，所以要轉一轉位燒。紫菜白飯配燒肉汁好味過辛辣醬同芝麻醬，嘻嘻。一係牛肉可以唔擇醬汁，擇放係枱既粉紅鹽同黑胡椒，感覺就西餐。牛肩肉排 300g $140有骨位就牛香d，重牛味d。切落去都比較軟身同感覺脂肪多一點。骨位要快d煎，先會有多d香味，嘻嘻。環境唔錯，冷氣排氣都強，有卡位！

同屋企人去食，佢地叫佐肉眼，我叫佐和牛。肉眼非常多筋，屋企人牙力好只係食淨d。佢地俾無筋位我食，我都好勉強先食到。後面果台客都一直批評話好多筋，佢地走佐之後偷偷望過，食淨好多。相入面係和牛，無錯，係好lean 好瘦ge 和牛。其實我肯俾錢都係想食有脂肪果種，我係要A4A5,但成塊扒目測真係見唔到脂肪lor。不過都算淋，食到ge。但依個價我唔好係附近食塊平d Angus?湯唔錯，飯有得加紫菜都開心ge, 飯個樣難睇但唔難食。