牛極 (雅怡居)

Open Now

Now Closed

行開深水埗，醒起開咗間日式熱石牛扒店，即刻去打個卡先！係電腦商場直行大約10分鐘就到，鋪頭位於民居，但唔難搵，我地星期五晚去，去到啱啱好仲有一張枱，唔洗等位，正！呢間牛扒店採用咗日本拉麵店嘅點餐方式，姐係先係門口用機點餐，選完食物之後俾錢，就可以坐底等食店鋪都採用咗自助形式，可以自取湯，水，沙律，飯同醬汁食住沙律等話咁快就10分鐘，牛扒上枱了！上枱時牛扒穿住枝牙籤同張抹手紙，避免啲油彈親顧客，非常細心！蒜片亦為牛扒點綴不少。牛扒上枱時一成熟，食客可以自選熟度，想要幾熟有幾熟就貼塊牛扒係石板幾耐，唔洗3秒嗰面已經變曬色可見石板非常熱！牛肩肉眼啱曬啲想平食牛扒過下口癮，即使叫400g都只係$160咋！而想食好少少可以試下和牛，非常有牛味，入口即溶，好味

我和男友也超愛吃牛！聽講深水埗開了這間專吃牛的，當然要過黎試下🤤依間餐廳係長沙灣站出口近d，行2,3分鐘就到。進到餐廳後，裝飾偏向和風。餐廳裹充滿了牛的香味！🤪他是採取自助形式，坐下後自行出去點餐，有不同部位的牛，也可以選擇幾重，幾大件，更可以選和牛！！醬料，飯，湯，沙律也是自助形式，我喜歡食佢ge沙律，配上芝麻醬🤗餐廳很細心，有圍裙提供，就算放工著裇衫黎食都唔怕啦😝主菜黎啦！依塊係牛肩肉眼180g 只需要$80，價錢真係便宜！石板非常之熱❗️大家可以自行燒到想要的程度👏牛柳肉比牛肩肉厚身。切開後裏面仍是紅色，不會太肉，再2邊煎一下便可以食😻切晒一粒粒吃，超香👍石版仍然非常之熱，仍然在出煙😁如果大家覺得調味不足，可以落一些鹽和黑椒， 但個人認為不落才可以吃到牛的原味！🥳因為飯可以任添！所以大家不用怕吃不飽，瘦身的女士也可以吃多一點椰菜沙律😋

收工行去深水埗試下新開張 牛極我同我妹一人一款女仔黎講夠食了🥳1. 牛肋骨比較多汁同冇咁韌肉質軟，易入口2. 牛肉眼比較乾但都好食唔會好似香口膠咁咬極都唔斷撈飯都不錯👌🏻👌🏻可配黑胡椒加喜瑪拉雅山岩鹽，肉更加入味沙律/飯/湯係任裝架～～細碗：湯中碗：飯大碗：沙律餐具都係自己拎沙律/飯/湯自取位置～肉上枱，我同我妹抬頭望一望說明書話切到一小塊照燒我地照做，一邊切一邊油彈起唔怪得食客會著圍裙🤣🤣🤣🤣值得一試

又新開一間燒牛食肉控當然要去試一入門口首先到右邊揀選心水牛牛，購買票券店員會擺好碗，餐具放自助位，可自己攞自助bar有白飯、湯、前菜沙律任食記得白飯要加紫菜湯係日式牛肉湯，沙律係椰菜絲有不同醬汁俾大家點如果怕油會淺到就自取圍裙啦牛肋骨排200g $100超厚超大舊，上菜時已經放在板上，吱吱作響，建議唔好放太耐，因為無用火燒住，石板熱度好快降溫，可以一邊切片一邊比佢自己燒，肉質有如牛仔骨，牛味濃郁，肉好彈牙，根位有咬口。牛肩肉眼180g $80都好厚好大件，肉質算嫩，有牛味。

一進入餐廳先用自助點餐機選擇心水牛扒類型和重量，總共有六款，包括牛肩肉眼、牛肋骨排、西冷、牛柳、日本和牛，和每月推介！然後可以按自己需要選擇牛扒的重量！之後後把單交給店員，便可以到去自助吧！自助吧有沙律、麵豉湯、白飯和檸檬水，全部都是任食任飲，不用額外付費，一定吃到飽，非常抵食！沙律的椰菜絲切得好幼細，而且很新鮮，配合柚子醋，清新開胃！麵豉湯十分足料，有海帶豆腐蘿白和南瓜，不錯！主角很快送到，以火山石板上送上，餐廳提供的牛扒都是一成熟！將牛扒切成小塊於熱石上烤，再按個人喜好燒至理想熟度! 牛肩肉眼牛肩肉眼啖啖肉，牛肉味濃郁，內裏充滿肉汁，口感嫩滑，送飯一流！牛肋骨牛肋骨因為帶骨，肉的分量相對較少一點！但牛肋骨這部位的牛肉味更香濃，脂肪和筋腱含量較多，肉質富油脂和彈性！我另外，餐廳有三款醬汁可以選擇，有胡麻汁、辛味芥末燒汁和自家製燒肉汁！餐廳還有提供喜瑪拉雅山岩鹽和黑胡椒，個人喜歡加少許鹽和胡椒，更能更升牛肉的原味！

講起食牛排，一定係近期大熱之選石燒牛排，深水埗最近開了兩間，聽聞這間比較好吃，今日約了好友一起試試。一入餐廳，門口旁邊便有一部自助點餐機，下單後便可到自助區取沙律、麵豉湯及白飯，這些都是任吃的。店內還會提供一次性的圍裙，以避免燒牛排的時候，油花會弄到衣服。沙律淋上柚子汁，十分開胃呢自助區亦提供3款醬汁，分別是辛辣芥末燒汁、胡麻醬和燒肉汁，大家可自行拿取。牛肋骨排 (180G)店家會把牛排烤到一成熟，然後可以利用石板的熱力，依喜好烤成自己想吃的熟度。牛肋骨排肉質嫩滑，牛味尚算濃郁，乎合價格。牛肩肉眼 (300G)肉眼排帶點厚度，烤的時間要掌握好，不然會過熟，肉質會變老，不好入口。肉眼比較瘦，可能是牛肩部位，油脂比較少，不過肉汁非常多，也好吃。

🎐熊妹一早聽聞過呢間《牛極》引進日本點餐高科技的牛扒店🥩，仲要咁近水樓台，終於今日相約好牛🐮的貓叮一齊試下！📌晚上七點半🕢黎到，都過大半場坐左人，得返啲小二人枱。📌順帶提一提，要人齊先入得，否則需在門外排隊等候🚶🏻‍♂️🚶‍♀️。📌內裡的裝潢天花同牆身都掛上日本風格的掛簾海報🎏，餐廳仲播放著日本特色的激安歌🎶🎵，成件事就好似融入左日本風情🎎。📌自己揀好位或者店員安排好位置後，就可以走到門口的自動販賣牛扒機🎰去點餐喇！📌價錢同牛扒款式係圖文並茂，非常易明操作。1️⃣先揀選好想點的牛款🥩及重量⚖️，然後再點選飲品🥤。2️⃣再按確定後入錢付款，香港巿面流通的紙幣💵$10、$20、$50、$100同$500都受理，而且要慢慢逐張逐張入，如果唔係就會感應唔到而失靈喇，另外💰散銀$1、$5、$10都可以用架。3️⃣最後自動販賣機右上↗️會出張點餐單據🧾，將單據交給店員，店員就會根據食客的座位遞上食物。🍱📌如果有咩唔明，其實有位店員🕴🏻駐守在旁從旁指導，有任何疑問都可以請教她。📌揀完牛扒之後就可以去到自助區任裝飯，任勺湯，任夾沙律同任斟水，所有野真係任裝唔嬲架。醬料區有辛味芥末燒汁，胡麻沙拉汁同自家製燒肉汁，用來沾牛肉

最喜歡食牛的我，深水埗最近有兩家用石板來燒牛肉的店，有一家排滿滿的，每一次都要排最小兩小時！真的氣死我，後來發現在青山道195A號雅怡居開多了一家，名稱不同，但食的方法完全一樣，好吧，等我試一下，有什麼分別吧。裝修風格都是非常日本風的，有古典一點的燈籠，牆上掛了幾片日本風的畫，門口隔壁有一個售賣機，先到這裡購買想食的東西，在拎票到位置上等送餐，非常方便清晰。購票後在裡面有一個位置放滿白飯，湯，沙拉，醬料，餐具等等，坐下後會有服務員過來放下３個碗，一個給你拿湯，一個拿白飯，一個拿沙拉，非常貼心，還是任食的，白飯有紫菜碎可以加上去，配菜已經好好食。重頭戲來了－牛肩肉眼300g－上菜的時候有一張白紙放在上面，裡面是一塊一成熟的牛肩肉，拿開紙後，切開一塊塊，慢慢轉身等它熟，牛肩肉的肉質非常厚，嫩滑，不可以燒太久，會老掉，肉汁非常多，一咬下去整口都是肉汁，在加上一口白飯，超配的。下一次我要食一下和口，感覺一下滿口油的感覺。

最近香港多了很多石板燒,有一點像鐡板燒,但它是直接一成熟上菜,自己燒成自己想要的熟度,我覺得很好.我今天回家經過看到深水埗新開的一家,在沒人排隊之下,立刻去試試看!!進店先在旁邊的一部機購買,有幾款牛選擇,還有份量,都算細心,我選擇了牛肋骨排300g,拿住飛仔進去找位置了.它們是半自助的,叫了住菜牛,找了位置,就有會三個不同的碗給你,在外面有白飯,日式牛湯,沙拉,醬料給你食,要無限的,另外還有水都可以拿,但是如果想喝可樂就要10塊錢.我的牛到了,真的算大份,來的時候會有一張紙放在上面,怕你給油炸到,一成熟的牛放在一個超級熱的石板上面,切開一塊一塊,換個位置等它慢慢燒,我比較喜歡食生一點,所以我燒了幾分鐘就會了,配上白飯,非常好食,牛肋骨排肉味超濃,每一口都可以食到牛肉汁在流出來,因為我沒有煮太久,所以好嫩,真的是非常非常完美,在喝幾碗湯,滿足呀!!!

適逢日頭要幫朋友去深水埗拎啲野🙉還掂拎完撞正Lunch Hour🍴🤤咁啱經過早前食過既呢間半自助扒房🍴🤤🥩趁連早餐都未食又忍唔住入黎食返塊扒扒先開工啦🤤位於深水埗青山道既牛極🐮🥩🤤雖然話就話喺深水埗🙈但其實喺長沙灣站A2出口行過黎仲近🙉🤪大家唔好喺深水埗落車行冤枉路啦🤣🤪呢度雖然係一間半自助扒房🐮🤤但裝潢格局設計都仿如進入日本某角落居酒屋🤪再配合柔和既烏絲燈光同仿居酒屋內既燈籠🏮💡簡約既環境裝修牆上掛上唔同既擺設掛飾🐮☺️更有香港最近開始流行既自助點餐機🤩好讓食客品嚐牛扒之餘享受玩點餐機既樂趣🤪牛肩肉眼 (180G) (💸80)食扒扒另外有自助區供應沙律、麵豉湯及白飯😆而且任添任食確係抵食🤪🥗🍚而小肥今次Order左180克肉眼既份量例牌少食多滋味😆更以賣相一流既高溫石板保持絕佳口感及牛扒溫度😆本身以3成熟上枱再以高溫石板煎香🤤原塊以石板煎香能鎖住肉汁肉質滑嫩Juicy之餘🤤肉眼扒比西冷扒較少脂肪😆脂肪比較更均勻☺️🥩配合黑椒及岩鹽更帶出扒香鮮味😋🔥灑上乾蒜帶出更多口感🤤沙律同麵豉湯就中規中矩但相比上一次食啲白飯濕身左勁多嚴重影響口感🙇🏻‍♂️🍚希望店方改善一下啦🙇🏻‍♂

鍾意食牛肉嘅我點可以唔試吓最新出嘅鐵板牛扒 呢間餐廳最特別嘅地方就係每塊牛扒會預先煎成一成熟 再放上去鐵板上面 所以每位客人都可以按着自己鍾意嘅生熟程度去煎塊牛扒 今次就試咗呢度嘅兩款牛扒 分別係牛肩肉扒同埋牛肋骨 餐廳最貼心嘅地方就係可以比客人無限量添食白飯沙律同埋湯！性價比好高呀 亦可以預先調配左自己鍾意嘅醬料 同埋每一張餐枱上面都會有喜馬拉雅山岩鹽同埋胡椒俾你調味牛扒！ 牛肩肉扒煎至五成熟入口近乎即溶，好香牛脂味，超嫩超柔軟 油脂豐富又有口感 加埋岩鹽更加可以提升牛肉嘅味道牛肋骨紋理細緻且肉筋也少，味道濃厚而強烈 係牛口感柔軟的部位，肉味十足 令人食唔停口

最近深水埗開咗幾間新的餐廳，知道最近最紅的是牛扒專門店，就連招牌都是紅噹噹的，遠處都見到，新開張當然要幫襯下。餐廳的椅子沙發都是紅色，牆壁上更有多張富有日本特色的海報，很像置身於日本餐廳一樣！最有特色是這間牛扒專門店模仿日本的點餐方法，是用一部日本的自動販賣機售賣牛扒，而且販賣機上面的食物圖片圖文並茂，每一款牛扒類都有不同 g 數選擇，可以讓客人因應食量選擇牛扒的份量。我和朋友就點了餐廳推介的牛肩肉眼以及牛肋骨排。點完餐就可以搵座位坐低等候，仲有湯、米飯、沙律放題添，急不及待出去望吓。竟然有我最喜歡嘅麵豉湯兩大鍋，飲一啖麵豉湯味道好濃郁，入面嘅配菜都好足料，細細粒豆腐好滑溜。是大胃王的話，就可以配埋白飯一齊食，另外仲有三款醬汁可以點牛肉。我嘅牛肋骨排終於來到了，熱石上面的牛扒插上一張牛油紙，以防牛油彈到客人，來到的時候牛肉只是一成熟血淋淋的。因為熱石上面的熱力可以令牛扒熟透，我就自己烹調到五成熟，面頭還有一些蒜片和蔥花。切落去好林，牛肋骨比較厚，一啖能夠食到不同層次的口感，由外面香脆的外皮至入面帶一點生牛肉的口感，味道好新鮮。看見朋友的牛肩眼扒也食得很滋味。最後$200埋單有找，難怪咁

牛魔王自然鍾意食牛，知道深水埗開咗一間專食牛肉嘅專門店，今晚特意去試一下。點餐以自助形式進行，近門口位置有一部自助點餐機，總共有14款牛扒款式選擇，價錢好平民，$80都食到一塊好味嘅牛扒。前菜、湯、水及飯等可以在餐廳的中央位置自行拿取，食完還可以再添加，客人可以因應自己的食量自行拿取。估唔到沙律菜都幾新鮮爽口。我就Order了少少哋份量試咗牛肩肉眼扒，180g 都只係$80，好抵食！牛扒真係即叫即整，在熱石上面的牛扒係一成熟，可以讓客人自行在熱石上烹製自己喜愛的熟透度。牆上還有一個小溫馨提示，提醒客人享用熱石牛扒的最佳方法，不過緊記要小心熱石的熱度，真的很辣手！估唔到牛肩肉眼扒食落去質感軟熟，我們烹調了七成熟，都非常嫩口，可見牛扒非常新鮮，而且唔需要點任何醬汁，點少少海鹽已經好好食，咁樣食其實可以食到牛肉嘅鮮味。最後叫返一罐可樂爽一爽喉嚨，都只係$10。$90食到一個好味嘅牛扒餐，真係非常超值！

熱石牛扒店開下開下都好幾間，一直想試，今日終於機會嚟喇！約了牛魔王朋友來大快朵頤！落order要用自助販賣機買飛，有五種牛扒可以選，站在機前思考時，店員就過來幫忙了，她簡介了每款扒的特色，推薦餓底點牛肩肉眼及牛肋骨排，好，就聽她的。順利買好飛，入座，利用等候的時間去取湯、沙律&飯。麵豉湯味道適中，不會太咸或淡，飲完沒有口渴；椰菜絲沙律夠乾身，入口清甜沒苦澀，柚子醬汁清新，餓底前後吃了三大碗🤣！珍珠米白飯可以自己加紫菜粉，正！牛扒來之前記得一定要圍圍裙！因為油會周圍彈，件衫會中晒招！牛肩肉眼：180g都幾大塊，上枱時切開一半跟朋友分食，中間仍是全生的狀態，等幾分鐘煎到大約medium，食得！微燶的表面焦香，肉質juicy，可以加啲岩鹽/燒汁/胡麻醬/辣醬食，味道更好！牛肋骨排：特色就是連住舊骨，比起牛肩肉更甘香，因為油脂遍佈，好肥美，點煎都唔會老！😆 牛魔王話鍾意呢款多啲，而怕肥既餓底就鍾意牛肩肉多啲。食到咁上下去倒杯水飲下，啊！是檸水！好有誠意！每人不用一百就食到靚扒，又有沙律白飯任裝，性價比不錯，搵次再嚟試埋牛柳&西冷！

深水埗呢一間牛極賣點係自己決定牛扒嘅熟成程度， 成間餐廳差不多係全自助式消費， 可能就係因為咁，所以可以降低成本，令到客人可以用極優惠價錢食到高質牛扒。入到去環境都尚算舒適，座位都幾寬敞，我哋早去到，所以唔算好多人，不過食到尾嘅時候已經高朋滿座，仲有人喺門口度等位。望完電子版嘅menu, 決定要一個180gm嘅肉眼扒同一個200gm嘅牛肋骨。 價錢都係每位一百蚊以內， 都尚算抵食。因為係自助形式所以飯，湯同沙律都係自己出去任拎。 個人覺得個牛肉湯，味道唔錯，有少少似羅宋湯。 反而個飯好似乾咗少少， 沙律菜就係最普通嘅椰菜配柚子沙律醋。牛扒上桌係用燒到好熱嘅熱石板乘著，所以可以自己決定牛扒嘅生熟程度。 餐廳好貼心咁用紙巾同牙籤壓住牛扒，防止啲油彈起。 個人覺得牛肋骨，比較彈牙少啲筋， 比起肉眼扒好食d。總體而言，性價比還可以, 不過都係比較鍾意傳統嘅扒房多啲。