牛極 (彌敦道)

Open Now

Now Closed

肉肉肉，今日超想据扒，放工經過牛極，又忍唔住入咗去食😂😂呢間分店好有日本🇯🇵feel！而且裝修較為豪華，飯枱採用雲石紋，感覺高級一點！未食過牛肩，雖然係牛扒最平嗰款，但係有驚喜！我比較喜歡食呢個肉質，肉質較硬，煙煙韌韌，雖然有一條根，但食落唔影響👍🏻👍🏻肉呈粉紅色，相當鮮嫩！🤤🤤🤤180g其實份量唔少。因為仲有白飯、沙律同湯。一定夠飽👍🏻👍🏻沙律加一點芝麻醬，非常開胃！😋😋紅蘿蔔牛肉雜菜湯，非常甜，一啲味精都無，飲完唔會口渴！好值得飲多幾碗！牛極有好多分店，所以諗起要食真係好方便，正😊😊

之前食過旺角個間牛極，因為好多人，枱比較迫，所以試下油麻地呢間分店。環境比較闊落，人都比較少，相對坐得比較舒服😊⭐️牛柳扒 180g今次塊板燒到好熱，個扒”喳”咗好耐，好治療😂😂不過唔知係咪掛住影相，所以塊扒有啲overcook😅😅。所以我擺啲肉喺個碗度，食個時再喺個石板翻熱少少！枱上面仲有啲調味料俾你加落啲牛肉度，不過我無加，比較鍾意原汁原味😊😊珍珠飯、牛肉湯同沙律🥗都係任食今次珍珠飯我加咗啲紫菜粉，味道更昇華😋😋牛肉湯一如既往咁正🤤🤤次次都要飲好多碗！特別鍾意食入面啲蘿蔔，因為好清甜無渣，好好食！👍🏻👍🏻

成日行街都見到佢，今日終於可以試吓啦😁😁牛極(Gyuugoku Stone Grill Steak)的日式餐廳，用火山石自助煎牛扒、豬扒、鷄扒，仲有以自助形式任飲任食沙律、麵豉湯、珍珠米白飯，唔使額外收費，十分之抵食👍👍一入門口就見到自助落單機可收現金同支付寶架😉😉，唔使人手自己落單真係好有⛩️日本feel呀😍order咗牛柳同豬扒好期待呀🤩最鐘意個椰菜絲沙律仲有兩種沙律醬汁揀，再去揀燒肉醬汁（蒜蓉蘸醬、自家製燒肉汁、胡麻沙拉），湯係好濃嘅羅宋湯好“正”好香濃牛肉味👍👍椰菜絲沙律好爽好甜我食咗好多碗呀😁😁主角出場啦😋火山石燒牛柳，嘩！熱辣辣香噴噴嘅牛柳呀！嘩係香港真係第一次食呀！好正種感覺真係好似去咗日本咁，自己牛柳自己燒用火山石嘅高溫可以將d牛柳燒至自己鐘意嘅熟度，燒到d牛柳好香，一啖咬入口即容而且仲可以唔加醬汁，食出原汁原味嘅牛柳味仲好多肉汁鎖係裡面真係好正👍💯👍💯配珍珠米加飯素超正架😋😋火山石燒西班牙豚肉眼扒，嘩！有兩塊豬扒架，而豬扒係巳經整熟咗架啦，一樣用火山石燒豬扒又係唔用酱汁都超juicy超淋好正呀👍👍再點下蒜蓉蘸醬😳嘩真係好香蒜蓉味架😍又點下自家製燒肉汁好香燒肉汁味又別有一

難得放假同男朋友經過彌敦道見到牛極午餐menu價格吸引就入去一試石燒牛柳入到去餐廳原來係自助式落單好似去左日本嘅自助販賣機先選擇左餐點再可以現金/八達通等方式比錢啦揀完嘢食之後職員同我地對多次嘢食就安排我地入座因為係平日午市時間都唔算好多人嘢食都好快就到啦沙律/飯/湯係自助形式想食幾多就自己出去拎啦沙律其實就係椰菜絲可以自己加芝麻醬/仲有一個汁唔記得左湯就好似飲緊羅宋湯都幾足料 除左有椰菜/紅蘿蔔/蕃茄仲搵到唔少牛肉塊主角石燒牛肉我揀左牛肩肉80g職員上檯個陣會有塊廚房紙蓋住肉女仔嚟講份量ok好重牛肉味而且唔會韌石燒嘅好處就係可以自己想要幾多成熟去燒咁就唔會怕太生又或者煮過龍啦男朋友點左午餐入面嘅羊架$90@2件因為羊架係已經熟左再放上去塊熱石上面所以職員就建議我地可以先放落碗到食個陣再重新係熱石上面加熱我本身唔太好食羊因為太怕羊羶味唔知係咪因為放一段時間先食羊架嘅羶味太重要落好多調味料先蓋得住我只係食左一啖就全部交比男朋友啦整體嚟講以呢個價錢任食沙律飯湯真係好抵不過下次都係食返牛肉會穩陣啲

近呢幾年市面開左唔少石燒牛專門店，雖然都試過其他，但牛極係每當我想食靚牛又唔想食太貴既時候就會諗起佢😌 分店相對多而且地點就腳👍牛有唔同嘅重量可以俾食客根據自己既食量自行選擇，無論咩價錢都會包沙律，白飯，同湯🙌🏻❤️牛柳 (180g)💰1️⃣1️⃣5️⃣牛柳因為脂肪少所以生生地會好食啲🫢一黎到我就將佢切開然後將兩面都喺鐵板上稍為烘一烘～牛柳肉質嫩滑，牛味相對唔會太濃，幾啱我自己嘅口味😇店家亦有提供唔同種類既醬汁/海鹽/香草etc俾食客按照自己喜好調味佢嘅湯雖然係任飲但絕無偷工減料💯有唔少紅白蘿蔔🥕🧅係裡面可以減輕下食咁多肉既罪惡感🤫店員服務非常殷勤👍我食嘅時候已經係下晝兩點，但係店員都不停refill自助區既野食，確係一個抵食又高質既選擇！😇

味道😋😋😋😋環境😋😋😋😋服務😋😋😋😋衛生😋😋😋😋抵食😋😋😋😋😋今日晨咁早就要去打針，所以決定今日要食好d!行過油麻地見到間牛極，所以就入去試下啦！價錢方面，唔係貴呀！我叫左個180g嘅牛柳都係＄115咋，仲可以自助加飯、湯、沙律！真係抵都爛呀！牛柳肉質鮮嫰，上枱時切開係5成熟左右，當然如果想食熟d就比佢燒耐少少啦！掛住似過湯唔記得翻一翻牛柳，所以有一面煎耐左，不過食落一d都唔會話韌，同埋肉味好夠，佢係我食過幾間石燒黎講係最好嘅一間！佢個湯係青紅蘿蔔牛肉湯，湯味濃夠晒肉味，好好飲！忍唔住湯左3碗🤣自己助吧仲有蒜蓉、燒肉汁同辣汁拎，但我自己個人就鍾意食返牛味，所以佢有黑椒同鹽供應比我就夠用😋另外，沙律可以配胡麻醬或柚子沙律汁，食完牛再食返沙律清一清個口，感覺好fresh😋整體黎講，依個價錢對得去個質素，仲可食到飽，揀值物有所值

今日去返學，順手搵個地方食個飯先，鍾意食牛肉嘅我嚟講梗係搵間牛🐂咗嘅餐廳啦。「牛極」呢間餐廳就最啱我啦，高品質嘅牛肉，但價錢就平民化，正🤟🏻🤟🏻叫咗個石燒牛肩🐂，聽見啲沙沙聲都已經忍唔住口，但係都係食咗個自助餐頭盤先。餐廳好體貼有個圍巾畀我哋，防止啲牛肉汁濺到個身。👍🏻👍🏻個日式牛肉湯一如既往一樣係咁濃郁咁好飲，好香濃嘅牛肉味🍲，我都飲咗好幾碗，一定要試過好肉湯，好好飲😋。到咗主菜出場，塊牛肩好大塊，上次我食咗個牛柳，今次食牛肩，牛肩個牛肉味道係比較濃郁啲，睇住啲牛汁係個牛肉入面流出嚟，心情愉快💗。牛肉嘅熟度非常之好，唔會好熟，嚟到之後塊牛扒喺個熱石上面慢慢整熱佢，啲牛肉汁咗鎖喺塊肉入面，再配埋佢個特別嘅燒牛肉汁😋，配白飯食簡直係「一級棒」環境質素🏚：❤️❤️❤️❤️❤️衛生程度🧽：❤️❤️❤️❤️❤️美味程度😋：❤️❤️❤️❤️❤️抵食指數🤩：❤️❤️❤️❤️❤️回頭指數🤩：❤️❤️❤️❤️❤️💗回頭指數我會比較心心，因為我真係好鍾意食牛肉而且佢嘅牛肉真係整得好好食，今次個湯加咗啲bbq粉落去，仲有另一番風味😋

肚餓嘅日子最岩就係食牛極！🤤 80幾蚊大大塊牛肩排，沙律菜、餐湯、白飯全部都係自助任添，想食幾多都得～🐽 午餐時間黎到見到好多男中學生幫襯，個個起碼都食兩大碗飯！👍🏼👍🏼🍚 牛肩排自己用石燒，即燒即食好滋味，鍾意食幾成熟都得～🥩 塊牛好厚肉，燒完都保持入面有肉汁😋 牛肉本身已經有少少調味，鍾意重口味嘅朋友仲可以自由加上粉紅岩鹽、黑椒同BBQ粉～🔥另外任食嘅椰菜絲沙律新鮮爽口🥗，牛肉湯好足料，牛肉同蘿蔔都熟得好腍好入味～ 今餐食到飽飽肚真係好滿足，咁抵食下次一定會再黎！😚

熱石牛扒4️⃣部曲1▪️到自助點餐機購買食物同飲品2▪️通知店員安排入坐3▪️將購買的餐卷交店員後到自助區取醬料，餐具，沙律，飯及湯4▪️等候厨師烹調及送餐咁就可以享用熱石牛扒了🤭自助熱石牛扒🥩係香港已經有一段時間，分店都已經遍布港九新界，我竟然仲未試過😅，今日真係要去試試😋。如上文，只要完成以上步驟就可以吃了。沙律，珍珠飯及湯免費無限添食🆓️。💎 牛柳 180g $115牛柳上台的時候只有一成熟，店員細心提示自己可以繼續烹調想要的熟度。牛柳肉味濃郁，細嫩多汁，烹調好後可以配上自己喜歡的調味料。人均消費💰 ： ＄ 115總結✍ ： 熟度自己調教較方便，有無限添食價錢更抵。

成日路過呢間餐廳都好想試，不過之前濕疹發作，忍住唔食牛，今日終於忍唔到入咗去食🤣餐廳唔算好大，不過環境乾淨舒服，座位都唔少，大部分人同我一樣係一個人嚟食。首先響部機度落單，之後搵位坐，自己裝定湯、沙律同飯，呢啲全部任食😊基本上唔洗5分鐘就上牛扒啦，勁快手。我點咗200g嘅牛柳，$115，份量一定夠，上嚟嘅時候塊扒應該只有兩、三成熟，因為石燒，自己想食幾成就自己再切開係塊石度燒，唔同嘅部位適合唔同嘅熟度，而牛柳我就鍾意7成熟，易入口又有好香嘅牛味，真係好唔錯。下次試吓其他部位先☺️

由細到大都鍾意食牛身邊好多嘢食都係用豬因為牛嘅價錢比較貴而今日就可以用一個平民嘅價錢都可以感受到食牛嘅滋味牛極係採用自動販賣機型式去買飛今次就試左牛肩扒 180g呢度嘅飯，湯，水同埋沙律係採用自助形式不過自己雀仔胃口所以每樣都試少少飯用珍珠米，粒粒分明 隔離仲會有紫菜可加湯內有蔬菜同埋肉牛味非常之濃郁蔬菜十分新鮮隔離仲會有胡麻醬可加主角上場吱吱聲，牛上面會有張紙巾冚住驚彈到，依方便做得 好細心如果你驚食嘅時候都會彈到佢呢度都有一次性嘅圍裙可以用自己燒自己食生熟度自己話事肉質緊實，牛味重份量啱啱好店員態度的非常之友善下次等我同朋友過嚟試下去其他款先

最近去左油麻地個邊staycation, 見到check in 前又有時間，而且又肚餓，於是就係附近搵下餐廳睇下有咩好食🤔見到呢間餐廳既門口好有日本特色，於是就入去試下，見到門口已經有一部㩒票機，就好似去左日本甘🎌呢到除左自己揀主食之外，所有野都係以自助形式任食既😬而我就揀左200g既牛柳（$110），牛柳會蓋住紙巾上，唔驚啲油彈黎彈去，好細心！牛柳既熟成度岩岩好，而且食落好嫩滑，一啲都唔鞋，又唔會太生，再加埋小小鹽調味，整體好好味！😋😋另外自助吧有白飯，日式牛肉湯同沙律，仲有唔同款式既醬汁，燒汁，韓式辣醬同蒜蓉，而沙律有胡麻沙律醬同和風沙律醬，而且沙律包括車喱茄，粟米粒同生菜。日式牛肉湯既味道同羅宋湯相似，都幾開胃！入面仲有好多牛肉粒，紅蘿蔔，用料都好豐富😋😋整體評分：🌟🌟🌟🌟🌟

一聽個名就知食牛啦～～～ 各位牛魔王，準備好了吧～ 信義妹早前就同朋友到牛極小聚一刻啦～～～ 等店員安排好位置就可以到門口自動販買機買野食啦～ 我地分別揀咗牛肩和牛柳SHARE 食～ 白飯，湯，沙律，水都係任飲任食的～ 沙律有胡麻醬和柚子醬可以揀～～ 自家鍾意多醬少醬，什至乎唔要醬都得～ 湯係日式牛肉湯～～牛肉軟淋，鹹度適中～～ 飯，可以自己添加紫菜芝麻作飯素，亦都有生蒜，辣醬，燒肉汁可以自己添加。信義妹就最鍾意係飯加紫菜和燒肉汁啦～～～ 主菜上啦～～～～ 熱呼呼的熱石，滋滋作響的牛油聲，就咁已經食指大動啦～～～ 牛沒有筋，都好切，一人一石既好處係，自己喜歡幾多成熟都可以，我喜歡生啲，朋友喜歡熟啲，任君自煮～ 枱面有黑椒，粉紅岩鹽，BBQ香粉可以俾大家自行調味～ 信義妹就傾向加粉紅岩鹽和黑椒，再夾蒜蓉～餐廳亦都有圍裙，大家都唔駛驚啲油彈到成身都係啦～牛極 (彌敦道)油麻地彌敦道464號地舖

之前就好想試石燒牛，最近就趁禁晚市堂食前同朋友去油麻地【牛極】食晚飯。佢係半自助式，一入到去先用點票機叫左自己先食既部位或者種類先。之後就可以係外面自助攞沙律、湯、白飯、水同醬料。我地就叫左牛肩同牛柳。石燒牛既好處就係一直可以keep住塊牛扒好熱，而且可以自己控制生熟度。 沙律菜好新鮮，好爽脆！湯應該隔一段時間會換，因爲我見有時候係味增湯，我地就係日式牛肉湯，料都算好多。牛肩：肉會比較緊實，牛味比較重。牛柳：非常軟霖，但係相對牛味會無禁重。兩款都好食，無筋同肥膏，啖啖肉，所以睇下自己既喜好！

同朋友叫左兩份牛肉試試一份300g 西冷一份200g 牛柳一坐低，就出去夾沙律/ 白飯/ 湯唔想分兩次去拎😷未拎完，牛肉已上枱，太快😂啲油彈到個座位都係。肉基本上表皮就熟曬，返到位，即刻切開曬佢，放返落碗，食的時候再煎下。味道就正正常常，西冷好味啲。生菜好新鮮，啲牛太油膩，食下生菜中和下。食物/ 碗 都fill得好快，服務好好。啲牛都幾油膩下，我諗其實200g 都夠。送白飯絕對一流。可惜上菜已經面太熟。最後，埋單總共$315 不過不失