牛極 (彌敦道)

Open Now

Now Closed

今日，特別想去食牛，喺彌敦道附近見到一間幾出名紅色嘅招牌幾吸引我。之後，就入咗去坐低睇啲餐牌。同朋友一齊叫左份1，牛柳2，牛肩排。 未食，見到waiter 拿出來，已經聞到香噴噴嘅牛柳味撲鼻而來。切開側面都幾厚，正宗5成熟，特別新鮮😋😋⋯滿足晒我嘅願望🤩。另外牛肩排，冇咁生，肉質比較煙韌，7成熟左右，但係都好香又有口感。 另外，仲有任食嘅沙律配新鮮嘅沙律醬又開胃，食上癮。任飲羅宋湯非常之大碗而且好足料有濃味。我見到有個人一次過食咗5碗湯飯。由於食呢肉都係會比較肥膩，配任飲檸檬水又可以幫助消脂。

呢幾日見隻豬咁乖 同咗佢去咗食肉肉啊～入到去好似去咗日本咁 日系裝修同設計～職員為我哋解說 再嗌咗嘢食過去吧枱呢～提供珍珠飯同日式牛肉湯 係自助任食架～仲發現有沙律添 淋埋柚子汁無得輸吖喂～而配料有蒜蓉 辛味燒汁同燒肉汁俾您揀～另外 枱面有即磨岩鹽同胡椒粉可以調味～呢個重大嘅任務 交俾隻豬幫熊貓先生手～Top Blade Muscle 180g ($80)牛肩排 180g ($80)牛排好厚身同比較大舊 放咗喺火石山上而上枱前 職員會先放咗張紙巾喺牛排上咁啲油就唔會彈喺我哋個身呢 好貼心喔係新鮮出爐架 食落味道較濃同肉質煙韌Tenderloin 200g ($110)牛柳 200g ($110)嗌咗份俾隻豬 佢讚不絕口呢哈哈除咗賣相好吸引 食落仲無得彈添肉質好厚同鮮嫩 而且好淋好多汁配上肉上嘅蒜蓉片 燒得好惹味啊

今日同朋友去旺角行街見到有間門面幾高級嘅牛扒店，原來係近期好hit嘅石燒牛，見餐牌上嘅價錢唔太貴就食到美國紐西蘭日本嘅牛扒，就入左去試下!餐廳入邊以自助形式比你自選Salad、任添珍珠米飯同牛肉湯。比起之前去試嘅鐵板牛呢度嘅配菜SALAD更為有誠意❤️為左試到唔同肉質，就分別同朋友試左兩款：牛柳($110/200g)牛柳肉質鬆軟，加上蒜蓉一齊煎味道更加惹味。呢塊扒集合左肉眼嘅軟滑同西冷嘅肉味，相比下邊提及嘅牛肩扒呢款會較有咬口。牛肩排($80/180g)平時比較少見牛肩位嘅牛扒，佢肉質結實得黎中間帶有少少牛筋，肉味夠濃，個人比較推薦。今日下午茶時段唔算太多人，但餐廳入邊算係闊落，相信即使繁忙時間亦可以有個舒適膳用時間！

去完現時點買心頭好，一路向前行就見到牛極啦，只係幾分鐘路程～～餐廳半自助式，先購票，再去自助吧拎沙律、湯、珍珠飯。沙律、湯、珍珠飯都係無限添加，飽到捧住個肚走～～牛柳(200g)-牛柳好厚身，大大塊放在超過攝氏300度的火山石上，上枱時師傅會放上紙巾，確保滾油不會彈到客人，非常貼心。牛柳燒至4-5成熟，牛肉口感剛剛好，啖啖肉。牛柳除了加岩鹽或黑椒，自助吧亦提供兩款醬汁，醬汁的味道不會蓋過肉味～～～

我好鐘意食石燒牛，生熟程度自己控制，今日黎到油麻地分店牛極，由油麻地地鐵站步行4分鐘到達，非常就腳。有5款肉選擇，牛肩排、澳洲牛仔肉眼、西冷、牛柳、日本和牛，今次我簡左牛肩排，$80 （180g)就有交易啦。最正就係沙律、麵豉湯、白飯任裝，可以食到飽。牛肩排只有一成熟，牛肩排我鐘意燒至5成熟，還保留到肉汁，肉質軟腍，牛味濃郁，我發覺燒至全熟都完全唔柴口，只加少許岩鹽或黑椒食，肉味更提升。好鐘意以到既珍珠飯，煙煙韌韌。

又到中午吃午飯的時候，途經這間牛極分店，見店舖裝潢也漂亮，而且有放題吃，所就入內光顧，一入店內就在食物售價機點餐，點了一份300g的牛肩扒餐和一罐汽水，之後就找座位坐，除了牛扒和汽水外，白飯，羅宋湯，沙律和水也是自助式自取，在牛扒來之前先後取了白飯，羅宋湯和醬汁，一會之後牛扒和汽水也來了，之後就開始吃，牛扒在放上餐枱前己先切好，不用自切十分細心，然後就逐塊牛扒放在火山石板上煎一段時間，待完全煎熟後就吃，牛扒很新鮮和入口即溶，有濃郁的煎香和黑椒汁味，加上醬汁來吃味道更加好，己送幾碗白飯，羅宋湯也很好飲和很足料，來回喝了好幾大碗，而且環境舒適，店員的服務也很好，整體上很不錯，下次再來光顧

在附近上堂仲要放全日中間要出嚟食一餐於是隨便行一行發現了由於價錢50至$65不等我哋四個人分左兩張枱坐我叫咗個雞扒只係$50係好誇張大佢自己有燒汁同埋蒜頭你可以自己加入因為我之前寫咗㗎所以係冇味但個雞肉真係好脆我想話沙律吧白飯同埋個湯係飲不過$50一定食到好飽個紫菜係任落我決定下次是牛脷白飯係珍珠米我覺得性價比好高味道就一般so不過佢嘅材料好足 你可以加自己鐘意既蒜同汁好抵 因為旁邊嘅點心同茶餐廳都要五十幾蚊同埋我以為午餐佢唔會用塊熱石上菜同埋佢上菜速度都幾快冇咗個早餐大概5分鐘後到出咗個餐俾你如果趕時間嘅朋友都有考慮呢間性價比高因為可能係油麻地佢平過銅鑼灣嗰間

前日同孖寶爸食生日飯🎂，知道佢鍾意食牛，所以帶佢去食近來相當受歡迎🌟既日式石燒牛店「牛極」! 裡面有不同種類嘅牛選擇，有日本和牛, 西冷, 澳洲牛仔肉眼等等，最特別是款款都係放係石板上熱辣辣🔥自己即燒即食，想幾多成熟自己話事，好有新鮮感😍! 我就揀左牛肩排180g ($80) ，份量啱晒我，肉質嫩滑，很有牛肉味!除了餐台上有海鹽、黑胡椒、辣粉調味料， 出面亦有自助調味醬辛味燒汁，自家製燒肉汁，蒜蓉，令牛肉味道更豐富，非常好味😋。孖寶爸揀左牛柳200g($110) ，大大件好抵食，煎落石板到好多肉汁，加上燒肉汁，蒜蓉簡直一絕❤️!我地左影右影掛住影相，估唔到過左30分鐘塊石板都仲有熱度，很厲害👍🏻👍🏻!另外餐廳是以自助形式自由去添飯、沙律、湯，可以食到飽飽先走。這家石燒牛店CP值很高，我地食得很滿足，一定會再來食。牛極油麻地彌敦道464號地舖

近年石燒牛都好流行，最近留意到有間人氣牛扒專門店，就走左去試下～呢度嘅牛扒集合左靚肉質嘅貨源，有美國紐西蘭同日本等等😛上菜時以一成熟開始比客人自己煎成心水生熟度🙈牛扒方面同朋友試左唔同款：🥩牛肩排($80/180g)未試過牛肩位嘅我十分驚喜，肉質結實得黎有咬口，有咬口得黎又帶有點鬆軟，牛味濃郁。🥩牛柳($110/200g)牛柳厚身得黎唔會咬唔開，肉質較鬆軟，配蒜蓉煎更惹味餐廳都以自助形式有任食沙律、珍珠米飯同牛肉湯。沙律菜配上日式芝麻沙律醬(或柚子沙律汁，伴上牛扒十分開胃解膩。比起其他地方食嘅石燒牛，加上坐得舒適嘅環境，性價比應該多出一倍有多🙈

成日都經過呢間，睇落超似日本個啲餐廳今日終於忍唔住試咗呀！🤩好得意呀，一入嚟係先購票咖真係十足十係日本咁🤣🤣今次叫咗呢兩款，叫咗最細個份量！🧡牛肩扒 180g $80呢款牛味好重，肉質食落好有咬口冇咩筋，好嫩口！仲可以配埋特別嘅醬汁✨我個人建議仲可以放啲蒜落個鐵板度燒一燒再夾埋啲肉仲好食😍💛牛柳 200g $110牛柳我個人比較中意啲肉質嫩滑，比較偏淋身！記得要切一嚿食一嚿❣️就唔怕燒得太熟！仲可以自己決定幾成熟呢度仲可以任食珍珠米、沙律🥗仲有羅宋湯✨我個人覺得配珍珠米真係好好食忍唔住食咗兩碗飯🤣🤣

今日同朋友嚟到呢間日式牛扒石燒店，喺門口已經聞到好大浸香味！咁啱今日去到就唔使等位即刻有得入去🤤一入到去店員就同我哋講沙律，白飯同埋湯都係任裝嘅！仲有幾款唔同嘅醬汁，有韓式辣醬，而我哋就最鍾意日式燒肉汁配搭蒜蓉🤤我哋就叫咗牛肩扒同埋牛柳，牛肩扒食落好嫰滑，雖然有少少筋但係都唔會好硬，而牛柳就更加嫰滑，而且一啲都唔肥！啱晒一啲唔鍾意食肥肉嘅朋友。配搭埋我哋自己整嘅蒜蓉日式燒肉汁，更加特顯到佢嘅牛肉嘅味道。以佢哋嘅沙律都唔錯，食落好爽口。我哋就特別鍾意佢哋嘅芝麻醬，味道非常開胃！而且佢哋嘅飯都煲得唔錯，軟硬適中配搭埋啱啱燒起嘅牛肉減低左淨係食牛肉嘅油膩感！10分滿足！

中午黎食呢間牛極，今次係第二次食，叫了一個lunch set 。餐廳係要買係明門用部機買左餐先，然後先入坐。咁係用有職員從旁協助去用部機既，侍應服務都有禮，買完後會提點每次出去自助吧拎野食都要戴口罩既。咁我叫左個鰻魚燒，然後自助吧有沙律、檸檬水、牛尾湯同埋白飯，不限次數的，但當然是不要浪費食物啦。個鰻魚燒好快到左，味道不錯，價錢亦很平，下次要再試佢既牛丫。

牛極已開了多間分店， 其中有間位於油麻地地鐵站附近，我都好多時幫襯因這位置非常方便呢！而牛極的自助售賣機就在店中，客人可隨心想要的選購牛排餐啦！我和朋友今次選了分別有牛肩排和牛柳各一份，都有180-200g 的重量，店員把大大份熱辣辣又新鮮的牛肩排和牛柳送上來！牛味十足，我們可隨自己喜歡的生熟程度把牛排牛柳燒至熟到剛剛好！邊吃邊聽著店內的日本音樂，吃得開心又滿足！牛極分店地點：油麻地彌敦道464號地下鋪

最近和老婆去了在油麻地的牛極店， 位置方便因就是在彌敦道的，店內裝潢設計日本裝飾配上音樂都是日本歌曲的旋律，去唔到日本來呢到頂住先啦！又食我最喜歡吃的牛排了！ 分別有牛肩排HKD$80 @180g 和牛柳HKD$110 @200g ! 呢兩份的牛排都是十分大大份的，新鮮又美味可口價錢合理，我們都覺得真心底食啊！加上呢個餐仲要可以配埋有白飯有湯和有沙津，實在是食到十分飽呢！ 牛極分店地點：油麻地彌敦道464號地下鋪

2020年10月18日。晴。油麻地。呢日喺附近做嘢，記得有間牛極～上次食過銅鑼灣就翻尋味！！餐廳位置就喺油麻地天后廟對面～一個人唔使等位，獨食的快樂，呵呵～門口條柱都有牛極嘅畫～換個角度睇真啲～入門口都係先買飛，揀定食咩嘢！我呢日就揀咗食牛柳～坐低就即刻出去自助吧台搵食～餐廳裝修都好雅致，牆上批盪咗日本庭園常見嘅枯山水做點綴簡單得嚟又帶禪意～呢幾款係燒肉沾醬～沙律，自助上次喺銅鑼灣食已經好欣賞呢個沙律～今次都依然係咁鍾意！！！推薦淋柚子沙律汁，真係好好好好味！！！！日式牛肉湯，自助撈到好多料！有紅蘿蔔、白蘿蔔，仲有大量牛肉～如果食完牛扒唔夠飽可以飲多幾碗湯，非常足料！牛柳，200g，$110牛柳好厚肉，一上檯我就勤力密密切，因為唔想又換石頭，麻煩店員切開見到鮮嫩嘅粉紅色牛肉，好吸引呀～～一邊切一邊食，腍滑多汁，超級好味～今次試咗完全唔加調味料，無論就咁食、沾燒汁食或者沾蒜蓉食，全部食法都好惹味～白飯，自助白飯再加啲紫菜碎，日式家庭料理嘅感覺出晒嚟～食完200g牛柳好滿足～P.S.店員姐姐嘅服務態度仲要好好，下次經過開一定再食～