八沢 (霎東街) (Closed)

今夜銅鑼灣不太安寧， 交通雖然有少少混亂，但係都唔會阻止到兔子出去覓食。今日兔子就帶大家黎到呢一區嘅一間日本餐廳試下。 首先都係由餐廳裝橫講起， 佢嘅背景色彩都係以暖色為主加上燈光較暗營造一種好柔和嘅感覺。兔子仲等緊朋友嗰陣自己就叫咗杯棉花糖朱古力，滿滿的棉花糖，賣相好夢幻呀！朋友到咗後就急不及待叫咗杯自家製冰糖紅棗雪梨茶潤喉。入口輕微酸甜雪梨味道香濃，杯內滿載雪梨及紅棗果肉，確係養生之選。首先來個前菜開下胃先，我哋點左秋葵沙律。平時我好鍾意食 秋葵乾做零食， 所以食到新鮮爽口嘅秋葵真係唔同口感，爽口又翠綠，做前菜一流。跟住再嚟碟明太子雞翼，兔子咬開雞翼已嚐到明太子嘅香味，帶有一粒粒嘅明太子響雞翼入面， 雞肉好嫩滑又有口感。之後店員送上今晚大家嘅主菜，我叫嘅麵食係「黑蒜灸燒 極濃黑豚肉拉麵」。 豚肉肉質飽滿，佢既湯底係用黑蒜油淆製，配搭豚肉嘅鮮味同鹹香味，湯汁更為有層次，加上蔥花雞蛋同香蒜碎，呢碗麵冇令人失望。朋友就當然叫左鎮店之選「 黑松露忌廉三文魚腩帶子烏冬」，店員一放上枱面，已令周圍環境散發著它濃厚的香味，果然更為深刻。有時食三文魚腩會因為燒太耐煮太乾而令口感非常鞋口，但係呢度嘅

同媽媽去銅鑼灣買野兼晚餐，四圍行揾好野食，係利舞台 shopping之後，沿路去 time square竟然發現一間食烏冬嘅餐廳，熟口熟面嘅店名，原來係筲箕灣有分店架！ 媽媽都記得所以兩個就決定入去食埋先回家！裝修日本 feel而且無筲箕灣咁迫，坐得仲舒服添。龍虾沙律 $55味道幾特別，食落有細細隻龍虾仔肉明太子粒粒，整個 salad菜爽夠新鮮，龍虾調味得而。北海道帶子湯烏冬 $80湯底較濃身，味道有點似忌廉雞湯，帶子鮮甜大蔥絲，蔥粒，木耳絲，日式魚片同流心雞蛋，味道好配合重點係烏冬夠 QQ 彈牙。有提供水比客人，牆上用上日本和服女士，食物圖片裝飾，充滿日本感覺！最好味又最多人嘅選擇，黑安格斯牛扒卦烏冬，即乾撈般，同樣食到烏冬的 QQ彈性高，再有大大塊碎上牛扒，尤其個汁更惹味，沙律菜同大蕃茄都好新鮮。原先想再 order吉列蠔，但實在太飽了。留待下次有機會再食吧。

呢間餐廳大有來頭！係烏冬麵食店十大推介之一喔！其招牌作黑松露忌廉海鮮烏冬堅好食！！！一送上枱就聞到松露香味，岩哂我呢位松露粉絲！💕湯底質感唔算濃稠，但非常香！而且飲完都唔覺膩！海鮮方面，有三文魚柳同三隻大大既帶子，份量十足！入口鳥冬索晒嗰湯底，滑嘟嘟又彈牙，兼帶有咬勁，真係超出色！黑安格斯肉眼牛扒掛烏冬，以沾麵形式咁沾啲汁黎食，非常特別！特製既蒜蓉燒汁甜甜地，沾上烏冬黎食，又幾夾喔！肉眼扒煎得很香，牛味濃郁，肉質嫩滑！飲品揀了咸檸7及雪梨紅棗茶，非常足料喔！雪梨紅棗茶甜度適中，夠哂滋補養生，very good!

去咗銅鑼灣行街，喺利舞台附近發現一間日式餐廳，呢間日式餐廳聽朋友介紹過所以就走去試吓。佢嘅食物選擇好多，有主食小食炸物唔同種類！我同朋友叫左兩個餐，雙重芝士豬扒烏冬同埋安格斯牛肉烏冬。雙重芝士豬扒烏冬既豬扒外皮好脆👍🏻再配上佢嘅醬汁，倒落啲烏冬到攪勻食，熱辣辣烏冬好味！不過要講到最鍾意嘅都係安格斯牛扒烏冬，因為佢有個蒜蓉醬汁，個人認為用來點烏冬食清淡又好味。當然佢嘅牛都唔錯，如果唔係都唔會話比較鍾意呢個餐😌

係銅鑼灣行行下，喺附近發現一間日式餐廳，呢間日式餐廳我記得以前喺筲箕灣食過佢嘅分店，印象唔錯所以在想喺銅鑼灣呢間試吓。佢嘅食物選擇算多，我同朋友叫左兩個餐，雙重芝士豬扒烏冬同埋安格斯牛肉烏冬。雙重芝士豬扒烏冬既豬扒外皮脆，可惜入面嘅豬肉感覺過於軟身，而且同平時食開嘅真係感覺一般，唔係好食到豬扒嘅味道。另外佢有配上一個芝士醬汁，的確幾香，不過可惜烏冬太過黐埋一舊了。。。。。。。。。。。。。。。。。。。。。。。。以前係分店食最鍾意嘅都係安格斯牛扒烏冬，因為佢有個醬汁用來點烏冬食好好味。呢個餐上既時候，烏冬係冇痴住既。佢既牛肉較厚身，與以往分店味道略有不同。

呢一到係我食過第一間烏冬既口味可以有咁多變化既食店。熱同冷之分不在下話,佢既口味可以有成十四款咁多,我諗左好耐到底ORDER邊一隻味好~~勁多人推介黑松露忌廉海鮮烏冬,但我就偏偏比佢既清酒雞肉竹笙烏冬吸引。店員話我知,你預佢係甜甜地味道嫁,令我更加期待....上檯賣相好好,咩都唔好講,試一啖湯先,真係勁清甜,唔知大家有冇飲過雞酒,大概係咁正。撈撈個湯,足料呀(見到有紅棗﹑桂圓﹑竹笙﹑杞子..)感覺好中式,同時又係配烏冬。感覺好新奇,但大家又幾夾,至於烏冬既麵質同口感都係高分,q彈q彈,但佢同時又比坊間既烏冬較扁身。點左一杯熱既自家冰糖紅棗雪梨茶,成餐晚膳都好滋陰^3^點左一份小食-芥末八爪魚。$38黎講份量算多,唯一挑剔係芥末味唔夠激。老公話雖然佢主打係烏冬,都要試試佢既飯掂唔掂,佢就叫左山薑黑豚肉丼。味道夠濃,配有木魚﹑蔥粒﹑黑豚肉薑汁﹑什菌...老公相當滿意。題外話,留意到佢台內好多物品都採用左雲石(無論係檯﹑杯﹑匙更等),成間店都幾好feel。八沢 地址:銅鑼灣霎東街7號地下7號舖電話號碼:26699200/ 95500553

之前聽朋友介紹過呢間日本野 入面野食非傳統日式料理 加入左好多創新元素 今次終於有時間一齊過嚟試下🤗店舖唔算好大 但位置都算寬敞 唔會逼埋一齊素食掛烏冬因為有朋友食素 而呢度都有適合的食物 一嚟就見到滿滿的麻醬 仲要另上左一碟 真係點極都仲有😛烏冬材料都簡單 有菜 蕃茄 紫菜 冬菇 屬於較清淡的食物 而麻醬就屬於比較濃味 所以一齊食就剛剛好 特別一提 菇的味道好香🤗黑松露忌廉海鮮烏冬湯底好香濃忌廉味 黑松露份量都好夠 烏冬好彈牙 海鮮亦好足料 有大大隻帶子同三文魚 必試食物之一👍🏻明太子雞翼 牛乳忌廉餅明太子雞翼剪得好香口 入面饟左明太子粒 好惹味！牛乳忌廉餅都好好食 外脆入面都爆餡 juicy可口！牛油包菇牛油味勁香 加上金菇 雖然配搭簡單 但好好食 食唔停口😋仲有好多野飲選擇 呢杯係凍檸蜜如果大家鍾意日本野 但又想有新刺激 不坊一試 野食有質素有心思😊

今天來到這家八沢，聽說這個烏冬麵加忌廉湯很好吃，心想這樣的組合可以嗎？有點fusion的感覺呢…可是，試過之後你就會覺得，原來還可以的!這個黑松露忌廉海鮮烏冬，有三件大大的三文魚腩，兩件帶子，上面有黑松露點綴，然後烏冬是幼烏冬，不易弄斷，這個要讚!因為小弟很討厭容易斷的麵條類!餐飲是熱的羅漢果茶，不太甜，而且解膩，這個我覺得很貼心，因為其他拉麵店都是提供綠茶已而~整體感覺就是在吃一個加湯版的carbonara!Fusion也有他的好處~

前日收工同朋友諗住食埋野先返去 但又唔知食咩所以就周圍行吓 之後喺時代廣場隔離搵到呢一間黑松露烏冬主打嘅餐廳 而本身同朋友都鍾意食黑松露 所以就入左去試吓🙈餐廳喺正時代廣場隔離 都易搵入咗去之後環境都幾舒服 ☺️之後我哋就開始睇下有咩食啦！餐廳主打嘅菜式係黑松露烏冬另外仲有好多其他嘅小食 如果用嚟佐酒一流👍🏻我哋首先叫咗啲小食先呢個係炸鵪鶉蛋加豬肉洋蔥串燒！個串燒新鮮炸出 外脆入面豐富 有多汁嘅豬肉加爽口洋蔥👍🏻另外呢兩個分別係稻庭凍豆腐同埋芥末八爪魚個涷豆腐配埋個芝麻醬清新得來仲好醒胃個芥末八爪魚用嚟同朋友一路傾計一路飲一路食就最正🙈之後就到主角出場啦！呢個係黑松露忌廉海鮮烏冬面頭有大大個黑松露醬 鍾意食黑松露嘅朋友真係好正🙈🙈而且給烏冬嘅湯底用咗忌廉一齊煮 令到成個口感滑溜之餘仲好有奶香味！另外仲有超大粒帶子！加埋一齊食仲有海鮮嘅鮮味 而且帶子都好新鮮口感彈牙🤤🤤🤤總括嚟講呢間餐廳嘅食物有驚喜之餘 唔同材料嘅配搭都配得唔錯 而且環境幾舒服 都係一個收工食飯嘅好去處☺️

其實呢間之前而經食過好幾次！ 因為佢地既特色主打黑松露忌廉烏冬真係令人一試驚嘆❗️呢日又黎銅鑼灣行街，首選又係呢間😆便靚正嘛！今次突破心癮，試左清酒雞肉竹笙烏冬，因為侍應話係每日限量而且有機會一轉餐牌就會冇左。 嘩！ 一上黎真係好足料！ 好濃郁既湯底！啱晒要進補既我，你知女人總有幾日要補補！ 雞肉好嫩！桂圓同紅棗都好多！ 好甜！ 烏冬就一如既往的好食！彈牙又滑😝🍜🍜🍜然後我朋友就叫左個黑安格斯牛🐂烏冬！ 好好好食！ 醬汁剛剛好！ 安格斯牛望落係全熟但好正！ 唔韌！味道都唔似便價貨！我推薦！我見好多台男仔都有叫呢個食！ 野飲，我叫左蜜桃🍑特飲， 係好飲的。但桂圓紅棗（送的🙆‍♀️）就有點太甜。

今日運動前醫飽肚仔先，去左位於銅鑼灣既八沢。餐廳唔算大，不過坐得幾闊落。餐廳將黑松露忌廉海鮮鳥冬既大相掛係牆上，所以女友叫左呢個招牌菜。同之前食既忌廉烏冬唔同，係忌廉湯並唔係忌廉汁，不過烏冬掛湯能力高，所以食烏冬都感覺到creamy既一面。黑松露既份量毫不嗇惜，差唔多有一大羹。另外海鮮包括三文魚扒同帶子。我叫咗黑蒜炙燒激濃黑豚肉拉麵。湯底好濃郁，充滿蒜味。黑豚肉燒到微焦，薄薄一片夠香口。溏心蛋放係中間夠突出，味道亦出色。飲品方面，我叫左棉花糖凍朱古力，顏色相當七彩繽紛，甜度適中。食完充滿精神去做運動！

平時都成日去銅鑼灣行街，去食飯嘅地方都不外乎係嗰幾個，今日難得做左少少資料搜集，發現係附近有間隱世小店好似唔錯門面大大隻字 「十大推介」。吉列炸蠔超級推介！佢應該係即叫即製，上枱時熱騰騰，而且炸皮很脆，蠔都好新鮮！我媽媽都忍唔住食左2隻黑松露忌廉帶子三文魚腩烏冬當然要試下餐廳嘅招牌菜！大大塊三文魚腩仲有2粒大帶子！湯底味道好正，有黑松露加忌廉味得黎，完全唔覺得濟清酒雞肉竹笙烏冬超級超級推介！唔係招牌菜都好好食！湯底好足料，好濃味，而且有好多冬菇龍眼紅棗！好好食！秋葵沙律最後當然少不了我最喜愛嘅秋葵啦酸酸甜甜好開胃~總括而言，一定會再幫襯！超級好食！好想快啲試埋佢個鰻魚飯

去過八沢東大街果間幾次，最欣賞佢的黑松露忌廉海鮮烏冬，啖啖都係好濃既忌廉牛奶味，真係百食不厭。今日同朋友銅鑼灣行街先知霎東街開左分店(應該不是新聞, 不過我才剛知道)以日本餐廳黎講呢度鋪位唔細，同坐得幾舒服，有卡位，可以多ｄ私人空間。見佢個菜單同筲箕灣嗰間有啲不一樣，呢度設計得更加精緻，今次同朋友試下其他菜式：黑蒜灸燒極濃黑豚肉拉麵 🍜$82呢個有驚喜，黑蒜湯底濃郁，但係又唔會蓋過燒黑豚肉嘅味道，不得不提佢嘅黑豚肉肥瘦適中，咬落去油脂令人感到幸福🥰明太子雞翼兩隻$62呢兩隻雞翼入面係明太子，小小辣吉列蝦兩隻$38估唔到呢兩隻蝦咁大隻，非常抵食，蝦肉彈牙黑安格斯肉眼扒$88呢塊安格斯肉眼扒雖然比想像中薄，但肉質啱啱好，不會過熟，而且配埋佢個醬油，係幾好食。牛乳忌廉餅$32原來得一舊，不過都幾有份量，切開係好濃好稠杰的牛乳忌廉，滿足了。最後值得一題係佢嘅茶係羅漢果茶，淡淡的甜味，店員仲好好禮貌地幫我添加幾杯，好滿意。

今日星期日，約了朋友去利舞台午餐，朋友介紹在禮頓中心隔離有一間日本菜 - 八沢，門面不太起眼，招牌沒有中文，但都不算難找，就在住好d隔離，我們進去後顧客不是太多，但店內燈光環境不錯，坐位不會太擠迫。餐牌大多是烏冬，其次拉麵，烏冬應該是此店的主打菜色，我們點了黑松露忌廉海鮮烏冬 $98、山薑黑豚肉掛烏冬 $78、明太子雞翼 （2隻）$36、自家冰糖紅棗雪梨茶 $28、桃味特飲 $35。黑松露忌廉海鮮烏冬 - 湯底味道濃郁，有很重的忌廉味，黑松露味也很重，烏冬嫩滑彈牙，還有熟三文魚、帆立貝等海鮮，相當夾味。山薑黑豚肉掛烏冬 - 掛烏冬即是撈烏冬，有木魚花、蔥粒和香濃的黑豚肉薑汁，味道相當吸引，薑汁帶出了薑辣味，愈吃愈想吃。明太子雞翼 - 明太子味道十足，燒到香噴噴，不錯！自家冰糖紅棗雪梨茶 - 味道清甜，還有雪梨肉。總評：特別烏冬煮法

今日同朋友去銅鑼灣shopping餓餓地咪諗住去揾間餐廳食午飯，竟然俾我發現新大陸。餐廳內裡充滿日本風味的裝修, 環境新凈又企理, 感覺上有啲似真係去左日本當地嘅餐廳咁, 令我即時諗起早前去日本嘅旅行。 一開始叫左個黑松露忌廉海鮮烏冬，啲湯底食得出俾左好多心機去煲，好濃忌廉牛奶味。配埋黑松露簡直係好好食。 之後叫左個極上牛湯烏冬。湯底清清地幾好。啲牛肉好明顯係用左日本和牛，同平時打邊爐用嘅美國肥牛差好遠。好大碗，好好食。再黎個明太子雞翼。烤雞翼入面讓左明太子，少少辣，好夾。仲有個牛乳忌廉餅。佢炸得好好，口感好鬆化，仲有好重牛奶味，啲sauce都配合得好好。最後講下依間餐嘅服務。侍應點菜上菜時非常殷勤，不時幫我地倒水同問我地有乜需要，所以服務上我俾滿分！價錢黎講我地兩個人食左大概$300。以咁高質素嘅食物黎講算係物超所值。所以整體黎講我對今餐嘅評分係9分！