八沢 (霎東街) (Closed)

是日搵食搵到銅鑼灣，原來銅鑼灣都有好多穩世小店！今日有幸遇到既係一間食烏冬專門店，仲要有好多選擇，有湯烏冬、撈烏冬同冷烏冬！味道更加多選擇！而今次試左一個湯烏冬同一個撈烏冬！.🔸黑松露忌廉三文魚腩帶子烏冬 $115個烏冬貴得有道理，兩件大大件三文魚腩，好嫩好淋煮得岩岩好👍🏻；仲有三大隻帶子🤩，都好好食好正；加上濃郁忌廉湯掛住係烏冬上已經好好食，仲有一堆黑松露係面，撈堆係忌廉湯度更加香濃，啖啖黑松露味😋正！記得要襯熱食啦！.🔸雙重芝士豬排掛烏冬 $75新鮮炸起既豬排所以等既時間要多少少，不過十分值得！外面脆入面軟！勁好食！👍🏻👍🏻豬排面已經放左一種較實身既芝士，另外仲有一種香濃芝士汁又來點，個吸本身已經好吸引，再加上香酥豬排，真係絕配😍而掛烏冬係指無湯烏冬，令烏冬係更有口感，鐘意較硬身可揀呢種👍🏻👍🏻

尋日行街經過口痕，見到呢間日本野，睇下menu,嘩，有拉麵有烏冬食，好似好吸引，就入咗去坐低點咗一個鮮什菌松露芝士烏冬醬汁濃郁，烏冬爽滑可口竟然好味到咁，連我平時唔鍾意食烏冬既人都中意咗食女朋友點咗黑蒜炙燒極濃黑豚肉拉麵，因為係炙燒，所以啲黑豚肉好有油香好有燒肉香味另外嗌咗龍蝦沙律，好夠料又fresh總體五粒星，十分推薦！

在銅鑼灣上完跳舞堂，同伴想吃烏冬，站在 time square 路段發現八沢烏冬店，毫不猶豫便進內，店員安排入座，二人各自選了黑松露忌廉三文魚腩帶子烏冬$115、鮮什菌松露芝士烏冬$85，黑松露是高貴食材之一，可靈活配搭多種食物，香氣濃郁，配放在烏冬上面，鮮味突出。三文魚腩嫩滑鮮甜，加上三隻大粒帶子滋味湧上心頭😋。半份糖心蛋放在鮮什菌松露芝士烏冬，適合素吃人士，好正好香又健康。湯底是濃芝士忌廉湯，正配合到店裡牌上句語 Only the Pure Heart can make Good soup👍。烏冬夠煙韌，好Q彈又滑溜。紫蕃薯甘栗餅$28 外脆內軟，軟綿綿的紫薯蓉溶合細細粒栗子,好好味啊！有機芝麻醬滑豆腐$38配合新鮮爽脆沙律菜。凍豆腐伴芝麻醬；消暑佳品。+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

黑松露忌廉三文魚腩帶子烏冬呢個招牌烏冬應該黎得都會試，一上台就已經聞到好香黑松露味。食落口就係忌廉味比較重，比較似意粉個隻忌廉味不過就係湯版。每食一啖都好惹味，帶子口感彈牙，三文魚腩燒得好香，好重魚油香味。8/10廣島蠔肉碎烏冬呢個湯底相對比較清無咁濃味，但其實飲落幾好味，仲有Ｄ肉碎咬下。廣島蠔大大粒漲卜卜，不過有少少腥，都係可接受既。7/10牛乳忌廉餅好好味，外脆內淋。不過係貴左Ｄ，32蚊得一舊。9/10吉列豬排亦都好好味，豬扒好嫩又多汁，份量好足只係40蚊，抵食過忌廉餅好多。10/10

喺筲箕灣分店食過，今晚行開銅鑼灣又想黎食。發現兩間分店既食物都有d唔同，哩間更多選擇，好多都好吸引。店內哩幅手繪畫好靚，增添日本色彩。黑蒜炙燒極濃豚肉烏冬 $87單睇個名都看得好濃味好正，適合喜歡食濃湯口味湯烏冬既人。鐵鍋上台夠晒熱，好香，流心蛋亦好吸引。烏冬滑身掛湯，啖啖烏冬沾上蒜香味超正。炙燒豚肉香口爽口，配菜有黑木耳同筍片，好食！肥牛冷烏冬 $72冷烏冬既口感更加彈牙，天氣咁熱食冷烏冬最適合，整體鮮新，個人特別喜歡胡麻醬。叫左2款小食，明太子雞翼$36同炸豬扒$40。明太子微辣，雞翼炸得好香亦保留肉汁。吉列豬扒亦都唔錯。

第一次食 一入到去個環境都幾舒服😌見到都有幾多野食：前菜、拉麵、烏冬、煎炸野等，我就叫左個廣島壕烏冬；朋友就叫左碗黑松露忌廉海鮮烏冬 個湯底就好濃郁 而且好重忌廉味 之後我個廣島蠔都黎左 頓時有好強烈對比 我個碗勁清淡😂所以重口味朋友就唔好叫呢款啦 不過雖然清 左湯底都好有鮮味 絕對唔hea 但我地就嫌啲烏冬煮得軟身左啲 如果硬番少少 就更煙韌更有咬口😋蠔都好新鮮好好食

冷烏冬～係時代廣場附近有一間烏冬專門店，裝修和風，環境光猛，不失為其他迎合自由行旅客連鎖店外的選擇，幾適合食個便飯。烏冬款式選擇繁多，湯烏冬，掛汁烏冬，冷烏冬。亦有數款拉麵，飯類，炸物小食。更有少量素烏冬，茹素時都可以來。第一次點了花麻肥牛冷烏冬及龍蝦沙律。冷食可以試到烏冬原味，麵身煙韌彈牙，附上的芝麻醬汁微酸微甜，香濃順口，吃得很開胃。貼心的是廚師只在麵身淋上少量醬汁，其餘用碟盛起供客人按個人口味添加調味。牛肉片不是打邊爐的肥淋淋牛腩部位，而是肉味香郁，脂肪少，肉質厚實的牛肉片。龍蝦沙律份量約一球雪糕，應該加了不少沙律醬／蛋黃醬／明太子醬而達到creamy效果。食到龍蝦肉啊，係好食的。一開始覺得沙律份量不夠，但食食下就覺得份量再大的話會太膩！值得一讚係沙律菜新鮮爽脆，瀝水做得足，夠乾身。店員服務態度好，笑容甜美～

講到食日本野，大家可能即刻會諗起廚師發板，壽司刺身。不過其實烏冬都絕對係一個好好嘅選擇今日喺銅鑼灣時代廣場後面就比本兔遇到間好有驚喜嘅烏冬小店，絕對值得推介俾大家小店中文名叫做<八沢>，雖然沒有華麗嘅裝修，但是基本嘅光猛和清潔都是做得非常足的其實會入去幫襯嘅主要原因，就係因為喺門口見到依碗<黑松露忌廉海鮮烏冬>！！！本兔一坐低就二話不說，立即點了〈咸檸7〉喺未有得食烏冬之前，炎炎夏日當然要叫番杯透心涼凍飲~~選了<鹹檸7>絕對是沒錯的！你看粒咸檸有幾大粒〈黑松露忌廉海鮮烏冬〉等左一陣終於有我期待已久嘅烏冬到來，第一眼見到咁大碗湯，以為係會水流流稀稀薄薄，其實有少少失望的但係飲一啖先知原來執到寶！！帶有黑松露香氣既湯底口感又香又幼滑，味道亦都好香濃醇厚，但又唔係嗰種會令你好滯的湯底，超好飲的！試完湯底當然要試吓真正嘅主角~烏冬！！烏冬爽滑得來又夠彈牙，順滑到<口雪>一聲就索哂入口，絕對係本小兔食過最好食嘅烏冬之一另外仲有好多片既厚切香滑三文魚同埋幾粒大大粒嘅原隻帆立貝，真係令到本小兔非常非常滿足〈黑蒜灸燒極濃黑豚肉烏冬〉&

今日嚟到一間裝修好有日本風味嘅餐廳，忌廉烏冬我一直都好鍾意食，今日一於大吃一餐啦😋😋1️⃣黑松露忌廉三文魚腩帶子烏冬$115Oh my god! 個湯底勁creamy，黑松露味十足!!! 好飲！撈埋烏冬食到超級match😋😋😋 扁身烏冬煙煙韌韌幾Q彈，我幾鍾意！仲有超多三文魚腩，好厚身，鮮美可口❤️帶子有三大粒，juicy🥰2️⃣安格斯牛排沙律🥗$88貼左出嚟嘅宣傳勁吸引，實物都貨真價實😝份量十足😝安格斯牛扒唔會好韌，幾腍😋個味調得好好，牛味好出！啲沙律菜勁新鮮，蕃茄好鮮甜，加埋個鹹鹹地嘅醬汁都幾夾😝3️⃣蜂蜜威士忌🥃生啤$68聞落有淡淡嘅蜜糖味，飲落都甜甜地，易入口😝😝😝女士都啱飲，like! 呢一餐食得好滿足，勁飽啊！食物質素有保證😋服務都唔錯😝

做運動🏃🏻‍♀️前諗住食個豐富啲既lunch，一個人行過時代後面嗰條街既時候發現左呢間日式餐廳，因為去個陣啱啱開舖，所以得我一個，昏暗既環境同涼浸浸既冷氣，好舒服💦.Weekend無set lunch全部都係散叫，淨係烏冬嘅類別就已經有好多款🤩好多都好吸引😍😍我見黑松露忌廉海鮮烏冬係連續六年銷量第一位，咁厲害就一於試吓佢啦😋.🍜黑松露忌廉海鮮烏冬 $98 一送到黎就聞到好香既黑松露味🤤烏冬煙韌彈牙有咬口。聽到忌廉湯底大家可能會驚好杰好漏，但佢既湯底係偏稀，但味道唔會因爲咁而淡左👍🏻仍然keep到好滑好濃郁嘅味道😋海鮮嘅份量都唔少，三文魚腩有三大塊，食落唔會好乾好鞋口，帶子都有兩大粒😉.🍵凍棉花糖抹茶 $32淡淡既抹茶香😌加埋面頭一堆色彩繽紛嘅棉花糖，飲落都特別sweet🥰

今日去到銅鑼灣送貨，咁辛苦當然搵來食，行行吓見到食過幾好食既日本拉麵專門店「八沢」，就決定食返餐好麵，呢間分店平時行過都唔覺眼，門口招牌比較昏暗，今天都算有食神，看到店內都幾多人，好彩唔係要等好耐，好快就有位，店內裝修日本風，牆上掛上美食招牌菜的大特寫，我點了豚骨湯叉燒拉麵和炸蠔，飲品是冰凍的日本三得利啤酒，大熱天時飲返杯真實爽到不得了，叉燒拉麵好快就到，拉麵裡還有溫泉蛋，魚蛋和雲耳做配菜，叉燒半肥瘦燒到燶燶哋，濃縮了的叉燒味道，湯底好濃豚骨味，似是 淆了很久，這個拉麵比貴啲都覺得值。

天氣炎熱，繼續悠閒活動，去完北角取張領隊證，後順道來到銅鑼灣食野。今次來到時代廣場附近覓食，選了八沢 食拉麵和烏冬。環境方面，和風設計，座位不多。食物種類分拉麵，烏冬，炸類，小食。與友人點了 黑蒜叉燒拉麵, 黑松露海鮮烏冬和 西柚雜菜帶子沙律。★♡黑蒜黑豚肉拉麵黑蒜好香 豚肉肥瘦適中，大大塊， 拉麵麵質有咬感,雞蛋滋味★黑松露海鮮烏冬黑松露夠香，烏冬彈牙滑嫩，海鮮新鮮☆西柚雜菜帶子沙律Fresh,帶子份量多整體來說，環境設計舒服，食物平均質素不錯，個人喜歡餐廳播放的純音樂，食得更歡愉

兩個女生晚餐不想吃太多，所以只點了一個烏冬加其他小食。*黑松露忌廉海鮮烏冬（$98）烏冬一上台就散發出濃濃的黑松露香！海鮮有三文魚和帶子，份量都不少；烏冬的質感很煙UN。*芝心脆脆（$38）三角形是芝心脆脆；外脆內軟的，因為新鮮炸起，所以要小心燙口。*明太子雞翼（$36）明太子釀雞翼新鮮炸超；雞皮香脆不油膩；中間是很多汁的雞肉和滿滿的明太子餡。*龍蝦沙律（$55）用薯蓉拌龍蝦製成的龍蝦沙律；一點都沒有偷工減料！裡面有多粒龍蝦肉！*自家製薑蜜（$22）蜜糖味不算太濃，薑味很夠辣；可以見到一絲絲的薑，真材實料！

店舖嘅招牌係黑松露忌廉湯三文魚腩帆立貝烏冬，幾好食。料夠多，湯唔係超級濃超級杰果隻，不過忌廉味都好夠，配上黑松露味道一流。牛排掛烏冬嘅牛排非常高質，一百蚊唔哂嘅價錢嚟講非常對得住個價個汁係類似燒汁咁，蒜味頗重! 烏冬配上新鮮沙律菜同蕃茄，幾清新小食選了炸蠔，正常，唔錯。另外叫左個三品小食拼盤，有螢光魷魚，芥末八爪魚同埋龍蝦沙律 份量okay, 唔係好大碟但都唔會覺得呃錢地點喺times 同利舞臺後面，岩哂行完街去醫肚

在一個徬徨晚上走到銅鑼灣，經過被那美美的烏冬特寫海報吸引。想起其實我也肚子餓了。於是走進了名叫八沢的這餐廳。店裏裝修走現代西洋mix日本風，坐得幾舒適。牆上掛滿高清烏冬特寫。特寫好像是日式特有，對自家食品信心滿滿，在下表示十分欣賞。先來小食~明太子雞翼 & 牛乳忌廉餅🔥明太子雞翼就是將雞中翼那兩支骨起掉，再釀明太子進去，味道因此好豐富，而且啖啖肉。牛乳忌廉餅金黃色脆脆皮，加上濃郁牛乳香，好好食。安格斯肉眼牛扒掛烏冬~烏冬故然彈牙滑溜。肉眼扒厚身多汁，跟烏冬確係好配搭。山薑汁鯛魚腩掛烏冬🔥廚師自家調製烏冬汁，厚切鯛魚腩。係非常美味既罕見菜式。