八沢 (霎東街) (Closed)

香港人外遊熱點日本的料理是很多人的喜愛。我尤其喜愛烏冬。在銅鑼灣鬧市中有一間低調又味的十足的日式餐廳，散發著香濃的美味吸引我去到品嚐它的味道。日本料理選擇眾多。店內裝潢別緻。水杯亦印有餐廳名字。波子汽水，日本人的最愛。巨峰特飲，一流。招牌忌廉烏冬，有海鮮同黑松露。海鮮有三文魚，帶子，非常美味，與黑松露搭配得天衣無縫。烏冬亦相當出眾，嫩滑彈牙，一試難忘。雙重芝士豬扒飯，同樣有招牌忌廉汁，淡淡的，不會太膩。最後還有一個串燒雞軟骨，風味十足。

今日行過Time Square，見到呢間幾骨子嘅日本餐廳。就決定去試吓啦。一入去見到嘅係一幅好靚嘅日式wall painting, 成間餐廳都好有藝術氣氛，好hipster嘅感覺。而且座位又寬躺，環境又乾淨，令人坐得好舒服。我一見到餐牌第一樣食物就係黑松露忌廉三文魚腩帶子烏冬。我諗都唔諗就叫咗呢個烏東啦，而我朋友就叫咗個黑蒜灸燒黑豚肉拉麵。除此之外，亦叫咗個帶子沙律，雞軟骨串燒，同埋白鱔串燒。落左單冇幾耐，食物就來啦。首先上菜嘅係黑松露忌廉三文魚帶子烏冬。本身以為位置喺銅鑼灣中心嘅餐廳，食物點都唔會話十分之大份量。但係我哋驚係咁發現，呢間餐廳嘅所有食物份量都係十分之重，同埋落足哂料。就以呢個三文魚帶子烏冬為例，三文魚腩有兩大塊，以帶子都有四粒。三文魚放喺湯裏面，一啲都唔老，而且肉質十分之滑。三文魚腩嘅油份同埋黑松露嘅香味超級夾，吸晒落啲烏冬度，真係大滿足。而且黑松露味亦都十分之重，食完真係好滿足。咁足料，真係好難相信佢只係$115。之後嚟嘅就係帶子沙律，你望吓張相就知道帶子嘅數量真係10分之多。我哋食極都仲有嘅，而且每隻帶子嘅size都10分大。另外沙律菜同帶子本身都十分之新鮮，好清爽

天氣開始凍， 最好就係食碗暖笠笠嘅烏冬！週末諗住去銅鑼灣食個LUNCH就去行TIMES附近就見到呢間八沢， 12：30PM 見唔洗等位， 即入黑松露忌廉三文魚腩帶子烏冬 ＄115勁足料！！  大大粒帶子有3粒， 三文魚腩又厚身海鮮都算鮮味！湯CREAMY得嚟唔會太膩烏冬煙韌彈牙， 撈埋黑松露一齊食， 好味！清酒雞肉竹笙烏冬 ＄118雞湯足料又好味， 無咩酒味， 食完成個人暖晒叫多咗個安格斯牛小排 ＄48燒得好入味仲一D都唔會韌夜晚可以配啤酒, HAPPY HOUR應該幾正！

今日去左Time Square附近搵食, 行行下見到小巷入面有呢間日本餐廳, 似係食拉麵既, 我同同事就入左去試下。Lunch hour都唔算多人, 唔洗等位直接就入得! 因為行到好熱, 所以田點左個冷烏冬, 而同事就試左個店員推薦的忌廉烏冬。芥末果醋帶子冷烏冬 ($88)店員好好, 落單時會confirm一次我點既係冷烏冬, 可能擔心我睇錯?! 上碟時, 見到成個碗都佈滿左配菜, 有3隻超大隻既扇貝, 1隻糖心蛋, 3大塊蕃茄, 1堆紫菜絲, 同埋沙律菜, 而烏冬就係最底部。果醋係另外用一隻碟仔上的, 中間有一條綠色的芥末條, 我撈均左佢地就一次過倒哂入去大碗, 然後再將所有野撈埋一齊食! 芥末比我想像中辣,( 可能我未撈均) 第一啖食到我流哂眼水 😂 果醋雖然酸, 但配冷烏冬都幾夾。至於烏冬方面則較為扁身, 但好彈牙好有咬口。不得不提既係果3隻超大隻既扇貝, 好正, 好似食緊sashimi咁樣。黑松露忌廉海鮮烏冬 ($98)我試左幾啖, 本身以為會好漏, 但可能因為個忌廉海鮮湯底唔會太稠, 而且飲落鮮甜可口, 所以好OK。黑松露無事先撈落湯入面, 反而係放係湯碗中間, 等你見到佢係

銅鑼灣呢間忌廉烏冬出哂名見到門口已經貼左好多獎今日行過特登入去試下今次叫左最出名既黑松露三文魚腩帶子忌廉烏冬同清酒雞肉竹笙烏冬一開始以為個忌廉烏冬會好heavy 但係食落湯頭竟然係好鮮甜而且唔會好膩加埋黑松露嘅香味 令成個烏冬都好濃郁加埋大大粒嘅帶子同埋三文魚腩 真係食到停唔到口而另一個清酒雞肉竹笙烏冬相對來講更加清甜 而且竹笙同埋雞肉都吸收左清酒嘅香味個湯底都係會令人不知不覺咁飲哂呢間烏冬專門店最值得讚賞嘅當然就係佢嘅烏冬 非常爽口彈牙 就算放耐左都唔會好淋

今日我去咗呢度食晚餐 門口見到佢係主打烏冬 我咁啱又想食 所以就入咗去 我哋兩個人叫咗兩碗烏冬 分別係黑松露海鮮忌廉烏冬同埋豚肉骨叉燒烏冬 我想講佢個黑松露烏冬係好大碗 一個女仔我就食唔晒 佢上邊有好多黑松露 黑松露味道非常之香 佢裏面嘅烏冬分別有帶子同埋三文魚 咁佢啲烏冬係稻庭烏冬 雖然佢冇寫喺個餐牌上邊 但係一食同埋一望就知道 因為佢啲烏冬係扁身同埋好煙銀 佢個豚肉叉燒烏冬裏邊 仲有隻糖心蛋真係一流呀分量亦都唔小 雖然冇黑松露嗰個咁大 但係都足夠一個男仔嘅份量 而且叉燒嘅肥瘦啱啱好 小食我哋就叫咗個芥末八爪魚 我覺得30幾蚊來講係好抵 因為佢都有幾多嘢飲 佢有我最鍾意嘅波子汽水 同埋佢仲有啲特色飲品 我哋就叫咗個鹹檸七 依家香港都已經唔多地方有佢呢度仲要好近時代廣場所以好方便下次一定會再嚟

八沢是一間最近人氣頗盛的烏冬專門店，主打忌廉湯底烏冬，不過都有拉麵和飯選擇，全部幾十蚊有交易，所以平日都幾多人幫趁。店面不算大，不過座位都不會太擠迫。話明烏冬專門店，當然要試下佢個烏冬，這裡有湯烏冬和掛烏冬，掛烏冬就是汁撈烏冬，另外再點了小吃分吃。芥辣八爪魚($36)芥辣味夠重，刺激得來不會太嗆鼻，但份量就比想像中少。紫番薯甘栗餅($28)吉列皮夠脆，紫番薯甘栗餡料甜而不膩。黑松露忌廉海鮮烏冬($98)奶白色的忌廉湯底上面有一堆黑松露醬，先試湯底，超香黑松露味，湯底濃厚順滑。烏冬軟滑煙韌，不會過腍，份量適中。海鮮烏冬有兩大隻帆立貝和三文魚，都幾足料。黑蒜灸燒極濃黑豚肉烏冬($87)黑蒜湯底未食已經聞倒很香黑蒜味，烏冬上有灸燒黑豚肉、半熟蛋和日本魚蛋。黑豚肉少少肥，肉質很滑。烏冬口感同樣滑溜煙韌。凍檸蜜($22)檸蜜都飲得出蜜糖味，甜度適中。總結，烏冬口感煙韌，忌廉湯底和黑蒜湯底各有特式，兩款都好吃，實在不能錯過。

去sogo 血拼， 就係附近食飯。搵黎搵去，又食番呢間。 今次冇叫黃牌，叫左北海道帶子烏冬，雙重芝士豬排飯，同埋新出的串燒（白鱔同牛舌）整體而言，水準都keep到的。個帶子烏冬有三粒大帶子，燒得好香！ 半個流心蛋🥚，再加高質烏冬浸係豬骨湯底真係食極唔厭。 個豬排飯好heavy😂皆因豬排炸得好脆！ 又juicy! 上面過層芝士係好好好好好濃郁！ 仲加埋忌廉汁真係好好味啊！至於新品串燒，我覺得牛舌真係史上食過最厚的牛舌！ 太厚😂😂😂 推薦白鱔串燒！ 魚肉嫩又脆！

之前去過八沢的筲箕灣分店， 試過他的黑松露忌廉海鮮烏冬， 味道還記憶猶新， 因為真的做得很香很好味。 去銅鑼灣經過他的鋪面，一看便認得出事是八沢。繼上次的忌廉海鮮烏冬，今次也同樣選擇了忌廉系列， 黑松露忌廉三文魚腩帶子烏冬($115)， 忌廉湯底依舊香濃，兩大片三文魚腩，煎得剛好熟透， 帶子是薄身的， 肉質鮮嫩。豚骨湯叉燒烏冬($72)， 一定要讚一下那兩片 薄切、肥瘦適中 、配上燒汁 、煎得香口的叉燒， 簡直是入口即溶。天氣開始轉涼，所以沒有選擇沙律，點了濃湯雜菜($55)， 侍應端上來的時候，我還以為是一碗麵呢， 碗很大，有很多紫色椰菜和雜菇， 浸在豬骨濃湯裏， 營養又暖胃。暖胃嘢還有自家製的冰糖紅棗雪梨茶($25)， 補氣滋潤， 只是如果少甜一點會更好。

八沢 Hachi Sawa 銅鑼灣 烏冬 黑蒜豚肉拉麵 雙重芝士炸豬排飯 烤牛小排串燒 自家制薑汁蜜 約左朋友係時代廣場附近GOOGLE 下搵到呢間餐廳日式為主,有定食,拉麵,烏冬,串燒,炸物等等飲品有自家製特飲  胃口唔好,點了一杯自家製薑蜜(凍)清香薑味加少許蜜糖甜,胃暖無負擔秋冬最岩飲 黑蒜炙燒黑豚肉拉麵 $82豚肉叉燒切片,上菜前炙燒過,伴以乾煎,蔥花未食已經聞到濃濃香氣豚肉味濃肉質細緻,有三大片 自家製黑蒜,令到豚骨湯多添一份濃郁香味 麵條夠彈,中身麵,掛湯夠多串烤物點了一客牛小排厚切再烤香,咬開仍然好有肉汁仲會配幾片沙律菜,連賣相都非常好 雙重芝士豬排飯 $74一片厚身炸豬排加沙律菜豬排上放了芝士醬另外再配一種芝士汁 一種係拉絲芝士,一種係芝士汁質感完全不同但配上味道又相當配搭味道未至於好濃厚會蓋過原本既豬排肉味道 最後加追了一客炸肉串炸粉包裹洋蔥跟豚肉 加少少沙律醬就相當好吃 銅鑼灣霎東街7號地下7號舖Shop 7, G/F, 7 Sharp Street East, Causeway Bay電話號碼2669920095500553

早兩日, 黎到CWB 行街, 行到差唔多食飯，朋友提議話食八沢烏冬～我地先叫左個芥辣八爪魚，好爽口好FRESH, 唔錯~~之後我同朋友一人一個烏冬, 我要左極上安格斯牛肉烏冬, D 安格斯牛肉真係好鮮嫩, 烏冬好滑溜~~而朋友點左個廣島蠔烏冬, 廣島蠔又鮮又大粒又肥美, 朋友勁讚!!最後我地SHARE左個濃湯雜菜, D 蔬菜非常新鮮, 入面仲有好多菇菌, 加埋香滑濃厚既豬骨湯底, 真係好味又健康!!OVERALL 坐得舒服, 價錢又唔貴, 下次有機會會再食!!

🐷🐷🐷🐷🐷▪️ 黑松露忌廉海鮮烏冬$98～ 呢款係店內最暢銷嘅一款烏冬，忌廉湯鮮甜濃郁，但又不會令到人覺得膩，加上黑松露的香味，哇～啲湯底正到無得比。 啲烏冬韌得來又好滑，好彈口，有嚼勁，配上2大大只扇貝，還3塊厚身三文魚肉添。我們成碗烏冬食哂，湯也沒有放過，食完覺得滿足。👍這個真是值得推介。▪️ 黑安格斯肉眼牛扒飯$98～ 因為係安格斯牛扒所以諗住試一試。啲牛扒煎到表面金黃，但又裡面又保留左肉汁的鮮味，煎時應該沒有放甚麼調味料，所以可以食到原本牛肉的香味。你也可以點配備的汁來食，甜甜啲，都極好味。 還有就是我覺得這個飯就好的地方就是有少量的蔬菜配搭，讓大家食得健康啲，可以睇到餐廳都極貼心哋。▪️ 芥辣八爪魚$36～ 其實呢個我哋點錯咗，我哋初初以為係熟嘅，點知一上菜才發覺係生㗎。 睇個樣覺得麻麻地好食，但係一試就發覺原來都幾正，八爪魚好滑，咬落超彈口。八爪魚本身已經好鮮甜，芥末醬就辣辣哋，佢哋加埋一齊令到辣和鮮甜嘅味道更加突顯。▪️濃湯雜菜$55～ 我覺得呢個好抵食，雜菜包括紫椰菜、金針菇、木魚片、蘑菇仔等菜，湯是淡忌廉湯，好鮮味，有菜食之余又可以飲滿哋湯，一菜兩食。🔸Overall ($

I walked by this shop many times. It is a cosy shop nestled in a street behind Lee Theatre. Finally I decided to give it a try. The restaurant was quite busy that Thursday night but we managed to get the last empty seats.There were many different types of udon to choose from. We decided to go for the creamy salmon belly seafood udon with black truffle and the japanese udon with chicken and bamboo fungus broth. As we figured the bases would be quite different, even though both were soup udons. We

今日過嚟times square行街, 阿妹提議食蛋烏冬麵,咁我見晏晝普普通通食個烏冬麵, 都ok嘅。我以為會喺times嘅樓上啦, 點不知原來喺霎東街嘅地舖,嘩!!去到見到一款烏冬叫做黑松露忌廉海鮮烏冬,我諗都冇諗即刻揀咗呢個!!正到不得了!! 面嘅黑松露係一嚿咁樣畀你!!另外嗌咗兩個極上牛肉湯烏冬! 熱辣辣清清地好好味安格斯肉眼掛烏冬, 呢個係乾身嘅冇湯但係都係熱嘅好特別唔錯小食方面叫咗一個豆腐,兩碟蠔炸蠔,同埋一個芥辣八爪魚埋單四個人加埋一食咗 618蚊, 一個lunch如果去街街唔貴唔平啦, 但勝在好食

今日同朋友諗住去食日本嘢，佢提議不如去食烏冬，仲介紹左呢間八沢，話入面啲烏冬有好多選擇，當然入去試吓啦。首先我哋點咗幾個小食，第一個係芥辣八爪魚，芥辣味唔算好重，但八爪魚就好新鮮。第二款係吉列炸蠔，生蠔唔算好大隻，但我覺得適中，而且炸得唔錯。有機芝麻醬滑豆腐，豆腐夠滑。講明烏冬專門店，當然試足佢三款啦，第一款係極上牛肉湯烏冬，食得出牛肉係頂級，湯底清甜。第二款係黑松露忌廉海鮮烏冬，除咗海鮮新鮮之外，我覺得湯底先係主角，又濃又香滑，必食推介。安格斯肉眼牛扒掛烏冬，呢個就比較特別，因為係好似沾麵咁上，掛嘅意思就係乾身咁解，跟住會比啲汁你點會，想試新口味都可以一試。