八沢 (筲箕灣東大街)

Open Now

Now Closed

今日同男朋友嚟到筲箕灣東大街見到有間日式嘅小店所以我哋就去咗食我見到呢度主打嘅係烏冬不過我哋好想食拉麵所以就叫咗兩個拉麵我就叫咗黑蒜灸燒豬肉拉麵個湯底超級香 拉麵嘅口感都好好男朋友就叫做豬骨湯叉燒拉麵佢話豬骨湯都好好飲 而且叉燒肥瘦適中除此之外我哋仲叫咗啲小食我哋叫咗啲串燒有燒牛脷同埋鹽燒白鱔牛脷真係超級厚切 勁juicy鹽燒白鱔就好似鰻魚咁樣仲要啖啖肉超正啊我哋仲叫咗螢光魷魚 同埋蕃茄沙律入面係勁多羔 我同男朋友都超鍾意食呢個啲蕃茄都非常之鮮甜

情人節又到啦， 唔想食西餐比人劏... 有一個好選擇 就係食日本野啦😃今日一早知道係港島呢邊放工，即刻上網預約左間日本小店😃 入到去雖然地方唔係好大，但佈置方便都花咗好多心思，座位都坐得好舒服👏🏻講下招牌菜黑松露忌廉海鮮湯烏冬，唔好睇佢個樣細細碗，其實係超多料🤣 有2隻大元貝同埋好多三文魚肉。 烏冬方面係比較扁身彈牙，每一啖都掛滿湯汁。黑蒜灸燒極濃黑豚肉拉麵亦係招牌菜之一， 成碗好濃蒜味同醬油味，岩哂我呢d重口味人士😃由於兩款主菜都好唔錯，所以我哋仲叫左好多小食😂鹽燒白鱔同三文魚腩串都係值得一讚， 由於係燒既關係，魚油味好特出， 好香👍🏻👍🏻另外明太子雞翼又係好抵食，咬開裡面塞滿左明太子， 食完一隻已經好飽。呢間店一定會再幫襯，希望仍keep到咁好既水準😋

最近都好少出街食飯，因為衛生問題個個都好驚，條街亦都少咗好多人，今次去到筲箕灣東大街，同女朋友去食一間餐廳名叫八沢，入到去餐廳見到好多人食緊野，呢間餐廳味道應該唔錯，最後我哋叫咗兩個面，兩個串燒同埋一個前菜前菜我哋就叫咗蕃茄沙律啲蕃茄非常之新鮮同埋大塊黑蒜灸燒激濃湯拉麵，湯底非常之濃郁，拉麵亦都非常之掛湯，燒過嘅叉燒亦都非常之肥美半肥瘦但係好重油脂香豬骨湯叉燒拉麵，豬骨湯底非常之香，叉燒非常之肥美可口，配合埋掛湯嘅拉麵簡直就係一流螢光魷魚，呢種魷魚真係唔係間間餐廳可以食到，食落非常之鮮味，咬落口感亦都係一流鹽燒白鱔，白鱔非常之肥美，燒到外脆內軟，食嘅時候魚嘅油脂向一澹澹係個口到湧出來厚切牛舌，牛舌厚度適中，咬落非常之後咬口彈牙，多汁同埋一浸浸牛脂香

-------📍東大街濃香忌廉烏冬 -- 八沢🍜一直都好想試呢間嘅忌廉烏冬😍前排就特登同朋友去試 果然冇令小編失望💕------⭐黑松露忌廉海鮮烏冬（$92）份量都幾多🙈湯底呈奶白色，上面仲有黑松露醬 ，一上檯就聞到幽幽嘅黑松露香同忌廉奶香😍湯底濃稠 食落味道濃郁 好驚喜😍好味到想令小編飲晒成碗🙈海鮮方面有幾塊三文魚腩同帶子，味道新鮮👍烏冬呈扁身，食落口感軟滑，掛湯力都高，但小編覺得再煙韌一點會更好😆但整體黎講幾高質 值得一試😋-------⭐黑安格斯肉眼牛扒飯（$92）牛肉份量多 每塊大約係燒至七成熟 面頭帶焦香💕食落好多肉汁juicy👍加埋特製醬汁一齊食 令味道提升不少🙊配菜有沙律菜同番茄 可以中和返牛排嘅油膩😋-------評分（10分滿分）賣相：8味道：8性價比：7回頭率：8-------餐廳資料名稱：八沢地址：筲箕灣筲箕灣東大街59-99號東威大廈地下7號舖前往方法：筲箕灣B2出口———-

 東大街美食攻略烏冬,串燒專門店主打烤物,串燒,便當,烏冬埋位用QR CODE掃碼自助落單快靚正方便唔洗麻煩又環保 先來一客 日本唐心蛋,中間呈半熟蛋味濃郁,滷得入味熱飲冰糖雪梨蜜,滋潤開聲暖胃素食之選鮮什菌松露湯芝士烏冬用返招牌芝士忌廉松露湯底走肉選擇,食素朋友岩食,隻蛋視乎你選擇食烏冬彈牙嫩滑,松露醬拌勻忌廉湯底濃香之餘口感順滑,有少許像西式湯伴碟有沙律菜 生薑豚肉飯放滿木魚花碎在豚肉叉燒片上有蔥花碎與燒肉汁,將其拌勻再食味道香氣四散,叉燒有口感小吃類燒雞翼,鹽烤不花巧,烤至脆皮芝士脆脆,拉絲炸芝士筲箕灣筲箕灣東大街59-99號東威大廈地下7號舖Shop 7, G/F, Eastway Towers, 59-99 Shau Kei Wan Main Street East, Shau Kei Wan

行完山來到筲箕灣東大街食嘢。東大街出名多野食，中西日都有。經過一間日本拉麵店,門口裝飾靚，就跟友人進去了。和風設計，木枱，點餐用QR Code手機點餐，節約人手。我地點了三樣野黑蒜炙燒極濃黑豚肉烏冬明太子雞翼和燒秋葵。本身是拉麵，朋友好烏冬所以轉了。烏冬到了,熱烘烘的，湯濃度夠，芝麻挺香的。紅紅太陽蛋好吸引,一人一半啦，蛋黃好滑。而烏冬韌韌地帶，口感佳。燒肉肥瘦適中。明太子雞翼和秋葵也相繼到。雞翼有點辣，裡面有肉。秋葵鮮而有肉啊，不會亁。

八沢主打忌廉烏冬，係我喜愛嘅食品之一，當然要試吓！餐廳以QR code 落單，環保、方便、快捷！黑松露忌廉海鮮烏冬 $92奶白色嘅忌廉湯底，配上大量黑松露醬，好香濃好邪惡呀！讚岐烏冬軟滑彈牙，再加上鮮味嘅巨型帶子及三文魚扒，認真一流！赤濃黑豚肉拉麵 $72湯底帶有麵豉香味！黑豚肉油香四溢，好鬆化，讚呀！拉麵喺曲麵，掛湯力强，正！牛舌（1串） $42牛肉味香濃，爽口彈牙，不錯！雞軟骨（兩串）$35燒至雞油溶化，好香口，脆卜卜，好好味！富士山柚子梳打 $28清新甜美！

黑松露忌廉海鮮烏冬 $92黑安格斯肉眼牛扒飯 $92蜂蜜威士忌7up $48厚切牛舌 $58東大街真的好多美食, 今天和朋友談心, 來到呢間八沢, 日本的店面裝修, 店子小小但坐得好舒服, 一入去見到好多不同酒類餐牌貼在牆上, 平時不太飲酒的我也忍不住叫了一杯.點了一杯蜂蜜威士忌7up, 我本身不好啤酒, 所以要7up. 甜甜的酒味香不感到強, 一邊喝一邊傾計好舒服.主吃來了, 我的牛扒飯份量超大, 靚靚牛扒配上汁, 每一啖都好好吃. 份量好大好撐.朋友的黑松露忌廉海鮮烏冬, 未上枱已經好香, 鳥冬半透明很彈性, 湯汁鮮甜, 令人食指大動, 果然是招牌必點之作, 我偷吃了一點, 就想全部捧走吃了. XDDD

筲箕灣東大街真係有好多嘢食，今日嚟到呢一間八沢，諗住試吓佢嘅烏冬、拉麵同埋串燒。入到去就覺得佢啲裝修好有風味，卡位闊落，坐得舒服，食都食得開心啲。我哋嗌咗個招牌黑松露忌廉海鮮烏冬，個湯底超級濃郁，有好香忌廉同黑松露味，又唔會好滯，仲有兩隻好大隻嘅帆立貝同埋幾件熟三文魚，好好食。另外嗌咗個都係招牌嘅黑蒜炙燒極濃黑豚肉拉麵，湯底嘅黑蒜味極級濃，黑豚肉嘅份量都幾多，又夠哂肥，真係好正。串燒方面，我哋嗌左鹽燒白鱔同埋三文魚腩串。雖然我不嬲對鱔都冇乜興趣，但係佢呢個鹽燒白鱔咬落真係好脆，又唔腥，好有驚喜。三文魚腩串都好香，外皮夠脆，有魚油又唔會過肥。小食就嗌咗牛乳忌廉餅，外脆內熱，啲餡好creamy好好食。雖然得一件，但係都幾大件，可以兩個人share食。

東大街有唔少馳名食肆，係東區其中一條食街。今日我就去左八沢食午飯。店面設計充滿日本懷舊風情，傢俬以木為主。不過點餐方式卻不懷舊，用QR code點餐，食物更加充滿驚喜。- 黑松露忌廉海鮮烏冬🍜嚟八沢一定要食佢地既招牌菜，海鮮包括三文魚扒同帆立貝，烏冬係自家製，質感彈牙湯底忌廉味濃，稀身所以唔覺膩。另外有一大匙黑松露醬，撈勻之後黑松露香味覆蓋整碗烏冬🤤。- 黑安格斯肉眼扒掛烏冬肉眼扒多汁兼牛味重，份量多起碼有八件。醬汁甜甜地，撈埋烏冬食超正👍🏻。 - 明太子雞翼🍗雞翼預先拆咗骨，得返幾翼尖既骨，食落啖啖肉，雞肉多汁香口，明太子釀係雞翼之中，令雞翼加添一份鹹鮮。自己對日本嘅飲品情有獨鍾，因為覺得飲品包裝好靚😍，呢款全熟桃味梳打汽水都唔例外。至於女友叫咗自家製薑蜜。

今日難得嚟到東區食飯同朋友揀咗一間食烏冬出名嘅餐廳，我未入去之前已經俾佢門口嘅裝飾吸引。裝修俾人一種舒服屋企嘅感覺，入邊嘅座位都好舒服唔會成排迫埋一齊坐。同朋友兩個人叫咗黑松露忌廉海鮮烏冬、黑蒜炙燒極濃黑豚肉拉麵、雞軟骨串燒。首先係黑松露忌廉海鮮烏冬，入面有有帶子同三文魚，三文魚口感唔錯，唔會太韌。帶子亦都有鮮味，加上黑松露忌廉湯底，味道一流。另外烏冬非常之爽口。黑蒜豚肉拉麵，湯底濃郁但唔會太鹹，拉麵口感亦都不錯，但同烏冬比較個人會比較喜歡烏冬。雞軟骨串燒等剛好，唔會好燶，味道唔錯。（枱面仲有水樽俾你自己加水，非常貼心。）

今晚係東大街覓食，食多次之前食過一次覺得幾好食既烏冬。今次食同上次唔同既烏冬，揀左廣島蠔肉碎烏冬同清酒雞肉竹笙烏冬。廣島蠔有四粒，每粒都大大粒，鮮甜肥美，有少量肉碎同海帶。烏冬彈牙，只係嫌個湯底好鹹。清酒雞肉竹笙烏冬好藥膳好補身既感覺，佢除左雞肉大大舊又嫩滑，另外仲有爽口既竹笙，好養生既龍眼，紅棗，蟲草花，蛙蛙菜。湯底幾好飲，好有屋企煲湯既感覺。不過我比較鍾意上次食既黑松露忌廉烏冬同芥末果醋帶子冷烏冬。

筲箕灣美食聚多，這家是其中一家很多人推薦的日式餐廳，我今次來主要是想吃這裡最有名的忌廉烏冬，但好吃的東西卻不止這款！雖是傳統居酒屋的格局，但落單已先進到可以用電話~ 除了主食，我和男友忍不住香氣，也點了串燒來吃吃。奶黃色的忌廉湯不像西湯那些濃稠的質地，如奶般的質感，入口又滑又creamy，味道濃而不油膩，多喝也不會頂肚。海鮮是兩隻有鮮味又厚肉彈牙的超大帆立貝，還有數片嫩滑厚切三六魚，十分足料。日本烏冬較扁身，入口滑溜，咬是煙靱又彈牙，又能掛汁，perfect! 拉麵也來一碗吧！料的量多到連麵也看不到呢！黑蒜油的豬骨湯底味道濃郁芳香，加上炸蒜後口味更重，但又不會過鹹，非常適合喜愛重味道的我倆。叉燒不是薄片而是厚肉的那種，肉質柔軟，炙燒得香口。拉麵算粗，咬感很好，真的是爽口彈牙。串燒只即叫即燒的，所以要耐心等等。厚切牛舌名副其實，只加上鹽已能帶出香濃牛味，肉質爽口中帶嫩滑，多重口感是好享受啊！鹽燒白鱔也是沒得輸，魚肉有數厘米厚，味道夠新鮮，皮香脆肉清爽，啖啖肉，相當豪華！最有名、充滿奶香的忌廉烏冬當然是必叫，但是，也要留肚吃串燒！點了兩款都是超高質的，大滿足！

星期六在柴灣看完電影 就去左筲箕灣東大街看下有咩好吃比一間裝修有日式居酒屋感覺的餐廳吸引左入去 有不少日式掛畫內裡用胡桃木吿的坐位Menu 都好多元化 有拉麵 烏冬 火煱 同串燒我地叫左一個拉麵 一個凍烏冬黑蒜蒜油拉麵 好多蒜粒 蒜油好香 吾錯吾錯我覺得依個果醋帶子凍烏冬好開胃 帶子就夠大 不過味就一般我地再叫左燒白鱔燒雞泡魚乾同明太子雞翼特別要讚明太子雞翼 雞翼內好多汁 雞泡魚乾就不過不失總結來講裝修唔錯 食物質素一般 價錢可以接受（串燒可能偏貴）

聽講呢間平時晚市要等位，好彩我星期三晚去唔駛。一個人去，被安排坐喺一入門口個好窄嘅位，無奈……點咗招牌菜：黑松露忌廉海鮮烏冬 ($92)。湯一入口，好似飲緊啖液體狀嘅牛油，好彩果晚凍凍地，先至唔覺太"漏"，越飲越覺得似罐頭忌廉湯；烏冬好快就吸晒d湯，呢種烏冬質地係幾好，我鍾意。兩粒帶子鮮甜，但三舊三文魚就"鞋口"，portion又偏細，食完係唔飽……問題係，水都無杯俾客人，有咩service可言呢？同埋餐牌無寫收加一 (包括QR code掃出嚟個落單畫面)，到俾錢先知，呢樣希望可以改善下。