八沢 (筲箕灣東大街)

Open Now

Now Closed

話哂公眾假期食飯唔想等咁耐6點幾就黎到東大街搵食喇2個人又唔係好肚餓 經過呢間冇咩人就搵佢啦~餐廳佈置好有心思 而且唔似一般既拉麵店 坐位夠哂闊落呢度係自助落單既 見到推介既黑松露忌廉海鮮烏冬就係佢喇忌廉湯底好香濃又Creamy 配埋黑松露真係堅正海鮮係原粒帶子同三文魚 烏冬又夠彈牙不過個人黎講三文魚肥啲就更好喇朋友叫左黑蒜灸燒黑豚肉拉麵豚肉油脂層次分明 黑蒜油湯底配埋拉麵香濃配合可惜溏心蛋熟左D除左麵食 仲有飯 串燒同其他小食 下次可以試埋呀

天氣咁鬼凍，最好莫過於日本熱辣辣嘅拉麵到肚筲箕灣嘅東大街美食雲集， 但最得我心的就莫過於依間有齊拉麵，烏冬同串燒的〈八沢〉今天時間尚早，還未到吃晚飯時間，但入到去差不多座無虛席！＜黑蒜炙燒極濃黑豚肉拉麵＞〈獅子老公〉鍾情於重口味的黑蒜油拉麵，還有厚厚的灸燒黑豚肉和糖心蛋，當然二話不說點了這個！！拉麵爽滑得來得彈牙嘅口感，配埋滿滿黑蒜香的豚骨湯底，一級棒＜清酒雞肉竹笙烏冬＞話明天氣寒冷，我呢啲虛弱小肥兔當然要乘機補一補，由清酒煮成嘅雞酒湯底就夠暖身又暖心清爽既竹笙索滿晒滋補嘅清酒雞湯底，再加埋毫不肥膩嘅滑雞件同滑滑烏冬，絕對係滋味補身首選＜吉列豬扒＞當然不可以放過他們的串燒和其他小食啦！！老公偷瞄到隔離枱的吉列豬扒後便堅持要點這個豬扒外層炸得酥脆香口，內裏的肉質Juice不死實，不會炸得皮肉分離，無論賣相口感和味道都是超水準的＜燒雞腎＞有點口痕想搵啲爽脆嘅咬吓，所以就點了這個燒雞腎。雞腎燒得外層乾身但咬落依然保持到爽脆度，輕輕撒上小小鹽就已經非常好吃！＜鹽燒雞肉＞還有這個出色的鹽燒雞肉不能不介紹！！雞肉嘅外皮燒得香脆可口，肉質香嫩柔滑不油膩，單點一份真的完全唔夠喉😂😂😂總結：質素很高的一

🔸北海道帶子烏冬🔸湯底係好香濃既豬骨味 配上大帶子 糖心蛋及木耳絲🍜先飲一啖熱辣辣既湯 再食一啖彈牙既烏冬 成個身暖晒💓🔸 安格斯肉眼牛扒烏冬🔸 安格斯牛肉味夠濃 不過肉質太韌 咬吾開😂配上碟中呢個蒜香汁 更加惹味👍🔸 雞泡魚乾🐡🔸 燒到好乾身 配埋啤酒一流🍻🔸白桃特飲🍑 🔸 飲落有好香既桃味 仲有小小果肉 好好飲💓

之前已經食過銅鑼灣嗰間八沢，都係近期先知原來筲箕灣都有分店，難得仲近我返工嘅地方，放工梗係去食多次啦之前食嗰時都係望住個menu之後就叫侍應過黎落單，今次竟然高級左，用手機掃QR code點餐。不過可能因為我坐得太角落，收唔到data，所以都要叫侍應。前: 蜂蜜威士忌生啤 ($68)後: 果味生啤 (蜜柑) ($62)雖然星期一有monday blue,但都值得啤一啤佢！蜂蜜威士忌生啤就相對酒味重一點，而我飲嘅果味生啤就會比較甜，我本身鍾意飲甜嘅啤酒，所以就好適合我吉列炸蠔 (3隻) ($38)熱騰騰上枱，咬落去仲有煙，咬一啖，再飲一啖啤酒好正秋葵沙律 ($42)本身超鍾意食秋葵而且呢個秋葵沙律嘅醬汁係酸酸甜甜，好開胃，唔似平時食嘅秋葵，會有好粘粘嘅口感。極鮮牛肉湯烏冬 ($70) 湯底好清，平時有肉類嘅湯底都會好油，但依個係冇嘅如果可以多幾片牛肉就好了清酒雞肉竹笙烏冬 ($108)簡左最貴嘅烏冬，因為我係好鍾意養生，湯底有淡淡的酒味，而且亦有紅棗、蟲草花、龍眼，岩曬我唔知幾時會喺九龍區開分店呢如果近我住嗰度，應該會成日去食

日式店子是他的選擇，GOGO秋葵如放進冰箱裏面涼一涼之感覺，那味道也鮮美，最重要的是秋葵的營養價值很高，因而我們也就叫了，經常食用，對身體健康十分有益。除了藜麥、牛油果之外，秋葵也是近年人氣極高的超級食物。師傅很棒的，秋葵那「滑潺潺」的口感真的不是每個人都接受得到，但其實秋葵中的黏液才是營養～沒有了黏黏滑滑的秋葵與味噌譜出了好滋味，因而令人一吃又想再吃。吉列豬扒日式料理真的多到吃不完啊～這裡的吉列豬扒是近期最美味，香口，棒*發現豬扒炸功很是上乘，肉汁豐富，椰菜絲爽口肉質也有嫩口了。 忌廉海鮮烏冬烏冬，充滿日本風情～很值得吃。而今次重點推介的這黑松露忌廉海鮮烏冬！不要錯過～店員很用心遞上了黑松露忌廉海鮮烏冬讓我們嘗。甫上餐桌，忌廉湯底香氣已撲入鼻孔。先試試湯底，口感滑順，濃而不膩；黑松露味，GREAT*再用筷子翻翻碗中物，自從這一次吃完念念不忘，很想再吃忌廉Cream幼滑肌膚，充滿彈性，陣陣的黑松露 ~吃喔滑旦黑豚肉飯第一次吃滑蛋黑豚肉丼～滿滿的醬油和黑醬油再兜炒一會，盛起放在桶上。香氣吹出～而炒旦最受歡迎，兼相對嫩滑喔。炒得棒，黑豚肉肉質不會鞋～入味～特別鮮甜，加入滑旦，帶出了黑豚肉之

今日同朋友去咗筲箕灣食呢間居酒屋，好耐冇黎筲箕灣啦，估唔到呢度變得咁快，而且多咗好多新進食肆。佐酒三品（龍蝦沙律，螢光魷魚，芥辣八爪魚）$108，龍蝦沙律非常彈牙爽口，沙律醬調味剛剛好。螢光魷魚口感好特別，食落去滑潺潺，醬汁味道香濃。最後是芥辣八爪魚，芥辣味攻上腦部，食得好過癮，絕對係良好的佐酒小食。 首先叫咗一份呢度嘅王皇牌，就係黑安格斯肉眼牛扒飯$92，估唔到安格斯肉眼牛扒嘅份量都幾大，肉汁多多，肉質軟熟，食落唔錯，加上飯嘅口感軟硬適中， 十分喜愛。之後叫咗一份燒物：鹽燒白鱔$55，整體都燒得唔錯，白鱔濕潤，外皮香脆，時間控制得啱啱好，白鱔多汁香滑。燒羊架$48，有啲喜出望外嘅係燒羊架唔會話好soo，肉質嫩滑，羊味香濃。呢間嘅食物質素高，當日人頭湧湧都唔係冇原因嘅，下次會再幫襯。

今日同友人行完山，當然就要搵個地方醫肚啦嚟到筲箕灣東大街，除咗果檔雞蛋仔同印尼串燒之外其實仲有好多嘢食嘅呢間位於東大街中間嘅日式居酒屋其實銅鑼灣都有分店，不過我哋就第一次食呢度係可以scan QR CODE 落單的，非常方便我哋冇諗咁多，叫咗黑松露忌廉海鮮烏冬同埋安格斯牛柳，再加多杯蜜桃梳打個黑松露忌廉海鮮烏冬簡直係一試難忘呀因為本人係好鍾意黑松露同忌廉兩樣嘢，個湯真係正到不能用言語形容，我亦都好乖咁飲晒成個湯海鮮亦都落足料，有好大隻帶子同埋好肥美嘅三文魚安格斯牛柳雖然無呢碗烏冬咁有驚喜，但係都整得算好食，佢係切好晒一片片比你嘅杯蜜桃梳打就無咩驚喜，但同碗烏冬幾match呢間一定返食

 八沢 東大街搵食攻略烏冬專門店日式居酒屋風格好多外國遊客都會黎潮聖估唔到咁出名,店家仲要服務幾好今次見到有新菜式,即刻試,非常滿意極推薦清酒雞肉竹笙烏冬 安格斯肉眼牛扒掛烏冬  明太子雞翼 清酒雞肉竹笙烏冬  料頭好足有雞肉,圓肉,清酒、竹笙、杞子等滋補食材最岩秋冬進補湯底超甜,夠曬火侯!類似有點似藥材湯呢! 虫草花夠補雞肉夠嫩滑爽滑可口吸飽湯汁 麵身吸收了湯底既甜味,非常美味個人十分推薦這一款！ 安格斯肉眼扒烏冬 一片煎牛扒，會代切，份量多肉味濃，再上特製既蒜醬汁配搭，味道更佳 配新鮮番茄，沙律菜 暖烏冬,配埋醬汁食,一絕,麵條夠彈牙 明太子雞翼3隻 釀入明太子餡,微辣,炸得夠香脆飲品,咸檸七,解油膩筲箕灣筲箕灣東大街59-99號東威大廈地下7號舖

今次特登過嚟東大街 試吓呢個朋友介紹嘅居酒屋聽講呢間居酒屋最出名嘅係烏冬當然要試一試 叫咗呢一個黑松露忌廉海鮮烏冬忌廉黑松露味道好濃烈海鮮入面有帆立貝 味道鮮甜烏冬彈牙 而且個麵身可以掛得住個湯 除咗呢一個烏冬之外梗係要試埋另外一個啦 清酒雞肉竹笙烏冬 呢個烏冬好重料 酒味香濃而且並埋雞肉好滑溜配搭埋竹笙好有咬口 再另外叫多一個小食牛油金菇包 份量好足 兩個人食剛剛好 嗰日天氣有啲轉涼 叫咗一杯熱嘅棉花糖朱古力完美既結尾 Perfect

今晚去東大門搵食，好耐冇食日本菜，今次搵左呢間真係正。行完山之後勁肚餓，兩個人嗌三個主食先可以保持體力。餐廳用電話上裝落order, list哂走青走醬 好方便。食物仲會有相，但有d食物就未有相。八沢冷烏冬$64 麻醬加上軟綿綿既彈牙烏冬，配菜有勁長既青瓜絲，蛋柳同日本魚片，仲有冬菇Tim. 味道平和，微咸，很refresh. 日式叉燒滑蛋飯 $68日本米飯上加上滿滿的滑蛋，滑蛋加左醬汁調味，送飯一流。叉燒肥瘦平均。赤濃黑豬肉拉麵$72呢個唔辣既麵，上面有半隻蛋，拉麵掛湯一流，而個麵升粗身。湯頭很濃郁，而冇麥味精。溏心蛋八沢士多啤梨特飲值得一試。

哈～ 我是黑松露忌廉愛好者😂平時都成日食黑松露忌廉意粉今次lunch time 經過附近，就揀左呢個udon試下😍未食已經聞到濃濃既黑松露忌廉香味先試一啖湯，又濃郁又creamy👍🏻海鮮有2粒帶子+3件三文魚肉Udon 係我鐘意既質感軟林「煙un」 (似真打udon既口感）個人喜好：今次個湯入口約8-9成熱食到一半已唔係好熱我鐘意食好熱既湯面如果轉用石燒煱上會更好👍🏻👍🏻

呢間忌廉烏冬店位於筲箕灣東大街，很受街坊歡迎，朋友推介所以即管來一試。店舖裝修有居酒屋的風格，播放着日文歌， 環境十分舒適。總括來說，烏冬好好食，好彈牙，湯底非常濃郁，吸收了湯的精華，而且很大碗，男仔食應該都夠飽！北海道帶子烏冬，湯底非常清甜，勁多帶子，蛋牙爽口，非常不錯CP值極高。黑松露忌廉烏冬，黑松露味非常之多，雖然係忌廉，但係不會太重口味。清酒雞肉山竹烏冬湯底十分之令我驚嘆，淡淡的清酒未帶出雞肉的鮮甜，實在令人回味小食種類都好多，有串燒、炸物...... 我哋叫咗明太子雞翼同多款串燒。脆炸雞翼入面包住飽滿嘅明太子，明太子微辣，食落惹味，雞肉嫩滑多汁。串燒入面我最鍾意厚切牛舌，佢比平時嘅牛舌爽口，略略用鹽串味，牛味已經更出更濃 。三文魚腩燒完仲好滑，冇燒過龍變乾，而且油脂好香，大大嚿食得好滿足，魚皮脆脆地都好好食。

筲箕灣東大街出名多嘢食 每次行完山或者去完大澳返出嚟都會去東大街搵嘢食🤤 呢間忌廉烏冬都令我好回味成日會掛住😆餐廳裝修好有日本居酒屋嘅感覺 亦會播放日文歌☺️黑松露忌廉海鮮烏冬 $92 呢個烏冬係我必叫 如果你同我一樣好鍾意黑松露嘅香味就一定要叫啦 事關佢有成大堆黑松露係面 撈埋濃郁嘅忌廉湯底同埋三文魚帶子等等海鮮帶出鮮甜原味 個湯底簡直係絕配！ 而且烏冬係自家手打 所以好軟滑 好配合稠身忌廉湯👍🏻👍🏻北海道帶子烏冬 $82 湯底係豬骨湯 配上三大粒帶子仲有糖心蛋 味道相對忌廉湯清淡但配上軟綿綿嘅烏冬同樣入味👍🏻我哋仲叫咗啲串燒去送啤酒🍻 厚切牛舌 $52 牛舌切得厚身 多汁鮮味 面層燒左一層油嘅脂肪 幾彈牙三文魚腩串 $76 成塊三文魚腩裏面多肉多汁 外皮香脆金黃😆明太子雞翼 $45 炸得好香脆而且入邊真材實料 成隻雞翼包住滿滿嘅明太子 如果鍾意明太子姐一定要試啦🤤果味生啤蜜桃 🍑$62 滿滿一大杯兩個人share 最啱用嚟送串燒同埋濃郁嘅忌廉湯🤤 呢個生啤好容易入口 本身唔係好鍾意飲啤酒嘅我都覺得順口🍻

係筲箕灣東大街除左美味魚蛋粉店，其實還有一間令我一家人都滿意嘅拉麵店，除拉麵烏冬之外，還有串燒窩物同特別嘅水果酒類架。趁星期六同老公專登揸車過去，順便食埋晏囉。門口好多人企係度以為要排隊，原來係食飽客人準備走，因為無諗住 book位，好彩可以安排兩位卡位比我地。我每次都會食呢個安格斯牛扒卦烏冬烏冬熱辣辣質地 QQ 煙煙靭靭，香煎牛扒切片，肉質軟淋配 salad菜再醮佢地自家醬汁，真係好好味喎！ 豚骨湯叉燒拉麵湯底香濃豬骨味，拉麵彈牙叉燒炙燒過提升香味，肥瘦適中一層層隔著配上糖心蛋木耳絲同日式魚片咩，整體都好高評價，好有風味好出色。吉列炸生蠔 $38 3件細細隻薄薄脆漿炸粉包著肥美生蠔，鬆化嫩粒粒嘅鮮味。鹽燒雞翼 $32燒得外皮脆脆金黃鹹香肉嫩一點都唔乾。 惹味非常！

日本嘢真係食極唔會厭，居酒屋類香港都唔少，價錢豐儉由人呢間喺筲箕灣嘅居酒屋就屬於唔貴嗰類，門口細細但座位都幾多👏🏻飲水係自助式，幾好店內都幾整齊乾淨呢度食物選擇唔少，幾好落單係用QR Code自助式，幾方便頁面如下:我同朋友叫咗啲店員推薦嘅食物，呢個松露忌廉海鮮烏冬係佢地嘅自信之作海鮮都大大粒，賣相唔錯甫上枱已經充滿松露同忌廉嘅香氣烏冬食落好彈牙，真係幾唔錯見附近幾枱客都有點呢個烏冬明太子雞翼熱辣辣，雞翼幾大隻，油香唔錯天氣更凍時仲適合食👏🏻👏🏻呢個豚肉生蠔燒都係店員推薦上到嚟超熱，係即叫即燒嘅蠔都幾大隻，無腥味，幾甜蠔肉嘅鮮嫩同外面有少少焦香嘅豚肉片有個對比，但又幾夾 好味串燒不可或缺嘅飲料，啤酒🙌🏻🙌🏻🙌🏻 食一啖熱辣辣嘅燒物再呷一啖冰凍啤酒，完美😍我地仲叫咗大葱雞肉串同厚切牛脷❤️兩樣都比想像中更出色雞肉結實香雞味，而且肉質仲保持到鮮嫩，做得好好牛舌勁厚，但好juicy同香，好有驚喜