花楽 (北京道1號)

Open Now

Now Closed

去餐廳食飯，食物美味當然重要，但餐廳環境也非常影響整個飲食體驗。今次我哋去嘅花樂日式料理，有一排座位可以望到維多利亞夜景，望住呢個景食飯確實係賞心悅目。除咗環境之外呢間餐廳嘅菜式都有豐富嘅選擇，除咗有刺身壽司、天婦羅呢啲基本嘢之外，連串燒炸物甚至鍋物都有。而且餐廳每日都有唔同優惠，好似我今日去嘅星期四就有壽司同刺身半價嘅優惠，非常之抵食，如果喜歡飲酒嘅朋友仔，仲可以加$188任飲兩個小時，我見到酒櫃入邊有好多款清酒，可惜當晚不能飲酒，如果唔係我都會試吓。當晚叫嘅幾樣菜式都好滿意，同埋有一啲特色小食我喺其他餐廳都未見過，好似有個中華風燒賣壽司，佢個造型似我哋一般食開嘅燒賣，但個皮係綠色好似一張紙咁薄，再包住吞拿魚碎壽司飯，睇起上嚟好似啲食物模型，但食落去又幾好味。另外沙甸魚苗秋葵魚生沙律，都非常之足料，基本上魚生多過沙律菜，非常滿足。而另一樣我想推介嘅係松葉蟹肉海膽炒飯，廚師用咗大量嘅蟹肉去炒，炒飯食落去每一啖都有蟹，而且上面仲鋪咗厚厚嘅海膽同三文魚子，整體上非常之香口同埋海鮮味濃，而且價都幾合理。最後我都點咗一個安格斯牛肉鍋，牛肉就當然冇和牛甘油分高，但肉味香濃，蔬菜方面，除咗南瓜白菜

今日我同朋友去咗尖東一間樓上嘅日式餐廳，聽講呢度平日夜晚都好多客，環境非常好，一望就見到維港嘅美景，特別係晚上八點鐘仲可以欣賞到幻彩詠香江，真係好浪漫！一坐低，我哋就開始點餐，第一樣叫咗魷魚一夜干，上嚟時香氣四溢，魷魚燒得金黃，外脆內嫩，味道非常夠味，搭配上少量醬油食，更加提升咗整個味道，真係正！接著，我哋叫咗一份中華風燒賣壽司，呢款壽司真係好特別！佢嘅造型就好似一粒燒賣，入面嘅豬肉變成壽司飯，上面再加咗吞拿魚蓉同蟹籽，食落去既有傳統燒賣嘅味道，又有壽司嘅新鮮感，真係一個創新之作！然後，我哋再叫咗輕井澤芝士軟殼蟹水菜卷，卷上面有牛油果，裡面有芝士同軟殼蟹，咬落去口感非常豐富，軟殼蟹外脆內嫩，牛油果滑滑嘅，與芝士嘅濃郁配合得非常好！主食方面，我叫咗牛肉稻庭烏冬，烏冬麵條彈牙，配上牛肉片，牛肉煮得剛好，肉質鮮嫩，非常入味。而且湯底清淡又夠香，非常適合配上烏冬！另一個主食係松葉蟹肉海膽甲羅燒石鍋飯，呢道菜真係驚喜！甲羅裡面盛住香噴噴嘅蟹膏，飯粒粒分明，仲有蟹肉同海膽，食落去每一口都充滿海鮮嘅鮮味，真係好享受。特別係海膽嘅鮮甜，爆膽固醇都值！😄整體來講，呢間餐廳嘅用餐體驗真係好愉快。食物質素高

上網見到呢間餐廳個view好正，可以對住維港食日本野，就訂左今晚黎食下。餐廳環境真係幾靚，枱與枱之間又唔迫，而且佢Menu的選擇都幾多。茗荷黑松露吞拿魚腩芝士卷份量都幾多，有六大舊，個黑松露味好出，配上已經有少少醋的飯食，好食。中華風燒賣壽司燒賣咁嘅外型，估唔到係壽司，咁crossover 又幾好食。西京銀鱈魚魚油嘅油脂味好香，肉質好鮮嫩。燒手羽大大隻，燒到個皮好香，肉質好結實，調味亦都做得剛剛好。燒雞皮佢燒到我中意的口感，一半脆口，一半保留到少少煙韌口感同油脂感，正😋😋燒黑豚肉腩一層肉夾住一層肥膏，好有層次口感，肉質唔會鞋口。南蠻炸雞炸到外皮好薄脆，入面啲肉仲keep到好水潤。牛肉稻庭烏冬牛肉份量估唔到都幾多，有7，8塊，烏冬幾煙韌，湯底幾清。每晚都做唔同優惠，今晚係星期四，單點壽司刺身都有半價，抵食。下次再黎要試吓佢的任飲清酒。🥳🥳

喺香港留得太耐，就會掛住去日本嘅日子，咁唯有不時喺香港搵啲日本嘢食黎止下癮🙂‍↔️今次就黎到位於尖沙咀嘅花楽，一入到去成間餐廳彌漫住日本嘅氣息，而且仲可以對住個無敵大海景，一流！咁我同友人一共叫咗4樣嘢，分別係泡菜黑豚石鍋飯，九條蔥和牛薄燒，黑松露和牛炒飯，中華風燒賣壽司🍣泡菜黑豚石鍋飯酸酸辣辣嘅泡菜加上爽彈嘅黑豚肉，非常過癮！九條蔥和牛薄燒香蔥嘅氣味非常突出，加上入口即溶嘅和牛，一絕！中華風燒賣壽司中日fusion，有魚生飯嘅質感，燒賣嘅外形！最後以一個黑松露和牛炒飯作結，黑松露嘅香氣加上和牛嘅肉味非常融洽😍

海景一坐低卡位就見到海景，仲要望正文化中心，去到八點仲睇到幻彩詠香江！花樂六味真蠔生蠔有六種唔同嘅食法，包括生食配兩種唔同嘅Cocktail、鹽燒生蠔、天婦羅生蠔、芝士生蠔、同埋蒜蓉生蠔，成件事好fancy, 可以一次過試唔同烹調方法嘅生蠔！😍壽司八貫盛合中拖羅、油甘魚、深海池魚、飛機魚、三文魚、赤貝、日本牡丹蝦、迷你刺身丼😍一次過可以試晒唔同種類嘅魚生！日本燒牛肉石鍋飯好味好味，牛肉夠大嚿，石鍋拎到上嚟熱辣辣，即時撈埋溫泉蛋！清酒煮蜆份量好大，洗得好乾淨完全冇沙，最鍾意加埋啲菜一齊煮，令到個湯更加鮮甜😊

入到嚟發覺原來餐廳到處維港景色，超迷人，仲要有舒適嘅卡位坐好岩朋友慶祝同埋談心🧡餐廳其實食物選擇都算多，炸物壽司刺身都一應俱全。宜家唔同日子仲有唔同嘅優惠👍今晚我哋星期四去發現做緊每逢星期四同埋星期日原來做單件sushi 同 sashimi 半價優惠 🫣超抵優惠首先食咗呢度嘅招牌打卡菜中華風燒賣壽司 $118打卡好靚，而且系特意嘅fusion菜，餡料包住滿滿嘅刺身，新鮮甜美海老野菜天婦羅 $158足足有三大隻海老，炸粉好薄脆，新鮮熱辣辣，加埋白蘿蔔蓉醬汁，口感清新9黑松露鵝肝和牛炒飯 $198大盤已經超級高貴豪華，炒飯炒到粒粒分明😊啖啖鵝肝和牛味，油脂感滿滿，肚皮好滿足軟殼蟹水菜芝士卷份量好多，基本上食完已經飽，口感多層次，有芝士嘅香濃味，又有軟殼蟹嘅香脆，加埋水菜，冇咁油膩。

今日去北京道一號食飯，揀左呢間好正既日本菜花樂，環境好正，大大個海景，仲有live band,食物都好高質中華風燒賣壽司 4本 $118呢個fusion燒賣壽司好特別，但好好食，其實就係吞拿魚腩蓉壽司，夠哂鮮甜炸雞軟骨 $68呢個新鮮炸起熱辣辣，夠哂脆口輕井澤芝士軟殼蟹水菜卷 $138呢個份量好大，蟹肉都好足料，整體口感好match串燒手羽先 $38鹽燒雞肉 $38黑豚肉腩 $38三種串燒都好出色，燒得夠乾身，雞翼外皮脆卜卜黑豚肉稻庭烏冬 $128烏冬夠哂煙韌彈牙，黑豚肉爽口新鮮日本燒牛肉石鍋飯 $148呢個牛肉飯好香，超級多牛肉，食落好似牛肉多個飯，個汁都好match

呢排朋友介紹呢間餐廳，話環境靚、食物質素高，餐廳又面向中環海景，仲有live music聽，真係冇理由唔去試吓！🎶🍣 中華風燒賣壽司（4本）呢個燒賣壽司創意十足！首先燒賣份量啱啱好，一啖一粒。外層綠色嘅係米紙，燒賣裡面最底層壽司飯，配上吞拿魚蓉同蟹肉，層次感豐富，配埋少少wasabi更加提味，值得一試！🥗 輕燒平目魚邊黑松露沙律（柚子醬）平目魚邊燒得好香，唔會過火，魚肉嫩滑，有豐富魚油。🍋柚子醬嘅清新同松露嘅香味相得益彰，令成個沙律層次豐富，食完唔會覺得膩。🌿🍥 鹽水紫菜芝士三文魚蟹肉卷呢個卷物口感幾有趣，鹽水紫菜帶少少鹹香，配埋芝士同三文魚蟹肉卷，味道濃郁但又唔會太重。🧀同埋卷物大大舊，大滿足！🍤 海老野菜天婦羅盛合天婦羅炸得夠脆，唔油膩，蝦肉大大隻好彈牙，另外秋葵、冬菇、茄子、南瓜、蕃薯都好新鮮。🍆配埋天婦羅醬汁，味道更加豐富。佢最底有個用麵條(?)整嘅天婦羅扇，好靚好有心思❤️🍛 日本燒牛肉石鍋飯石鍋飯上枱嘅時候仲聽到「滋滋聲」，牛肉燒得岩岩好，唔會太老，🍖配埋溫泉蛋，成個飯充滿牛肉味，鍾意食牛肉嘅必點！🍚🍢 大蔥雞肉串燒雞肉甜甜哋，入面嫩滑，唔會太乾。🌰大蔥鮮甜同雞肉配合得好好，

今日朋友帶我去咗一間尖沙咀北京道嘅日本餐廳，餐廳位置好方便，環境非常舒服，仲有個落地玻璃可以睇到維港成個夜景！原來餐廳最近每週唔同日子都有優惠，今日星期四單點壽司、刺身半價😍叫咗兩個刺身都好新鮮！深海池魚2切金目鯛2切仲有紫蘇花，可以同刺身一齊食，味道更加清新。另外都叫咗啲串燒送酒～雞軟骨 同 雞腎有鹽燒嘅味道，燒得啱啱好，雞軟骨好香脆，雞腎一啲都唔韌，好爽口。大蔥雞肉雖然係串燒，但係雞肉中間都仲好嫩滑juicy ，配合大蔥一齊食非常夾。黑豚肉紫蘇卷鍾意食紫蘇葉嘅朋友都可以試吓呢個黑豚肉串燒，原來紫蘇葉嘅香氣同黑豚肉嘅豬肉味都好襯。牛肉稻庭烏冬推介～ 湯底做得唔錯！好香濃嘅牛肉嘅鮮味同油香味，而且烏冬好煙靭。日本燒牛肉石鍋飯份量十足嘅燒牛肉石鍋飯，天氣涼咗少少，食充滿燒汁香味嘅牛肉 配合熱辣辣嘅石鍋飯好正。中華風燒賣壽司呢個幾有創意嘅壽司，外貌好似燒賣，但係食落去就係吞拿魚蓉壽司，連燒賣嘅外皮都食得，好得意。

Hana Raku Fantasy Afternoon Tea set — Balloon 花樂熱氣球。天空之森朋友推介這家位於尖沙咀北京道1號8樓的花樂日式料理餐廳，表示下午茶hightea好正，剛好公司出了獎金，專登請了下午來到此餐廳品嚐二人high tea下午茶，價錢並不太便宜（ $588二人），但其精緻的賣相絕對值回票價。🌸 食物相當豐富，包括海膽、刺身（拖羅、油甘魚、甜蝦、三文魚）；🌸 卷物有忌廉芝士鰻魚卷、雜錦魚生卷、巴馬火腿芝士卷；炸蟹鉗、鱈魚乾、吞拿魚蓉蟹肉餅、火炙粟米沙律等；🌸 甜品亦多姿多彩，包括櫻花玄餅、日式和菓子5款、日本蛋捲，芝士蛋糕及時令水果；🌸 加上自選花茶一壺，我們選了杏仁焦糖薰紅茶，配上樣樣都很精緻的美點，實在是大滿足啊！

-花楽-📍尖沙咀.見到花楽一個星期七日各日都有唔同嘅優惠，早就已經bookmark咗，當日星期二的優惠係全日主餐牌都有八折。去到見到原來仲有清酒放題，$188已經可以有兩小時任飲清酒，非常吸引。.餐廳喺北京道1號8樓，望住維港嘅景色，加上簡約嘅裝修同昏暗嘅燈光，成個環境都好有氣氛。.手羽 ($38)雞翼燒到外皮金黃焦香，肉質細嫩，簡單用鹽調味已經很好食。.厚切牛舌 ($88)牛舌好厚身，香濃牛味，食落肉質好爽口彈牙。.中華風燒賣壽司 ($118)好特別嘅一個壽司，用薄薄的綠色燒賣皮包住壽司飯，再加上滿滿嘅蟹肉同蟹籽，賣相特別又好食。.茗荷黑松露吞拿魚腩芝士卷 ($148)吞拿魚腩芝士卷上面放上茗荷和黑松露，賣相好高級而且味道好夾。壽司飯用左赤醋飯，令魚生味更突出。.法式香煎鵝肝 ($128)鵝肝都好厚身，外層煎到金黃香脆，咬落嫩滑，油脂豐盈，非常香濃嘅鵝肝味。配埋多士和黑醋，中和返油膩感，更帶出鵝肝嘅香氣。.西京銀鱈魚 ($188)用西京味噌醃香過的銀鱈魚帶有微甜鮮味，銀鱈魚魚油鮮香，令其肉質非常細滑。.

餐廳位置北京道1號8樓，交通方便。北京道1號已經有幾間日本食肆，今晚就試吓裝修樸素，沒有日本風格的花樂。平日晚飯唔多人，仲可以用openrice app 訂座，有88折，裝修平民版，不著華，餐廳內播放音樂，坐在窗邊卡位梳化，睇住個靚view，聽🎧音樂, 進餐體驗特別愉快👍每晚廚司都有特別推介，大家可以留意👀一下。餐廳內有2小時，清酒🍶放題；用自助式點餐，如果想慶祝生日🎂，要另外通知waiter一聲。食物方面, 新鮮美味😋價錢亦算合理。

係周年紀念既日子，今次book左一間食風景又食好野既日式餐廳🥰靠近窗邊既位置，可以觀望到維港既夜景，景觀無敵🤩。  前菜刺身先黎一份三文魚刺身，不但只厚切，加上油脂分佈平均，入口既甘香👍🏻  海老野菜天婦羅盛合主打既海蝦天婦羅，既大隻又唔會炸到乾柴柴咁。再配上各款野菜，都係外面炸到香脆，同時又保持到野菜既爽口😋花樂六味真蠔由3款口味及烹調方法組合既蠔食，由清新既食到重味既。醬汁方面提供咗唔同嘅選擇，可以自己再進行配搭。蠔非常新鮮，口感飽滿，絕對滿足到鍾意食蠔嘅人😌茗荷黑松露吞拿魚腩芝士卷＆燒賣壽司主要就點左兩款飯卷及創意壽司😂有別於出面日式餐廳既壽司，今次食到既係 材料同味道都好豐富嘅壽司，味道方面係夾到，而且令你覺得好新穎😋超有驚喜  

在尖沙咀這間高級日本料理餐廳享受高級下午茶係個幾好既體驗。餐廳環境優雅，能夠俯瞰維多利亞港美景，讓人心曠神怡。高級下午茶套餐放在一個類似氣球的層架中，賣相非常漂亮，讓人忍不住拍照留念。這裡的每一道食物都有著精緻的造型和美妙的口感。時令海膽拖羅油甘魚甜蝦，海膽鮮甜濃郁，拖羅入口即化，油甘魚肉質細膩，甜蝦鮮嫩多汁巴馬火腿芝士卷，巴馬火腿鹹香與芝士的濃郁交織在一起，卷起來的造型增添了食感的層次。忌廉芝士鰻魚卷，鰻魚柔軟多汁，搭配忌廉芝士的滑順，讓人一口接一口停不下來。蟹肉最中餅，最中餅酥脆，內餡蟹肉鮮甜，與外皮形成了完美的對比。磯之雪雜錦魚生卷，各種新鮮的魚生和北海道昆布海藻卷在一起，口感豐富多變。咸點方面，三文魚鮮美柔滑，入口即化。日式炸蟹鉗，炸蟹鉗外脆內嫩，蟹肉鮮甜。鱈魚乾，鱈魚乾鹹香，口感有嚼勁。甜品方面，樱花水信玄餅，淡淡的櫻花香氣。日本和菓子，和菓子甜而不膩，細膩柔軟。日本蛋捲，蛋捲香甜鬆軟。芝士蛋糕，芝士蛋糕濃郁滑順。時令水果，新鮮的時令水果，清甜可口。

朋友係尖沙咀返工，佢話想食日本野，上網search到附近有呢間餐廳，就去咗食。餐廳可以望到維港海景，仲有駐場歌手現場唱歌，氣氛非常好。中華風燒賣壽司好有創意嘅菜式，將燒賣同壽司crossover, 賣相好靚，食落仲好夾，綠色嘅燒賣皮都食得，有驚喜！香蔥吞拿魚腩蓉薄脆呢個小食都唔錯，吞拿魚腩好新鮮，薄脆有整熱，咬落去好脆。魷魚一夜干魷魚煮得啱啱好，食落好有彈性，用嚟送酒一流。花樂彩虹卷彩虹卷擺碟好靚，用咗三種魚生，包括三文魚、油甘魚、吞拿魚，全部都好新鮮，手卷包得夠實，表面有魚子，中間有芝士，食落幾有質感。日本燒牛肉石鍋飯石鍋飯嘅燒牛肉份量好多，加埋洋蔥流心蛋汁同少量飯焦食，令人滿足。花樂甜品甜品擺碟好靚，非常適合打卡，綠茶味雪糕非常香濃，紅豆布丁好滑，充滿奶香，樹葉上唔同口味嘅和果子好有咬口，唔會太甜，蛋糕亦都唔錯，伴碟嘅提子同士多啤梨清甜可口，整體色香味俱全。餐廳有靚景，又有音樂聽，食物用心製作，食完令人心花怒放。