半熟工房 (Closed)

假日，銅鑼灣的夜晚非常熱鬧。我和友人吃過晚飯後就到處逛逛😉臨近聖誕節，各大商場都有不小聖誕裝飾擺設，播放聖誕歌，很有聖誕氣氛。我和友人行經SoGo，看到很多人拿著半熟的紙袋，引起我們的注意。即使已經非常飽，也決定要去會一會半熟。未到半熟門口已見長長人龍，半熟的威力的確驚人。原味芝士撻令我非常回味，今次決定一嚐新產品-抹茶芝士撻。芝士依舊流心，流心度頗高。軟滑濃香的芝士 入口完全不膩。外層酥香鬆脆，批底牛油味濃香而不膩💚抹茶味道沒有被蓋過，吃出抹茶的甘香。我和友人一人一個後，各買了半打。突然又破費了☺️

早於多個月前，Kawai 已品嘗過半熟工房的半熟芝士蛋糕及芝士撻。老實講不是我杯茶，因為本身我就唔太受得起芝士這種食物，自然地覺得幾膩，無可能連食一個以上吧！基於個人口味，芝士蛋糕芝士撻我都無特別去寫食後感，就如唔食榴槤嘅，學咩人寫榴槤甜品一樣，錯晒！知道銅鑼灣店開張，並會售賣之前曾限量訂購的抹茶芝士餅，配搭上好像比芝士蛋糕較輕盈，令我都躍躍欲試！佢分左兩個大小，大嘅一盒十個，小的就只有五個，大小如肥皂吧，其實都幾喜歡呢個設計，分著吃最方便切開的抹茶半熟芝士蛋糕，明顯分了兩層，上層係半熟蛋糕，而下層則是海綿蛋糕！海綿蛋糕氣孔平均，濕潤度良好，而半熟部分，口感竟然有點像多年前的伊滕家芝士餅，不過就更為濕潤，加入左香濃的抹茶口味，感覺更為清新不膩，相對來說，我幾喜歡呢個口味！當日仲買左抹茶半熟芝士撻，翠綠色微拱的造型，真係令人食指大動呀！我都係見到啱啱出爐熱辣辣先買，買左後就立即急不及待的在店內享用啦！相比芝士撻，佢口味清新啲，連撻皮都帶有抹茶香，內餡濕潤但未至流心狀態，芝士味就比較淡，亦沒有酸味，感覺兩者平衡尚算得宜，如果怕漏呢個都唔錯

今日去搵寶貝食飯~路經此地突然發覺開左一間''餅店'',望左兩眼見係芝士撻,心中興奮~但係要按住心中的熱情~因為我的認知芝士撻係要暖暖地即食先好~我眼前的情況知道係冇可能即食~所以決定合上眼走人~誰知突然比我發現一盒疑似可以凍食的芝士撻~行返入去望下~~噢~真的可凍食啊~~所以我就決定排隊購買~舖頭都相當細心~ 安排左一邊排隊買芝士撻,一邊就買其他糕點~雖然我覺得我只係買凍食嗰D,應該唔洗排隊,但講到尾我都係買''芝士撻'',唯有等下~等左陣~好快就有熱騰騰香噴噴的芝士撻出爐~嘩~~真係好香呢~有原味有綠菜味~件件都肥肥美美~好吸引~排隊人士一個一個咁行前~~速度比SOGO地庫嗰間有效率得多~.好快就輪到我~服務員小姐問我要多少個...我話係買凍食嗰D..服務員小姐就話呢條隊係買熱食的~凍食唔洗排~~噢~~~~見咁...我只好隨著緣份的安排(唔執輸),買返兩個熱食~再搵左個M記,同寶貝即時處理左佢~ ^O^原味芝士撻 - 切開時己有芝士流出的感覺,入口確係好香好濃的芝士香味, 暖暖的芝士漿佔據於舌頭同牙縫,愛食芝士的人有一定會中意~撻皮就比較普通,可能唔想味道太重而影響左芝士的味道綠茶

平日途徑銅鑼灣看到半熟工房⋯相比Sogo bake少人得多。聞説此店有新出品.綠茶芝士撻真的想試下～3:30pm下午茶時間，排隊人數都有20-30人。每位客人看著電視螢幕究竟半熟工房的製作過程～芝士撻每隔12分鐘出爐一次，而且每人最多限買12件～幸運的我，不用等待下一輪出爐時間。只需20分鐘就買到新口味.綠茶芝士撻。剛剛出爐的綠茶芝士撻滿載綠茶香但仍有芝士的味道🧀🍰。鬆脆的餅底連宇治抹茶，味道頗特別。不過還是喜歡芝士撻，因為我是芝士狂迷～

大熱既半熟竟然吾洗5分鐘就買到最新推出既抹茶半熟芝士撻👏之前都食過佢個原味,甜度適中,雖然只有輕輕既芝士味,但味道係吾錯啦,半形固狀態,而吾係流心,撻底充滿牛油香😍買到最後一盤抹茶撻應該好高興,但一食落口,e...d抹茶味去左邊呢😂??哈哈,細心咀嚼下都發現有好輕既抹茶味既😂不過keep到涵同皮既texture同overall既味道已經好好,至怕一出名產品質素就下降👋

見哩間店裝修期間貼上綠茶撻，已經好期待去試下，可能希望越大，失望越大今日食晏時去買，唔算多人，之前夜晚都有7-8人嘅人龍在店外排隊。試完綠茶撻結論係：撻皮鬆脆但勁燶，燶過芝士撻皮，睇相就見對比，完全蓋過綠茶味道（敗筆！），而佢本身綠茶味係偏向濃苦，非甜綠茶。（綠茶迷自行取捨）怪不得hit唔起人龍唔算長，始終對手北海道那個好味啲。相比佢嘅芝士撻，唔想等Sogo那個排長龍人士，都可以一試哩間嘅芝士撻。

自從試了Bake的芝士撻後便愛上了半熟芝士撻，無奈Bake的人龍實在嚇人，每次都要2，3個小時才能買得到，為吃我是沒有那麽誇張。最近從朋友那邊得知本店在尖沙咀的半熟工房在銅鑼灣開了家分店，而且味道和口感都不賴。午餐時間便去湊湊熱鬧。這家分店在Sogo旁邊駱克道上，很容易找。中午12點半到剛好有新芝士撻出爐，等了大概15分鐘便到我了哈哈。這家特別的是除了原味半熟芝士撻還出售綠茶半熟芝士撻！我每個買了一件外帶回office吃（在店裏有一張圓高桌可以在那裏吃也可以）。回到office芝士撻還是暖暖的，原味的表面稍微隆起，而綠茶味的就有點塌下去了。先說原味的，芝士味屬於日式的那種淡一點味道的但很香，裏面軟軟的真的是半熟形態！味道不會像旺角那家那麽酸，和Bake的差不多。我覺得有一點做得比Bake更好的是它的曲奇皮很脆很脆！！！據說餅底都是手製的，很有質感！！綠茶味道的吃下去就有股淡淡的綠茶味，裏面稍微比原味的要結實，口感一流，味道很香很好吃！(´｡✪ω✪｡｀)每個芝士撻售價22元港幣，比bake的貴一點點，但是不用排隊也能吃到美味的半熟芝士撻絕對超值！！！大家可以去試試看哦！❤

雖然我不是抹茶控，但為了緊貼潮流，都買嚟試下！今日8點幾去，原味芝士撻已經無曬，得返抹茶味($22)。人唔算多，但都要等，因為等出爐。呢度每個人限買6個，比bake少呢。呢個撻比bake 賣的芝士撻大，所以貴啲。到底芝士同抹茶夾唔夾？個人覺得OK啦~~~麻麻地夾。雖然我試唔到原味，但直覺話我知原味會好味啲。抹茶芝士撻雖然有抹茶的香味，外皮都算脆，咬落去，芝士幾creamy，入口夠滑，熱食，無流心效果，但芝士味都rich！食到淡淡的抹茶味，據說是用宇治抹茶，但我始終覺得兩者唔多夾∼同行的朋友（鍾意抹茶㗎）都話原味好啲呢。

見新開賣半熟工房Cheese Tart , 忍不住想試下。想比較一下同日本Bake 有咩分別。排了15分鐘，終於到我。剛好有新鮮出爐cheese tart and green tea tart , 我就order每樣一個。我同服務員講話要剛出爐的，佢態度超差，話佢未攞點知佢俾之前的。半熟工房Cheese Tart 熱辣辣的 ，比起bake 只是室温，可能怕太熱。Green Tea 味痲痲有少少苦味； Cheese Tart is ok only。好明顯Bake 用靚d cheese 啦！For sure, I won't go back again, 一肚氣！

期待已久的半熟抹茶芝士撻，終於開售了！撻皮還是以前的鬆化，這次帶的不是濃牛油香，而是濃抹茶甘！芝士餡呈半熟狀，不是流心那種，但口感一樣軟熟細滑，清清的抹茶香配淡淡芝香，頗為合拍！比起芝士撻，我更愛這外貌平凡的半熟蛋糕！它入口即的口感，完全融化我的心！抹茶味雖不算超濃，但非常甘香！即使吃完了一段時間，口腔還餘一股抹茶香！簡直是神級的蛋糕，非常後悔沒多買幾個，因為很快便一個又一個的吃完，但要再買又要再排隊，下次真的要大手買入！

琴日經過sogo,仲係有一條好長好長嘅人龍，起碼五、六十人。點知係街頭遇到新開嘅半熟工房，仲要得幾個人排隊。Ss排咗一陣就買到喇！$22一個，比Bake貴少少，但份量亦比Bake 多。即場食，芝士流心一流，不過芝士都幾酸吓，友人話有啲似乳酪咁。餅底比Bake 紮實，Ss較為喜歡。不過總的來說，Bake 啲芝士調得好食好多。不過唔駛排咁耐,當然試吓啦~