同撈同煲

Open Now

Now Closed

之前食過銅鑼灣店覺得唔錯。今次試埋九龍城店😍。💕老港牛雜鍋 $248牛腩、牛筋、牛雜預先煮得軟腍，充滿柱侯醬汁香味。食完牛雜再加湯打邊爐，清清地唔會太鹹，配菜配肉都好食。💕四寶餃 $108鳳城水餃、鮮蝦雲吞、韮菜餃、芋頭臘味餃。隻隻都大隻飽滿，出乎預期。👩🏻最愛韮菜餃，又濃又多肉汁。芋頭臘味餃就特別啲，好重臘腸香。💕爆醬瀨尿牛丸 $48牛丸幾彈牙，包住類似福州丸嘅肉餡，一咬就爆晒熱辣辣嘅肉汁。💕炸雲吞 $48春卷皮炸到脆卜卜，餡料嘅蝦仁好鮮甜。最後仲有啫喱同糖不甩送。📍九龍城同撈同煲火鍋 (九龍城)九龍城打鼓嶺道70-72號地舖

好耐冇去打邊爐，今晚就去咗同撈同煲～ 呢度啲裝修扮懷舊，周圍都掛住啲舊式郵箱，小朋友見到覺得好特別。今晚要做東甫美人鍋，個湯底好多料，有雞、冬瓜、桃膠、蟲草花等等。一開始先飲湯再打邊爐，感覺好滋潤。呢度火鍋料嘅選擇好多，大路嘢當然有，亦都有啲特色野同埋小食。即炸響鈴係必食推介，就咁食或者浸湯都好好味。安格斯牛肉好高質，我哋要再大碟，真係分量十足！牛肉新鮮，色澤好靚，油脂分布均勻，肉質軟淋而牛味香濃，正！叫咗個椒鹽豆腐小食，送啤酒一流。呢度會比隻碗你飲啤酒，幾有feel 🍻 最後仲有懷舊啫喱杯，細路仔食得好開心！

本來居住在九龍城的日子，可以享受各式美食，不過最近傳來噩耗，九龍城區將大規模重建，未來號稱小曼谷的九龍城，是否會淹沒，實在未知之數，不過九龍城的美食實在太多，趁著未搬遷之前，記下每日吃在九龍城吃的美食。歡迎關注，以便獲得最新九龍城飲食資訊。桂花蚌$118，味道鮮甜，爽口彈牙，只需放在湯裏數10秒，便可享用了。炸魚片頭$68，外表香脆可口，內裏彈性十足，放在湯來吸收湯底的鮮味，層次更加豐富。墨魚丸$63，這個自家製的手打墨魚丸，爽口彈牙，墨魚味道濃郁。粟米$38，味道鮮甜可口，應該屬於超甜粟米的一種。娃娃菜$38，如果將娃娃菜放在湯來滾的時間長一點，味道更加鮮甜，又有湯底的鮮味。芋𢇃$48，爽脆可口，是吃素食人仕之選。炸芋頭$58，炸過的芋頭更容易吸收湯底的鮮甜味道，而且更加美味。胡椒豬肚少爺雞湯$258，這個湯底具有暖胃作用，因此喝兩碗雞湯先是常識，湯底的胡椒，味道十足，喝完之後感覺胃部舒服了不少，再加入雞件，待再滾起之後便可享用美味的雞件了。溫馨提示：雞件放在湯內不要太久，否則雞件便會肉質變硬。懷舊糖不甩，原來要放在湯底來，將糯米煮熟，再加上花生、芝麻，之後變成了糖不甩，這個甜品非常

近排有個外國朋友黎香港話想試下港式火鍋，所以我就帶左佢去九龍城試呢間隱世火鍋店!呢間隱世火鍋店既佈置好有7/80年代既風格，入面仲會播住一D香港香港既懷舊金曲，一入到去就感覺好似穿越左時空咁!入到去我地一坐底店員就黎同我地介紹湯底同埋幫我地整理餐具，服務十分周到! 而我就即刻叫左個胡椒豬肚雞湯底，個湯底非常足料!豬肚，雞件，腐竹份量都勁多! 個湯又入味!感覺淨係食個湯底既配料都好豐富!但係只係一個湯底點會滿足到我地，梗係要再嗌埋其他火鍋配料!我地分別叫左美國桶蠔、元貝、梅花黑豚肉、脆鯇骨腩、金茹、蘿蔔、蓮藕片同埋娃娃菜。首先，講吓蓮藕片同埋娃娃菜。蓮藕片嚟緊脆口，仲有好多膳食纖維同維他命，係啲好健康嘅食材。而娃娃菜係啲綠色蔬菜，口感清新，營養豐富，係火鍋必備嘅配菜之一。然後就到最成晚最期待既美國桶蠔同埋大大隻元貝!呢到既海鮮都又大隻又新鮮，落左去湯底到令到火鍋更有層次，食落勁有口感同埋勁鮮甜!脆鯇骨腩就肉質好嫩滑，十分彈牙，啱曬用嚟打邊爐!最後仲送左2個甜品比我地!分別係懷舊糖不甩同埋啫喱。懷舊糖不甩呢款傳統嘅甜品，放左落火鍋煮一陣再加上花生碎，食落口感好特別。

🍲呢間人氣火鍋店裝潢懷舊雅致，喺銅鑼灣同九龍城都有分店，今次去咗佢九龍城嘅分店，入到去好似時光倒流到70年代咁，四周圍都係復古嘅擺設，比到你兒時嘅回憶。餐牌選擇非常豐富，過百款火鍋小食任君選擇，特別推介以下幾款：💫老港沙嗲鍋 $148前調有香濃沙嗲香味 ，後勁帶有鹹香微辣，湯頭濃郁過癮～🍲梅花黑豚肉 $108肥瘦黃金比例恰到好處，霜降油花完美～💫黄金炸魚皮 $98炸魚皮同打邊爐一向都係絕配，升華黃金魚皮，每塊都有濃郁嘅鹹蛋黃顆粒包住，即叫即炸，鹹香味美～🍤懷舊蝦多士 $68麵包炸完後變得酥脆，蝦肉既有鮮甜味，又有爽彈口感！🥟芋頭臘味餃 $88第一次食呢款特別口味，甜甜嘅臘味香烤味再配上芋泥獨有甜香，食落口感豐富～💫蜂巢豆腐 $38層次感極高嘅蜂巢豆腐吸盡湯底嘅精華， 一咬落去，湯汁在口腔中爆發～  ⭐️其他食材都非常新鮮，賣相精美，定價合理：蟹籽蝦滑 $98桂花蚌 $118黑栢葉 $78清甜蘿蔔 $38稻庭島冬$38杞子圓肉菊花蜜$28醬料及茶芥 $18 位🐟 附送嘅飯後甜品非常有驚喜，懷醬糖不甩+兒時最愛啫喱，店員會即場用湯底煮糖不甩，撈埋香脆花生碎，為呢一餐畫上完美嘅句號。

📌 九龍城同撈同煲火鍋 📍 九龍城打鼓嶺道70-72號地舖☎️ 98881132★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*去九龍城除咗食泰菜，仲有其他幾好嘅選擇，呢日就去咗嘅九龍城同撈同煲打邊爐喇。火鍋店裝潢富有老香港味道，播住7-80年代廣東歌，加上四周舊樓林立，好似坐時光機去咗舊時咁，充滿懷舊特色。起過十款火鍋湯底供選擇，我地揀嘅老港沙爹🥘鍋（$148），湯底加入花生🥜碎及芋頭粒，湯底濃稠，香氣濃郁。💫懷舊蝦多士（$68）即叫即炸，入口熱辣辣♨️脆卜卜，蘸埋甜酸醬，十分惹味。💫黃金炸魚皮（$98）新鮮即炸，色澤金黃，陣陣鹹蛋黃香味撲鼻，入口卜卜聲，口感酥脆，滿口鹹香，食到停唔到口，極度推薦。💫梅花黑豚肉（$108）幾抵食，擺盤精緻，每塊黑豚肉都好大塊，油脂分布平均，肉質有彈性，入口鮮嫩唔鞋口。💫桂花蚌（$118）口感爽口彈牙，入口鮮甜。💫蟹籽蝦滑（$98）口感彈牙有蝦味，粒粒蟹籽加強口感層次。💫芋頭臘味餃（$88）芋頭臘味飯就聽過，芋頭臘味餃真係未食過。餡料係呈粒狀嘅芋泥，及甘香嘅臘腸臘肉粒，非常特別。💫清甜蘿蔔（$38）蜂

💛冬甫美人鍋湯底好足料，有桃膠、花膠、冬瓜、蟲草花等等，滋補得來又唔會太濃膩，好清甜。唔係特別重藥材味，無論男女都會好鍾意飲，而且雞肉係現場分件的。💛安格斯牛肉雪花分布好均勻，而且厚薄適中，所以落湯都唔會縮水得好犀利，食落口會有肉香，幾好食。💛駌鴦滑分別係蝦滑同墨魚滑，兩款都十分彈牙，食得出好新鮮。💛芋頭腊味餃朋友話見到個餃子餡咁特別話想試吓，本身怕有少少伏，但食落口味道反而唔錯，估唔到臘味同餃子都幾夾。💛shake shake手工炸魚皮叫咗蜜糖味，魚皮勁大塊，如果想均勻啲就shake嗰陣順便整開幾塊，係幾特別嘅小食。💛即炸響鈴係自己炸而唔係市面上賣嘅現成貨，所以食落去會好食過出面好多，夠大塊，而且好脆口。💛蜂巢豆腐一如以往都係一眼睇得出係店入邊自己整嘅，勁大塊，咁樣可以索晒啲湯，超好食。💛啫喱 懷舊糖不甩食到最後會有呢兩款甜品送，係舊式嘅味道，唔錯。

今晚約了乾女兒慶祝生日，因為她和她的媽媽都是素食者，不過湯底可以有肉類，同時在這裏慶祝生日，店員會在適當時候播出生日歌，非常有氣氛，便來到九龍城這間火鍋專門店。胡椒豬肚少爺雞湯$258，採用了半隻無激素雞，胡椒味道濃郁，豬肚鮮甜可口，湯滾之後放將雞放在湯內6分鐘，便可進食。即炸響鈴 $58 ，這個即點即炸的響鈴，非常有豆香味。放在湯內很快拿起，都會保持香脆可口。墨魚丸$63，這個自家製的手打墨魚丸，爽口彈牙，墨魚味道濃郁。銀針粉$38，很少地方有用銀針粉來打邊爐，所以便點了一個來吃。銀針粉放在湯裏一會，仍然可以保持爽口彈牙。滑豆腐$28，軟淋可口，入口溶化。蓮藕片$38，喜歡吃爽甜的，放在湯裏很短時間便可以撈起，喜歡軟淋的，便需放在湯裏滾長一點時間。脆鯇骨腩$88，這個非常值得推薦👍👍👍👍👍，因為在外面大部份都會有魚頭、魚骨墊底，不過這裏的脆肉鯇魚腩，全是魚腩部份，沒有太多其他部份墊底。脆肉鯇魚腩鮮甜美味，彈性十足。梅花黑豚肉$108，黑豚肉味道濃郁，沒有太多脂肪。啫喱、懷舊糖不甩，這兩個飯後甜品都是免費贈送的，不過質素一樣很出色。

一黎到就俾餐廳既懷舊裝修吸引，餐廳主打70至80年代霓虹燈懷舊風，仲播著懷舊金曲，好有氣氛。花雕醉雞鍋 ($188)湯底揀左花雕醉雞，花雕酒味超濃。醉雞放瓦煲內另上，水滾後落雞煲五至六分鐘就食得。煲好第一次時間飲咗個湯先，好正好鮮甜但又唔會覺咸，好滋補。雞亦好滑嫩好有花雕香味，忍唔住一連食左幾舊。賣魚勝推介 ($398)推介大家點依個海鮮拼盤，幾抵食，有8頭鮑魚、聖子王、海蝦，相當豐富。鮑魚大大隻仲好彈牙，聖子爽口唔靭，海蝦亦十分鮮甜，全部都好新鮮。本地手切牛肉 (細 $288)最中意食手切牛，牛肉肥瘦均勻，厚薄適中，食落充滿牛味又夠腍身。牛骨髓 ($78)浸過花雕雞湯味道變得更香滑，食落仲啖啖骨膠原。午餐肉 ($48)田園拼盤 ($78)店員服務好好，會時不時幫我哋隔油同湯邊既泡泡，令到湯底唔會變得太過油膩同渾濁。最後甜品好有驚喜，店員送上啫喱同糖不甩。啫喱係懷舊風，配埋花奶同紙傘，好有童年回憶！仲有即場製作既「錦鯉糖不甩」，先放入湯底內煮熱，然後加上花生粒、芝麻和黃糖粉。糯米軟儒熱辣辣，食落甜甜咸咸非常滋味。

#同撈同煲 今日專程去九龍城食個火鍋，因為近大家回家😉 這家火鍋一直都很多人去打卡、絕對係舊香港既味道，非常有特色。🔹花雕醉雞鍋 $188，先來一個淨湯，加熱後就放入花雕醉雞入煲到，滾後就可以先飲杯醉雞湯，再食埋雞肉，勁香花雕酒味啊😋😋🔹本地手切牛肉 $288，肉質夠腍身及夠Juicy，很快就ko 了😀😀🔹賣魚勝推介 $398，就係有新鮮海鮮拼算，有鮑魚、大蝦和蟶子，全部都鮮甜、特別是蝦，非常之好味🤤🔹牛骨髓 $78，擁有豐富的骨膠原、蛋白質等，火鍋湯溶入牛骨髓大，又滑又香😋🔹懷舊糖不甩，錦鯉魚型既糯米團加入湯到微微煮滾、再放入碗內的花生糖拌勻，好軟熟又夠甜味🤗🤗九龍城同撈同煲火鍋 (九龍城)地址：九龍城打鼓嶺道70-72號地舖

呢間店舖性價比十分高，分量大，價格又不太貴。最重要服務態度十分好。個晚叫左個胡椒豬肚湯底打邊爐（$258），$258已包左半隻少爺雞。如果單叫半個少爺雞都要一百幾蚊。湯底除了有半隻少爺雞，仲有好多豬肚和兩大舊豬筒骨。飲完湯，成個人都暖粒粒。食埋個豬肚和雞，三個人都已經半飽。店員幫我地再加原湯-豬骨湯，用以打邊爐。叫左個牛胸爽，呢個菜真的令我感到驚喜。第一次食牛胸爽，入口滿口牛油味。仲要QQ彈彈，咬勁十足。原來佢係牛肋骨中間的軟骨部位，有好豐富的骨膠原，推薦一試

上次朋友介紹九龍城有間叫做同撈同煲嘅火鍋店，所以我就帶左屋企人去試。一入到去見到個魚缸，好大隻龍蝦郁嚟郁去，見到呢度啲海鮮應該都幾新鮮，而上次朋友就叫咗我哋一定要試過海鮮拼盤，所以諗都唔諗就直接嗌咗。個聖子同鮑魚好值得是，鮑魚係爽口唔會韌，而帶子隨口有鮮甜，整體來講海鮮拼盤係冇介紹錯。由於我哋兩個人食唔到太多嘢，所以只係帶咗兩個小食。店員話蝦多士同即炸響鈴最多人食，所以就試吓。蝦多士好脆口無油膩感，而家響鈴個建議食法係直接點甜酸汁食，唔係放落湯，好新奇，原來有多一個食法。上次個朋友係海鮮控，所以我哋就跟咗佢個餐單一齊叫，珊瑚蚌同脆鯇腩好大份，雖然價錢唔算平，但係佢真係俾返應有嘅質素，珊瑚蚌好新鮮爽口，而脆肉鯇就夠肥夠脆，鍾意食魚嘅一定要叫。另外我哋叫咗碟大嘅手切本地牛肉，肉質都幾淋身同有油脂感，下次會嚟試吓油香較少，但肉味較重嘅封門柳！ 食到呢度其實好飽，但我仲叫左個四寶丸拼盤，其中個牛丸同埋墨魚丸真係冇得彈。爽口彈牙一定係自己手打。最後食完原來餐廳仲會提供甜品，糖不甩係喺我哋面前整嘅，有誠意得來又好味，唔使再去隔離食甜品！

喺九龍城門口經過，已經俾佢嘅裝潢吸引。餐廳主要行70至80年代霓虹燈風格💡，全店充滿着懷舊氣息，睇得出店主非常用心將潢🎆去到醬料已經擺咗係枱面比我地調製🥄。既然行懷舊路線，飲啤酒梗係要用戰鬥碗🍻胡椒豬肚少爺雞湯🍲，成個煲好足料，主要食材有雞件同大量豬肚，兩大舊豬骨，另外仲有酸菜蘿蔔支竹等配料。湯底胡椒味超香濃，微辣得來又不會嗆喉🌶。半隻無激素少爺雞🐓水滾後煲五至六分鐘，好滑嫩，而豬肚煲得又淋又入味。必叫小食 - 懷舊蝦多士🍤。多士炸得黃金酥脆香口，蝦膠彈牙，配埋店家調製既酸酸甜甜醬汁，好好味😋安格斯牛肉🐂賣相得體，厚薄適中，食落充滿牛肉味。咁靚既牛都係二百蚊到好扺！ 黑松露墨魚滑🐙及蟹籽蝦滑🦐，蝦滑有粒粒蝦肉，令到本身彈牙的蝦滑變得更爽口，而蟹籽更加有脆脆的口感😛。QQ豬皮索晒湯底嘅味道，咬下去不少湯汁即流出🤩最後仲有啫喱🍮同糖不甩🍡，去到最後食返啲甜品中和返味覺都幾好😜

朋友約我打邊爐，佢帶我嚟這間火煱店，店裏裝修很有趣，讓我一嘗回到70年代的懷舊感之餘，還播著懷舊金曲🎼，整個氣氛感很有興😆。💫響鈴$58響鈴係店員介紹的，說是自家製的，沾酸甜醬食很酥脆或打邊爐。🍅特濃蕃茄薯仔肉片湯$158火鍋湯底選擇都不少，我哋最後選擇這個特濃蕃茄薯仔肉片湯，呢個湯真係好濃郁，店員說湯底是可以飲的，以新鮮蕃茄烹調。🥬油麥菜$38。🦐賣魚勝推介$398好似好多枱都有點這一個餐廳推介嘅海鮮拼盤，拼盤包括8頭鮑魚 x 4，聖子王 x 2，海蝦 x 6，好豐富，咁我哋就試吓，海鮮好新鮮，尤其係鮑魚好彈牙，海蝦亦爽口鮮甜。要讚一讚，這個「火鍋勺」可以放在火鍋湯中，不需要自己用手攞住，好方便。店員服務周到，還不時幫我哋「畢」走火煱湯側邊嘅泡泡，令到個湯底唔會變得渾濁，盡享打邊爐嘅美食～🐟脆鯇魚片$78我哋兩個都好鍾意食脆肉鯇魚片，所以叫咗一碟，師傅把魚片切得均勻，口感帶點Q彈。💓甜品（免費）呢個真係驚喜🤩，除咗每人贈送一個啫喱外，還有現場在枱上製作「金魚糖不甩」熱辣辣的糯米糕，配上花生粉、芝麻和黃糖粉，好好味😋。這餐我哋兩個都食得好開心，大滿足，會再來，Yo~💃

上網見到呢間餐廳，已經比呢到既懷舊裝潢吸引，決定同朋友泥朝聖一下～入座後即刻有醬料供大家調味。🌸胡椒豬肚少爺雞湯鍋底好足料，大量豬肚，已煮到軟淋易入口。半隻雞另上，水滾後湯五分鐘後可食。胡椒味香濃帶勁，超滋補又暖胃既湯底開餐前食兩碗湯絕不過分。🌸桂花蚌桂花蚌非常新鮮，口感煙韌，爽脆彈牙。🌸安格斯牛肉手切牛頸脊，肥瘦均勻，半厚身的程度，吃下去充滿牛味及口感豐富。🌸鴛鴦滑鴛鴦滑即是蟹籽蝦滑加黑松露墨魚滑。裏面更有墨魚肉，爽口彈牙。🌸蓮藕蓮藕是屬於爽口派而不是粉粉的，咬下去爽爽聲，正😄🌸山楂紫背天葵 店內自家製飲品，酸酸甜甜，非常解腻。餐廳最後會贈送啫喱及糖不甩作甜品。糖不甩需放入火鍋內煮熱，再加上花生粒，熱辣辣加軟儒的口感，非常滋味😋