樂農 (Closed)

BOOK左6:45 去到已經差唔多坐左一半客建議黎食既人要訂左位先 特別係禮拜5, 6呢啲時候後黎冇訂既人要企係到等因為等既地方唔多 放得唔多椅子 等左10分鐘到陸續上菜真係好清淡 符合佢地賣點 一開頭唔係好習慣 可能食開重口味餸菜份量算多 3個人食叫4個餸 同埋3個前菜 已經好夠P.S 呢到既員工大多都係弱聽人士但唔影響佢地工作效率 做野快手值得一讚!

第二次去這餐廳，第一次是晚市，人好多，感覺比較窄，今日中午到訪，人潮甚少，坐落舒服好多 ， 中午有48蚊飯，六揀三，有飯有湯，糙米飯更可免費添加，不過本人是沖著豆漿鍋而黎，所以就無叫到，其他客9成都係叫尼個餐，而我就叫左 糖醋生根+麻辣粉皮， 淮山雜菌糙米飯， 樂農豆漿鍋。糖醋生根+麻辣粉皮----作以前菜有酸有辣很開胃，生根的糖醋味道不重淮山雜菌糙米飯---- 初初落檯感覺好少，但其實兩人都每人食到兩碗幾，粒粒淮山同雜菌，口感也不錯。樂農豆漿鍋 ---- 尼個好正，有雜菌，有水餃同菜菜， 鍋底既菜吸左唔少熱豆漿既味道 ， 個豆漿完全被我地兩飲光了

唔知幾時開始每次一家人食生日飯都會選擇食齋, 好在依家素食店都開到成行成市,唔怕冇得揀幾年前食過灣仔樂農,印象係份量大,所以覺得抵食,但今次呢...由於老頭子好堅持叫7樣野唔老黎,所以點都叫左8樣野先黎一個學斗,薑蓉唔算多,可能因為我鐘意食薑,多多益善,所以呢碟感覺上唔夠辣味睇相好似好油,不過食落去還好緊接住有蒸飯,淮山夠細粒蒸得透,真係阿婆都啱食呀雖然見到蟲草花,但食落就唔係好覺栗子煲係店長推介,啱哂呢d凍凍地嘅日子入面都有好多菇類,撈埋頭先個蒸飯一齊食就好豐富想食d香口野,腐竹粒唔油,擺左一陣仲好熱,不過就唔多覺椒鹽左喺邊度但就咁炸腐竹粒都係非常唔錯,唔點野都ok追加五柳卷,叫之前冇留意原來又係腐竹.....酸酸地又唔係太大件,只係食到呢度先意識到自己已經食左太多腐竹都係追加嘅蒸餃,一啖一粒咁滯,好細嘅有雲耳同菜做餡,但係餃皮厚左d,而且唔夠熱就唔好食最後黎到甜品~印象中佢地嘅合桃露係香d濃d但呢次....好稀,而且冇合桃香,加上好細碗,真係有D失望最最最最後係老頭子話要食壽包壽包反而幾大隻,而且唔會話要等好耐,味道就冇乜特別

樂農是社企食店, 跟杏林館理念差不多, 樂農會聘用年長待業及聽障人士，透過實際工作，讓他們得到訓練，提供就業機會促使他們自力更生，融入社區, 理念很好, 還加入了5大堅持; 少鹽、少油、少糖、無味精及無制成食品, 所以提意今晚飯聚來支持支持。******************************訂了位也等了20-30分鐘才入座五福臨門甜酸生根、糖醋青瓜、石榴伴雲耳、麻辣粉皮和燒汁茄子共五款小食拼盤, 青瓜甜甜酸酸又爽脆, 好味, 五款食物各有味道, 全晚最好食。生煎蓮藕餅我地結論係食唔出有蓮藕, 味道也寡, 靠點醋提味。薑溶蒸三寶最把鬼, 原汁原味, 就咁蒸熟放少許薑溶上去便上檯, 真係乜味都無, 連上面啲薑溶都無乜薑味的! 雖然話5大堅持姐, 但是否都比番少少味道呢? 個人喜愛食物的原始味道, 但樂農的烹調方法并不討好, 廚師要認真研究一下, 5大堅持下是否也可以煮得好食啲? 

綠色星期一，當然要食返多嘅菜啦。所以就揀左黎呢度食返餐。雖然食嘅野唔多但食到好飽。呢個係椰絲菠菜𡙡，清清地堅好飲，一開始都食唔出白色一粒粒係咩黎，飲到一半先食到椰子味😂俾個FD笑到面黃。而主食係呢個豆漿雜菇水餃煲，好清甜。本來睇圖諗住佢係細細煲嘅，點知係成個鑊擺上枱，等佢一滾就食得。好香黃豆味，好快就成煲清晒😆我地仲點左個普通齋咕嚕肉黎送飯，為呢餐劃上句號。係食完之後見老闆推介呢款黑麥汁，話對身體有益個味似啤酒，甜甜地幾好飲。後尾發覺部分超市有售，有興趣可買黎試下。最後不得不提下，呢度嘅員工雖然有缺陷，但佢地嘅笑容同態度比起出面嘅待應有過之而無不及👍👍👍。

今次特意在樂農旺角分店提早訂座特別在它是全港首間社企非牟利素食餐廳用的都是原材料 我覺得最有意義是它為弱勢提供就業機會個人最推介是前菜五福臨門 每一道都好吃和豆漿鍋 真的既足料好味又特別飲品方面 一坐下已經盯著黑麥茶 不消半小時 已經賣去超過半打 果然味道很特別 甜甜的像竹蔗芽根 又帶點梳打感覺 哈哈超香黑松露香好特別 口感很像魚腸 但偏咸價錢合理 賣相好 味道也不錯 值得再去因為只有5個人 沒有點咖哩長法包和甜品 下次一定要試!題外話 發現客人沒有很多年青人 大多都是成熟的上班一族 我平日較少吃肉 建議平日嗜肉的朋友 偶爾試試素食也不錯喔 讓身體減輕負擔現在的素食餐廳提供的很多都是新派的菜式 味道質素很好 你試過會有驚喜!溫馨提示:餐廳經常滿座 所以下單個半小時就要交枱 但上菜速度快 假如大夥人去的話 只好吃飽轉下場了

上星期四（14/4）晚，終於成功相約大學的舊同學出來飯聚了。上一次聚會是去年八月。那次只有三人有空出席。而這次聚會也只有我和另外三人……要「一家團聚」真是很困難呢。第一次到旺角樂農吃飯。佔據整個樓層，卻並不是很大。電梯門一打開便是餐廳內部了。裝潢與灣仔店相似。以淡木色和青色為主調色。桌子和椅子也是木製的。也有木併軟墊的沙發。餐廳內有兩張大圓桌。我們坐在其中一張。（因訂座時聲稱有五人……）而這一張在最裡邊的地方。與我們那張桌子之間有摺疊的屏風門片相隔。應該可以變成一間私人房間。適合多人聚會。食物方面，午市主要提供三菜和飯套餐。多人飯聚應該可以點小菜的。晚市可以點餐單上的菜。這是五福臨門，$120。我比較貪心，可以吃多款前菜。如不想要五款前菜，也可以選其中之二或三等。當然，這價錢會比較划算。五款前菜包括糖醋生根、涼拌青瓜、石榴伴雲耳、麻辣粉皮和燒汁茄子。每款前菜都美味。尤其是燒汁茄子、糖醋生根和石榴伴雲耳。燒汁茄子的醬汁全被煮成軟腍的茄子吸收了。咀嚼時，醬汁會跑出來。也不用多咀嚼，茄子已被吞噬下去。我們都很喜歡這軟腍和多汁的口感。糖醋生根的酸甜味突出。甜味比酸味多。生根同樣煮得軟腍。石榴伴

環境非常衛生，感覺佢哋真心做，需然語言唔好,唔代表冇生全空間,可以用👍🏻表達你嘅心意,每個人都要人支持, 樂農咁有心企業,真係要支持一下呀!菲菜餃湯好清菇菌味😋! 樂農過橋流沙餃又脆薯粒好粉同蕃茄好夾👏🏻,加茜芹清湯唔楚! 枇杷豆腐又脆又熱拱拱😋,咕噜惹味球酸甜度ok😋! 韮菜餃湯缫農過橋流沙餃 枇杷豆腐甜酸惹味球

餐廳入面既裝修簡單，黎呢到可以book左位先，但今次就沒有book位，walk in 入去都冇咩人，可能我地黎得較早。呢到都算多唔同款式既素菜，今次就叫左兩餸一飯!首先，我地揀左普洱茶樂農過橋流沙餃上枱時熱辣辣，餃子入面有蕃茄溶及薯粒，外脆內軟，仲有蕃茄既酸甜，再配埋西芹湯，正!生煎蓮藕餅表面夠脆，內有蓮藕粒同紅蘿蔔粒，有埋酸醋點黎食，酸酸的加爽脆既口感! 最後黎個淮山雜菌糙米飯配料和份量夠多，但味道比起其實的素菜差一些，白飯加糙米很有口感。總括而言，我會再食，試埋其他的素菜!價錢都尚算合理!

素菜館樂農，是全香港首間社會企業非牟利素食餐廳，聘用年長待業及聽障人士，透過實際工作，讓他們得到訓練，提供就業機會促使他們自力更生，融入社區。別輕看聽障人士，他們的煮食技巧和服務質素，一點也不遜色。店內的蔬菜等材料，都是本地農場提供，來吃一餐，不但可幫助本地農業，減低運送距離，更有助本地環保工程。這裡中午有三餸糙米湯飯套餐（HK$48），可惜晚上就只有小菜供應。「樂農」是一家純素食菜館，菜式方面有五大堅持：少鹽、少糖、少油、無味精、無製成食材，用的都是原材料，不會採用加工素牛肉、素雞肉的製成素食品。「樂農」至今已開設了三間姐妹店，一間是灣仔總店，一間在新界荃灣三疊潭圓玄學院，及今天介紹的九龍旺角分店。旺角分店的室內裝修和顏色配搭跟總店同出一轍，員工制服及菜牌也完全相同，所以住在九龍區的朋友再不需要長途跋涉跨海到香港品嚐樂農的精美素菜了「樂農」的餐牌上印有數頁少鹽、少糖、少油等字句，目的是方便顧客在點餐時向有聽障的服務生表達要求，這不是很貼心的設計嗎？這裡中午的三餸糙米湯飯套餐只在星期一至五11:30am-2:30pm供應，每天六款不同款式小菜任選三款，套餐已包括免費任添糙米飯及例湯。想

沒有小童也沒有男仕的十二月壽星飯,選了樂農旺角店來個全女班綠色星期一,不但讓身體減輕一點負擔,同樣也是支持社會企業餐廳,一舉兩得。若是週五週末或假日,餐廳會有90分鐘限時,平日的星期一客人較少則酌情沒有這規限,真好!雖是佔了商業大廈全層,面積其實真的不大,簡單木桌椅排列得真的蠻密集,尤其像我們坐在升降機前的位置,總可跟升降機裡的人仕四目交投。每位$10的茶錢可選普洱、鐵觀音或開水,如點其他飲品則可免除茶錢,只是我們沒有額外去選,乖乖地飲熱茶好了。時令例湯($10/盅、$35/窩),怎計也是以後者較相宜,以大湯碗送來一窩霸王花雜豆湯,湯色清澈的看到所有材料。碗裡有多株已煲至軟軟的霸王花可供食用,當然還有大大件紅蘿蔔,我連碗底的眉豆、腰豆也吃掉,只餘不能吃的羅漢果殼沒有吃到。以這幾款食材煲出的素湯沒有加鹽,淡淡的味道反而啖出清甜,老餅月巴人絕對可以個人單挑這碗湯。五福臨門如大拼盤一樣,生日飯嘛!豐富一點還是較好。中間的涼拌茄子,每件茄子大大件的,吸滿包括花椒八角的醬汁,香軟入味更會爆汁。顏色最奪目的甜酸齋在盤子裡最快消失,原來我的美人們是愛吃酸齋的!橙紅顏色已不算太螢光,酸甜也不會太有醋酸

今天想健康一點, 去了一間素食餐廳叫"樂農" 一出電梯就覺得有點嘈, 因為樓底不太高, 而且差不多客滿, 所以很焗聲而且坐位之間的距離有點近, 要走到被安排的座位, 是有點狼狽 只是, 有點欣賞餐廳是一間非牟利機構, 會聘用聾啞人仕為樓面, 他們都很友善及懂得唇語由於menu 都是圖文並列每一款菜式, 一頁只有3 款, 所以客人都很自然的指著圖就可以下單了, 十分清楚!樂農豆漿鍋 ($88) 這個鍋真的要一試! 以咸豆漿做湯底煲5 分鐘才可以食用有素餃, 菇, 白果, 菜....好似一邊飲著熱豆漿, 一邊打邊爐咁招牌南乳齋煲($78)有粉絲,鮮菌,冬菇, 茄子等不同的蔬菜在裡面一般我認識的南乳煲都挺油的, 但這個煲幾香又不會油膩, 可以一試 羅漢齋炒麵 ($68)這個麵也是不會太油膩的! 而且麵也挺脆材料上有藕和木耳, 食的時候能增加口感, 不會只有菇一味 可以試試 糙米飯($10)鐵觀音($40)這壺茶不是只有色的茶, 是真的用了茶包沖出來,而且茶味幾香濃! 

自從老婆轉咗多食素菜，出街食飯搵地方都多咗留意啲素菜館，就算唔喺素菜館，都會揀多少少喺素菜嘅菜式。今次藉着細妹生日，就揀咗以聘用聽障員工嘅社企餐廳「樂農」一試，樂農都開咗好一段日子，由灣仔開到嚟旺角，佢嘅背景都唔使多介紹。位處旺角港鐵站附近，非常方便，而一出電梯就喺整間餐廳嘅地方。一室木枱木椅，裝修簡約，不過，正中間位置嘅枱櫈就肯定有啲逼，好在我哋被安排坐晌近窗嘅位置，感覺會好好多，最入面又有個房，無人訂就變成公眾席。而店員均穿上青綠色T恤，睇落都格外醒目 ，而且，咪以為佢哋全部都失聰，有部份只喺弱聽，所以，有啲店員都可以溝通到，此外，佢哋個個都殷勤有禮，可謂「無聲勝有聲」 。仲有，餐牌內都有少少手語「教學」，三幾個手勢，簡單易學，非常有趣。而每款餸菜都圖文並茂，部份菜式更註明所用食材，認真貼心。數一數，有多達70款菜式，一啲都唔少選擇。就算喺做素菜，都唔會太過因襲陳舊，好似部份菜名：「攬頭攬髻」、「千與千層」、「老友鬼鬼」、「阿茂整餅」、「夠薑蕃薯糕」等等 ，都顯得不落俗套。更重要喺店家有5大堅持：少鹽、少糖、少油、無味精、無製成食材 。如一般酒樓，會收茶錢$10位，亦有加一

因為有小孩的原故.我們1個星期都最小食1餐素食.當比小孩健康d.今次搵到呢間素食，去到原來呢到收得都早，我們來得切haha.呢到員工好鐘意小朋友，會哄小孩，仲比貼紙我小孩，還教小朋友做多謝的手勢，店內也有很多圖教簡單手語，幾好

前一晚吃得十分豐富，生蠔、牛扒、羊架......都有，這一晚決定吃得清淡些，最後來到了「樂農」這間聘請了大量聽障員工的社企餐廳的旺角分店，吃一頓清淡素菜。沒錯，我這夜前來的目的是吃一頓清淡的素菜的，可是，這晚餐健康是健康了，但是我一點也不覺得美味。「樂農翡翠羹」（$20/盅）色澤翠綠如翡翠，材料除蔬菜外，還有雪耳和金菇，藉以增添口感，湯味清淡，不稠不稀，雖不算好味，也不難喝。一客八件的「紫菜荔芋卷」（$68），排列得整整齊齊的，賣相不錯，雖稍嫌不太夠熱，但香口的荔芋卷，蘸上酸甜汁，已是這晚所吃自己覺得最好味的菜式。「老友鬼鬼」（$88）就不消提了，名字有趣，但實在「把鬼」，這以雞蛋、鮮腐竹、粉絲與油炸鬼為材料，賣相酷似傳統粵菜「魚腸蒸雞蛋」的菜式，徒具其形，但乏其神，雞蛋過老，加入了鮮腐竹後口感變得滑溜溜的，加上味道平淡，實在難吃，如果不下點胡椒粉的話，就更加不濟了。「原籠蟲草花淮山雜菌糙米飯」（$68）舖在飯面上的材料極多，幾乎把糙米飯完全遮蓋，但這健康蒸飯同樣味道平淡，徒得健康兩字，與美味攀不上邊。其實自己雖然是個食肉獸，也不是不喜歡吃素菜的，久不久吃一餐，更是覺得甚好。但這晚所吃