少爺18 (Closed)

OT完同同事落左少爺18食新加坡菜，呢到都幾大，坐得舒服。去親新加坡，必試嘅除左海南雞，就係肉骨茶。今次人少少，我地試左肉骨茶先。其實唔做老細都可以撈起嘅，三文魚，青瓜絲，炸芋頭絲，柚子，蘿蔔絲，蛋絲，一大堆頭撈埋一齊，冷盤黎講幾清新，幾款材料都夾，開胃菜。肉骨茶有2款，另一款係新加坡肉骨茶（白胡椒蒜頭），有微辣，因為胡椒味重。個人喜好藥材味，排骨好淋，肉同豆卜都好入味。豬脾骨不嬲係我至愛，煮得岩岩好，加埋配菜薯仔，洋蔥，紅椒，青椒都好有馬來咖哩味。 誰說咖哩一定配白飯，呢個酥餅好軟熟，撕開點汁好正，我會選擇點馬來豬脾骨個咖哩汁。

食好嘢唔一定要去廣場個邊，迫注企注食嘅有時都可以，食得舒服一點，去對面個靚靚商場食嘅🤭叫左二碗🍲+🍵每枱都有嘅🍵：ok不錯，添左二次水🤭🦐🍲：海鮮喇沙麵👉個湯有椰香唔太辣，味道不錯，好食程度，朋友食到清曬🐮🍲：牛筋條米線👉個湯飲落似《錦麗》幾濃，牛咬落肉質剛剛好重有肉汁，米線幾滑啊#連加一$122

星期日家庭日，去完拜山去左葵涌新都會廣告醫肚想搵間好坐啲嘅，就揀左呢間少爺18，食東南亞新加坡菜 假日都有午巿套餐, 加廿幾蚊可以加小食, 有七、八款揀叫左呢個炒麵，第一啖覺得惹味，第二啖就開始覺得幾咸炒麵中又夾雜啲米粉，有啲人唔鍾意，但我個人係鍾意呢啲炒埋一碟嘅感覺咖哩牛肉配白飯，咖喱唔辣甜甜地，好送飯推介嘅蝦麵，又係油麵+米粉的配合, 湯底有蝦味，好濃稠，如果飲啲湯會覺得太咸蝦有啲梅加錢小食1，手抓餅，正常肉碎生菜包，份量比想像中多，因為始終係加錢換同樣係偏咸，不過包左生菜會好啲，我就用左黎撈飯最後叫多個珍多冰，有斑蘭啫喱條，都幾得意

吸引我進入餐廳的是逢星期一至五有八五折優惠因為有小朋友關係我們五點半要提前入座食晚餐了結帳的時候店員說六點半前還沒有25%折扣優惠原價390多元的晚餐竟然290多元便可以三位大人一位小童食的確抵！我們點了海南雞飯套餐，喜歡他的油飯，加上海南雞，另外有三個醬，有少少配菜，加埋個湯，同小朋友share食都夠飽！另外我哋重點左印尼炒飯，嘢味嘅炒飯配上脆口嘅蝦片，有小小蝦仁同青瓜粒做配菜，再加上一隻太陽蛋，其實都幾好味！還有我們點了牛肋骨米線🍜，牛味濃郁，而且夠冧，湯底都幾 鮮甜！ 最後最後，我哋重點左個香蔥酥炸薄餅， 配上咖喱汁，惹味得來好好食！為我地去新加坡帶帶來一個美好嘅前奏💕

我同細佬帶爸爸媽媽來試新野!細佬點了🍴🍽🍢🐷🐃🐔🦐海南雞🐔飯$98~油飯香，雞嫩，湯好味但吾夠熱椰汁雞湯$68🐔~清甜椰子味濃熱辣辣🤗🤗雞件滑'爸爸讚不絕口沙爹拼盤$148有12串🐔🐷🐃~惹味，豬，雞，牛👍'味道特別，醬汁勁多花生碎🤗🤗🤗炸蝦🦐餅$68~面香脆，蝦🦐肉彈牙😋😋香煎蠔餅$68~用蛋煎'勁少蠔仔，又細碟!👎👎肉鬆奶油夾餅$48~煎得香口'夾肉鬆好味🤗🤗黑醬油肉碎夾餅$52~煎得過火'餅底燶左食落有燶味👎👎👎媽媽飲的荔枝茶~6元位環境舒適,質素麻麻,出品參差純粹個人意見😋食過沙田分店幾次'質素好好·

樓面位位專心做事，執枱嘅執枱，傳菜嘅傳菜，就係冇人去留意客人舉手求助，就算响你旁邊行過亦係專心咁行路，細聲叫唔該落單又聽唔到，大聲叫唔該落單佢又唔開心覺得我冇禮貌！最後對面枱客人遲過我入座、遲過我點海南雞⋯⋯⋯，對面D菜出晒我亦繼續等⋯⋯⋯，唔會再幫襯啦！

落雨天邊度都唔想去，行下商場又一日。時間尚早經過餐廳冇乜人就入去食，限時90分鐘😐叫左印尼炒飯、海南雞飯、馬拉盞炒通菜，雞腳。印尼炒飯配兩串串燒，不過唔熱嘅😵飯偏多油，但味道還可以吧🤔🤔海南雞飯 d飯好硬啊！！d雞就還好啦，無骨🤪雞腳冇食過，但朋友話都幾好食，不過賣相唔多好😅😅😅餐廳環境都ok,夠闊落，唔太迫，侍應服務態度麻麻🤨叫斟水叫勁耐都未斟🤨🤨🤨下次有得揀都未必再去食呢間了。。

無可口非嘢食係好，但服務態度超級差，光顧過兩次第一次，上菜個時好似好唔滿意甘大大力放落黎，一碟我當佢滑手，兩碟三碟都係甘。今日再去，女朋友把已喝光既茶壺打開過左起碼15分鐘都無人加水，算，可能無加水服務。。。之後唔小心打爛左個茶壺蓋就即刻有人走過黎(經過我觀察，呢個應該只負責收錢同落單)，我女朋友立即講對不起，無心的，不求你一句唔緊要，但都比d反應啊，無，即刻黑面轉身走，一落單就叫左兩杯嘢飲，到我地食哂反有嘢都未黎，催左三次無人有回應比我沖緊？太多單？無落單？無回應，到底咩叫服務費？我比加一做咩？甘既服務態度我應該比加一？

第一次去試這間新加坡餐廳我被它的蠔餅、印度酥餅吸引🤣首先講一講招牌海南雞飯（$99），嫩滑的雞，配油飯，一流，平時的油飯我覺得比較膩，但這個油飯不太膩，而且很香，不錯不失👍🏻第二就是蠔餅（$68），從來未食過有咁大隻蠔既蠔餅，煎得剛剛好，不太油，蠔又肥美，食完一啖又想再食，超推介！第三是印度手拍酥餅配咖哩汁（$44兩件）熱辣辣既酥餅，咖哩汁唔辣，味道適中，實在太鬆化，太美味了！最後甜品我選擇了椰香脆香蕉（$52）反而我覺得這個炸得比較硬左少少，令人食完有種好熱氣既感覺，味道不錯的！總括而言，這個餐廳真的不錯，推介！職員態度很有善，一坐低就有壺熱茶奉上，好喝！

我第一次嚟少爺18，裝修幾靚😁😁（星期六晚你食，真係等左有啲耐。我地七半到達取飛，等左30分鐘先入到去，真係好多人來食，證明唔錯👍👍）首先上菜係海南雞飯，個海南雞雞質好滑，仲要全部都係雞俾肉，除咗雞髀骨之外，其他都係冇骨，雞皮同雞肉分開，好用心。👍👍👍啲醬汁味款有款紅色嘅汁，唔係東南亞菜的是拉差醬。😍😍至於個叻沙，湯底好濃椰子味😘😘啲料又足👍👍同其他市面上嘅叻沙有明顯分別，湯底滑，麵量足，用料夠👍👍至於個串燒，我哋叫咗串燒拼盤，分別係一口牛同雞胸肉。個沙嗲汁好食，重花生香，口感實，色澤美👍👍一口牛好食，肉汁夠，又唔un。可惜食完個海南雞，顯得串燒雞胸肉有啲un同乾身，但香料味仍然好足👍最後係個馬拉盞炒芥蘭，芥蘭個陣除唔重，醬料又帶得出味道，撈飯一流，推薦之選👍👍👍飯後仲有一杯荔枝茶解膩，清下味蕾😎😎

lunch time 係新都會食飯，一定要book檯先得。今日就食少爺18，lunch set有我鐘意既海鮮喇沙。就必叫啦！湯底都okay，尚算正宗，不過少少偏鹹，食完飯、飲左好多水，不過份量唔少，蝦都有3隻，魷魚圈同魚片頭。下次book到檯既情況都會再來食

今晚一行四人到葵芳少爺18食晚餐，另收加一同茶費（$6/位）。食星馬菜當然要試吓喇沙同海南雞飯，所以叫左新加坡椰香海鮮喇沙（$98）同招牌海南雞飯（$99）。新加坡椰香海鮮喇沙，湯底椰香味重，配有香料同花生碎，味道濃郁。麵底係屬於摻摻（馬拉語為兩溝的意思），係油麵配米線，但係食落口唔係幾分得出兩者分別，之前試過油麵配米粉的喇沙摻摻會更加好食，因為米粉可以幫助吸收湯汁。撇除麵底，整體表現中上。招牌海南雞飯，雞肉滑嫩，配合醬汁，好食！食海南雞飯當然要配搭雞油飯，飯裏面仲混合左薑蓉，加添味道。明爐香茅椰湯浸鱸魚（$198），鱸魚肉質唔算特別滑，但表現都不過不失，湯底除咗用咗椰汁之外，仲落咗檸汁同魚湯，食落帶酸。鹹蛋黃軟殻蟹（$172），鹹蛋黃味係有嘅，但唔濃郁，軟殼蟹都可以炸到外脆內軟，可惜略嫌油膩。叫左雪梨蜜糖綠茶一壺（$28）潤一潤喉。一上枱即刻令人「驚喜」，所謂一壺，原來剩係得三分之一，小令人失望。最令人期待的莫過於係甜品，叫左兩個海燕窩燉椰皇（$62），一凍一熱。海燕窩係一種珊瑚草，入口同燕窩相似，配埋椰汁、椰肉一齊食，非常好食，而且甜而不膩，推薦！不過原本應該「凍」嘅燉椰皇，極其量

少爺18今日來葵芳無印買野，買完野剛好到食飯時間, 周圍行都無idea，唔知食乜好，成個新都會兩年前只食過simple life , 佢地D西餐及咖啡幾好，但唔想重複，所以行落4樓睇睇，有間叫少爺18 餐廳，見到門口個大餐牌有海南雞飯lunch set ，所以無諗就入去，中午時間只得幾檯客，都覺覺伏伏地，坐低點海南雞飯餐，加檸茶，其餘乜都無講，之後來左個海南雞及飯，再加個喇沙，雞及飯少得好可憐，飯只有半碗，雞得幾件，由於我唔食喇沙，所以食完好似無食過一樣，食完後見其他客的份量多好多，但就無喇沙，所以我同位似係經理男士講你地俾錯野我，我叫普通海南雞飯set, 唔係跟喇沙既，佢一粒聲都無出，攞走喇沙，之後當無事當生，我十分鐘後埋單，又再同staff講多次佢地俾錯餐我，但佢又係一粒聲無出，照俾單我，呢間餐廳職員及服務都算經典，做錯野當無事算講返食品質量，雞係僅僅合格，唔算好食，一般泰式越式餐廳好過佢，飯就太油, 最經典係跟雞的菜心，食左一條，估計係24小時前煮定的，垃圾一樣唯一正常係杯檸茶咁樣Lunch Set 收人$92再加一，葵芳的居民好多百萬富翁？

shopping完，腳都軟埋，見冇乜人等位，即時入去!食星馬茶菜必叫肉骨茶，蘿蔔糕，同印度薄餅配咖喱，今晚太餓，叫多個上湯浸菜心。呢度肉骨茶有分新加坡或馬來西亞口味，我哋叫了馬來西亞的。嘢食上得快，張2人枱一下子就滿了。肉骨茶好香好有葯材味，本來四肢乏力，飲完後，即刻Heman上身喇~"我已經充滿力量"，肉又夠林又入味!菜心灼得恰到火喉，夠脆夠嫩。蘿蔔糕炒得夠香唔，無滿口油感覺。印度薄餅呢，覺得唔係廚師猜粉整，因為口感唔似印度餐館嗰種即叫即製，咖喱個汁好香，唔係水汪汪，做點汁嘅稀"杰"度做得好好，入口有咖喱香味但唔chok喉!之後加多2個甜品，分別係桂圓黑糖燉椰皇同新加坡蕃薯喳咋。淨係聽個名，燉椰皇已夠潤，佢仲要好多膠質，灘凍少少已有層膠喺面同邊，完全有(皮膚)彈返嚟嘅感覺!喳咋都好味，始終有比較，椰皇贏到開巷，蕃薯有黃及紫，色彩視覺滿足了。

食物樣子不錯，可惜碟熱餸涷，肉骨茶得個煲熱，內裡涷嘅，等上菜等左45分鐘飲品叫左食完走埋都未到，差勁，野食味道還可以，但服務員人數太小，中午飯時間得2個侍應，全場坐滿人平均等野食時間超過40分鐘