少爺18 (Closed)

新都會廣場開了很多不同食肆，原來已經整整兩年多沒有食過少爺18。今日屋企人點名要食，便拜訪了久違了的他。入座時看到匯豐信用卡有85折，資料顯示不包括茶位及套餐，但最後付款時是全單都有85折喔。我們點了「滋味2人餐」，留意是沒有主食飯麵的，職員都會提醒是否需要加點飯麵。沙爹串(豬肉、牛肉、雞肉各兩串)沙嗲串醃料味道均勻，出菜時保持溫度蝦棗、腐皮卷(各兩件)蝦棗是豬肉及蝦肉混合來炸，非常惹味腐皮卷夠脆，但是留有過多的油份，吃下口滿口都是油海南雞海南雞有去骨，而且各個部位都保持肉質嫩滑有雞味肉骨茶(兩盅)我們一家都喜歡飲新加坡胡椒口味肉骨茶，每次到新加坡都會買幾盒肉骨茶湯料回來煲。今晚這份肉骨茶胡椒味非常濃，有點太辣，但同時煲得肉味很是濃郁的魚湯浸時蔬整餐飯下來，就是魚湯浸時蔬的品質需要改善。菜心非常老每一條都是太硬的呢。最後要一提，他們的中式茶加入了玫瑰，而且茶的質地很順滑，值得一讚

之前幾年都曾經在這一區工作過，其實葵芳區，有時候你說有很多餐廳食肆，但合心水的都不太多，可能到最尾都是食平時吃開那些麵店。🤷🏿‍♂️以前這間是西廊，但是不久之後便結業了，這一間也絕對不是便宜的鋪頭。這一間少爺18 ，是類似星加坡馬來西亞式的食品，價錢比起以前的西廊，有過之無不及。但亦見到有不少辦公一族慕名而來，可以將桌子分開成兩座位、四座位話好像長桌一般，大夥兒來吃，座位尚算寬闊。看一看，有星加坡以及馬來西亞式的肉骨茶，色水都有所不同，但肉骨茶動輒都要$90多$100 ，另外就是海南雞，好像也不便宜。但我也絕非純粹為了省錢而叫了個炒飯，只是因為，肉骨茶恐怕不會太美味，海南雞賭博的風險甚高，同桌有人加錢配脾，因為如果沒有加錢要雞脾，可能給你整碟雞胸，那就貼錢買難受。結果我這碟炒飯，賣相獨特，碟子傾斜一邊，名字叫做喇沙蝦炒飯，但其實和喇沙沒有什麼關係，蝦粒也只好將雪藏蝦粒般，雖然夠大隻亦夠多肉，但是蝦味不算濃郁，旁邊有些椰絲以及其他配料，但炒飯亦都不覺得鑊氣強，因此只屬一般。另外配了一杯熱的白咖啡，味道同樣極為普通，沒有太香濃的咖啡味，亦都只有微甜。可以這樣說，如果用一條現成買回來的舊街場白

有次去馬來西亞旅行，當地導遊介紹了肉骨茶,平時聽得多人講肉骨茶好好飲，而家就試下當地肉骨茶味道如何,未開始飲時，肉骨茶既香味已經吸引了我的味覺,開始飲第一啖，好濃味好香口，從此就愛上肉骨荼，回到香港好想再飲肉骨茶，聽說少爺18有肉骨茶，就和家人一起來到新都會試試這間少爺18食晚飯，首先點選的是肉骨茶，哈哈,還點選了金絲網蝦春卷、串燒等等..期待的肉茶到了，香味濃厚，飲上去係我最愛飲的肉骨茶，好像身處馬來西亞飲肉骨茶情景一樣，下次會再來飲馬來風肉骨茶。

—睇完戲食埋飯先返屋企撳飛仔等咗陣 座位多但侍應少招牌海南雞飯($99)雞肉都嫩滑嘅 雞皮肥厚但而家都盡量唔食個飯唔錯但有點兒鬆散沙茶牛肉湯米線($82)試咗啖肉 都腍身蔥油手拍酥餅配咖喱汁($48/2塊)食唔出蔥油味 只見到灑咗蔥花喺面頭咖喱汁香濃配酥餅一流炸蝦棗($55/半份)好細粒之餘 完全唔好食碎肉多過蝦膠 咬落去個質感超級奇怪—————————————少爺18葵芳興芳路223號新都會廣場4樓410-412號舖

餐廳裝修很colourful比較像新加坡餐廳，地板用上有花紋的地磚，有點復古的味道。碟都好精緻。我們點了2樣餐點😋，第一樣是印尼炒飯配串燒，第2樣是炒貴刁。印尼炒飯同出面食嘅炒飯，有dd 唔同，可能係用了馬拉嘅甜醬油去炒，飯粒較深色，味道較甜，但配上煎蛋嘅蛋汁同串燒一齊食，味道都好夾。🤤炒貴刁就比較少海鮮，如果加多少少落去炒會更好。😌因為2樣都是用甜醬油去炒，味道都好單一，所以下次會試試海南雞🤓

已經有一年多沒有光顧這間食肆，原因食物味道偏甜，上菜速度慢。今次因為家人提議想試一試在這間分店食晚飯，所以再次重臨。先是打了兩天電話完全接不通又或是留言信箱已滿，在不能預約訂枱情況下唯有walk-in。晚上8:15到達， 在店舖門外等了大約15分鐘便能入席，我們一行三人點了五個菜，不久職員到來通知，兩個「撈起」菜色已沽清而停止供應，取消後我們沒有再加單。這次餸菜上得頗有效率， 先上來蔥油酥餅，$48.00有兩小塊，剛好填一填我正在雷嗚的肚皮，再來香茅蜜糖單骨雞翼， 雞翼炸得鬆脆可口， $68.00全份有12隻。正在享用雞翼的時候，遠處傳來職員不停大喊「唔該借借！」「唔該借借」⋯⋯，原來是一位傳菜女職員左右手各捧着一盤海南雞飯套餐，她邊大喊著借借走到我身旁，叫喊仍然沒有停止，並大聲的呼喝我們將枱面上的菜移過一邊，讓他有足夠位置放下那個約有12吋的托盤連海南雞飯套餐！就連隔鄰枱現在為客人下單的職員也看得目定口呆。套餐雞湯非常肥膩，油飯味道不錯。心想那職員可能是情緒上有點問題，所以我並未有為她惡劣的態度追究；最後上來參巴醬炒蘿蔔糕，那蘿蔔糕口感太濕，份量也少。結帳時職員將單據送上，我們發現之

海南雞本身都幾夠味道，但油味重了點，伴碟的三個醬反而冇咩味道馬拉盞通菜ok，婆婆話有少少辣我反而食唔到伴碟的咖哩醬好味，呢碟蔥油餅十分適合點醬食用溏心蛋和酸菜好味，鹵水味道唔會淡同過度其實ok，但係食多咗就會滯，必須點辣椒醬送胡椒蝦唔係太入味，蝦肉本身就唔係鮮甜味，d胡椒佐料好似去扒房食黑椒汁牛扒噶d，但係呢碟蝦的胡椒味堅係淡，唔推以為噶十來隻蜆會係隻隻肉，但係有空殼，不過味道ok下次可以再嚟食～

呢間假假地都有兩間分店，但我完全冇諗過各方面都可以咁差事緣姐夫生日飯，我地一家就諗住呢間同佢慶祝一星期前，我打去book位，足足打左兩整天、留左三次voice mail都冇人聽/覆終於打到，book到位，又冇同我姓咩到當日拎位時，唔知點解會被安排姓林😌我地坐梳化位，座位離奇咁污糟要鋪紙巾先坐地下奇多垃圾、又成地水，要開口要求拖地先抺乾收茶芥，但從來冇人俾茶我地蛋糕冇得雪野食方面：海南雞 -even點晒醬汁都冇味蘿蔔糕 - 冇味貴刁 - 好食，但超油印尼炒飯 - 好食，多料，但超油蝦丸 - 怪味腐皮卷 -冇味肉碎蛋餅 -還可以上湯菜芯 - 還可以飲品方面叫仙草紅豆冰 -冇仙草 唔好飲最後 茶杯仲有怪味

「少爺18」位於葵芳新都會商場4樓，主要食新加坡，馬來西亞菜式，位置近於地鐵站，方便到達。環境方面，少爺18 地方寬闊，坐枱之間有空間，可以讓食客行走，地面整齊清潔，好舒服，有部分座位望向商場空地，空地有漂亮既擺設，食完可以外出打卡影相。食物方面，點了2個菜式，印尼炒飯及豬軟骨湯麵。印尼炒飯份量充足，適合大食既朋友進食，加上有串燒及蝦片，可以滿足到三心兩意既朋友，炒飯不太濕，味道可口，至於豬軟骨湯麵，湯底濃郁，有越式味道，豬軟骨好入味，軟林林，好食！整體而言，環境食物都唔錯，所以大家不妨到呢間星馬餐廳一試！

星期日晚飯時段佢，人比較多，大概等了10分鐘才有位置。 點了：馬拉盞通菜 （菜偏硬，味道夠）海南雞飯 （味道可以）馬來西亞肉骨茶 （藥材味夠，不過超級無敵咸）到埋單嘅時候個 waiter 叫我 check 單，我見收我加一服務費之外還有茶錢。 心諗飲清水都要收咁貴茶錢？ 然後望望左右先發覺每枱都有一壺茶。 問個 waiter 佢大大聲咁話“得啦今次扣咗啦，不過平時一定唔會咁做，你出去飲茶都唔會唔比茶錢啦” 。當我答佢“但係問題係你地冇比過茶我” 佢仲大大聲聲同好晦氣咁回應 其實前兩年去食過兩次都冇咩嘢，今次去到大部分都換哂年紀比較大嘅大叔做樓面，customer service 真係差咗好多。

🐷💬每一篇食評都好認真打架—————————————————————📍少爺18總括黎講，唔值得呢個價錢，想食馬拉過下口癮都okay ge! 味道中規中矩冇話好好食，但唔難食~環境幾好，裝修幾好，坐得舒服嘅！碟都幾靚—————————————————————❣️麻香素三鮮($38)有萵筍雲耳同鮮淮山，三樣都係🐷嘅favourite，冷盤黎嘅，幾開胃，雖然好細碟但大半碟都係我食🙈.❣️少爺小食拼盤($188)有蝦棗雞翼釀油炸鬼同春卷，樣樣都炸得太乾，好似乾柴咁，油Lumlum，no good，不過味道就還好，唔係好差.❣️招牌海南雞飯（$99）普通海南雞飯，唔特出，油飯都ok,但唔夠香，湯都唔差唔夠熱姐 ,不過唔抵食....❣️椰香海鮮喇沙（$98）湯底的椰汁味濃，質地稠密，用油麵mix米粉，做法正宗 ，不過海鮮冇鮮味，應該係雪藏.❣️馬拉盞通菜($65)正常發揮，佢既味道偏淡，但幾香口.❣️沙嗲拼盤（$82@6串）嗌左🐷同🐥，因為叔叔唔食牛，不過肉質味道都幾好，沙嗲醬都夠香，不過都燒得有d乾—————————————————————不專業評分👅好味指數:２.5/5💰性價比:3.5/5👍🏻推薦:1/5

4個女生飯聚，揸唔定主意，最後唯有揀間就近餐廳。以前覺得葵芳葵興都係大集團嘅餐廳居多，約食飯都會避開呢區。冇諗到今次呢間星馬菜有驚喜。由於當中有素食人士，我地一黎就照顧左呢位朋友嘅口味先！蔥油手拍酥餅($48)，酥餅最緊要冇油益味，呢個就香口得黎唔油，所以食過翻尋味又叫左另外一個酥餅。奶油肉鬆夾酥餅($56)，完全唔同口感，可能因為加左肉鬆既關係，個人認為蔥油好食一點。其實仲叫左個炒菜，炒得好香，可惜唔記得影相。滷水拼盤($108)，整體都幾入味，配搭唔錯，份量都算多。新台幣椰香海觧喇沙($98)，麵條粗實，個辣就返港人口味，唔會太辣，不過椰香唔夠重。馬來西亞肉骨茶($128)係黎到你面前先開火，滾滾下燒晒就會自己熄火。都係有就返少少香港人口味調節，冇好重藥味，鍾意星馬菜既人可能會嫌唔夠正中。總括黎講間餐廳既野食都唔錯，水準中上，服務態度都ok，加水都加得幾密，同埋環境係舒服適合傾計。

今日約左閨蜜去葵芳行街街，血拼完後當然要醫肚補充體力啦！閨蜜提議食這間有佢中意食嘅肉骨茶餐廳。見餐廳入面有咁多人食，應該也不錯吧，於是㩒飛排隊！等到不消十分鐘便有位了－坐下便有壺荔枝紅茶飲，茶好香有荔枝味，我中意茶位＄6－位，另有加一收費！我地點左: 肉鬆練奶夾酥餅＄56 - 熱辣辣的酥餅內裡夾住肉鬆，味道不錯！但略嫌酥餅油酥太重，食到成咀油，感覺不太舒服！柚子沙葛蝦沙律＄62 - 雖然沒有沙律醬，連沙律醋也不覺得有，味道比較淡。不過食到柚子清甜，沙葛清新！新加坡肉骨茶＄128 - 肉骨茶味香濃，排骨肉質軟淋，蘿蔔淋甜，豆卜吸收了湯汁，好入味咸蛋黃軟殼蟹＄172 - 上枱時已經聞到好香咸蛋黃味口水直流！味道果然不負衆望，咸蛋黃甘香配上香脆可口的軟殼蟹，！不過只可以1舊起2舊止，因為好快就食膩了！另外值得讚是上菜速度快，而且餸菜重熱辣辣的，加分！

第一次食少爺18，感覺係一般大集團式既餐廳模式，但上網搵左下，佢係得兩間分店原來。内裏裝修好繽紛，充滿東南亞風情。炒貴刁（$92）混合左油麵同河粉一齊炒。貴刁攤開既樣，同menu上一樣有3只蝦，唔多亦唔少 XD將真都幾惹味既，不過哩個菜多油就少不免既，唔係就唔好食了黑醬油肉碎雞蛋 夾酥餅（$56）哩個酥餅真係無敵好食，好酥好鬆化。不過入面既肉就無咩味，所以比較推薦點無餡既仲好D馬拉盞炒通菜（$65）哩個菜係無得輸既沙爹拼盤（雞肉、牛肉，$82@6串）串燒都幾好，不過蝶醬好難點到。整體來講，裝修舒服好坐，薹之間無怕痴得好埋。D食物味道幾好，但略嫌油膩，如果係夜晚去食，真係唔建議點太多。仲有就係食完之後，超級口渴，飲左兩大杯水，都係不宜經常來食，為個腎著想一下。

今晚一家3口於葵芳分店食晚飯，負責招待我們的男服務員態度有禮。但埋單後準備離開之際，有一位女職員黑住面行埋嚟，講: 唔好意思同事比錯8折您，S.C.信用卡只有85折'， 亦好無禮貌地要求攞番剛才簽帳單及信用卡，話要取消再碌過。 這絕對唔係客人既錯，點解個女職員態度如此惡劣? 。真係要再培訓一下該員工服務態度