少爺18 (Closed)

一係唔黎，一黎沙田就連續幾日都黎。呢排睇咗一套電影「我的土豪男友」，取景於新加坡，影咗好多新加坡嘅建築物同本土文化，令得好掛住一年前喺新加坡睇方程式嘅時間！於是夜晚，我就帶左成家黎食！撈起一家人出街食飯最講意頭，撈下又可以俾小朋友玩下！有雞蛋絲、蘿蔔斯、炸芋頭絲、生菜絲、椰菜絲同煙三文魚，樣樣野切得粗幼大小一樣，好用心！嗰醬就好似酸甜醬，點燒鴨嗰隻，有啲杰。豬肉串燒用左d香料腌好豬肉，咬落都有d香味，香茅好正！蠔餅唔係潮式，所以好似雞蛋成份多d，而且比較厚身，不過蠔肉同粉漿比例尚算恰當。半隻海南雞雞肉嫩滑，醬始終最鐘意蒜容炒貴刁我最鐘意，可能因為最濃味，佢有河粉同埋面撈埋一齊，增添層次！上湯浸時蔬當個湯黎飲都唔錯，中規中矩有某信用卡找數，有85折，價錢都尚可

昨晚去新城市廣場吃晚飯，見到間間食肆都大排長龍，忽然見呢間餐廳不用等位，就匆匆入內吃晚飯。因為有啲趕時間，所以隨便叫咗幾個小菜，再加碟菜和炸蠔餅，點知就中伏。蠔餅送到， 見蕉葉上滴滿油，已心知不妙，點知一口咬落，滿口都係油，簡直肥到漏油，最後唯有揀幾隻蠔仔食咗算數，可惜一碟裏面，蠔仔數量有限，這碟蠔餅，係我食過最肥膩嘅蠔餅，幸好其他小菜則不過不失，才勉強可以吃完這餐晚飯。食完呢餐，我諗暫時都唔會再嚟，要嚟都一定唔會order呢間餐廳嘅油炸食物。

禮拜日有人突然講起海南雞飯，即興地走去食！可能假日關係當日餐廳滿坐，略嫌有啲迫，仲可以清楚聽到隔離枱嘅傾計講乜嘢！同友人點了兩個海南雞飯 ！等候時間大概十分鐘...分量挺大的 飯粒金黃有色澤！粒粒均勻香口！雞的量也挺多 頗嫩滑的！好正宗有齊薑蓉辣醬黑醬油最鍾意係黑色個隻甜醬油餐廳裝潢設計有特色，坐位舒服服務人員都笑容又勤快..我地總結係...相信我不久既將來又會再黎食海南雞飯下次要再食.下次會試下其他食物。

今天中午沙田辦完就去了City Link 揾食，想像不了是人山人海，所有食肆就是大集團弄斷，全無新意，只好找間未吃過的，踫下運氣；坐下就叫了一個巴東牛肉飯。賣相不錯，生菜在底，上面有青瓜片和蕃茄片，白飯分開。牛肉夠腍，味道帶甜和微辣，辣味略廉不夠（可能要迎合香港人特殊口味，吃辣不要辣，吃甜不要甜）。不過最差的是是吾夠汁，如何送飯？最後只好叫侍應去廚房添了碗醬汁來！埋单HK$100, 如果在街外小店，一碟飯，$70有找。没有選擇下，全部落晒地產商口袋里！

有日經過見到呢間食馬來西亞野，有我最愛既肉骨茶 咁岩星期日晚飯時間竟然無乜人排隊！所以諗都唔諗就入左去啦佢呢度有分藥材味較重既馬來肉骨茶同埋胡椒味重既新加玻肉骨茶，我揀左藥味味既。黎到有個火滾住，食幾耐都唔會攤到凍哂藥材味夠濃，有種甘甜味 而且好足料 其實兩個人食都好夠 好食！ 不過美中不足係無飯 要另外叫海南雞飯就不過不失，雞肉算滑 同埋無咩雞胸

星期日一點🕐的沙田新城市廣場真的是人頭湧湧 要找一間餐廳噻進去也有點困難 這間少爺18由於躲在眾多餐廳之後 人龍相對較少 等了不消5分鐘 便可入座 這次姐點了個海鮮啦沙有蝦有魷魚有豆腐卜有魚片 濃濃的椰子香 令人不禁喝了一口又一口 把餐前小食魚皮浸在湯裡再吃 味道更加豐富 而友人點了個海南雞飯 分量挺大的 飯粒金黃有色澤雞的量也挺多 頗嫩滑的值得一提的是它的茶不是平時酒樓喝到的茶 在吃過香濃的啦沙後 輕呷一口 便結束了週末的午餐

星期六既lunch time, 應該係正值peak time 四周都有人排隊，呢度竟然無full house 唔想排隊，咁入去朝聖下吧，星馬菜唔會太差吧小食係鹹蛋黃炸魚皮，$12 脆卜卜都幾好啊海鮮喇沙無特別驚喜，個米線都入味既沙茶牛腩米線反而唔多好味，好濃味，太鹹，d 牛腩大舊啊，但就好un 難以咬開一杯名叫熱帶雨林幾搞笑，但只係hea 梳打罷了反而令人大愛係熱燕窩海底椰，好潤好清新，最重要係足料熱窩 (唔知真定假，至少都有一定份量)好想encore個甜品咁就$300唔多值

難得老遠入到沙田，相約友人來個即興飯局，睇落少爺18個名咁特別，一於就試試啦~其實都係去到門口先知係食新馬菜，哈哈哈正值繁忙嘅lunch時段，食客都幾多。好在店內位置好多，店員好快就安排到位，唔洗排隊爭分奪秒嘅lunch hour，極速嗌左上面嘅新加坡風味肉骨同下面嘅炒㷄條。碟炒㷄條其實等左大概十五至二十分鐘先送到，anyway因為太想食，照等。呢個新加坡風味肉骨茶（餐牌上另一款嘅馬拉味嘅則配藥材味），主要係加左白胡椒，白蘿蔔，豆卜同豬肉。一上菜已經聞到好香白胡椒味，配飯真心好開胃。配菜有花生同油炸鬼。碟油炸鬼好薄同唔脆嘅🙈之後到呢碟炒㷄條，份量相對較少。味道幾香口，係唔錯嘅本人幾鍾意隻扮藤嘅碟，影落都有幾分似，但其實都係瓷碟黎飲品叫左呢杯美綠哥斯拉，可惜野飲就遜色左啲喇。本身expect有好多美綠粉豈面，但呢杯就冇，而且都淡味d。加左$18轉呢杯野，感覺蝕左今餐因爲朋友豈附近番工有優惠左85折，所以都唔算太貴。實際冇折ge價錢本人認為係有啲偏貴嘅

禮拜日有人突然講起海南雞飯，好即興地搜索見到沙田呢家星馬菜，決定來試下。兩個人點左每人一個海南雞飯，加一碟炸蠔餅share食。埋到位當然先飲杯茶，冇料到原來杯茶咁有星馬風味，幾特別喎（有D大鄉里不過之前在外面食星馬菜未飲過呢款茶），哎呀唔知點形容又冇影到相。份海南雞飯都有D份量，有切得大大件的海南雞、雞油飯、雞湯、醬料，自己唔算大胃，起初都擔心食唔曬（ok啦最後只不過比左兩件對面果位），食落其實又ok，但想講呢日個雞油飯好似乾左少少，我將D雞湯淋上去撈埋就非常好，不得不提的係個雞湯味道唔錯，係有雞味架，味精敏感嘅我也並無出現特別反應或者口渴。順帶一提海南雞飯有兩款：招牌及健兒，招牌98健兒108，menu話健兒係雞胸肉，個飯係紅米飯。剛好鄰座兩個旅客share食緊健兒海南雞飯及一碟油菜，細食女生也可以考慮。炸蠔來了！menu照片明明係一底好靚仔的，實際上碟係散曬的一底😮，不過見D蠔仔都算多同大隻就原諒佢啦。跟隨上桌有魚露同一碟橙色醬（酸甜？酸辣？冇點，唔知），我地都鍾意點魚露，其實好鹹但又幾惹味，蠔仔味道ok又夠大粒，整體炸粉可以少返dd 就更good啦。食完濃味野再飲返頭先杯茶清清舌

星期五中午趁機出外吃個好，由於大家都是抱著這心態，因此等了好一段時間才有位置。這是我點的雙拼，海南雞配喇沙，價錢約120左右，有飯有麵相當豐富。飯自然是油飯，挺香又不會很油膩或硬身。海南雞份量正常，肉算是嫩滑，還配有酸菜可以配著吃。喇沙湯底濃郁，且裡頭的料也不少，明明很小一碗卻滿滿的，份量上完全不用擔心是值回票價。飯與雞個人覺票錯但嫌米線寫甜得有點久所以很軟身。肉骨茶牛肉湯米線，約90左右，湯底濃郁，差味道票錯，份量也夠。加了錢換特飲，不會太甜所以挺不錯。以午餐而言還算可以～

今日同同事又係午餐食啲咩而苦惱，當我地成班人諗唔到食咩嘅時候我哋就會去新城市廣場嘅少爺18式最鍾意嘅海南雞飯同埋肉骨茶飯！少爺18完全係我哋公司嘅飯堂！坐得舒服之餘食物質素有性價比高！又唔洗同人迫！沙田18嘅海南雞飯，嫩滑新鮮，再送多個杞子雞湯，對於長期冇湯水飲嘅我來講真係人間極品！

星期六同老公行街街，新城市咁多餐廳，難得假日午餐唔駛等位，就食你啦～當日餐廳滿坐，略嫌有啲迫，可以清楚聽到隔離枱嘅傾計內容。餐前送上小食-花生同炸魚皮($12)。我地叫咗3樣嘢食。香芒白飯魚沙律($78)。雖然話係沙律，但得一塊生菜墊底，應該叫炸白飯魚。上面有辣粉，點附上嘅芒果醬會減低熱氣及油膩感。炸九肚魚就食得多，炸白飯魚原來都幾好味~招牌海南雞飯($98)。一上枱就知夠傳統，因為有齊薑蓉辣醬黑醬油。雞肉嫩滑無骨，油飯香口綿軟。黑蘿蔔糕($62)。其實預咗會濃味，但真係太咸，咸到要食海南雞飯附上嘅酸瓜中和。好掛住新加坡嘅粿條呀～總結係，海南雞飯下次要再食，下次會試下其他食物。

少爺18既海南雞真係好好好味 值得encore 雖然價錢都係八十幾至百幾 但間唔時lunch就會想去 當食慰勞下自己😆今日又去左食飯雙拼！招牌海南雞配新加坡肉骨茶 想講呢到肉骨茶味好濃 飲落就知足料！胡椒味岩岩好 提到味！招牌海南雞唔駛講 雞肉滑 油飯粒粒均勻香口！有三款醬揀 最鍾意係黑色個隻甜豉油杰杰地身好正！相信我不久既將來又會再黎食😆

呢間唔使等位，試呢間少爺18，新加坡菜，唔知正唔正宗。個星洲肉骨茶- 唔夠濃味，無咩肉骨茶既味道，好似一般清湯加幾舊豬骨咁。黑蘿蔔糕事實上只加豉油煎蘿蔔糕，食白蘿蔔可能仲好味，唔太特別。沙嗲串燒一般，太燶，同普通泰國餐廳無咩分別。最最最好食既係豬寸骨，加咗蜜糖醬，幾好，做得唔錯。D菜有D鑊撈要用水沖沖。地方舒適，事實上有D貴，唔太值，佢地標榜正宗新加坡菜，我就覺得唔太正宗，希望食物改進得好D，下次會再試!

今日午餐同女友嚟呢間食，食物認真麻麻侍應亦唔見得特别好，例如一個瘦瘦長髮嘅，遞碟餸嚟就咁放响餐牌上面，係咪懶成咁呀，埋單時又有一個四眼仔口黑臉黑……幸好都遇到位有禮貌又勤力嘅上年纪女人是日餐單1) 海南雞半隻: 都仲叫少少滑，不過全無雞味2) 巴東牛肉: 太普通亦唔可以叫好食，泮碟青瓜就幾好食3) 炸鱸魚: 完全無魚味，又乾又鞋，成碟無味嘅4) 簿餅配咖哩: 呢個幾好食5) 雪梨莉: 幾香，好飲整體主菜無樣可取，員工服務普通，以咁嘅價錢，呢度唔值