囍玥潮州酒家 (Closed)

與十多個朋友一起吃晚飯，預約有一間房，可以安靜聊天，每道菜都好大份量，並且非常有特色，大家都滿載而歸，吃不完的還要打包，非常潮州的菜式，最有印象是酸菜魚湯，每人一位，裏面的鰻魚非常嫩，用酸菜包着，非常有特色。非常值得推介

經常嚟呢度食潮州菜，比同區的另一家老字号便宜，性價比高。聽聞係搵咗佳寧娜嘅師傅嚟主理。呢餐同朋友慶祝生日，十二人七千連加一，菜單如下：黃金魚皮涼拌海蜇滷水鵝肝拼鵝腸生磨杏汁豬肺湯川椒蝦球灌漿蘿蔔卷蔥花炒蠔爽炸原條沙尖魚 x 12油皮鵝掌同生菜双丸大芥菜煲脆皮走地雞糖醋双面王壽桃清心爽推薦滷水鵝肝同鵝腸，鵝肝口感嫩滑，鵝腸肥美。葱花炒蠔爽，外層香口，內里軟滑。糖醋双面王金黃香脆。炸原條沙尖魚炸至骨酥，香脆味鮮，無腥味，骨少，啖啖肉。

作為半個潮州人我食周圍去搵唔同嘅潮州菜點心今次比我搵到一間位於尖沙咀嘅潮州點心好有驚喜由於我係星期日過嚟 但係人流都比較少所以平時唔寫食評嘅我 都想特登支持下佢 寫個食評呢度有好多唔同嘅特色潮州菜雖然喺尖沙咀比較偏嘅位置 但都方便搵到嘅環境一般 燈光較暗但食物質素真係一流好值得推介佢有好多懷舊嘅潮州菜都有好多唔同嘅潮州點心做得比較出色仲有好多潮州嘅甜品服務質素好 待客有禮可能佢收費比起平時飲茶嘅貴少少但係都算值得值得一提嘅係佢擺盆嘅裝飾會用蕃茄仔整隻兔仔睇到佢哋嘅用心

食物味道一般，勝在款式多，但價錢並不大眾化。5個人也7～800元。服務員ok 的，可是起菜等候甚久。環境佈置則好一般，有點失望, 因為十分擠迫。主要是中枱，大枱，聚會是ok的。

今晚老細請食飯, 唔想去都要去啦, 老細話平時成日黎, 所以去到佢自動波點好晒餸, 我地等食就得喇.呢度主要食傳統潮州野, 睇餐牌好多野都未食過, 好D期待.先黎個凍盤潮式凍龍蝦, 平時既龍蝦多數清蒸或者刺身, 呢個煮熟之後再雪返凍佢, 原來鮮味道更加濃郁, 而且肉質飽滿結紮實, 更覺彈牙, 確實不錯.另外仲有潮式蒸鯧魚, 鯧魚間中都會食到, 咁潮式有咩特別之處呢, 原來係會用咸酸菜, 酸梅蒸既. 食落有種咸咸地, 酸酸地既味道, 好開口, 啱晒而家潮潮濕濕既悶熱感. 魚肉夠軟嫩細緻, 鮮味濃, 一D腥都無.老細真係無介紹錯, 下次一定要再同佢食飯先得.

終於等到開放晚市堂食, 急不及待跟舊同事聚一聚, 公司附近的既潮式酒家, 平時食都唔錯, 今次試下晚市先.太耐無堂食晚市, 今晚一於豪一豪佢, 侍應介紹將近失傳既潮式名菜, 叫堂灼響螺片, 係潮州菜既手工名貴菜式. 響螺都好大隻, 手臂咁長, 侍應先比我地望下, 之後再拎入廚房打爛佢, 隔左一陣, 螺肉已經片好一片片, 每片都好肥大肉厚, 斤兩十足. 跟手就響面前幫你灼, 沙煲入面仲放左雞, 火腿等等既上湯, 輕輕既一灼, 大約八鈔左右, 來回拖拉, 熟度剛好, 即刻上碟.一放入口, 口感極爽脆, 無加任何調味, 濃郁既海鮮清甜味慢慢滲出, 非常新鮮, 令人一食難忘.另外仲食左凍花蟹, 又係夠大隻, 橙紅外殼賣相不俗. 凍蟹咬落一絲絲既肉質, 扎實夠鮮甜.

向來經常於尖沙咀區出沒，數天前無意中於尖東位置發現這間新開的潮州菜館，自然是要一嚐其究竟，所以今天便趁著午膳時間，特意帶同家人到此享用光顧。滷水鵝片滷水汁使用多種香料調配而成，味道鹹香濃郁，有著出眾的五香氣味，將其均勻淋上和浸泡著鵝片，肉質食用時甚為入味，鵝肉口感甘香嫩滑，緊實多汁。紅燒潮州翅潮州翅黏度較高，膠質豐富，食用時有漿口感覺，而且每羹的魚翅份量皆充足眾多，可見其真材實料。魚翅條條分明，煙韌香醇，加入芫荽同食，既能緩和潮州翅的黏口程度，亦能為味道增添獨特清新。香煎兩面黃伊麵兩面黃就是把煮過的麵條放在鑊中煎製，利用產生的鑊氣慢慢將麵條兩面煎至金黃，再淋上茨汁並讓其滲透吸收於每條焦香的麵條上即可。兩面黃伊麵外觀飽滿厚身，呈現心形狀態，配搭糖和醋食用，口感層次十足，鮮濃入味，酥脆爽口。滷水拼盤整份滷水拼盤份量大盤眾多，價格是 $188，如需要增添其他配料亦可以再額外加錢添加。拼盤有四款鵝食，分別是鵝肝、鵝片、鵝肉、鵝腸，各款均滷得入味，鹹鮮回甜。鵝肝口感細緻綿密，滑膩即化。鵝片肥瘦適中，香滑甜美。鵝肉清甜緊實，帶有嚼勁。鵝腸爽口脆彈，鮮嫩香濃。反沙芋條反沙芋是潮州地區的傳統名點，屬於

以往概念食潮州野都剩係識食鵝片, 蠔仔煎, 韮菜豬紅之類, 呢日約左個客, 咁啱佢係潮州人, 佢叫左D平時都唔識既正宗潮州菜黎食.潮式凍龍蝦, 凍蟹可能會食得多, 凍龍蝦第一次食. 清蒸後再急凍, 低溫即時鎖住最鮮既味道, 肉質飽滿結實, 每一口都感受到龍蝦新鮮彈牙. 凍食食到龍蝦最鮮甜, 唔似熱食芝士焗或者上湯焗蓋過晒海鮮既鮮味, 越食越開胃.潮式南瓜餅, 呢樣係潮州好鍾意既糕點, 將南瓜蓉加糖之後蒸, 凍左之後再煎到兩邊金黃色, 外表脆脆地, 入面就軟腍腍. 好香既南瓜味, 甜甜地唔漏, 係一味又健康又好味既飯後甜品.

晚市又要禁堂食, 響禁止之前相約朋友飯聚, 朋友鍾意食中餐, 所以搵左呢間新開潮式酒樓, 可以慢慢食.潮式食品當然要食蠔仔煎蛋, 即叫即煎, 煎得表面金黃香脆, 蛋漿唔會太厚,入面既蠔仔大小適中, 啖啖蠔肉, 粒粒都漲卜卜, 十分味美, 鮮甜多汁, 唔油膩.另一味有潮式咸雞, 皮下脂肪唔多, 肉質嫩滑夠鮮, 質感夠厚, 淡淡咸香, 但咸味唔會搶左雞既鮮味, 送酒一流.   晚市整體滿意, 服務都唔錯, 侍應經常加茶.

疫情下又限聚, 出街飲餐茶都變得奢侈.難得今日約到好友黎個午餐, 就試試公司附近既新酒家吧.點心除左大路既蝦餃燒賣之外, 呢款雪山义燒餐包真係有驚喜, 外皮好鬆軟, 加左D糖粉甜甜地, 餡料好飽滿, 义燒唔會好肥, 不經不覺已經填左兩隻落肚.黃金魚皮又係會一食上癮, 魚皮炸到脆卜卜, 剛剛好, 夠晒香口. 黃金輕輕掛響魚皮上面, 帶少少咸香, 但又唔會搶左魚皮本身既鮮味.櫻花蝦腸粉, 用櫻花蝦配料真係好少有, 所以特別叫黎試下.腸粉夠滑溜, 夠薄, 入口唔會一口粉團既感覺. 櫻花蝦都幾多, 帶點鮮甜味.仲有上湯鮮竹卷, 腐皮夠薄, 但又唔會蒸到淋晒, 餡料夠多, 一咬口感豐富.呢度環境舒適, 坐位與坐位唔迫, 不知不覺邊食邊傾已經過左2個鐘, 希望遲下放寬限聚, 可以多D朋友黎食個晚飯.