平成 (Closed)

見人介紹呢間居酒屋小店，我同朋友都搵左晚嚟試下呢間小店細細間，大概坐到十幾人，燈光柔和，坐嘅係木枱木櫈，幾有日本feel呢間都係主打小酌一杯配下小食，因為有成張menu都係清酒/啤酒配小食嘅combo，幾抵食。而主餐牌都有唔少小食，主菜等。兩人叫左一支清酒試下。店員畀左個木盒我地，原來係畀我地每人揀隻杯仔。第一次玩冰鎮清酒壺，入面有個冰膽，令到每一啖清酒都冰凍又唔會被溝淡~呢支清酒都幾甜幾易入口。前菜要左個明太子紫薯沙律，呢個出面真係未見過，紫薯嘅甜味配上明太子嘅微微咸香，原來係咁夾！食完都唔會好漏~~明太子雞翼，個調味非常剛好，微辣而唔會過咸。主食叫左一份味噌廣島蠔同芝士鰻魚飯。廣東蠔鍋個味噌幾甜，入面有四五隻蠔，幾鮮甜，仲有豆卜同菜等等，都算豐富。而三重芝士鰻魚飯一定要趁熱食！鰻魚唔錯，但下面個飯硬左少少。整體食物同環境質素都好高分！冇限聚令之後，應該會再嚟試啤酒小食combo

今日約左朋友去食晚飯，好耐無翻過「家鄉」緣故，所以去下食日本料理！咁岩係尖沙咀，有間好有特色既隱世居酒居！入到去個環境佈置充滿日本懷舊風味，有種世下閒聊既感覺！老闆好好人，服務周到，同我地介紹有咩招牌特色小食。既然係同朋友吹水閒聊，當然唔少得叫一支清酒🍶啦！盛載清酒既容器好過癮，同埋老闆比左好多酒杯比我地選擇，真心好靚好精緻！支清酒好清甜，唔會好嗆喉，係口裡面回旋一下，酒香味更濃烈！之後到主菜啦，咁我地叫左白豚湯溫泉蛋叉燒稻庭烏冬，烏冬好幼滑，同埋索晒豬骨湯底精華，好入味香濃；叉燒好大舊，好鮮嫩多汁，一啲都唔鞋！好好食！八爪魚大阪燒，肉粒滿滿，煙韌彈牙，塊餅燒到外脆內軟，非常入味，強烈推薦大家必叫既小食之一。跟住就係三重芝士燒蟹肉松茶蟹蓋，睇個外表漲卜卜，就知蟹肉滿滿，肉質鮮嫩，蟹膏香濃，加埋芝士配搭一流！仲有個炸德島縣生蠔🦪，咬落去脆卜卜聲，炸到勁香脆，蠔肉好鮮肥多汁，非常之好食！一支酒，一餐飯，一酒屋🛖，棒！

我覺得呢間野好有特色!叫左2樣野食同一杯飲品。蟹膏蟹肉拉麵好豪華呀!用蟹膏撈,面頭鋪滿左蟹肉,有創意又好味!係其他地方冇咩點食過呀!另一樣就係八爪魚大版燒,份量十足,面頭仲有紫菜同埋木魚,好好味!一路食,一路以為自己返左大版!好有關西既感覺!而飲品係青檸巨風提子梳打,唔會過甜又好有個人既賣點,提子梳打就成日見,加埋青檸好少見!有自己特色既食物令人印象好深刻!同埋呢度既擺設好有風格。呢度近MTR,可以多來呀我!

今日又同高太去撐枱腳😍😍去依間無剌身食既日本料理店鋪細細間，大約得十零個坐位靜靜地都幾好坐，不過啲櫈硬左小小侍應加大廚成間鋪得两位猛男，侍應哥哥要兼職埋二廚，所以店面經常都無職員係度我同高太好多時都会帶sake出去食飯，不過依度要收200開瓶就好似有啲貴而本身依度啲清酒價格本身都唔太親民依個三文魚籽紫薯沙律又幾好食，作為前菜幾新奇開胃高太話再多啲紫薯会更加加分仲嗌左個螢光魷魚醬油漬，略嫌咸左啲蟹肉炒什菌調味唔錯，不過份量就袖珍左啲豚肉提子卷依個都好食，燒熱左既提子清甜味更加出，同豚肉又出奇地夾章魚大阪燒相比起係大阪食既大阪燒唔同左style味道有啲咸左少少最後嗌左個蟹肉冷麵個麻醬調較恰到好處，唔太濃同太甜高太表示非常岩距口味食物普遍都質素ok但價錢就好似有少少略為偏貴因為始終成餐都無嗌過啲特別矜貴食物不過無加一服務費又係加反啲分既

抱歉，今次無影相，因為我只影好味嘅!星期日全晚只有2枱，全間舖得一個人負責所有嘢，佢會做左外賣單先，所以我地等食物超.....級耐。叫左幾串燒物，牛舌，墨魚咀，雞棒。牛舌係切碎粒，墨魚咀都係同滾水白烚嘅味道一無分別，佢可能慳火呱，求其加幾粒鹽，呢個價錢只可以賺我一次。其他叫左三文魚籽冷麵，牛肉大板燒，呢2個味道ok, 又係等得勁耐。唔知係咪燒物差到無朋友，呢2個馬上變得好好味。突然見到有條蟻隊沿住牆邊運送食物，馬上起身走人。雖然食物差，但樓面個位好忙嘅先生態度好。

好耐冇同閨密……難得佢百忙中抽空相聚,當然搵個特別嘅地方盡訴心中情啦😂趟門而入,細小嘅餐廳內採用木做餐檯同凳,再配以白色牆身作主調，牆上貼滿吾同清酒品牌招紙同手寫餐牌,牆架上又放置各種類型嘅清酒,頗有日式東洋風格🇯🇵。居酒屋備有適合用來配搭吾同佳釀嘅串燒、小食、炸物、燒物,仲有沙律、湯類、煮物等系列，選擇都幾多！✨加茂錦 純米大吟釀✨咁多款清酒,點邊款好呢🤔,店員推介呢個。水龍頭式斟酒,好方便。冰震清酒,味道少少甜中帶有清爽、柔和又易入口，非帶適合我哋呢啲初哥哥。✨鹽燒牛舌粒✨優閑輕鬆嘆清酒,點可以冇串燒佐酒呢?！牛舌厚切七大粒一串，燒得香口,只用鹽巴而冇需甚麼醬汁,加上青蔥花,食落有豐厚質感同獨特香蔥味。✨燒五花腩三重芝士蛋餅✨又五花腩又芝士,聽到個名都覺得非常十分、十分非常油膩。原來又吾係喎,香濃鬆軟嘅芝士加雞蛋交融,上面放滿燒香嘅五花腩、櫻花蝦同蔥花,熱辣辣時有微微拉絲。入口嫩滑香濃而不膩,充滿芝士香、蛋香、蔥花香加點鹹香。有驚喜✨三文魚籽紫菜胡麻醬冷麵✨將胡麻醬拌勻麵條,上面配搭三文魚籽同紫菜。用料就係簡單,但拌出嘅冷麵卻具特色,選用嘅麵條特別煙韌順滑,三文魚籽脆卜卜够新鮮,冷

嚟到尖沙咀一蘭隔離嘅一間居酒屋小店，意外地食物選擇同品質都特色！ 雖然居酒屋少少地方，但係成個氛圍都好有日本嘅感覺~ 紫薯沙律 —— $90 其中一道好有特色嘅前菜！ 喜歡食紫薯嘅人一定好鍾意~ 除咗紫薯嘅味道之外上面仲放咗三文魚子同埋成個沙律都有海鮮嘅味道~ 紫薯雖然飽肚同埋有啲膩，但係意外地呢個組合都幾易入口又fresh ~炸雞皮墨魚卷 —— $110 彈牙嘅墨魚泥再用雞皮包上，咬落去相當juicy ~ 炸雞皮嘅外圍令食落口感外脆內軟 ，味道係好食嘅唯一係覺得有少少偏貴燒野菌三重芝士蛋餅 —— $90好推薦！ 蛋餅同芝士兩者嘅味道好夾而且唔會搶咗大家，芝士係用偏鹹嘅高質素芝士，入面嘅野菌都係真係燒過先放入去~ 個人認為係有飽肚又好食嘅選擇！ 蒲燒鰻魚丼 —— $180鰻魚燒得有啲有啲太蕉，不過味道還可以，正常發揮

今晚想食日本菜，就去咗呢間充滿氣氛嘅居酒屋度飲下酒食下小食，同朋友把酒談心啦。日本白飯魚大阪燒$160大阪燒就食得多，但入面係白飯魚嘅大阪燒就真係第一次食啦，食緊嗰陣都會有好多白飯魚碎。大阪燒表面仲有啲醬汁同埋木魚碎同埋紫菜碎，味道比較濃味，比較適合送酒。木魚醬油凍豆腐$50食咗比較濃味嘅大阪燒之後，食番凍豆腐感覺格外清新。凍豆腐幾滑，涼涼地，食落透心涼。下面仲有好多姜蓉，朋友話佢諗起姜濤。七味魚翅乾$80呢個幾好食，幾有咬口，點埋醬汁，有啲辣辣地嘅七味粉喺上面，幾好幾好。鹽燒味增廣島蠔（兩串） $130廣島蠔好大隻，每串有兩隻，咬落去蠔味十足，仲有啲爆汁添。雖然唔平，但都值得一試。日本酒$700擺設得好靚，飲住酒，聽住歌，傾住計，影住相，食住野，真係人生一大樂事。呢餐話平唔平，但就好有氣氛。

成日都覺得香港冇乜好正宗嘅居酒屋，但係尖沙咀呢一間隱蔽嘅居酒屋，有私隱得來坐得都幾舒服，而且環境服務都唔錯。餐牌上好多選擇，即使係一啲熟食或者串燒，多好多唔同款式，而且份量都唔少。最後我同朋友兩個人點左壺酒，一邊飲酒一邊食炸雞，真係人生一大享受！啲炸雞大概有十幾舊，最重要係佢炸得一啲都唔油，而且入面啲脂肪都唔多，食落口好香口。大阪燒味道中上，食得出佢用料豐富，而且啲粉唔會好多，所以食得到其他材料嘅味道。而佢嘅雞皮墨魚卷串燒都真係第一次食，口感好特別，即是佢用咗雞皮，但係佢都唔會好油，同埋墨魚食落去好有咬口，配埋啲雞皮食真係好特別，但呢個都好推介！紫薯沙律顏色夠特別，味道有啲似薯仔，再配埋啲蟹柳絲，食落口都幾開胃㗎！

今個星期就同朋友去咗尖沙咀棉登徑一間叫"平成"嘅居酒屋食飯傾計 。 餐廳比較偏僻難搵，有一種隱世小店嘅風味。鋪頭細細，坐滿大概可以坐20人 ，裝修同氣氛都接近日本原汁原味。 我哋就叫咗兩串“日本鹽燒五花腩“ $90。 味道鹹鹹香香，好適合佐酒。脂肪同肉嘅比例都好平均， 入口又唔會覺得好油膩。 之後就叫咗個“鹅肝蔥花芝士蛋餅“ $160。 蛋餅嘅厚度適中， 勁多芝士邪惡得嚟，但係十分好味，而且蛋味濃郁，滲透著陣陣嘅蔥花香味，兩者十分配搭 。 下一道餸就係一個“唐揚炸雞“$110 。食得出同出面嘅有分別 ，炸得十分可口，配埋個沙律醬式，佐酒簡直一流 。 最後一道亦都係十分重點嘅就係“蒲燒鰻魚丼“ $180。如圖所示，鰻魚十分肥美， 而且份量十足 ，一啲魚嘅腥味都冇 ，十分滿意。 溫馨提示，有興趣去食嘅記得要預先book定枱呀。

😋味道：8.8/10📸打卡：7/10🗣服務：7/10🏡環境：7/10💵人均：$150-250 (只計食物，酒另計)💰性價比：8/10👍🏻推薦度：8.5/10🏃🏻‍♀️回頭率：40% .🐼呢間位於尖沙咀嘅居酒屋🏮地點相對比較遠 同埋門口比較唔起眼 但成個感覺好日本🤣餐廳唔多座位 成塊牆都痴滿晒日本酒嘅label 仲會有依家幫客人掛衫 加上環境比較暗 真係日式感十足 勁有日本小店feel！😙另外呢度對日本酒都好有研究 仲有好靚嘅杯🍶啱晒傾吓計飲返兩杯🍻雖然係簡樸小店 但俾人感覺好地道好有心思 而且食物質素都好高🥰係隱世嘅高質居酒屋🎎非常適合放咗工嘅大家去飲杯酒傾吓計👍🏻.👍🏻🧀燒五花腩三重芝士蛋餅 $130 (9/10)講明三重芝士 又真係海量芝士喎😋用蛋包住超多芝士 每一啖咬落去都係半融好香嘅芝士 超幸福！🥰加上燒香左嘅五花腩 仲櫻花蝦同蔥粒香 成個味道層次非常豐富 好有衝擊嘅一道菜🤤.👍🏻🧆鹽燒雞膝軟骨 $90 (8.5/10)呢個比我想像中細碟 但燒得好香好脆🤩而且係入味 唔係純粹燒完加啲調味.🍜三文魚籽紫菜胡麻醬冷麵 $130 (8.2/10)個人覺得佢嘅麵質幾驚艷😆好有咬口 少少煙

一行二人提前一日訂枱位置唔係openrice所講嘅棉登徑 應該一蘭拉麵隔離呢間居酒居食完一次一定無下次架啦！食物質素根本唔值得呢個價錢啤酒唔夠凍又唔夠泡店員都入晒去廚房 無嘜服務可言點餐時問佢野又唔耐煩咁樣其實得三枱客六個人 出餐都極慢出咁慢諗住即整 但啲燒物又唔夠熱只係暖小店驟眼睇以為整潔乾淨點知食食下見有米奇🐭暴走 痴線都係拿拿臨食完走啦 兩個人埋單成千三蚊 仲要唔係好飽去隔離食一蘭拉麵都無咁嬲真係可一不可再

餐廳位於尖東一條有不少日本餐廳嘅街，人流不算多，附近環境清靜，門面同餐廳室內設計富有日式居酒屋風格，枱凳均以木色為主，簡約得體，由於面積不大，較適合少人數消遣聚餐壺清酒盛合 $250 7/10呢個set最出色係壺凍清酒，口感好純，容易入口，女仔飲都好適合👍鈴鹿川·純米大吟釀、華味鳥汁燒雞肉脆骨棒2串、三重芝士燒蟹肉松葉蟹蓋燒雞肉脆骨棒食落有微微油脂味，脆骨軟淋，好有咬口，餐廳配有一隻生雞蛋，但沾在一起食沒太大特別松葉蟹蓋只有一件，啖啖蟹肉，焗得好juicy，中間落左少芝士去焗，食落有拉絲嘅感覺， 但不會太油膩，不錯👍胡麻冷菠菜$60 7/10麻醬撈菠菜味道好夾，麻醬份量適中，食完好開胃，菠菜雖鐵質豐富，但呢碟食完無「鞋」口嘅感覺海量蔥溫泉蛋炙燒左口魚裙邊稻庭烏冬$170 7/10呢個烏冬嘅蔥的確放得好多，湯底算入味，烏冬係普通稻庭烏冬嘅煙韌口感，左口魚食落入口即溶，但整體無特別新鮮感，而且相比其他食物，呢個明顯性價比較低燒野菌三重芝士蛋餅$90 7.5/10蛋餅芝士味非常濃郁，煎得好乾身，有野菌作餡料，食完唔會好油膩

啲嘢唔係難食，但唔特別好食，亦冇heart，唔值呢個價錢。啲侍應有啲煩，係咁走埋嚟想幫我哋整呢樣整果樣，但其實我哋想好好地傾吓計，食下野。咁啱我哋坐咗喺近門口同埋收銀嘅位置，個環境好繁擾，啲人係咁講嘢，行嚟行去，又呢又路。有少少坐咗喺路邊食飯嘅感覺。音樂太大聲兼且有啲煩，有少少超級市場feel。我哋張枱好細，但係佢都一次過上晒啲食物，完全唔夠位擺，都唔識得幫我我哋分開上。我哋叫咗個海鮮鍋物，啲湯滿到啱啱去到個煲面，一滾就會滾寫，所以整食物嘅人係有啲求其。總之，唔會再去，都唔建議大家去。

今天晚上放工後與同事到尖沙咀一間好有特色嘅日本料理居酒食晚飯 。 鋪頭嘅外觀裝修好有日本居酒屋嘅風味。我同朋友打開餐牌，餐牌上有少許日文字， 感覺好似去到真正日本嘅居酒屋一樣。價錢也適中。鋪頭嘅店員很熱情，他們推介我們喝這個清酒，清酒味道也非常之香濃，口感非常之純香。我們還點了檸青檸梳打， 味道很清新，好適合呢個天氣飲用。我最愛嘅紫薯蟹柳沙律， 味道非常之清新，好有田園嘅感覺。 我吃完再吃，停不了口。 非常開胃嘅前菜。我和朋友最喜歡這個三文魚溫泉蛋烏冬， 烏冬非常彈牙爽口，配上三文魚和其他配菜，口感一流。這個鹽燒和牛，口感也非常之正， 油脂分佈非常好， 入口即溶， 吃得出是上等嘅靚和牛。另一個我最喜歡嘅小食就是雞軟骨， 我差不多一個人吃完全碟。芝士蛋餅 ,有非常香濃嘅芝士， 非常好味。