凱日精品粤菜館

Open Now

Now Closed

今晚6位朋友訂左房食晚飯，首先間房是冇沒冷氣，邊食邊流汗，最後都係要加風扇。第二，一開始就問待應有冇套餐餐牌，冇反應。再出去收銀櫃檯再問有冇套餐介紹，他們答覆冇套餐，要散叫。第三，最後發現是有套餐牌，唔知點解D待應話冇？第四，叫左十個餸，冇一個好食，最後埋單$3500 !最後評語： 垃圾食肆，食物質素低，酒店價錢！列入黑名單xxx香港食肆有這些害羣之馬，難怪香港人不喜歡留港消費，要返上國內找好食物，好服務！今晚晩餐就有被屈的感覺！

今日陪媽媽去佐敦睇醫生，大約十二點看完後媽媽想飲茶，在樓下對面係佐敦薈有幾間酒樓，就試下其中一個酒樓叫凱日精品粤菜館🫖，地方不數好大，座位距離都數合適。點咗三款點心同一碟飯雪心叉燒包，包不夠鬆軟，叉燒餡料不多，味道一般。藥膳蒸雞脚，先飲一啖湯沒有藥材味，飲到好濃豉油味，裹面有三隻好細嘅雞脚，少少藥材水晶蝦餃皇一籠有四隻蝦餃，皮薄蝦肉爽口鮮甜多汁鹹魚雞粒炒飯飯都炒得粒粒乾爽，有好多雞肉，可惜沒有鹹魚，係一碟雞粒炒飯

同朋友經過佐敦薈，見到有間中菜食就walk-in 入去，見到有北京烤鴨賣但原來要早一日訂先有， walk in 係無得叫。於是乎就叫散叫其他野食！最好食都係雞煲翅，68蚊一個，現場即時搵個has爐即場煮熱再拎上枱，誠意分十足呀。雞煲翅味道好濃厚，又唔會太咸而且相當足料，強烈建推薦。至於其他菜式味道都唔差，份量都夠食。服務態度仲好好添，經常過嚟幫我地收碟加水。唯一唔好就係個場天花d射燈燈光好強，搞到成個人同埋個環境都比較熱🤒

凱日集團可以容許員工罵客人🤬今天早上我和母親去飲早茶，我已取飛等位期間見到有幾位顧客無取飛就入內揾位坐下，我母親見到就問帶位小姐，嗰位帶位小姐開口大罵我母親唔好咗住晒，我就同去講真系見到有人入去就咁坐下，佢仲大聲罵...到叫飛時叫到我號碼，佢一見到就唔俾我，俾下一位入去...😡😠🤬我同佢理論佢仲覺得自己正確。咁大家集團趕客我已後都唔會去

朋友請食飯菜色有特色，雖然不是什麼名菜，但普普通通一碟皮蛋酸薑、豬手凍、青瓜、叉燒燒肉，賣相吸引，整得好食。𣎴同平時酒樓食指定嘅款式，最不方便的是，男廁要上一層樓。

.總的來說……我個人唔會再幫襯！我見到之前都有人喺OpenRice寫到…… book咗位之後，叫佢取消……我都有類似嘅情況……佢哋嘅book位非常混亂……服務很差！因為我要book一間房，佢收一個人$500 minimum charge…我都無所謂！但是，到當日……佢竟然話……冇咗呢一間房……實在令人難以置信！我當然企硬……然後，同佢經理傾完……佢話用板間返一間出嚟……單單是呢一個經驗，我已經冇可能再幫襯呢一間酒樓！食物方面，其實係正常發揮，咕嚕肉仲表現出色……但是，出嚟食飯……最緊要係氣氛呢間…. 好差！.🔻.#ymdloveeating #ymdlovecooking #ymdlovehongkong#ymdhongkongstyle #ymdishere #ymdfood #ymdrestaurant

叉燒王軟淋唔嚡口，超好味，麻辣羊肚耳香而不辣帶爽趣，食不停口！海草魚皮凍，點上秘製麻辣醬爽口彈牙極之入味！主角上場，古法蛇羹極極至足料，加入少許菊花和檸檬葉同吃，簡直有畫龍點睛的效果，令味道層次提升左不少，食完一碗，即刻渾身是勁滾熱辣！支竹蛇卷～蛇用加入大量甘荀、木耳同其他不知名嘅素菜用支竹卷起然後去炸，口感層次非常豐富而且味道剛剛好，好食到一件接一件😋紅棗香粟扣全鴨～褐金色鴨肥嘟嘟瞓在碟上，侍應居中劏開一刀，原來鴨身已去骨，中間填滿粟子、蓮子、薏米等大量配料，鴨炸得夠透而不老，再蒸幾個鐘頭，令鴨肉鬆軟入味，鴨腔內料軟淋可口，充滿鴨香，比鴨肉還好吃！另外，鴨翼非常有驚喜，外皮入口即化，味道調教得剛剛好，全隻鴨很快便被我們龫掉了！陳皮豉汁蒸大鱔～最失望就係呢一個餸，大鱔完全唔爽口，淋身！只係味到搭夠！枝竹羊腩煲～因為我唔鍾意食好騷嘅羊肉，所以我就一般般！蛇湯浸時菜～冇乜特別臘味糯米飯～如果查到粒粒分明就更加好淋咗少少！

媽子聽晚85歲生日，本身食過呢間晚餐唔錯就喺尋日訂位。跟住剛剛十一點半打嚟話聽晚full哂叫我取消個booking！！搞到我失哂預算，星期六要搵位畀家人食唔容易㗎，仲要有兩位係老人家添😓😓我真係未試過訂到位之後打嚟話cancal囉，幾得意囉！😡😡😡😡😡😡😡

同家人去了佐敦薈三樓的凱日精品粵菜館慶祝媽媽生日， 這店子的餸菜非常美味，於是選了以下四款特別喜愛的菜式。蜜餞一字叉燒王厚切的叉燒肥瘦均勻， 肉質軟嫩多汁， 色澤鮮明， 香味四溢。即燒黃金脆皮乳豬乳豬外皮酥脆，入口融化， 再配合埋爽脆的酸蘿蔔，真是無比好吃。招牌脆趣有米澳洲龍蝦龍蝦肉質鮮嫩爽口彈牙，由糯米，白米和炸米組合而成的炒飯， 混合了龍蝦的鮮味， 很有層次感， 確有驚喜。老北京片皮鴨片皮鴨即場由厨師逐件逐件片出嚟， 皮脆肉香的片皮鴨放在熱騰騰的餅皮內，加埋青瓜絲，京蔥絲和醬汁， 真是令人回味無窮。

When you walk insides, you will find Heyday isnt too big and you can see the whole cha liu all as one, comfortable environment with chinese styled  decoration, the food quality is relatively nice and the waitress are generally nice here, nice choice having dim sum here haaSteamed Minced Meat in Fishbait Rice tasting yummy and the taste much higher than my expectation, the minced pork is so soft and well mixed, this is good for elderly too cause it’s easy to chew haa, good to have this choice usu

今早九時我地一行5人到達酒樓,門口知客叫我哋自已入去揾位,我哋去到最尾一張大枱坐下,突然有一個自稱主任(陸星容)及一個肥知客走埋來,話我哋5個人不可坐大枱,跟住講這裏佢話事,唔做你哋生意都得,我哋惟有搬去第2張枱,但跟住有5個人客來佢又比佢哋坐大枱,我去過所有酒樓,未見過有一個咁惡的主任

住在佐敦區，早上會去不同的酒樓飲茶，發覺凱日環境不太差，遂差唔多每日也去，有時見到知客和客人吵大鑊，已經知道是因為帶位不公平，冇想過事件會發生係我身上！今日早上，照舊去到按票等位，按完之後知客說有一個人在我前邊，他早點到，不用拿票，我不知道真假，遂和他理論，取代表公平，他向我們惡言相向，我們也向他對駡！找了他們的主任來理論，主任也不理會我們，這樣的態度怎可以做生意呢？我嘗試找凱日的集團投訴，但他們也沒有回覆，現在只有看這間酒樓越做越差吧

1. 個別侍應服務態度非常惡劣；2. 食物水準亦不佳：叉燒腸唔熱,叉燒熟唔透；最貼題是蒸排骨,因為只是有骨；3. 再上一次來就是連點心紙也遺失了,所以我和朋友們只可以飲茶

之前看到雜誌介紹幾間新開精品粵菜館，凱日是其中之一，不過估計菜式需要預訂，我們二人散客光顧，只有這個小菜菜牌。金沙海苔三層肉 $168以賣相來說，最可以算是精品小菜，灑上海苔粉、配合燒至金黃焦香的皮層，色澤對比增分。切口整齊如骰仔的三層肉，肥瘦均勻，皮脆肉嫩，不過，依我口味浮吃有少少過鹹，佐飯較佳。鳳梨咕嚕黑豚肉 $138用黑豚肉，份外鬆軟，調味不俗，酸甜合度，有拉絲效果。豬頸肉啫啫芥蘭煲 $128豬頸肉芥蘭炒好之後堂前倒進瓦煲，因為瓦煲燙熱，發出「滋滋」美味的聲音，疑似好有鑊氣，令部份食物略焦，都幾好。送木瓜雪耳糖水基本粤菜飯店裝潢，服務方面不會令你有投訴但亦沒有讚賞，整體不過不失。

同朋友黎到佐敦搵野食，好耐冇食過中菜，於是簡咗呢間新開嘅餐廳試吓，上到去就見到中式酒樓嘅裝修，設有卡位，私隱度較高屏風位座同vip房，仲聽到有客係房入面唱K😂餐廳早午市會有飲茶點心，晚市就只有粵菜，座位與座位都分得較開，比較寬闊舒適👍🏼一坐低就會先問你要飲咩茶，我哋簡左香片，好快就黎到，會有個火爐燒住一直保溫，非常貼心，菜式選擇都好多好吸引😋老北京烤鴨半隻好耐冇食片皮鴨，即叫即燒，所以呢個要叫咗先再簡其他野食，烤完之後會推出黎係你面前處理，一片片咁切出黎，燒得非常靚，外皮光擇脆口，肉質嫩滑，皮同肉之間唔會好肥，值得一贊嘅係薄薄嘅餅皮每一塊之間都有牛油紙分隔開，拎出嚟包都十分方便🥰百花鍋貼小棠菜中間係蝦肉餅同小棠菜，唔會好厚粉，蝦肉爽口彈牙，香脆可口👍🏼煎蝦湯帶子賽螃蟹非常經典嘅菜式，帶子好鮮甜，蟹肉加蛋白嘅組合，層次豐富，表面加咗魚子，每一啖都可以食到帶子同蟹嘅口感😋最後會有個甜品送返，每日都唔同，呢個係楊枝甘露糕，非常足料好食👍🏼👍🏼