凱日精品粤菜館

Open Now

Now Closed

朋友發現左一處飲茶好地方「凱日精品粵菜」佐敦地鐵站幾分鐘路程，交通方便，就算帶長者來嘆茶都沒有問題。這幢大廈基本上有幾層也是酒樓，但「凱日精品粵菜」给我的感覺十分新淨、衛生，所以揀咗下午茶時段去刷餐勁。下午茶時段更抵食，最貴嘅「特點」只係 $30 好期待點心可以一次過上枱，先上枱是各式蒸點心。以下點心以喜樂程度排列陳皮牛肉腸（大$26）腸粉皮稱不上太薄透，較有質感，碎牛份量搭夠吃到陳皮香，加少許豉油調味已經好好吃。薑汁雞包仔（中$22）難得酒樓有鷄包仔，必點！熱度十足，包身軟熟，餡料足，薑汁味點到即止，很香，帶出鷄包仔神粹。黑金麻蓉包($22)外間酒樓來來去去都系流心奶黃，真係吃到悶，所以一見到麻蓉即刻開心晒。黑色再熨金的外型超型，黑麻蓉半流心，略嫌麻蓉不夠多，但仍覺得芝麻味夠香和有少許流心,也是意料之外。水晶蝦餃王（特$30）比想像中細粒，但鮮味十足，餃皮薄、蝦仁爽口，好吃。魚肚棉花雞（$30）芋頭、冬菇、蟹柳 、雞肉及兩件大魚肚，真材實料，調味恰到好處，又鮮又香又飽肚。鮮百合野菌餃($30)餃皮煙靭，材料放得漲卜卜，味道較為清談的素餃。豉油王腰蝦炒腸粉 $68正常水準。七味骰子豆腐

今晚表哥約我去食廣東菜, 他揀了一間好精緻的酒家, 近佐敦地鐵站, 電梯可以直達酒樓,凱日精品粤菜館.  酒家門面闊, 好有氣派.看見大大魚缸多個, 海產海鮮好生猛.從門面以至內部裝潢都甚有氣派, 很迎合酒樓「精品粤菜館」的品牌形象.酒樓的大廳, 地方寬闊,  高雅大方, 適合晚飯宴會.酒樓所用茶具及餐具, 都好精美.  水滾茶靚, 對喜歡中國茶的我們, 十分欣賞.點菜時, 已送上酸蘿蔔, 感覺開胃.晚飯有 散叫, 亦有圍餐, 多款創意食品 , 不落俗套.迎賓 3 響 炮, 看看很吸引.表哥立即落單, 十分鐘 送到 濃湯雞煲仔翅,  夠熱, 湯煲得濃香. 料足,  火喉夠,  雞件及魚翅, 好滑口, 我們食得好滿意.接著 送來 蠔皇扣五頭南非鮑魚.出品熱辣,  溏心鮑魚頗為碩大, 足五頭又夠睇頭.  此菜式必是鎮店食品,   鮑魚味濃, 燘得入味且軟腍, 爽彈鮮美, 多吃有益, 囗感爽清滑, 獻汁濃稠度適中, 配西蘭花伴碟, 入口佳.蜜椒欖角骨,  上桌賣相吸睛, 擺碟優美,  肉骨肥瘦適中. 肉骨炸香了加上蜜糖, 皮脆肉嫩, 配合蜜椒欖角醬汁真係好惹味, 有水準 !我叫了碗 絲苗白飯

佐敦薈開左間中式酒樓，開業期間好多優惠，見咁抵$68有雞煲翅食，又有南非鮑魚食～茶具都好靚，茶壺仲有火溫罐唔怕變涼～｜五頭南非鮑魚｜$88質感屬於半乾鮑狀態，有痴刀啜牙嘅感覺，同時又煙韌軟熟，煮得好入味，鮑魚汁好鮮味，｜濃湯雞煲仔翅｜$68平時飲湯嘅肉都煲到鞋晒食唔到，但呢個煲仔翅嘅雞肉仍然嫩滑，雞皮亦唔算太多見膏，所以個湯都太飄油，翅就一疏疏份量好足唔吝嗇，呢個價錢絕對抵飲！｜豉椒炒花蛤｜ $168花蛤乾淨無沙，肉質都厚身同鮮嫩，加埋豉汁、椒絲咁炒，食到要蒜蒜手指～｜金銀蛋浸時蔬｜ $108咸蛋、皮蛋個量同樣足料，加咗上湯煮白菜，白菜爽口鮮嫩，湯底有蒜頭，味道清甜飲少少可以暖胃～食完仲有蕃薯糖水送～

🍴乾葱豆豉雞煲 128 蚊🐥三色椒 洋葱 豆豉 整成既雞煲 .🌶️ 一上枱 個煲熱辣辣 雞肉都好足料 夠雞味彈牙 整體帶少少辣 幾入味 唔錯🍴豉油皇銀芽炒麵 128 蚊 🔥🍜個炒麵用左幼麵炒 麵身比較爽口 上色幾好 芝麻 香葱 芽菜 一齊炒夠香夠口感 點 d辣油同甜醬都十分唔錯👍🏻 🍴蜜椒欖角骨 138 蚊🐷個外皮幾香脆 好夠蜜椒香 欖角味夠香 👍🏻 佢個骨 應該近筋位 夠哂彈牙 豬肉都幾有口感👍🏻#蜜椒 #豬肉 #中菜 #欖角 #雞煲 #豆豉 #芽菜 #炒麵Score 平均分 <7.5/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#凱日精品粤菜館 佐敦彌敦道233 至239 號佐敦薈3 樓~~~~~~~~~~~~~~

早排幫朋友手做左幾日家務助理，友人非常客氣，話要請番我食晚飯。唔想佢太破費，揀左去飲下午茶。朋友選了位於佐敦薈 3 樓嘅一家精品粤菜館，門面光潔明亮，場地偌大，加上裝潢簇新，整體感覺雅緻又舒適。先嚟瑤柱珍珠雞 ($36)，一籠兩隻，上檯時仍熱辣辣，糯米蒸得好軟熟，口感黏糯，瑤柱嘅香味完全滲透到糯米中，肉碎、蛋黃惹味香口。生菜絲魚片粥 ($38)  估唔到咁大碗，同樣是熱辣辣上桌，粥底煲得好綿，魚片大塊滑溜，鮮味十足，配埋爽口嘅生菜絲，大滿足。水晶蝦餃皇 ($15.8/2件)  以原隻新鮮海蝦做餡料，吃起來爽脆彈牙，口感豐富鮮甜。黃金炸饅頭 ($18.8)  饅頭新鮮即炸，熱辣辣出爐，外皮香脆，咬落濕潤，配煉奶一流！五柳絲鮮蝦腐皮卷 ($31)  腐皮卷色水好靚，外層煎至金黃微焦，入口脆卜卜，蝦肉鮮味彈牙，蘸點旁邊的喼汁吃，滋味無窮。燒腩仔湯檬粉 ($41)  燒腩賣相唔錯，好靚仔，層層相間，外皮香口鬆化，肉質軟腍無渣，鹹度同肥瘦度亦啱啱好，伴幼身細滑嘅檬粉吃，無得彈。旁邊仲有菜心作配搭，可中和油脂！石岐紅燒乳鴿 ($53)  乳鴿炸至皮脆肉嫩，非常香口，連骨也酥脆得差點可以食埋，用手拿

今日來到佐敦飲茶「凱日精品粵菜館」十分近地鐵站好方便。下午茶時段是人山人海的，等咗一陣就有位了！茶位星期日是$10。叫了很多不同的點心，水晶蝦餃皇$13.8 有兩粒，兩個人share剛剛好！蝦餃的餡料爆滿，熱辣辣！鮮蝦燒賣王大大粒，有鮮蝦同蟹子，仲有好Juicy的豬肉餡，好食！下午茶時段仲有叉燒湯檬粉$36，叉燒的蜜汁甜甜地好好食，檬粉清湯底也是不俗！再叫多個鹹魚雞粒炒飯$68，大大碟有成三-四碗，如果兩三個人食就啱啱好啦！另外茶底有個蠟燭底幫手坐熱，呢個是加分位。枱同枱中間的空間感十足，坐得好舒服！你間酒樓應該是新開的吧，感覺上裝修都好新，下次都可以再來吃！

間唔中都會嚟佐敦薈呢棟building度搵食 今次見呢度開咗間新酒樓 裝修都幾靚 所以入咗去試一試有三款特價好嘢食 包括扣鮑魚同雞煲翅等等 我哋叫咗一位雞煲翅 只需$68另外叫咗兩個小菜 包括黃金蝦球 同埋欖菜蜜糖肉排 雖然呢度嘅小菜單價都唔算平 但出品唔錯 見到其他檯食片皮鴨 即叫即燒脹卜卜好吸引雞煲翅雞煲翅由廚房拎出嚟 再用gas爐翻熱 非常夠熱地上到你面前 裏面好足料有兩嚿雞髀肉 同埋一梳梳嘅翅 分量十足 高湯味濃又暖胃 非常好飲黃金蝦球黃金蝦球新鮮烤出嚟粒粒都脹卜卜 合共有八大粒 蝦肉爽口 面頭包裹上滿滿嘅鹹蛋黃碎 炸漿酥脆又唔會太厚 啱曬我口味欖菜蜜糖肉排肉排用上一字排 肥瘦適中 加上蜜糖甜甜地 非常下飯另外叫咗兩碗白飯 最後仲送咗兩碗薑汁蕃薯糖水 薑味夠又唔會過甜 好滿足 兩位埋單五百蚊有找

剛收到了新一輪消費券，便和家人出外食餐好。今晚選擇了在佐敦匯的「凱日」，扶手電梯上三樓，眼前便出現了一個大魚缸，色彩斑爛的生猛海鮮游來游去。餐廳的空間寬敞，沒有一般中式酒樓的壓迫感，而且裝修簇新，整潔明亮，吃得舒適。開了茶，茶壺是用慢火暖住的，保證不會熱茶變「涼」茶。我們在樓下廣告看到的“濃湯雞煲仔翅”，當然要一試啦！先來一碟餐前小食-----黑醋蘿蔔，酸酸甜甜的，非常開胃。“濃湯雞煲仔翅”，啖啖都是爽口的魚翅，雞湯亦濃郁。“金湯蟹肉扒滑豆腐”，超滑的豆腐，加上蟹肉的鮮味，十分配合，味道稍為清淡一點。“鳳梨咕嚕蝦球”，大大隻的炸蝦球，爽口鮮甜，配上酸酸甜甜的醬汁，非常惹味。還有烤香的新鮮菠蘿伴碟，簡直是錦上添花。最後，還附送“番薯薑湯”作為甜品，薑味特別重，雖然有點辣，但絕對可口。

印象中佐敦薈的食肆轉了很多次，是夜約了友人在凱日精品粵菜館晚膳。餐廳枱與枱之間的距離足夠，不用膠板分隔，感覺良好。凱日有迎賓三響炮，眼見有不少食客叫上，但是夜只想與友人飯聚聊天，沒有叫上海鮮，只點了兩三款小炒。金腰玉帶小炒皇友人最愛小炒皇，凱日的小炒皇多了桂花蚌(金腰)及帶子(玉帶)，感覺上是名貴了。韭菜花幼嫩可口，腰果香脆鬆化。脆皮糯米釀雞翼雞翼去骨後再釀入糯米炸脆，雞翼外表脹卜卜，一咬之下雞皮香脆可口，糯米軟糯帶少少辛辣味。蜜椒欖角骨欖角由烏欖加工而成，氣味芳香，味道微微酸甜，有一種獨特的鹹香味，用來醃骨，能去腥增味。腩排肥瘦適中，多肉少骨，加上蜜糖黏度高，可以黏著欖角。此菜新鮮炸起，食到最後依然非常熱辣。

今日過開佐敦飲茶，第一時間就諗起呢間茶樓，上次朋友食完後大讚不停，所以一於去試一試。由於我地當日是下午茶時段中較早去到，部長比我地安排了獨立房間，佈置優雅，更有迷你獨立電視，岩曬我呢啲鐘意用電視伴飯的人。先點了一份雪山叉燒包，外觀不但精緻，食落更是鬆軟，叉燒餡料肥瘦適中，而且叉燒使用蜜糖醃製多時，味道相當入味，令人口接口，馬上便食光。另一份我最喜愛的是鮮蝦餃，下午茶時段的菜單中，可以單點一份兩隻，岩曬我呢啲人少又想食不停種類的人，蝦餃外皮相當薄身，一咬便鬆開，蝦肉汁即時流出，而且味道鮮甜，蝦肉肉質彈口，是我食過的蝦餃中最為出色之一，相當推介。下午茶時段的人均消費大約一百元左右，質素很高質。

終於等到有消費券喇，今晚收工即刻去消費。有消費券加持下，購物吃喝寧舍開心。裝修光鮮，環境寬敞，冷氣適中不太凍，餐具精緻高級，還印有店名呢！聽著古式古香音樂的同時，吃著爽口醃蘿蔔前菜，主菜就到了：龍蝦湯海皇羹湯帶海鮮味，蝦量不少啖啖肉，味甜甜。紅燒石岐乳鴿炸過都不會過份油膩，吃時皮脆肉嫩，入面每口都爆汁，令人滿足。鮮蝦福建炒飯有飯落肚才算是最完美的一頓中菜，這道每粒飯底都炒至企身。和翠玉瓜雞柳冬菇粒瑤柱帶子仔甘筍🥕雞蛋🥚還有蝦仁等，口感豐富踏實。爽脆軟糯清甜幾種感覺同時在嘴內釋放，調味獻汁不過度，亦適合上年紀人享用，美味又健康。泰式香辣生菜包賣相一絕，連生菜也切得有花邊，那麼小心機，怪不得最後才上。肉鬆半肥瘦，無豬肉膻，加上檸酸味道柔和醒神，好易入口。跟香葉蔥段辣椒爆炒，辣度超有驚喜，十分刺激，配上清新的青綠生菜🥬吃，中和了肉食之飽濟感，滋味味濃😇卻不嗆喉。吃完還有番薯糖水送呢，不過太飽沒有要。食後感：位置方便，餸菜質素不俗，職員好有禮貌。衞生良好，包括洗手間也是哎，下次會帶埋媽咪去試下。

家人想飲茶，諗住去莊士倫敦廣場搵間茶樓飲茶，經過呢間酒樓見佢好似新裝修，應該新開無耐，所以就決定試下佢。入到去坐左一個近窗邊嘅位，枱與枱之間非常闊落，坐得十分舒適。侍應同傳菜服務都好好，有禮貌同埋手腳快。叫左家人必叫嘅燒賣，黎到好有驚喜，非常大粒足料，而且仲有成隻蝦係粒燒賣上面。另外仲見到佢有好多酒樓都無賣嘅芝麻卷。順帶一提，酒樓茶具精美，有精美圖案係碗碟上，亦提供蠟燭座熱住個茶壺，非常貼心。會同親友再去。