日暮家 麵匠 (Closed)

想黎日暮家好耐了，但因為之前太多人，要排好耐隊，所以等一等先黎，咁岩放工經過唔駛排隊，立刻入去食個一人拉麵。係門口就有一隻吉祥物點餐紙，雖然只有拉麵幾款拉麵，但款款都好吸引，有選擇困難症的我唔知點揀好最後揀左琥珀拉麵，因為又有豚肉又有雞肉同埋蜆，好吸引，可以試唔同的食物等左一陣，拉麵黎啦，湯底清清地，有陣松露味，加左枱面上的生蒜仲野味。蜆肉大粒，豚肉好香，但雞肉就有啲「鞋」，拉麵點左普通麵質地，份量多，好滿足小食點左溏心蛋，蛋面有貓貓腳印，好可愛，蛋味濃，望望下原來用夢王架，雖然好似熟左少少，但都好味

聽聞呢間鏡粉必去嘅拉麵店薄有名氣趁住閒日去朝下聖 下晝兩點去到唔駛排隊就入得店內都8-9成滿即刻嗌左個日暮拉麵試下好快就上到菜加左隻溏沁蛋@$16 略嫌少貴拉麵賣相唔錯呢款係醬油豚骨湯底幾濃厚嘅豬骨味 唔算太油 咸度適中嘅食完飲淨少少個湯 湯底算唔錯嘅慢煮叉燒就一般般 冇咩特別丸京嘅真叉燒好食好多溏沁蛋令人失望 過熟唔流心 麵底可揀硬度 揀左普通硬度 食落有咬口嘅拉麵份量唔太多 女仔食岩岩好整體黎講 質素平平 性價比一般 未有衝動再encore

朋友係生粉，我陪佢黎朝聖食呢間AK開嘅拉麵店😂不過食完我係真心覺得味道幾好！我叫左琥珀拉麵.朋友就叫左赤雲拉麵。2個拉麵個份量同ok ，朋友果碗赤雲拉麵，面頭放左好多樱花蝦，配合拉麵一齊食，可以食到櫻花蝦鮮味之餘，仲有少少脆香咬口。我叫既琥珀拉麵，湯底係好鮮甜既蜆肉味，拉麵🍜面頭仲有少少黑松露，提鮮一流👍🏻而且松露味配埋拉麵，有少少咸香🤤好味。我地仲追加仲小食同溏心蛋😍個溏心蛋超正，有個貓腳印公仔可愛之餘，個流心蛋黃仲好甜😋值得追加👍🏻

作為生粉 又點可以唔食埋 🍜 AK老闆哥哥開的拉麵店呢門口大大隻KYUBI仔打卡位店舖全是用了江家7主子🐈設計的牆壁牆紙所成主打京都風濃厚湯底的拉麵 也不定時有期間限定的款式調味配料以及麵的軟硬度都可以選擇.🔸琥珀拉麵 $113黑松露蜆貝醬油 配 慢煮豚肉 雞肉叉燒湯底較為清新的 有蜆的鮮味 慢煮豚肉好滑嫩 雞肉叉燒相當特別呢.🔸赤雲拉麵 $108櫻花蝦味噌湯 配 慢煮豚肉叉燒湯底較為濃郁的 滿滿的櫻花蝦 也絕不手軟慢煮豚肉叉燒十分入味軟燸.食哂拉麵飲埋湯就會見到個碗底的7貓🤤.🔸柑橘果凍唐揚炸雞 $78柑橘果凍第一次見 即炸的唐揚炸雞 又滑又美味加上柑橘果凍的清新 成件事好有驚喜.🔸溏心蛋 $16貓奴必叫 貓貓肉球印在溏心蛋上 更加好味.🔸日暮家黑豆茶 $42🐈‍⬛由日本北海道產黑豆製造無咖啡因零卡路里 香濃豆味一解油膩.📍日暮家 麵匠📌尖沙咀宜昌街4號漢光大廈地下D號舖

一早比朋友叫我陪佢食，原因係因為支持偶像，本身冇乜期望的我，係出面排左10分鐘隊就有得入去。入到去見周圍都幾靚，環境好舒服，牆上仲貓貓公仔做背景。我同朋友被安排坐吧枱位，可以望到員工制作的過程。我叫左一個日暮拉麵，朋友叫左期間限定的檸檬蜆貝拉麵。日暮拉麵不過不失，係少左隻糖心蛋。不過枱上有啲無限添加好似菜脯的配菜就令碗麵好食左好多！而檸檬蜆貝拉麵就好有檸檬味，好似蜆肉，好開胃的感覺。我哋仲叫左個小食，炸雞上面有啲明太子醬，炸得好出色，不會好厚粉。

成日行過見到排隊，了解後得知原來係AK開，今日中午見到唔使排，朋友又想食拉麵🍜食物選擇不多，落單可自行走乜少乜，如有需要店員可以幫手的，湯底好澧、味噌亦唔少，成佰蚊食碗麵只有2片肉😅有點唔係咁低食，糖心蛋都有點過熟少少，芝士餃子🥟芝士好似食香口膠咁😅餃子算可以

這家拉麵店是香港人氣男團Mirror裏面其中一個成員Anson Kong哥哥和朋友開的拉麵店，有了明星效應加持，自然很多粉絲慕名而來之前經過了外面兩次，都是看到外面大排長龍，他們中午會開一次門之後會有落場時間，到晚上6點才會再開放排隊入座這次選了在晚上6:10就去排隊，過了沒多久店員說已經截單了😨還好我去得早，不然就吃閉門羹了！排隊的時候看到我身旁的都是粉絲們，等了兩個小時終於可以入座了！場內空間不算大，大概能坐20個人左右吧，在排隊的時候已經有店員遞給我們點餐紙，可是進場後不是立刻收起來我就納悶了，那麼預先給我們點餐紙的意義在哪裏？算了，還是嘗一嘗他們的限定拉麵吧季節限定葡式檸檬蜆貝拉麵🍜 $158AK大推之日葡Fusion葡式檸檬蜆貝拉麵，此款拉麵每日限量30碗，售完即止拉麵加上了檸檬令到蜆肉鮮味提升，湯底帶點酸味加上牛油甘香很開胃，拉麵口感彈牙，還好這個拉麵好吃，也等得不冤了😂可是在我吃完拉麵走的時候！看到有兩個男生在9點進門問還有沒有位置店員看到場內有空位就讓他們進去了我一整個傻眼！那麼我等了兩小時是為了什麼…..這家拉麵店我覺得還是可以一試的，但你需要做好排隊排到腳累的心理準

放工經過知係某知名香港男團某位成員開的拉麵店，就去試下有幾好食。我收舖去所以只等了10分鐘。我點了一個豬肉拉麵，我特別要求硬麵。在等餐期間，我個位的天花滴水，滴到桌上的調味料都有水，我通知職員，佢只幫我抹走彈在桌上的水，無處理濕左的調味料。到我個麵到左，我一食d麵係偏淋，完全無做硬麵，我有點失望。當我想用調味料（磨芝麻果個樽）樽口濕左倒唔到芝麻，我同職員講，佢將濕左的樽調左比隔壁桌，但其實人地都要用芝麻樽，唔知點解無備用調味料作替換。豬肉係夠薄，幾好味。但拉麵配料有洋蔥我第一次見。因為我係差不多收工去，所以我食緊的時候，隔壁桌的人已離開，職員準備收舖，所以不停收拾都唔緊要，但佢走黎收我的調味料，差d想抹埋我張檯，令客人感覺不佳。

支持Mirror (Anson Kong) 重有就係關注流浪貓既朋友，唔好錯過喇! 依間拉麵店主題係由A K七隻貓貓組成架!!!!介紹番先: 日暮拉麵（$98）同赤雲拉麵（$108）黑白喵喵碗盛載著既係濃厚醬油䐁骨湯，另一碗有橙紅色既係櫻花蝦味噌湯。我就最鍾意櫻花蝦既湯底😋😋😋而佢既份量方面都相多大碗有啲多到食唔晒🐱🐱🐱同埋佢嘅麵係好似比較硬身既粗麵，配上濃濃湯底，值得一試💕💕💕。櫻花蝦雖然加咗$10，但係足料好食！

朋友生日，因為佢係AK fans，特登陪佢去日暮家食拉麵，本來滿心歡喜的一餐，未入座就受到不禮貌對待。我們一行三人，排了一個半小時終於排到第一，諗住終於有得食，點知叫位果個哥哥，兩度直行直過，一句交帶都冇叫咗後面兩組二人入座。於是咪問吓係咪要等有三個位先到我哋入？嘩，問一句啫，果個叫位哥哥衝返入店之後再衝出嚟，非常兇狠咁呼喝咗句「你係咪分開坐丫？即刻俾你入！」即時咩心情都冇晒啦。最後等到入座，分別叫咗兩碗琥珀拉麵、一碗日和拉麵同四款口味嘅天婦羅雞翼，琥珀拉麵有得揀麵既軟硬質同香味油濃度，我同朋友都揀咗唔同既麵軟硬質，但店員送兩碗麵過來時就咁放低兩碗麵，咁邊碗係軟邊碗係硬？唔知道囉。本來開開心心既一餐生日飯，食到成肚氣，fans朋友係咁say sorry唔好意思，埋單平均每人都要$250，咁嘅價錢，講真可以有更多其他選擇，唔係陪朋友，真係唔會再食第二次。

今次分享的拉麵店是因為 Mirror Anson Kong 和流浪貓而支持。日暮家 麵匠 位於尖沙咀，聽說很多人去潮聖。所以特地選平日且過了午市時間的兩點多才過來，但都見有人在排隊。門口會有KYUBI仔陪大家，幸好大約等10分鐘就安排到入座。店內空間有點窄，如果剛好碰上有人想出又有人想入的話，路會堵塞 ...感覺坐在可看到廚房的吧桌座位會比較闊落一點點後面的座位則會有老闆幾隻愛貓的壁畫，是不是超可愛呢？主打京都風濃厚湯底的拉麵，有四款固定的拉麵，一款則是期間限定。調味、配料以及麵質都可以選擇，亦可以追加配料。可以吃完後有剩湯加一個白飯繼續吃喔！當然要試試期間限定的 葡式檸檬蜆貝拉麵 ($158) 看到不少的切角檸檬，入口是清新帶微酸的味道，吃落很醒胃。若果是夏天時間吃這碗應該更不錯，不過就未必人人喜歡，這很看個人口味。蜆也很鮮美，配湯一起吃有牛油的甘香，味道層次更豐富。日暮拉麵 ($98) - 即是濃厚醬油豚骨湯拉麵配慢煮豚肉叉燒。湯底很濃稠，不過就沒什麼太大驚喜。豚肉叉燒以慢煮的方式炮製，肉質嫩滑，看落肥美了一點點。麵質兩碗都選了普通，軟硬適中且都幾彈牙的喔！

依間拉麵店主題係由七隻貓貓組成～七隻貓貓都係A K家中寶貝🐱今次終於有時間排隊來朝聖一下！餐廳喺iSquare附近，平時都多人嚟排隊！上次6:00放工後等咗半個鐘太肚餓所以走左食其他😂今次誤打誤撞，係佢差唔多關鋪嘅時間排隊，半個鐘左右入左去😁今次叫左日暮拉麵（$98）同赤雲拉麵（$108）。前者係濃厚醬油䐁骨湯，後者係櫻花蝦味噌湯。2個都幾好味～不過份量有啲多所以食唔晒😂同埋佢嘅麵係好似沾麵既粗麵，可能平時個人食開幼身既。另外佢櫻花蝦多到唔洗錢咁😂雖然貴$10，但入面多左2粒雲吞都幾好食！另外再叫左餃子同2粒糖心蛋。可能張枱比較細，所以放埋餃子其實張枱已經無位🫠糖心蛋就一定要叫！因為佢上面係有貓貓印！！！好可愛🐱除咗舖頭比較細間同要排陣隊之外～所有野都ok😬仲可以打下卡！

👨🏻‍🍳食物：湯底係全店的靈魂！ 飲完一啖湯， 推到全餐飯的高潮， 但食配料/ 拉麵時好似分離左， 溶入唔到個咁正既湯底！ 另一可惜係食唔到溏心蛋， 一早已買晒！ 好想試吓夢王溏心蛋！ 🤤日和拉麵： 簡左特濃雞白湯， 比較杰身， 好正， 真係好濃， 唔會過咸。 相反慢煮雞肉叉燒唔夠入味， 比較失色。 琥珀拉麵： 黑松露蜆貝醬油湯底； 湯底清甜！ 飲曬成個湯😉 美中不足係蜆肉變到無咩蜆味！ 不過全部蜆好鮮， 唔會有沙。 炸鷄配上特製的柚子酸汁， 個汁好特別，唔係酸甜醬，係稀身帶咸的柚子醋！ 炸雞唔係平時食開的唐揚炸鷄， 比較乾身， 大約有六件， 份量相對多！🏙環境：小店內大約有二十個位。 枱比較細， 放埋水樽， 放兩碗面已經無乜位放小食。 店舖主題鮮明， 由AK 鍾意的貓擔當。 最搶眼係一副卡通貓壁畫，另外，細心安排排隊位， 唔會阻住門口的「神獸」， 食完可以專心打咭。 🤵🏻服務：大約排左個半鐘先排到入去食， 出食物時間快， 效率高， 番枱時間快！ 水樽啦如可換上冰水比較好。 如果唔洗排隊會試埋其他湯底！💰價錢：大約$100- $200 /位； 無收加一！ 價錢大眾化。 😋抵食: ⭐️⭐️⭐️

平日下午兩至三時去到人龍不算很長，等了約10分鐘便入座了。餐廳門外一定要跟Kyubi打卡，店內還有AK 的7隻喵喵🐱的擺設，岩晒喜歡喵喵既朋友。P.S.: 當日見有粉絲都自帶可愛小Mirror 打卡，忍不住都影了一張，感謝！店舖不算很大，座位約廿個，環境潔淨，職員有善，在門外等位時已經派點心紙，入座後即時製作約10~15分鐘就有得用膳。▪️琥珀拉麵 $113香濃黑松露湯底，叫了少油入口不會太油膩，有兩塊紫菜，兩瘦一肥叉燒，幾件蜆，喜歡無咁重口味嘅可以選這款！▪️溏心蛋 $16店鋪選用夢王強製作，蛋上面印有造型勁可愛既貓貓手爪🐾 咬開入邊嘅糖心蛋，蛋白蛋黃都有流心，口感一流，啱晒呀鍾意食蛋嘅我，勁QQ!▪️日暮家黑豆茶 $42黑豆未頗濃，標榜零卡路里，無咖啡因，用了8種健康原料製作，好健康！仲要有AK 其中一位貓主子嘅紙牌，好可愛🫶🏻順帶一提，餐廳只收現金，不過沒有收加一服務費，記得去之前準備一下。▫️日暮家 麵匠 @higureya.menso 📍尖沙咀宜昌街4號漢光大廈地下D號舖

選址尖沙咀大型商場後面一條小巷，周圍都有唔少食肆同零售鋪頭，但好多都執晒，好可惜，唯獨呢間拉麵店裝潢新穎，燈火光明，店外有隻神獸坐鎮，看守住間鋪頭，俾人一種朝氣蓬勃嘅感覺！當晚去已經距離開幕一個月左右，估唔到6點零去到都要排隊，期間有人招待你點餐、掃安心出行，仲提點你人齊入座、限時食45分鐘，過程好順利，等咗唔夠半個鐘就入座！一黎就點咗個「日暮拉麵」，由最原始嘅口味試試佢！湯底我揀咗少油、清淡湯底，見到廚師即場根據客人口味去調製個湯底，比我想像中易入口。麵身就揀咗硬少少，希望保守個彈牙口感都做到。而比我最大嘅驚喜係慢煮豚肉叉燒，完全無外面食過好煙韌、咬唔開、好乾身嘅質感，佢係肉身好軟，一咬就散開，化入人中嘅質感，配埋少少黑椒，好入味！額外再加咗隻溏心蛋，用日本夢王蛋做嘅，蛋黃金橙色，蛋味超濃郁，一定要加配！另外再加咗個「明太子醬天婦羅無骨雞翼」，炸得好脆好啱味，雞肉又好滑嫰，配埋明太子醬同少少沙津醬，簡直超夾！