日暮家 麵匠 (Closed)

環境像到了一間充滿愛的小屋，讓我印象深刻湯頭喝來口感綿密，口味圓潤不膩口，甚至還有點清爽！麵也很有嚼勁，跟這個湯超合！半熟蛋跟拉麵在一起，能吃到更加滑順的口感，一下子就把它清盤了感受到廚師的用心，謝謝款待🙇🏻‍♀️

《日暮家 麵匠》今次 生粉朋友帶我去打卡一家尖沙咀拉麵店🍜由Ak哥哥主理嘅拉麵店‼️門口仲放住大大隻Kyubi做生招牌🦊好多生粉都帶埋各位兄弟嚟打卡🧡而且店裏印有Ak養的7隻愛貓🐱---日和拉麵 ($98)|濃厚醬油雞白湯拉麵配慢煮雞肉叉燒|有驚喜‼️雞白湯底味道濃厚，濃稠，啖啖雞香味雞肉叉燒大塊比較薄身，肉質軟身吾鞋口麵質我地揀左普通，打完卡一輪都無令麵質變軟👍岩岩好，整體不錯喔🤪 琥珀拉麵 ($113)|黑松露蜆貝醬油湯拉麵配慢煮豚肉,雞肉叉燒|呢個反而無雞白湯咁驚艶，比較普通聞落好香黑松露味，但食落就無乜黑松露味😿味道就係係普通嘅醬油拉麵蜆肉大概有四粒‼️每一粒都好肥 完全砂👍呀 要讚 溏心蛋 ($16)糖心蛋每一粒上面印有貓掌印🐾可愛味道方面醬油味唔算太濃，可能太好生意醃製時間唔夠長😹😹溏心效果做到岩岩好👍 天婦羅無骨雞翼($68)我哋揀咗明太子味‼️炸得好香脆‼️外脆內軟，juicy 🐥雞肉嫩滑外皮略嫌少厚，明太子份量都算多 調味啱啱好唔會太鹹🤪個人幾鐘意(但雞翼尖部份無拆到骨大家食嘅時候小心) 芝士羽根燒餃子($52)呢個就反而有少少失色😿餃子煎得好脆好香口餃子味道普通，

利申: 自己係生粉今次除咗支持老闆，但都鍾意食日式拉麵🍜今日星期日11:45am 左右去到排隊，幸運地第一輪入到，可以因為一個人嘅關係入面全部都係老闆嘅主子餃子好食檸檬蜆肉拉麵，湯底好清新，好多蜆肉，麵質彈牙好味溏心蛋，賣相又靚日本製黑豆茶，好飲！店內環境好有心思，除咗有貓貓，仲有兄弟情另外，都想讚下店內員工好勤力，唔停手食物: ⭐️⭐️⭐️⭐️⭐️價錢：⭐️⭐️⭐️環境： ⭐️⭐️⭐️⭐️⭐️服務： ⭐️⭐️⭐️⭐️⭐️

係一個中午時分，當然要試食呢間最近好有話題性的拉麵店啦見到點餐紙，其實樣樣都想食，只可惜胃容量不足，最後點左「琥珀拉麵」同「芝士羽根燒餃子」，仲有「日暮家黑豆茶」當拉麵上枱時已經聞到好香，真係有黑松露陣味，叉燒好食，蜆好食，拉麵好食，仲清左個湯，好耐無試過食到連湯都清埋啦，佢地仲好好可以揀少油，咁食完都吾會感到油淋淋至於餃子，上枱時有好大塊燒左的芝士，一齊食又係好好食，黑豆茶又係好飲，仲有張貓貓招紙，好可愛會再去食，下次會食吾同的野

晚上7:30左右大概排左一個鐘多去食。建議多人又肚餓係附近食少少小食先再食拉麵。店員會派紙比每一個客人點餐，我同朋友個日就試左2款拉麵，3款小食。拉麵麵質好好，湯底好濃厚，我地叫店員攞左碗仔比我地，店員好好人，佢擦乾淨每一個碗先比我地。間店入面好多貓貓既元素，牆上面碗上面都有，中意貓貓既可以一試。我同朋友係為左支持偶像先去食既，但麵實在好好食，下次會再帶其他朋友再去一次。我覺得麵既價錢同小食價錢都合理既，係尖沙咀黎講差唔多既價位，所以經過既可以試下呀

作為生粉 老闆開新店緊係要支持啦🫶🏻😻MY係平日夜晚 大約7點左右開始排隊 人龍長到要轉埋彎🤣大概等左2個鐘左右就入得 算係尾水🙈🙈入到去 位置唔算多 只有24個位🙈店入面有老闆7隻主子既公仔壁畫 就連個拉麵碗都係😻拉麵可根據自己口味揀合適既麵質同湯底濃度 🤘🏻🍜 赤雲拉麵 （櫻花蝦味噌湯拉麵配儍煮豚肉叉燒）💸 $108麵質 : 軟湯底濃度:普通 佢湯底好濃味 再配上櫻花蝦 成件事好夾 🤘🏻濃度我覺得揀普通就夠 因為佢已經比較杰身 食得多就有d頂住左個胃🤣 麵質方面 叫左軟身 但食落去依然彈牙😱好唔錯😍😍😍😍😍🍜 琥珀拉麵（黑松露蜆貝醬油湯拉麵配慢煮豚肉•雞肉叉燒）💸 $113麵質 : 普通湯底濃度:普通 呢碗味道較赤魂拉麵淡 但佢好香黑松露味😍忍唔住食完一啖有一啖😍😍 冇咁重口味嘅人 可以揀呢碗😍最後朋友可以飲埋成碗湯 見底🤣 佢表示第一次食拉麵見到碗底🤣🤣🤣🥟芝士羽根燒餃子（6件）💸 $52呢樣小食就比較失色 味道方面較淡 而芝士係面頭 好快凍左就好難夾起同餃子一齊食🙈💬我覺得即使唔係生粉都可以去試🫶🏻 拉麵好食 價錢又公道😻😻J MY FOOD指數♥️🌤 環境:4.2/5🤵🏻 服務

新開張嘅日暮家·麵店係由AK嘅哥哥主理嘅日式拉麵店，屬日暮香川籏下；雖然舖頭裝修以AK嘅七隻貓貓為主，但呢度無貓肉食，亦無貓貓陪你玩😝餐廳主打嘅係特式拉麵，同親切嘅服務😊「季節限定」葡式檸檬蜆貝拉麵🍋- 黃色檸檬皮搭配紫色嘅洋蔥，上檯一刻已經滿足我視覺嘅享受☺️湯底鮮甜，有淡淡嘅檸檬味之餘，背後有少少胡椒香👍除左蜆肉之外，附有一片肥肉叉燒，岩哂食肉獸嘅我😝麵質可選軟/普通/硬，揀左硬麵嘅我，即使影完一大輪相，拉麵仍然有咬口🤭麵條屬於圓轆轆滑身嘅拉麵，未算掛湯。雖然濃湯食落係會有d滯，但有檸檬粒咬下咬下，轉頭就清底😎夏天食真係一流🧡🧡🧡「琥珀拉麵」黑松露蜆貝醬油拉麵🍄- 朋友係黑松露愛好者，呢個湯底唔係虛有其名，真係滿足到佢嘅菌癮🥳我乘機試左啖：的確香濃！但即使佢已經order少油，仍然覺得油左d..對於要見碗底嘅生粉黎講會有d吃力😅唔知係咪廚師嘅溫柔準備，三片叉燒兩瘦一肥，讚👍肉球糖心蛋🍳- 外型qq不在話下，切開蛋白蛋黃各有膏狀同流心位，口感一流🥰醬油味超香，但略厭咸左d，遮蓋左蛋香🥹羽根燒餃子🥟- 羽根部分無限延伸令人振奮😆😆😆燈光下嘅網狀影子巧令令呀😆😆😆即使我瘋狂飲完一大輪相，佢

好食，湯底濃。真心本來只係陪朋友(生粉)去試的，排隊都排左半個鐘，少少嬲豬。不過入到去見到咁多可愛貓貓，立刻開心返晒。咁係為咗偶像，為食物都值得試吓。我個生粉朋友當然開心到喊，值得支持大家除咗拉麵還可以試其他小食，都係物有所值。但同時比少少意見，明白好多生粉支持偶像打咭嚟食，但係千祈唔好浪費食物。食得到先好叫，最多嚟多幾次。如果真係無時間再去，可以自備環保盒打包小食比屋企人朋友試就不會浪費啦。大家支持偶像支持美食，都要支持環保♻️

撇除呢間拉麵店係AK開之外真係好食 係好值得一試🧡本人係日本拉麵控 裝修同日本拉麵店一樣カウンター位真心同日本拉麵店一模一樣好似去左日本🧡試左葡式檸檬蜆肉拉麵 湯底好好飲 飲到底之後都唔會口湯麵係粗麵唔係福岡既幼麵無骨雞翼一百分！！！餃子加芝士都係一百分！！仲有點可以少左隻糖心蛋？又可愛又好食又影得 🐈上菜好快 見住師傅係カウンター後煮野個feel一流氣氛好好 好元気 好日本成餐飯仲有七隻貓貓陪住下次去一定要試埋其他味！

相信好多人都睇到報導，知道呢間拉麵舖係MIRROR成員AK&哥哥開啦！食物質素始終係一間餐廳嘅靈魂，一於開舖當日就去試完比番個食評😋午餐時間黎到同朋友黎到，叫左2個拉麵1個小食share!第一款當然要試下期間限定嘅葡式檸檬蜆貝拉麵🍜自己食拉麵偏好清爽口味，例如鹽拉麵或者依家流行嘅柚子檸檬🍋咁。見到呢個寫住檸檬即刻要試試！檸檬味香帶少少澀酸，湯底清爽唔會膩，蜆貝口感似卜卜蜆嘅感覺，塊叉燒都好滑😋鐘意輕口味拉麵嘅唔好錯過✨另一碗係濃厚醬油雞白湯拉麵🍜呢個係朋友喜好，因為雞白湯底非常濃郁，除左本身有嘅慢煮豚肉叉燒，我地另外加左2隻貓肉球糖心蛋🐾好味好滿足👍🏻小食我地order 左天婦羅無骨雞翼（明太子味）！呢個口感非常驚喜✨個皮脆卜卜配埋我最愛嘅明太子醬真係一流😋飲品方面我地揀左黑豆茶同蘋果梳打，比較喜歡黑豆茶👍🏻清清地食完拉麵飲番啖岩岩好✨整體食物分量好滿足，質素亦唔錯！👍🏻下次要再番轉頭試埋其他口味嘅拉麵😋

終於試食到新開嘅日暮家喇餐廳環境乾淨，設計簡潔，牆上以可愛小貓做裝飾，非常搶眼試齊5款拉麵，再叫左4款小食期間限定嘅葡式檸檬蜆貝拉麵 ($158)酸酸地幾清新，蜆貝味好新鮮，每日限量供應日和拉麵 ($98)雞白湯拉麵加雞肉，雞湯味幾濃，好飲琥珀拉麵 ($113)黑松露加蜆貝再加雞肉同豚肉叉燒，黑松露香，蜆貝鮮味明太子天婦羅無骨雞翼 ($68)上面明太子醬同脆雞翼好夾柑橘果凍唐揚炸雞（$78)炸雞好脆加埋柑橘醬，唔會太油膩感白桃&蘋果梳打 (免費）日暮家最近做緊捐款活動，向店員出示捐款證明就可以得到免費飲品一支，幫助流浪動物最後想分享好可愛嘅貓拉麵碗，好有特色

今日試咗葡式檸檬蜆貝拉麵。佢個湯底好清爽，就算飲哂啲湯都唔會覺得膩。檸檬嘅清新香味同酸味，令到你就算係熱到溶嘅天氣，都會忍唔住飲哂啲熱辣辣嘅湯。啲蜆好嫩，檸檬嘅微酸能夠提起蜆肉嘅鮮甜。加埋洋蔥，味道同口感都更有層次更豐富。麵底我揀咗硬身，因為本身就鍾意食啲爽身有咬口嘅麵。下次再去，軟硬度試下普通，睇下會有啲咩唔同。如果本身唔愛檸檬入饌，又或者本身唔愛有啲酸嘅菜式，我都建議叫嚟試一次，或者呢個拉麵會令你改觀。服務方面，店員非常有禮友善，安排入座、落單亦見效率。環境方面，全店雖然只有24個位，但坐落絕對唔會覺得好壓迫，食嘢食得都幾舒服。

特登平日中午嚟食呢間由Anson Kong江𤒹生同埋佢啲兄弟們經營嘅拉麵店，職員未開舖就已經派定落單紙，除咗幾款拉麵外，湯底有得揀淡或濃味，仲有麵嘅硬度同埋配菜。雖然係新開張，過程由入場、落單、上菜到埋單都好順利。我揀咗限量嘅葡式檸檬蜆貝拉麵🍜檸檬汁帶出咗蜆肉嘅鮮味，豚肉就清爽少油，最正就係個湯底，揉合咗蜆貝嘅鮮味同埋豚肉嘅甜味，再加少少洋蔥刺激起味蕾，令我第一次食拉麵飲哂湯底😋。另外，我亦叫咗天婦羅無骨雞翼。明太子醬嘅香味濃郁但又唔鹹，雞翼切好咗可以食得津津有味而又斯斯文文🥰。優惠期內捐贈左款項俾關注流浪貓狗機構嘅人仕，會獲贈特色飲品。我就揀咗黑豆茶，佢用北海道產黑豆同埋日本越前軟水製造，既健康又適合酷熱天氣下解暑。總括嚟講，呢間係一間追求日本優質食物及服務態度嘅拉麵店，無論係邊個經營都好，都值得一去再去🤟🏻