慶發飯店

Open Now

Now Closed

土瓜灣有間專飲夜茶嘅小店😉成日經開都想試好耐😆最近見到唔少人介紹🤣就響無堂食之前就試吓🥸香煎蝦米腸🤤$21見到唔少人食，的確係好食😍即叫即煎，煎到兩面都好香脆😉春風得意腸😎$23即係腸粉包住春卷😏春卷新鮮炸起，夠晒脆卜卜😁味道唔錯，兩樣加埋又真係幾夾😙鳳爪排骨飯🙃$25我覺得好細兜，比較普通🤣潮州蒸粉菓😌$17皮比較厚，餡料尚可，不過不失🤓慶發飯店 (土瓜灣)土瓜灣譚公道102-106號嘉運閣地下

一間食店一日能夠開20個鐘，究竟做出啲乜嘢食物呢？所以就去試試，十時多去到，樓下較多人， 老闆大聲一叫：樓上有位 ， 望見樓梯，寫了個招牌是樓上雅座，於是上了二樓，樓上雅座其實不是什麼雅座，只是圓枱和圓櫈， 但可看到有間房仔，點心師傅在努力地整緊點心 ，快速地，一盤一盤的點心整好取出嚟，真勁！看了點心紙後，便決定點了燒賣、牛肉、煎糯米雞、 尖椒和叉燒腸粉，只需五分鐘左近，差唔多全部到齊。 大部份點心味道，全也不錯， 如燒賣好夠肉味，果然是招牌貨 尖椒有點辣，但是非常香口！ 最令我意外的是煎糯米雞，非常特別，裏面啲肉好淋， 糯米又好煙韌，但煎一 煎，又夠香口， 非常突出，一試難忘。這店的老細和員工待客之道是一致的， 只是一個短短早餐用餐時間，便同樣地令我感受到帶有土瓜灣舊區傳統嘅人情味在內， 加上味道美味而價格便宜，值得回頭一試再試！ 還有日日如是，一天做足20個鐘，竟然能做出如此美味出品，真令人敬佩！

自細有爸爸媽媽帶我嚟飲茶，今日就由我帶男朋友嚟飲茶，呢一間茶樓仔經營時間好特別，大家去之前要睇定先🤤。我最鍾意呢度飲茶嘅原因係，呢度有好多舊式點心，例如柴魚花生粥、鵪鶉蛋燒賣等等，而且價錢唔貴😍。茶芥都只不過係幾蚊一個人，仲要唔收加一服務費👍🏻。老火湯 $16飲落飲到啲味精真係少不免㗎啦，不過勝在大碗，連啲骨頭都好大舊，男朋友食得好滋味😎。鵪鶉蛋燒賣 $21已經唔係好多地方可以食到，一來成本貴，二來功夫多。呢度嘅鵪鶉蛋燒賣好好食，蒸嘅時間啱啱好，唔會蒸到乾爭爭😍。鮮蝦菜苗餃 $21我不嬲都唔食依啲餃，因為覺得個皮好厚😂。原來都可接受，好食喎！仲要啲蝦超大隻😛。炸春卷 $15抵！到！爛！$15有三大條春卷，新鮮炸，熱到要攤凍先食到🤤。炸得好好，脆卜卜，加埋我最愛既醋，天作之合。香煎蝦米腸 $21我最鍾意叫啲姐姐煎得香啲，佢地好有心機咁樣每條煎到360度都香脆😚。再加上無限量嘅醬，非常好正😍。

日頭想飲茶但茶樓大家都知咩料都係細茶檔正日頭想飲時先知佢下午三點休息到晚上六點定七點先開無計人地做到零晨三點好辛苦！食食下見到AK買外賣本身都無太留意到但佢係買超多一睇佢對眼就認得帶左口罩都遮吾住星味😬講下野食先中湯無味精勁足料牛肉球食落吾散大家一定要叫煎腸粉，叫佢煎香啲，連埋啲甜醬花生醬食好下正蝦米都食到架！由於太晏食，牛栢葉佢新鮮蒸吾un啱啱好本身我平時吾會食都食左半碟整體黎講佢平過酒樓但貴過深水埗少少

平時慣咗日頭食點心，夜晚食小菜，其實以前夜晚都有點心食架～飲夜茶～可惜而架夜晚好多茶樓都得返點心😕而之前上網睇過，土瓜灣嘅慶發飯店係專飲夜茶嘅！夜晚7點開到第二日下午～啱晒一班“夜鬼”😹，夜晚返工嘅人又有得食👍🏻可以揀飲茶或者飲湯👍🏻見呢日嘅湯都好似唔錯～大大碗老火湯～眉豆蓮藕粟米蘿蔔湯有幾十款點心任君選擇❤基本上都係平時係茶樓食到嘅點心，譬如係燒賣、雞札、牛肉球、蓮藕餅等等～而且仲有盅頭飯！呢度有個招牌點心😆👆🏻鳳凰煎米雞🐔(上圖右)其實就係蛋包住糯米雞咁煎😹呢個配搭雖然聽落怪怪地，不過係幾夾架！比一般嘅糯米雞香，而且啲糯米無咁痴，感覺無咁濟～可以一試👍🏻👆🏻叉燒腸粉🐷(上圖左)都幾多叉燒，腸粉唔會太淋～份量正常，啲碟就細細碟，望落“的骰”～兩個人叫咗六樣嘢～結果係食唔晒嘅😹鹹水角 外皮都幾香脆，入面啲肉都多～鮮竹牛肉球🐮啖啖肉有牛肉香～鵪鶉蛋燒賣 正常水準，大大粒～梅菜肉餅飯🐷難得嘅盅飯，肉餅都算大舊，唯獨係梅菜好似少咗啲～夜晚飲茶🍵必選💕💕可以順便行下土瓜灣先去食👍🏻

街坊嘅舊式點心小店啲食物好有特色，除咗基本蝦餃燒賣，仲有一樣小編我都未見過嘅點心🙈「鳳凰煎米雞」將糯米雞配以蛋一齊煎香，好香好惹味，大大份入面餡料有好多，有叉燒、雞肉、冬菇等⋯⋯煎咗食落脆卜卜，飯焦嘅口感，好香口！「香煎蝦米腸」亦十分出色，難得食到係煎到外皮好脆，而且每條腸粉都有滿滿蔥花同蝦米，配以勁多甜醬麻醬辣醬豉油，味道一流。「蝦餃」皮薄，大大粒蝦，好彈牙，而且每5-10分鐘蒸好出籠，夠晒新鮮！

鳳爪排骨飯呢個蒸飯，又有鳳爪又有排骨，即是代表又有雞油又有豬油，咁嘅飯點會唔好食！雖然呢個飯九成九好食，但都要睇下師父手功嘅！如果排骨太多味精，食後就會非常口渴！如果冇味精調理，雪藏排骨雪藏雞腳就好難搞！不過，呢間老式酒樓嘅老師父就真係合到好處！味精不多，味道剛剛好，加上美味蒸飯，跟我兒時的味道一樣，要食老香港酒樓，可選擇呢間，超正！虎皮尖椒好耐冇見過呢碟餸出現係酒樓，尖椒要大條但又不能太辣，也不能一點辣都冇！選擇尖椒真是要老練，呢間酒樓就做到了。

------------------------------我知你地一定未瞓教🙉仲好肚餓🤗話說我中學個陣已經好識嘆😌😌😌放lunch同 同學嘆返杯茶食點心🤗一盎兩件吹水唔抹嘴個隻🤣仲要大笑特笑癲鬼左線🙉噴曬飯咁囉🙊無咩既 儀態？可以當飯食🍚男神唔係身邊🤣梗係盡情食啦 平時就扮細食是常識吧！—------------------------------貪呢度夠平🤣唔洗加一🤤又可以坐好耐🙈仲有得揀飲鐵觀音、香片、普洱🍵茶錢都係4蚊雞真係好抵❤️我最鍾意食係蝦餃、燒賣、梅菜肉餅飯😋最推薦食👍：鳳爪排骨 金錢肚 奶皇包😍------------------------------

平時光顧都是外賣蒸飯和例湯, 這次是因為我媽媽想飲茶所以晚餐決定食點心, 點了好幾款不同的點心, 發覺點心的分量都比較精緻(即是份量太少), 媽媽話點心味道很一般,腸粉皮太厚,牛柏葉的做法不好吃, 大部分的點心比起酒樓的都比較遜色,下次都係買外賣蒸飯和例湯就算了

凌晨飲夜茶-凌晨想食野，仲要想食點心，朋友介紹司令去土瓜灣食，即刻搭的士去囉🤣。舖頭細細，廚房同樓面都係由一群姐姐負責，落單佢直接叫入廚房，神奇地又唔會漏單😂！-除左即叫即蒸系列，其他野食黎得好快，食物味道都唔錯，皮蛋瘦肉粥煮好棉，鹹水角唔油，炸得幾好，牛柏葉好食，想再encore多碟✌🏻。-整體點心好抵食，都係$12-25，蒸飯臘味飯就$24-27，最後埋單都係每人$50左右，性價比高！-

土瓜灣紅磡區一向都多野食，有時夜晚唔太餓想食下宵夜都會黎哩間慶發而每次黎都係食哩個煎糯米雞加碗老火湯糯米雞就食得多啦，煎埋都比佢諗到，煎到金黃色，外脆內軟，好香口飲埋碗老火湯好滿足

放工收得夜, 最喜歡到此小店買老火湯及點心小食回家夜宵老火湯天天不同, 跟店員熟絡了, 還可以叫給多些湯渣, 味道濃郁, 很溫暖間中叫多個蓮藕餅, 雖然內裡其實是魚肉, 蓮藕只佔少少, 不過味道還可. 

其實我很喜歡喝茶的, 早上來個一盅兩件, 想想就是福氣!這天早上不方便去喝茶, 就去供應點心的店, 買蒸飯和點心回家吃.點了一個豉汁蒸排骨飯($22)和一個春卷(忘了$?).豉汁蒸排骨飯, 排骨佈滿豉汁味, 晶瑩的飯粒上也佈滿肉汁, 一下子就胃口大開.春卷是即點即炸的, 透著濃郁的蒜泥味道, 實在非常開胃!配上自家的普洱茶, 實在是大滿足!!

喺土瓜灣飲茶我就會即時諗起食呢間茶樓除咗因為食物質素平均之外個人好喜歡呢度嘅人情味我每次嚟到都好鍾意食馬拉糕店員姐姐每次一見到我 就即刻會問：係咪今次都要馬拉糕呢？呢種感覺令我覺得好窩心至少係大型連鎖酒樓 係唔會有嘅！至於食物質素方面：最推介係食蓮藕餅即叫即煎另外咖喱魷魚亦好推介粉果煎得剛剛好 都十分推介

半夜1點忽然肚餓，心念一諗想食點心，但又唔想食微波爐野點算好？好彩土瓜灣有間通宵點心夜茶，他們專做早晚夜茶，又不是什麽大酒樓及不是什麼名廚處理的飯店，而只是一間裝修不靓的街坊地舖，專為一班街坊及司機大老服務，價錢不算貴， 最重要食品質素也不差， 基本上傳統點心都有( 蒸.炸. 煎及盅頭飯都有)，差點忘記一提，還有每天足料靚湯，如果大家突然想起，想食一盅兩件，又唔想去酒樓同人逼， 不妨過嚟土瓜灣試吓，我就比較喜歡食牛栢葉.牛肉同埋靚湯