慶發飯店

Open Now

Now Closed

這是一間可被選擇為用膳及茶聚嘅地方，惟點心之食材款式較少，若可提供很多嘅選擇就更加好;而食物品質方面就是一般，尚有改進空間，至於服務方面就是尚可偏好，亦有改善空間。整體來説，可值得選擇為用膳及茶聚嘅地方。

飲夜茶，土瓜灣最出名是這裡，有些客人是外區客，或街坊鄰居。很多飲茶的地方已經沒有大包了，而這裡的傳統大包，是有雞翼、豬肉、鵪春蛋，調味比較好，我通常買一個當消夜，只係$15。

今晚有客人請吃點心，而我正在工作中，因此留返D俾我。本來有燒賣，可惜我太肚餓，食完先記得影相，燒賣我覺得最好，至於蝦餃，粉果，鮮竹卷，鳯爪都係一般。而我覺得另一樣最好就係糯米雞。我有個客話有種餐牌沒有，就是蛋煎糯米雞，聽講好正👍

阿仔話請爸爸食父親節飯，決定去土瓜灣飲夜茶，始終羊毛出自羊身上ma叫左例湯，家鄉煎藕餅，绵花雞，糯米雞，煎蝦米腸，馬拉糕~家鄉煎藕餅，糯米雞，煎蝦米腸，馬拉糕都一级棒，樣樣熱辣辣上枱，足料好味~最正係煎藕餅同馬拉糕，一d都無欺場，煎藕餅香脆，馬拉糕鬆軟~比較失色gei係例湯同绵花雞，例湯有肉so味，绵花雞d魚肚唔夠淋食左gum多野先$105，超值

趁還有holiday mood, 放工到這間試吃。晚餐食點心蠻有新意。七點左右到達，已見有十多位食客在店内，侍應都忙著招呼。眼見半數是外賣，座上客則多數點蒸飯。我是衝着點心來，就點了粉菓，蝦腸及糯米雞。原來這裡不用畫點心紙，只要告訴侍應，她便會一一端來。侍應會問你要湯還是要茶。我看了openrice介紹，要了湯。要了湯，侍應就不會給茶的。足味老火湯果然不俗，今晚是粉葛紅蘿蔔紅腰豆豬骨湯，料多而且不咸，是沒有下味精的。後來的潮州蒸粉菓也充滿期待，可惜吃起來，覺得皮較韌，餡料大部份是白蘿蔔，小許花生和豬肉，不太香口。鮮蝦蒸腸粉的蝦算新鮮，但腸粉的質地呈糊狀，口感不太好。八珍糯米雞也是一般般。確實泛不著專程來吃啊！吃不下去，最後打包蝦腸和糯米雞回家。值得一提，侍應姐姐服務態度超好。

以前點心九成係酒樓早茶先有得食，衣家越黎越多小本點心店唔係用酒樓方式經營，唔洗一定早茶先有得食，係早午晚都有得食，方便好多！呢間興發，已經係唔知幾耐歷史，比好多點心店更早以專賣點心做賣點，佢地無早市，重點做夜市，寫係19:00 – 03:00，不過好多時都早過呢個時間開。點心做老牌點心，叉燒包、流沙包、腸粉、馬拉榚、鮮竹卷、春卷、大包、排骨等等…除此以外，重有蒸飯例水油菜賣，照顧唔少夜晚唔煮飯既上班一族。唔係即叫即蒸，但做法平實唔花巧又足料，今晚又幫襯，叫左叉燒包、鮮竹卷同例水！例水係蓮藕煲豬骨，料多味道唔太濃唔太淡，唔覺有味精，通常黎度都會叫湯！叉燒包皮係比較實淨乾身，唔同出面軟綿綿咁，但就好頂肚，用料十足，叉燒夠多又唔肥！鮮竹卷都唔錯，多肉，反而嫌佢菜少！整體黎講即叫就係蒸籠攞比你，地方唔大，好多熟客，個個伙記同食客有講有笑，親切既一餐飯！

店内有各款中式點心，粉粿味道好正，像兒時的味道一樣，看到廚師們忙着包粉粿，每當出時，很快售罄，蒸排骨肥瘦均衡，咬下骨肉分開，蒸的火喉剛好，馬拉糕，咬下回味（兒時），其他例如雞絲粉卷，燒賣，鮮竹卷味道也很好，難得的老舖

蝦餃皮厚薄適中，乾爽沒有破損，蝦肉未算鮮甜，內在加上筍絲，也吃得過。鵪鶉蛋燒賣甘香，肉香甜，軟淋鬆化。春卷熱辣辣，不太油。皮蛋瘦肉粥滑，夠火喉，但料不太足，可惜可惜整體上比上不足，比下有餘，中庸之道也。

慶發飯店我已經幫襯左好多年，金生最鍾意呢度嘅排骨飯，早前曾經因為加租已被迫光榮結業，知道要結業後有點失樂，後來過左大約年零，佢又揾到新舖重操故業，從此我地又多返一個飲茶好去處，無論下晏或夜晚，想食就去食。今晚放學後又嚟到呢度飲夜茶，特別鍾意呢度夠快靚正，除左咖哩魷魚同牛柏葉係要即蒸外，好多點心都係即叫即有，呢度人流轉得幾快，佢會每樣點心蒸少少出嚟賣，所以唔駛擔心蒸過火而太淋太爛。呢度價錢算係咁啦，點心最平$13一款，最貴都係即叫即蒸嘅魷魚同牛栢葉$20，而盅頭飯都係$19/$20一個，茶錢$3，無加一，嘆返一盅兩件都唔駛$30，香港罕見，真係造福唔少市民。豉汁排骨飯係金生最愛，佢喺度食左10幾年，佢話由$12食到而家$19。只因喜歡佢嘅排骨骨肉均稱，唔肥唔瘦，又夠淋夠滑，啲飯蒸得岩岩好，香軟潤滑又粒粒分明，食前落一湯匙豉油就perfect。之前只會食豉汁排骨飯，所以今次都係第一次叫北菇滑雞飯，雞肉又係好香滑，飯裡隱約滲出北菇嘅香味，同排骨飯不相伯仲，簡簡單單嘅盅頭飯已經覺得好滿足。唔知點解硬係喜歡食呢度嘅咖哩魷魚，懷念呢種舊式酒樓先有嘅咖哩味道，即叫即蒸嘅魷魚，大大件但又夠爽口，好有口

和朋友聊天，其中一個朋友話未試過飲夜茶，三條友坐言起行，朋友帶我們去土瓜灣飲夜茶。原來舊址已沒有了！已搬了新地方。朋友說比舊址大了些。不理喇好吃便是了。點了幾樣多西，有鳳爪排骨飯、馬拉羔、油菜、齋腸、煎蘿蔔羔、燒買⋯⋯等等。不一會便很快送上來了！鳳爪排骨飯很干身很粒粒米。豉油很香，鳳爪排骨點下棘醬更正！燒買普通，霖左些。蘿蔔羔很有蘿蔔味很粗身有咬口。正！我最喜歡是馬拉羔，很大個。足足有十寸直徑。很香很滑。我一個吃左一半。其他食物都ok的。但我發現他們下了很多味精。吃下去口渴得很。整餐消夜是味道不俗的。但味精太重了，令到整餐都很失望。如果冇味精這餐又會如何呢！那就不得而知了！

兩囗子送過小友上學，趁太太還未夠鐘回舖，偷一點時間和近期忙得無啖好食的她，食番一頓豐富的早餐....好久沒和她兩個人飲茶吃點心。人在土記，差不多唯一快捷又便利的選擇，便是搬進了新舖的老店"慶發"....太太今天心情很好，少有吃得比平常多。自己看在眼內，也特別高興....始終近來她經常忙得連飯也沒得吃，難得她有閒情安心的大嚼一頓，自己亦非常樂意讓東西給她吃....她一開囗便說要食馬拉糕，小弟當然第一時間就放一籠響檯啦.....糕的質地是軟綿的，味很夠甜但稍覺下得太多發粉或梳打粉下去，吃得脷有點嚡....牛腸一向是我在這裡經常叫的。但今天做出來的似乎失了水準，關鍵是皮厚之餘牛肉餡又是少得可憐。用來塞飽個肚是可以的，但若要論美味的話就完全不入流....鮮竹卷就反而較少叫。外層腐皮被浸得油淋淋；幸好肉餡尚算新鮮醃得夠味，未至於全軍覆沒....春蛋燒賣同樣亦是比以前差了 ---- 春蛋外皮竟硬得有渣差不多要吐出來；肉帶點筋難嚼之外亦少了鮮甜....不吃亦未覺可惜....早知點心的水平是退步至此的話，早該便只叫一盅排骨飯吃，兩口子求其填飽肚便算好了....

大多男生總喜歡以貌取人，因為對方長得標緻，刻意親近示好，或者是給予她一些好處，未必對她有意，只是想與她熟絡，成為飯腳，就是而已。在朋友圈子之中，都有這種人存在，而且為數不少，我不知自己算不算。。。其實，我不是俊男，不應該嫌三嫌四，最重要是談得來與否。長相平庸也不應被冷落，志趣相投一樣可以有發展機會，一間食店的水準一般，也可以令食客經常光顧。。。可能，你會有一間常去，但食物不算標青的食店，我自己亦有一間，就是在土瓜灣無人不識，位於譚公道的慶發飯店。條件普通，而又令你不斷光顧，不外乎以下原因：價錢便宜，味道不太差位置便利，與公司，住所相近時間，你是夜鬼的話，當方圓十哩只得一間通宵營業的食店，還會想甚麼？慶發，有齊以上三點。說起此飯店，本來位於同一條街的恆生銀行旁邊，早前因被加租而結業，原址早已變為雲貴川，一眾土瓜灣之友，失去了深宵老友，大叫可惜。數個月後，慶發選擇在同一條街，近木廠街的一邊重開。營業時間不變，由晚上開始營業至第二天早上。不止是土瓜灣之友的深夜食堂，有些住在區外的朋友，偶然會來吃個點心，食客們不止是像我的麻甩佬，亦有些打扮入時的年青男女。主力是賣點心的慶發，沒有太刁鑽的選擇，

慶發，基本上住係土瓜灣如果係半夜生更口痕想食野，第一時間就會諗起佢，佢係一間食中式點心食店，開夜晚7點收下午3點，普通既中式點心，中等既價錢，對於我地夜班收過12點既人，簡單係食堂。慶發位置本黎係前一條街較大既舖頭，年中既時候結束左營業，搬左去只係一馬路相隔，細一半既店口。食物質素黎講，雖然佢唔係美食，但係半夜你冇得揀，你仲想食咩？！整點整蒸既蘿蔔糕～講唔上勁好食，最小蘿蔔冇渣已經好開心xd即點即炸春卷～～最值得一提既就係佢既鳳爪排骨飯同埋馬拉糕，爪骨飯蒸得好香又唔會乾，鳳爪既汁索哂落飯，加埋生抽食，正到暈～～馬拉糕好香黃糖味，大大件又鬆軟，熱辣辣拎出黎唔會因為有水蒸氣而濕哂一舊舊，好食！！