避風塘興記

Open Now

Now Closed

常常經過門口都想入去試一試, 今天終於跟我朋友去左啦, 因為我們沒有預先訂位, 所以一上去都等左成粒鐘….仲要係有人BOOK左枱但無嚟我哋先有位.環境: 好古色古香. 全店都有很多明星簽名. 感覺很殘舊!食物: 金沙炒蟹-蟹身全埋在由一粒粒炸蒜粒當中，聞到強烈的蒜香味外，都感覺到辣味十足. 蟹的本身，味道不錯，表面乾脆，亦滿有蒜香，但蟹肉不乾身有蟹肉味，很有水準。而且蒜粒撈飯…更正.燒鴨湯河-好好味...幼河粉好滑..而且湯好夠味豉椒炒蜆-不太辣, 而且很多蜆, 不似平時食果啲咁得個壳白灼油菜-好難會整到吾好食既, 都OK啦.服務: 沒有什麼服務可言, 店員不會太熱情.不過不失.

小時侯去避風塘坐在艇上開餐的記憶已非常朦糊,只知出來工作後去吃炒蟹也多是去鵝頸橋一帶.沒甚留意的是現在開到成行成市,究竟有多少家真正是從前就在海上擺檔的呢?店的面積不算大,但牆上的名人簽名真是比電視台的台慶還要壯觀!雖然向來對名人的推介總是有所保留,但對食友的推介卻不用置疑.六小福拼盤----簡單的把水魷、豬粉腸、豬脷、豬肚、海蜇皮和菜芯灼熟能一次吃到不同的質感及原味,其中的粉腸更是外軟稔內夠粉沒苦味.油鹽水泥鯭----表面看似沒甚特別但嗅到的胡椒香是平常吃油鹽水菜式沒有的.泥鯭肉結實鮮甜,這個湯的辛辣程度是超乎想像!愛吃辣的我連喝了數碗才夠喉.椒鹽蝦----能把蝦殼炸得夠脆可以連殼食的有不少,但做得真正夠味好吃的這裡是佔上一席位.帶點焦香了的美極醬油味道更是亮點.果皮蒸鮑魚----用上了比台灣貨更厚身的南非鮑魚來蒸至僅熟,加上陳皮及蔥花的香味,有厚度吃起來口感是極佳!椒鹽瀨尿蝦----足有尺多的長度,蝦肉結實之餘更有不少甘甜的蝦膏在內.金蒜炒蟹----蒜粒香脆夠乾身.蟹本身的質素極高!肉質結實帶甜,選了小辣味道吃起來果然甚溫和,連不大吃辣的朋友也能接受得到.古法避風塘炒蟹----豆豉

椒鹽蝦坊間不少地方也有做，當中以風林小館風味最佳，這裡原來也不失禮，用的是細隻活海蝦，過油後灒美極，皮也焦化起來，脆得可連殼吃，而蝦肉比生記的大蝦鮮甜，火候甚佳，當然收我們的價也絕不平宜，一斤約$320左右。節錄的冰山一角。

秋天是吃蟹的季節，食友在明星食店避風塘興記搞了個海鮮局，有幸敬陪末席。我一去到興記就出了個搞笑的狀況，就是我竟然無意中走了一層樓梯「走後門」入去，一推開後門就見到食友們了！原來正門在有電梯的那一邊。有說此店出現在報紙的娛樂版的次數比在飲食版還要多，應該不假，看看那些明星簽名，真是有牆的地方都有呀！點菜這回事當然已由食友代勞了：竹蔗水、酸梅湯這些解渴飲品當然少不得，我自己是比較喜歡喝酸梅湯的，酸酸咪咪嘛。頭盤先來避風塘六小福，就是店家馳名的六款白灼小食，包括海蜇、豬脷、魷魚、粉腸，盤中間還有菜心，其下墊著豬肚。陣容是頗為鼎盛的。每款內臟都處理得很乾淨，沒有很強的臊味。單沾醬油都已經好吃。內臟始終不宜多吃，那麼菜心也不錯，挺爽甜的。跟著就正式進入海鮮環節了。豉椒炒蜆一向是食殼食汁多過食蜆的一味，大家都努力地在一堆蜆殼中玩尋寶遊戲，汁還算惹味。油鹽水浸泥鯭雖叫油鹽水，但那浸魚的奶白色的湯是超重胡椒味的啦！好辣嗆的說。泥鯭我不常吃，這次吃到的比起以前吃的大條一些，肉質還真嫩滑，我怕吐骨才沒有多吃。蒜茸粉絲蒸蟶子出場的時候，豪爽的阿姐說要給我們分碟，我們急忙阻止，因為要給牠們留下倩影嘛！當然阿姐

是日去食海鮮, 想起了之前係西貢食, 這裡會否比西貢的還要好味呢?因為訂了位的關係, 所以不用等位, 一入去已經見到好多明星係牆上簽名, 連天花板都有.......密密麻麻, 有些簽名真的要細心一點看才知道是誰....我們一坐低, 阿姐就問我們飲咩,唔知點解無茶供應.....於是就揀了竹蔗水~不過就甜了一點.....頭盤(豬肚等內臟, 魷魚等): 我就覺得普普通通啦, 不過不失(65分)白灼花螺: 隻隻螺都無沙, 再點上豉油已經好鮮甜了(75分)豉椒炒蜆: 大大隻花蛤, 豉椒汁又辣, 正(75分)果皮蒸飽魚: 鮑魚好大隻, 要切多絕刀先可以放入口, I Love It!!!(80分)炸魚仔: 要來送粥就ok(65分)粉絲蒸聖子王: 好似筷子咁長, 好粗身, 加上蒜蓉粉絲係面, 好好味呀(80分)鹽焗雞: 雞好入味, 連雞肉都有沙薑味, 好難得(75分)椒鹽瀨尿蝦王: 之前係西貢食過一次瀨尿蝦王, 今次第二次試到~覺得同西貢那次差不多, 好大舊肉, 而且中間的膏好似筷子咁粗,$350一隻, 真係抵食!!(80分)避風塘炒蟹: 主角終於都來到了~成隻蟹有碟仔咁大隻, 蟹腳都好多肉, 旁邊的

今夜我再次光顧我的消夜飯堂，我們一行五人例牌一瓶竹蔗水，每人一碗鴨絲湯河，一貫的美味及一點的碎骨，一碟陳皮蒸泥猛食完唔會贊，兩碟九菜花吃來一口渣，我們吃上一半向老板娘反映九菜花好像吃來一口渣，竟然換來答道 "係咁嫁啦好出奇呀!? 來貨係咁有乜辦法?? 少少問題唔係o下話????"如果他們賣的是$12蚊一碟的九菜花當然吃來也沒辦法，但他們是 "名店" 收的也是 "名店'" 價錢每一小碟 $32+10% 就連 "煮野蘇" 也強調九菜花質數一流，我卻換來老板娘如此親切解釋九菜道理呢? 如果換着我是他們好友 "煮野蘇" 又會如何呢?由態度、質數及收費足以反映他們是一所星級餐廳，不過不是星級的你請留意適合與否。

已是第二次,來到這間由艇家年代開始炒蟹,到今天已經成為中港台名人喜愛的"避風塘興記",是晚前來目的,是與來自台北的小V接風.她是我很欣賞的Blogger,早已閱讀她在台灣的吃喝玩樂文章,流暢平實而不做作的文筆,拍得很美的相片,是令人有看罷即想動身到台灣之衝動,因她私下與友人西打兄相熟,托西打兄之福,我們終於有機會相聚,心情非常興奮,同場的飯腳尚有西打的朋友,天生麗質的JT,與她的朋友.一行六人,來到品嘗馳名的避風塘辣蟹.不知道他們的規矩,如果訂了檯,但人未到齊的話,店員是不會安排座位的.但我們先到的四人,其餘兩位也會在短時間到步,到最後還可以就座.牆上的全是到訪過的名人簽名.不如大家又先行估估牆上的簽名是誰.小弟在四年前來過,點菜之重任落在我身上,詢問過大家嗜辣的程度,有什麼不吃,再看看每人的價錢預算,大慨已經想到吃些什麼.點好菜之後,店員突然拿一碟韭菜花來,問我們要不要?很像酒樓早市的點心亞桑,拿著來推銷一樣,原來是店方落單之誤,客人沒有點而剩出來,得知在其後的六小福沒有此味,既來之則安之,反正我喜歡韭菜花.韭菜花本身的味道已經很甜味,入口爽脆鮮嫩,燙過之後淋些醬油,將韭菜花的味道進

先謝謝是夜出席飯局的南瓜兄、J小姐和Y小姐，讓西打在避風塘興記見證了一個港台文化交流夜。西打最要好的台灣朋友Venus，承著地利之便，三月底出國時，順道在香港停留一天，特意找西打玩，並且來一趟「壓縮」美食之旅。只在香港停留兩天一夜，所謂「壓縮」，差不多是把能吃的份量放到最大，把香港最地道的美食排得密不透風，三天的份量壓縮成一天，美味之餘，食物都幾乎是硬塞下肚皮。下午兩點開始，先來燒臘，再來牛腩，停不了的再泡星巴克，休息不夠一小時，又再倒一碗車仔麵。也不用合指一算，根本就是兩天行程濃縮成一個下午。胃內還充斥著整個下午的食物，晚上又緊接著一場惡戰。幸好，這次拉了幾個食友出來，跟西打一起分享避風塘美味。約了八點在避風塘興記，各人到齊後，西打一聲：「是夜法定語言為普通話！」啃著辣蟹的文化交流正式開始。真是久聞興記的大名，從飲食網站絡驛不絕的好評，到大小名食家接力推介，還有大小明星造訪，讓興記出現在娛樂版比飲食版的次數還要多。看著這顆金漆招牌，真難想像當年在像舢舨的小艇上，熬過了多少個年頭。大伙坐好，急不及待的不是點菜，反之是大家拼命用著帶五湖四海特色的國語聊天。來一句有看過哪套台劇嗎？接一句謝

好多人都寫興記貴同服務態度差, 我想幫佢地講番句公道說話好耐. 不過太懶.其實幾十年前我老豆喺船上食0既年代避風塘巳經唔算係平嘢. 不過唔知點解好多人自動ASSUME佢應該好平, 埋單就打個突. 如果你當佢喺一間海鮮酒家, 你就唔會覺得佢咁貴. 話佢成日加價, 我唔同意. 十幾年嚟瀨尿蝦都係十幾廿蚊兩, 而家先22蚊兩, 咁都算加價加得多??? 我重成日諗佢咁耐都keep住啲價錢差唔多, 點做得住. 幾十蚊0既dish 有貴道,不過唔係影響個total好多.至於service, 佢地係有少少attitude. 不過如果你自己唔係態度有問題, 佢唔會主動對你唔好. 當然如果就算個客衰都貼地佢都好好service, 咁就perfect. 但係興記0既煮功同consistency真係唔係咁多restaurant做到. 有少少attitude又如何. 其實仲有少少高興有人教訓果啲以為洗幾百蚊就大晒0既人添.講番食嘢, 去一百次都冇一次失準. 真係非常難得. 一行八人叫咗:韮菜花 2 碟 - 勁鍾意食韮菜花, 不過只會喺興記食, 其他地方好多時都有啲渣. 淨係呢樣咁簡單0

服務態度差，點菜推介沒價錢的菜，誤導消費者！！！菜色做法一般，沒美食節目介紹的那麼好，我和朋友都很失望，那個澷瓜子班，簡直浪費條魚，古法避風塘炒蟹炸得太幹，美食大三通和蘇絲黃的介紹，應該叫老闆不要“風走失色”，老闆娘要注意食物，不要買明星簽名的，

呢間野講左成年話要去, 今次終於成行... 一共三個人...由於我地預先冇訂位, 去到都要稍等, 等左大約五分鐘, 我之前都參考過呢度D食評, 因為係明星名人鍾意去ge食肆, 所以都幾cap水, 好多人去過都話佢扼錢搵笨... 其實, 你唔好叫時價野, 又不算太貴, 或者可以睇睇我食左D 乜先... 六小福拼盆 $178 (勁抽推介) 包括有: 白灼油菜, 白灼海蜇, 白灼魷魚, 白灼豬肚, 白灼粉腸, 白灼豬利 一道膽固醇都好勁ge菜式, 而且份量唔少, 適合四至五人, 當中海蜇尤其出色, 佢唔係一條條架, 係一大塊一大塊, 正到冇朋友, 仲有魷魚, 淋得黎, 咬落去好似大菜糕感覺, 都係好鬼正~!!! 其他果D都好食, 不過我鍾意呢兩款多D, 下次再去的話, 可以散叫, 每款$30 油鹽水浸蜆 $88 話係必試菜式之一, 但我就覺得一般, 可能俾之前及之後ge菜式比左下去, 湯底係糊椒魚湯底, 都幾好, 但蜆應該養得唔夠時間, 仲有沙吐唔晒果皮清蒸泥猛仔 $98 (勁抽推介) 呢道我覺得係好抵食, 因為量多之餘, 佢係用深海泥猛仔, 而且蒸得岩岩好, 我都食左四條, 超滿足!!!!

　　首次嚐試興記的時候是零八年，印象不錯。是次七人的留座，店方再三叮囑逾時不候，七時到達，食客甚多，等待五分鐘左右便可入座。先向店方點半打啤酒，凍竹蔗水、酸梅湯，接著再點其餘的目標菜餚。不過店員的態度尚算友善，不知道會否與消費金額有關呢？　　冰凍的竹蔗水（胡蘿蔔、竹蔗材料其中）、酸梅湯，甜度適中，解渴美味，為各人的舌頭清理。六小福拼盤，外觀標緻，份量甚多，菜心在上，魷魚、海蜇、小粉腸、豬舌、豬肚，每款食品的調味很好，特別喜歡大海蜇，濃郁美味，其餘的不俗，可能豬肚、魷魚、小粉腸較難消化，尾段時才能吃光，不過這是一道好吃的前菜吧。油鹽水浸蜆，未嚐先聞其胡椒香味，份量甚多，辣椒、香蔥伴以大蜆肉，每件蜆肉均能吸收湯味精華，層次濃厚而滲透蜆肉鮮味，吃至中段時察覺店方清理大蜆完善，沒有沙石沉底，這道菜是值得推薦；蒜泥粉絲蒸大蟶子（圖一），香蔥、蒜泥粒滿佈於上，粉絲於下，蟶子巨大爽甜而不韌，粉絲盡收各食材的精華，絕對美味，店方的香蔥、蒜泥粒的比例是六四之比，沒有讓蒜泥的味道蓋過蟶子，調味亦恰如其分，眾人非常滿意，轉眼已清。有人隨即再點半打大啤酒迎接其餘的菜餚。　　倘若朋友用膳，便不會點上湯煨大班魚，

When you walk into this restaurant, the first thing you will notice are the scribblings on the walls. These are autographs from celebrities and people wanting to leave their mark. It's famous for their crab dishes, congee, and rice noodles -- I've tried their crab dishes before, and found that it was rather dry. The congee, if not eaten right away, will become watery the longer it sits on the table. My favorite is the rice noodles with roast duck. More details below.Rice Noodles With Roast Duck

話說當晚我們一行八個人，點了兩瓶竹庶水, 一客六小福, 兩碟炒蜆外，另加四隻椒鹽瀨尿蝦, 一客咕嚕肉一碟油菜和六碗燒鴨河，想不到埋單居然盛惠兩千多元 !!!!!!!!!!!!!!!!!我們點的全是餐牌上幾十塊的小菜，怎麼計也不可能變成兩千多元的貴價菜，查看賬單才發現問題出在「時價」的瀨尿蝦上.四隻椒鹽瀨尿蝦居然索價一千四百元!!!!那四隻瀨尿蝦不是特別大隻，味道亦只不過普普通通，居然平均要三百五十元一隻，有. 無. 攪. 錯！！！！無計, 鬼叫伙計推介我地食時, 我地無問清楚價錢. 食完佢點開價都要焗俾啦奉勸大家在此點海鮮一定要問清楚價錢, 唔好學似我地俾人劏到一頸血

4人餐 有正湯, 炒菜, 艇仔粥or燒鵝粉 每人一碗六小福: 海蜇、豬粉腸、魷魚、豬肚、菜......油鹽水浸蜆 好勁味精冇乜特別既蝦炒蟹叫左小辣, 完全冇辣味另2位朋友唔食得辣, 冇計~~~不過隻蟹好鮮好鮮, 下次要叫中辣....(如果有下次...)魚...唔夠我地2個食埋單要叉幾銀! 唔抵呀!!! 睇黎都冇下次喇!點解會咁多明星黎食既? 明星效應真係咁勁?