興記菜館

Open Now

Now Closed

我諗興記真係唔使我多介紹，係廟街煲仔飯兩大巨頭之一，不過唔知大家去到廟街會揀佢定係揀四季呢？通常四季都比較多人排隊，等既時間較長，主要係遊客，而食物質素比起好幾年前真係遜色左好多。相反我比較喜歡既係興記，咁多年來食物質素都比較平均，價錢亦較合理。- 煲仔飯（章魚雞粒、腊腸排骨）煲仔飯嘅質素其實好難keep，好似係飯既濕潤程度同飯焦既燶度都好難控制。今次既出品我覺得飯都唔錯，不過飯焦就多左少少同餸既醃料鹹咗少少，整體都算過得去。- 蠔烙 （細）呢個蠔餅真心唔算油，亦唔會太咸，蠔就唔多㗎啦，不過都勝在熱辣辣。- 蝦醬通菜蝦醬其實煮咩菜都好食，夾通菜更加係，好惹味，空口食都唔會太鹹。整體來講，對於煲仔飯店黎講，呢度嘅收費絕對相宜，性價比都ok，不過就要忍受一下平民嘅進食環境同埋一般既服務態度啦。

好耐冇食過煲仔飯，近排凍番，就同屋企人去廟街食，取下暖。見四季排長龍，所以轉戰興記，貪佢舖位大，可以快d有位坐，果不其然，15分鐘左右就有得坐裏面有個姨姨好好人，好快就同我地落好單。蒜茸蒸聖子 ($75)朋友話呢個好食，所以一坐低就order左。好香既蒜茸味，見到上面既蒜份量都好多，但係作為一個粉絲FANS 就略厭唔夠喉。聖子量都多，但就細隻d，而且有d腥，可能我地唔好彩？脆皮炸大腸 （$75)口感同味道一般，唔係特別脆，但係個甜辣醬幾正，加分！椒鹽九肚魚 ($65)九肚魚不太新鮮，而且份量細，但脆漿不會太厚。有一個黑醋，幾開胃，本人就食唔到，但姐姐就話有少少苦味。金銀蛋莧菜 ($60)金銀蛋 ＝ 雞蛋 ＋ 咸蛋比例剛好，可以每匙都吃得到兩種蛋，莧菜很新鮮，很甜，湯汁也可以喝，不會很咸。蝦醬炒通菜 (忘記價錢了：( )如果是喜歡蝦醬的朋友，一定要點。蝦醬味很出很香，每吃一口，整個口腔都食蝦鮮味連我爸爸那皇帝口都大讚。煎蠔餅 (大：$80  細：$40 )我地叫左大份既。 蠔餅足份，岩岩好阿八個人食。而且入而既蠔粒都幾大下，唔會腥，幾鮮。記住 一定要加佢地既辣醬一齊食。椒鹽茄子 其實本身

今個冬天咁凍！又係時候去食啲暖立立熱辣辣既野食啦！食煲仔飯就岩晒啦！行到廟街見到好附人排隊果度就係啦～雖然好附人排，但人流都好快，等左半個鐘就入到去食啦首先叫左個蠔餅，炸完即刻拎過黎，好熱好脆，我同男朋友兩個人完全唔夠食！要叫大份既先夠食呀之後叫左兩個煲仔飯熱辣辣上黎，記得要小心個蓋呀 好熱架我中意食梅菜肉餅，好夠味，啲飯焦好脆好香口同埋其實我自己小喜好，我中意豉油撈飯所以完全係my favourite!

之前見電視介紹呢到嘅煲仔飯，所以星期五晚收工就專登去試，一行五人，叫左腊味煲仔飯，白鱔田鷄煲仔飯，蠔仔肉碎粥，蠔餅，豉椒大蜆，白灼東風螺，蒜茸青菜，煲仔飯夠香，鱔都新鮮，但略為過火，大蜆冇左以前風味，反而個蠔仔粥仲好食，D蠔大隻同乾淨，埋單都只係三百幾，比想像中平喎，不過D姐姐實在太惡嘞，眼見隔離枱因為叫嘢食加左兩次單，直情比姐姐鬧，鬧佢唔一次過叫，搞到我地都唔敢加單，其實就算D嘢幾好食都好，要比人鬧唔會有下次囉，何况呢到唔係超好食，只係過得去咋

凍就應該食煲仔飯，本身係打算食附近既四季煲仔飯，但係見到四季既排隊人龍就唔想等，於是揀左興記。興記有幾個鋪位，但係廟街兩旁就有五個。呢度同四季食既野大同小異，都係食煲仔飯同蠔餅，但明顯地人流少D。煲仔飯（滑雞、臘腸、鹹蛋），原本一個煲仔飯一個餸其實就40蚊，加餸就每樣要加10蚊，咁其實都係合理。但係，加個鹹蛋就靜係得鹹蛋黃，蛋白唔知去左邊😑，所以掀起個蓋時我有一秒嬲左。不過好在，味道係OK既，雞肉幾嫩滑，去曬皮，所以比較健康D。而飯都粒粒分明，加埋豉油撈住食好香，但有另一點要批評，明顯飯焦不夠，超級難刮落黎。鴨蛋蠔餅，炸粉幾薄既，香脆可口，蠔仔粒很多也很飽滿，一點也不腥，配上豆瓣醬，一口咬下去，不過確實有D油。整體而言，呢度味道呢，唔係話唔好味，不過未去到驚艷。唔想排隊既時候，都可以試下既。

呢日黎到油麻地買飛睇戲，見仲有個零鐘先開場，就走入廟街搵野食，難得見到興記未full，即刻坐低左先慢慢睇餐牌。興記嘅煲仔飯不嬲都係即叫即煮，而加嘅興記有幾個舖位，橫跨左2條街。有一個舖位係放滿左爐，專係用黎煮煲仔飯，其他舖位就做食飯地方，平時都多人到幾間舖都逼爆左，仲要喺廟街路邊加枱。今日我地2個人趁未係多人，好快就order左個黄鱔田雞煲仔飯先，然後先再諗食乜菜，最後見到其他幾枱人人都叫左煎蠔餅，於是就叫左個細份試下。煎蠔餅：半煎炸到金黃香脆，真係岩岩炸起就好快上菜，啲蠔仔大大粒，好新鮮黄鱔田雞飯：平時好少食到，所以特登叫黎試下。個飯有少少煮燶左，但啲燶味還可以接受。黄鱔都幾滑，食落好香，如果可以多啲就好啦！田雞都比市面上食到嘅較鮮甜，而且口感唔會太鞋蝦醬炒通菜鮮魷：味道不過不失，啲通菜同鮮魷都好新鮮，不過有啲咸！但黎廟街最緊要chur返支樽裝可樂！爽！但總括黎講都係充滿香港特色，係香港既味道！

與友人到中南廣場購物，經過油麻地興起想吃煲仔飯，便找了一間不用排隊的。早前亦有聽說過興記煲仔飯很好吃，但一直沒有機會嘗試。店裡座位感覺比附近幾間鬆動一點，亦沒有悶熱感。我和朋友叫了田雞和白鱔煲仔飯，另叫了一份小蠔餅。慶幸有一起吃田雞和白鱔的同伴，因為身邊很多人都不吃，而且吃煲仔飯總感覺要吃較特別的餸大家都知道吃煲仔飯是需要耐性的，不記得等了多久，但由不肚餓等到肚餓。兩份煲仔飯是一起上桌的田雞煲仔飯叫加了姜去味，飯並沒白鱔飯香，但田雞肉出乎意料地好吃很入味，推薦而白鱔飯則加了豆豉，所以飯會比較香，亦都重味少少。而鱔肉亦好嫩好入味，正另外蠔餅就無影相，因為外表比較普通，食落無腥味，還不錯。整體而言，值得一試

本身想去對面街嘅另一間煲仔飯店，但排哂長龍又好想食煲仔飯，只好幫襯興記呢間「負評多過正評」嘅餐廳。一行過去已被門口姐姐入埋位唔洗等。我地叫左細蠔餅、白鱔煲仔飯、肉餅煲仔飯同炒豆苗，三個人食岩岩好。煲仔飯好易就有飯焦，要不停搞。白鱔好失望，得四塊左右，仲要好薄，但味道好出，飯都有鱔味！肉餅同蠔餅中規中舉，新鮮熱食點都唔會難食得去邊。唯一唔理想嘅係坐正係垃圾筒隔離，d姐姐又大大力倒垃圾，好驚會整污租自己。條街好濕好多垃圾，但好有香港特式好有feel，要自己平衡下。

其實呢餐都成個半月前🤣個日突然心血來潮想食煲仔飯於是就去左廟街嘅興記菜館兩個人叫左一個#細蠔餅 ($40)蠔餅似炸得耐左少少 唔係金黃色蠔仔都唔太多 有少少失望另外叫左#章魚肉粒飯 ($48)章魚縮水 但好彩肉粒都夠大粒整體上可以接受嘅💁🏻‍♀️_________________________裝修環境：✨✨✨服務態度：✨✨✨食物質素：✨✨✨(5個✨為滿分)________________________唔信我嘅可以自己去試試😂

一係同煮飯無分別 一係燶哂 （如圖） 等左成9個字仲要吹左幾次先到個煲飯 態度又唔好 都未點完野食就走左 要熱既就比左枝凍我 無下次 唔洗黎 仲要無咩特別 個飯完全無飯蕉 都唔知係煮飯定煲仔飯 千奇唔好試

煲仔飯完全無焦，十足蒸飯一樣，呀姐態度勁差，話要係叫時特別要求先至有焦，佢落單時又無講。真係第一次聽，煲仔飯要特別要求至有焦，d排骨又勁鞋。。完全中伏，一定唔會再去見隔離果間好多人排隊，完全明白點解，原來呢間咁難食。未食過咁差既煲仔飯。。有另一台都投訴果煲仔飯似白飯+排骨，但呀姐話係咁，有無見到幾多人，你叫左就要比錢。黎得呢度食，雖然都唔會預有咩好好服務，但至少野食做番好少少丫，煲仔飯連最基本都無。。。

煲仔飯以為炭爐整。。唔會差。。點知中伏!!!叫左個臘腸排骨飯。。臘腸乾爭，排骨鞋口😰辣酒煮花螺。。從未見過咁特別ge汁...還有就係。。啤酒竟然係配膠杯!!!!

天氣開始轉冷，又係食煲仔飯既時候！適逢朋友住佐敦，到朋友家作客後當然要到廟街覓食！由於星期六，人流相對較多，但呢度勝在內外都有枱，我地一行六人大約等左十五分鐘就入得去食喇～～～首先當然要叫煲仔飯啦！但款式十分多，對於我呢位有選擇困難症既人實在頭痛！不過朋友們好指明要食某類煲仔飯，即刻解決問題，哈哈！我們點了鱔煲，好香魚味，肉質滑，十分美味之後有推介既滑蛋牛肉煲仔飯，正！然後點了田雞煲仔飯，肉質滑但比較瘦削，肥美會比較入味蠔餅都是必叫

如標題，普通普通🙈🙈但都有好多人排隊等食，好耐之前同友人食過啦，都唔記得上次，而今次同樣組合去試多次啦都幾期待下因為又肚餓麻，我地叫左兩個煲仔飯、炒大蜆、腐乳炒通菜同細蠔餅先講個蜆，睇相都見到翏翏可數🙈平時大排檔都有好多隻啦，再加上有兩隻無開殼tim，食得唔過癮，份量太少啦同埋連配菜都無，平時都會有青椒、洋蔥等麻，依個真心有點失望🙍🏻個蠔都係一般，粉會比較多，但蠔肉都算大隻，不過不失啦通菜方面，都算欣賞ge，唔會炒得過左火同太咸到兩個主角-煲仔飯啦，原先我地係叫章魚肉餅同雞肉拼牛肉（唔太記得）點知黎錯左，咁就算啦，個份量都幾細下，章魚太細粒啦，唔係好食得出係章魚🐙唔會話好特別，下次想再去食咁反而下次想試另一間另外，友人叫左兩枝‘聲稱係自家制ge羅漢果茶’大家都可以試下咩味道

六點幾左右黎到，唔算太多人，可以即刻入座。走嘅時候大約七點半，馬路旁已經有人龍，估唔到咁多人！其實係為蠔仔餅黎，但見呢到出名煲仔飯，就嗌多個試下～.蠔仔餅（細：$40）等左15分鐘終於有得食，好餓～上下夾埋兩塊，炸得好脆，👍🏻蛋味香。凍得好快，要食快啲～不過蠔仔唔太多，而且唔太大隻。.北菇滑雞煲仔飯（$48）等咗半個鐘～煲仔飯啲飯好軟，粒粒分明，幾特別。啲菇好味，雞都好滑，但多碎骨，同全部都好細舊。啲餸唔夠送飯～啲鼓油基本上唔甜😢總結：蠔餅都可以試下，煲仔飯冇特別。野食都要等好耐，可能太多人～