興記菜館

Open Now

Now Closed

一大班朋友去食煲仔飯我就揀左梅菜肉餅煲仔飯～我一開就忍唔住食啦吸引到相機食先唔到呀要落好多好多煲仔飯豉油！！！咁先係食煲仔飯架嘛自己一個食哂成煲好滿足又飽又暖luplup

興記一共有幾個鋪位，所以就算排隊都很快有得入座，不要被人龍嚇走呢每年冬天都一定會到訪廟街食煲仔飯，不重於個味道，好味足料的煲仔飯市面上有不同的選擇，反而喜歡是那獨特的氣氛，人來人往，店員好像一家人般百忙中互相有講有笑，對待客人的不是尊尚服務但有種無形的親切。2018年的最後晚餐，除了叫左2個煲仔飯，其實仲點了蠔餅及椒鹽吊桶，但小菜吃光光先等到2個飯到，所以如果要食物影大合照的話建議先叫煲仔飯，過一會才點小菜

係圓方睇完戲好想食煲仔飯 但廟街有甘多間花多眼亂都吾知食邊間好 呢間興記係幾間鋪連埋 而且見倒有人排隊所以試下不過 係門口見倒佢地執枱同環境都好污糟就甘將個下欄放係櫈度所以入到去第一件事係抹枱抹櫈 而且d位都好窄 所以有潔癖既人要食真係考慮清楚 而且食食下上而滴水 😓😓食物質素都係一般 不過有d新潮d既煲仔飯 吾係單單得北菇雞 鳳爪排骨 但叫左個避風塘炒蜆 但d蜆真係好多得個殻另外叫左個椒鹽魷魚🦑 不過不失汽水係樽裝大枝可樂 配煲仔飯👍🏻👍🏻👍🏻

黎廟街要食煲仔飯就梗。但食個普通飯都要排三四個字就有啲哂氣。興記勝在好快有位，味道上絕對唔差，尤其係個蠔餅，大大份，料又足。煲仔飯亦有好多選擇。唯一要彈係個炒蜆，無肉又少，不過附近間間都係咁。

去廟街食煲仔飯，唔係去四季就係興記，呢兩大山脈已經霸佔咗廟街煲仔飯多年，咁究竟邊間好食啲呢？之前已經寫過四季食評，而家就講吓興記啦！興記响廟街有好多間分店，基本上總有一間唔駛排隊嘅！即叫即食真爽 興記响煲仔飯款式方面可以話係花多眼亂！除咗典型嘅臘味飯、鳳爪排骨、窩蛋牛肉、北菇滑雞外，亦豉椒白鱔、薑蔥蟹、咖哩牛腩、餐肉煎蛋飯…… 基本上同碟頭飯無異，只係唔用碟用煲仔上枱啫！至於食物質素方面，我點咗排骨飯，啲排骨係肉排，唔似四季咁只有骨冇肉。而飯量亦比四季多，但可能火喉唔夠啦！所以成個煲仔飯都冇飯焦嘅！另一個臘腸滑雞飯，臘腸係下等貨，唔香仲超硬 但係啲雞就真係幾滑嘅而且仲幾多肉o添 廟街另一皇牌 - 蠔餅，佢有別於四季嘅炸蠔餅。興記嘅蠔餅偏向蠔仔煎蛋，質感偏軟比較飽肚，而蠔仔份量就唔係咁多喇！食熱辣辣嘅煲仔飯＋蠔餅，最好梗係配埋可樂啦！興記有自家汽水櫃，飲汽水唔駛走出街買，而重點係興記有支裝可樂！煲仔飯 ＋ 蠔餅 ＋ 大支裝可樂，一站式齊晒！此乃興記生存之道！

今日同朋友來油麻地呢邊食野，係呢條街有幾間煲仔飯，我地隨便簡左呢間興記來食。我叫左個肉片臘腸煲仔飯，朋友叫左牛肉雞蛋煲仔飯。煲仔飯一拎上來熱辣辣，飯煮得夠熟但又唔會熟到好多都結曬焦咁(我唔係太鍾意食飯焦)。d肉片本身已經醃好，但食落唔係好夠味，加豉油落去調下味會好食d。臘腸就比較硬少少，食落個味道唔係好重，比較淡，可能因為我平時係屋企蒸個d臘腸都比較甜啦。我覺得呢個煲仔飯份量足夠，但味道比較普通，而且煲仔飯個種香味無乜，同普通蒸飯無咩分別。下次來呢邊應該會試下佢附近其他店嘅煲仔飯。

最近天氣寒冷，又係時候去食個暖笠笠既煲仔飯喇，講起煲仔飯，第一時間就會想起油麻地廟街。今晚收工即刻捉住老公陪我去食☺臘腸滑雞煲仔飯 及 免治牛肉餅飯加蛋同老公一人一個煲仔飯，我地都覺得牛肉飯比較吸引，牛肉餅味道香濃，配合蛋黃拌飯，脆脆的飯焦非常可口。 臘腸滑雞則味道較清淡而且雞亦比想像中較多骨。金銀蛋菜苗食左咁多肉，當然要食返啲菜啦。雖然賣相一般，但味道不錯，菜亦都夠嫰口。天寒地凍食到啲最笠笠既野，感覺非常滿足。唯一美中不足係因為太多人既關係，等食比較需時呢。

興記菜館點解會去食：2018-12-07 早排天氣凍凍地，好想食煲仔飯，再次感受下呢種風味。咁啱去開油麻地，咁梗係要把握機會喇。點左個臘腸排骨飯、腐乳通菜、沙律骨。食物新鮮程度：⭐⭐⭐⭐落單之後等左好耐呀，因為坐滿晒人，啲order 都出唔切。臘腸排骨飯：臘腸唔會太肥，排骨就「韌」左啲，同埋無咩味。個底無咩飯焦呀，可能焗得唔夠耐。腐乳通菜：通菜都幾嫩，腐乳幾香。沙律骨：輕輕炸左，個外皮都脆，加埋個沙律醬，酸酸甜甜，好開胃，送飯一流。食物合適溫度：⭐⭐⭐⭐應該每樣都係即整嘅，所以一來等得耐，二來好熱辣辣，所以好啱冬天去食。食物驚喜程度：⭐⭐一如以往嘅味道，無特別。只係第一次試排骨，但麻麻地...無味得黎又「鞋」。—————————————————服務員態度：⭐⭐⭐大排檔嘅服務，唔好要求太高了。—————————————————最重要系。。。我會唔會再去？重遊指數：⭐⭐⭐⭐

上次去完四季，雖然煲仔飯質素不錯 但無其他餸菜點 失望地無種類不多 所以今次再去返興記點左咸蛋肉餅煲仔飯 田雞雞煲仔飯 腐乳炒通菜 煎蠔餅（細）咸魚肉餅飯喜出望外  有點驚喜  飯的質地剛好  飯焦脆而不膿 混合咸蛋肉餅味道好夾  肉餅肥瘦剛好咸蛋無過咸田雞雞飯好多田雞 但唔太多雞 有點失望 飯的質地偏濕 但記得之前食油鴨白鱔味道比較好 腐乳炒通菜 本想叫腐乳灼通菜 但黎左炒通菜 好大碟 好抵 不過有點咸 食材很青綠 新鮮 煎蠔餅（細）呢度既煎蠔餅真的不錯！外脆內軟 很足料 好多蠔仔 好大隻蠔仔 份量2人食剛好 服務都不錯 但環境好像比以前污糟左 羅漢果茶 足料 味道不錯 很解渴

今晚同朋友見天氣凍凍地就出來食個暖身煲仔飯-七點來到見冇乜人排隊仲鬼咁開心-*坐低order左两個飯一客細蚝餅*蚝餅還可以-排骨飯就好普通*我一咬條膶腸陣油億味-好難食呀*下次都係唔加腸了

涼風陣陣 暖岩整返個煲仔飯食下暖粒粒又香噴噴經歷過往年8點幾排隊排到好長龍今次就醒目啦早啲黎食 6點幾就揾好位坐定定三大一細 叫左三個煲仔飯細蠔餅 蒜蓉炒豆苗等左一陣 啲野食黎得好快個場都好快就滿座啦叫左個排骨臘腸飯，章魚肉粒飯，牛肉滑雞飯三個都好正 再加埋個煲仔飯豉油 一流呀！！！！！！！！！我最鍾意係章魚肉粒飯啲肉粒細細舊好易入口小朋友都食到同埋好滑一啲都唔鞋個菜苗有驚喜以為係好普通好油嘅炒菜 點知好好食啲蒜頭味好香炒得啱啱好 啲菜夠嫩最後係個蠔餅夠香口脆卜卜熱辣辣好好味

難得早放工又天氣開始轉涼就同老公去廟街食煲仔飯撐枱腳老公好鍾意幫襯呢間每逢冬天都會嚟至少一次不過地方就比較污糟但老公仍然都要食呢間因為老公話啲煲仔飯有飯焦好正我就覺得都OK嘅，不過我就唔太喜歡食飯焦😅😅反而我覺得佢個菜OK叫咗椒絲腐乳通菜，夠鑊氣又夠味整體來講都可以其實眼見隔離枱蠔餅我都好想試可惜老公怕熱氣亦見有幾個鬼佬喺度食坐位都唔太舒服，通常都要搭枱但每次黎親都爆曬棚原來好食嘅野真係可以蓋過衛生同坐得舒服🙈不過我為咗陪老公都可以🤪

每到時深夜時候要，尋找美食一定想起廟街的煲仔飯。知道有很多出名嘅煲仔飯，經常都有旅客在排長龍而我哋光顧ge都係興記，覺得又平又好食，今次都唔例外，一去到廟街就直接去了興記。掛住食都冇影相😿我哋叫咗一個臘味煲仔飯，牛肉飯加蛋。發現佢餐牌轉左，可能我哋太耐冇黎，有好多唔同種類的煲仔飯，價錢貴了。。不過都唔緊要，因為之前真的比較平。煲仔飯質素有點失望，臘味飯的油滲不到落去煲仔飯內。而且牛肉也太硬了再叫了一個蠔仔餅，份量明顯比之前少了，不過蠔多多，質素仍然很好。這個可以encore

入冬，緊係要食最殘忍飯🤔好彩六點左右到，好多客未到，所以一入即坐，不過不到10分鐘，已經坐滿人😵。一入到去，聞到一陣陣臘腸味，本來只想叫基本野，陣味搞到我口不對心，叫左個臘腸滑雞飯。個煲ㄧ到，一打開，見到水偏多，5理咁多，當然整色整水先，再焗佢一焗，希望可以盡收水。今次有D失望，我個煲因為水多左少少，所以無法收乾水，搞到無法粒粒飯，可能係為左煲內最重要的飯焦😏，飯焦仍然係好易撬起， 有啲燶，可以收貨😋另外，爉腸偏肥同衣有啲硬，好彩D雞仍可以。不過，另一煲排骨煲就出事。飯底好過我煲，有粒粒飯感，但啲排骨就出事，完全無醃過，又無肉味，令到煲失色。除左㷛，當然5少得蠔餅啦，一煎好即上枱，D邊好脆，D料都算足。其實，有時食㷛仔飯，去大店都有D睇運數，因為5同師父5同手勢，5一定可以煲煲好。

條街靜悄悄 水靜河飛 大量車位10點幾廟街宵夜 雜貨小販收晒工 食店嘅枱櫈又冇擺出馬路 冇人流"四季煲仔飯 出名要排隊"今日就得1~2枱客 老細坐門口睇風景環顧四周 都係"興記“ 大包圍咁 見2店價錢都係咁上下 就食興記不銹鋼枱面唔濶 枱面肥 枱枱之間冇距離得2枱客好靜 估計坐滿就唔會！？🤔興記煲仔飯 已經唔覺得親民 由$16 而家$49 (1人份) 個人係覺得貴嘅但而家啲鋪租咁貴 做生意難……牛肉煲仔飯~ 1人份 $44 +潤腸$5 =$49牛肉片約10片細片 冇肉鮮味 淡口飯 & 豉油都肥膩 要飲大量水蠔餅~ 細$40 大蠔仔靚 蠔肚脹卜卜 旦餅炸脆香 蠔餅淡味 枱面有魚露 甜辣醬 可自己較味但油膩 旦餅越食越淋行多幾步“生記"經濟啲 窩旦牛肉飯$35但 上次食"蠔餅“ 就差啲