好彩海鮮酒家

Open Now

Now Closed

都好快有位,一入到去看到個環境,完全是專門給人擺酒的,有一條長長的走廊,幾靚.叫了幾個餸,當中最有特色又最好吃的叫”胡麻醬波龍蝦”西紅柿豆腐煮蟹”和沙油蝦球!先說說沙油蝦球,一上碟已見廚師心機,很調理地放在一個幾有特色的盤上,汁和菜的配搭恰當好處,而肉好爽口,d味好特別好好味!食完後想再食多件,好彩我地叫既份量係起碼可以每人吃兩件,不油不膩不滯!另一個叫d 汁又係好正!(可能本人喜歡吃汁),唔講這個,蟹已經勁大隻,d 肉多到呢…連個鉗入面都咁多肉,仲要係ok好食架喎! 就算唔講隻蟹,d 豆腐浸下汁食,都已經好味!Last 隻龍蝦,真的過份了,原隻,勁大,多肉,d醬又是我至愛^^係咁食汁都夠了

假期約埋一圍親友飲茶聚會 必先訂定檯 好鬼旺場旺場又少伙計 但服務幾殷勤 自動添水 落單拾碟卻快手間中我也會來幫趁 必點`沙律明蝦角`古法馬拉羔n`椰汁羔蝦角 皮夠脆口 蝦肉又大粒馬拉羔 好軟好綿 不太甜 不太散椰汁羔 夠凍 夠椰汁味 略嫌不夠綿身 口感似Jelly多一點今次覺得炒粉麵較油膩 粥品較淡口兼無料 其他點心大至都可以*此店不設下午茶, 不想浪費時間等位 最好先訂位*

近來發現愈來愈難有機會到此解決只有60分鐘的午飯,因等位時間實在太長,就算有訂座,無論提早或準時到場亦要等,有位的話十次有八次都話:’你訂的大廳未有位,有房坐唔坐?大廳唔知幾時有位.’坐房當然有最低消費(2-4人最少要叫2個小菜),很多時大家因已到場等了一段時間而接受坐房之安排.食品質素都幾飄忽, 試過一次叫很普通的雪菜火鴨絲窩米,上枱時米粉已吸乾了半窩湯,明顯煮完後攤咗一段時間才送上.最喜愛他的叉燒餐飽,肥肉不多,每次食都是熱或暖的.小菜茶樹菇炒牛柳亦美味,可令少嗅飯氣的同事幹掉一大碗白飯!今次友人提早30分鐘到達,有幸坐大廳近魚缸位置,大家愈食愈發現魚缸周圍有不少客人等位,心想不會是門口電梯等位的地方已經爆滿吧!從他們與酒樓工作人員之對話得悉,原來他們到酒樓後直接找與自己相熟之工作人員告知其人數,着其安排座位,現場確實見到工作人員不斷為這邊的客人們服務,毫不低調!身邊其他枱的食客亦開始發現!難怪每次我們訂了枱等於冇訂!!經商議後,一致通過罷免好彩,改用聘珍樓或新港明珠,即時生效!

假日飲茶自ＡＰＭ隔離鱷魚恤大厦開張後，已好耐冇去呢間酒樓飲茶。一去到吾駛等就心知不妙，果然，除咗價錢冇變外，所有野都變咗。首先講服務，我叫咗個近字興忿嘅鮑汁雞腳。結果黎咗碟豉油花生雞腳。水溜溜，Ｄ雞脚完全冇上色。我問經理呢碟係乜，佢好冷淡的答：咪鲍汁雞腳。勁！跟住Ｄ伙記兩次收碟時將豉油滴落我渥企人身度，完主吾覺有問題。超勁！最後，我開始落點心紙時一同落單的炒飯，等咗八個字，連加單點心食埋都未到，抽番涸位冷谈經理閏，佢又係冷淡毋話追吓啦又等多十分鐘，忍吾住再揾吕一個經理問，佢追完就話炒緊。最後再等七分鐘，終於有飯食。我們一家人往设吾會再受氣啦，你呢？

2010.10.30 Saturday!跟家人去飲早茶，早過來不用等位，真真開心! 食了以下十多樣點心蝦餃皇：蝦蛟皮薄, 蝦好新鮮爽口！蝦腸 ： 蝦好新鮮﹐又大大隻蘿蔔絲酥餅：白蘿蔔絲多多鮮蝦燒賣皇：飽滿大飽滿大粒粒粉果：好足料﹐皮好薄招牌小籠包：味道很普通懷舊馬拉糕：一般般普通水準蠔皇叉燒包：包身鬆軟,叉燒餡爆哂出來,香甜好食.酸甜炸雲吞：炸得香脆,太油膩整體而言： 食物水準普通，抵食指數同樣也都是一般不妨一試

又再一次光顧好彩,今次是因為有長輩在這裡辨大壽。大多食物都是普普通通, 但有兩種食物應該是有下過功夫,所以造出來都其他酒家好吃。我指的是炸子雞和壽包。炸子雞面層很脆,內裡肉質非常嫩滑, 通常造完炸子雞的肉就會變得很老,但這個不會, 另外壽包亦造得很出色,包皮外層很煙韌,身邊的人,無論多飽,也受其他人影響下都吃一個,但它的SIZE 不算小, 要吃下整個包的餡料和旦黃, 其實也會很飽很飽的 。

自從轉工後都好少踏足觀塘一帶了﹐雖然係工業區﹐但其實都有幾多好野食。上星期因為應舊同事約而再重臨觀塘﹐今次係去飲茶﹐去左創紀之城間好彩飲。講真呢間酒樓真係打左咁多年觀塘工都未嚟過﹐因為都唔算近公司﹐但因為同事話點心唔錯而約左嚟呢度。我地一行六個人﹐各自點左唔少點心﹐首先嚟左個冷盤係海蜇千層﹐一向鐘意食海蜇﹐佢個千層應該係豬耳來的﹐配上好香嘅麻油同芝麻﹐涼涼地幾醒胃。跟住嚟左個粉果﹐一睇就知好足料﹐多到爆開咁滯﹐皮好薄﹐一籠有三個﹐兩籠就滿足哂成枱人嘅胃口。加上而家啲燒賣已經唔係間間好食﹐粉果係不錯的選擇。個人愈大就愈喜愛懷舊﹐對食物亦然﹐ 跟住叫左籠糯米雞，想起以前讀書時一朝早食一個真係好好好滿足架﹗一上枱話咁快就俾我地清哂喇﹐ 嘩哈哈～再嚟就係腸粉﹗ 飲茶必叫﹗ 今次叫左蝦腸同牛肉腸﹐ 蝦好新鮮﹐又大大隻﹐ 睇得出做得好有心機。個人認為牛腸加芫茜係絕配﹐ 一個人食一碟都唔過份呀﹗ 終於到我嘅"飛佛'出場—流沙奶皇包﹗ 呢樣簡直可以話係飲茶必食﹐ 一撕開兩半啲半溶奶皇就流哂出嚟﹐ 差啲就流哂落隻手度呀﹐好野自然唔可以等﹐即刻一口KO佢啦～跟住就係豉汁蒸鳳爪﹐好好好入味﹗又夠淋﹐鳳爪都

一年過時過節我們一家都會到好彩。這晚家人擺壽宴，按慣例又再去了。因下午茶的froyo還未消化完，十幾道菜只吃了其中幾道。就講吃過的東西吧。翡翠蝦球鮮螺片：翡翠即西蘭花，炒過但未夠腍，不是爽口而是硬，咬幾口就開始累。鮮螺片及蝦球彈牙也有鮮味，已夠鹹。不點蝦醬也好吃。金絲海龍丸：即麵條包著蝦膠再炸。麵條金黃色賣相吸引，炸得夠脆，但稍為變冷也會有油益味，要趁熱吃。蝦膠非常彈牙，有蝦鮮味，但因有兩隻拇指大的份量，吃一件也開始飽。減量的話會更易入口。原隻火瞳雞燉鮑翅：若是我自己吃飯發辦，必不會點翅。但既然家人已預了我的份，那也不便拒絕。侍者將湯料分出來時見整隻雞已燉到不成形，另有金華火腿一大塊。湯是極濃雞和火腿味，好味。一塊塊翅也入味。金華火腿豬皮裏的豬油已全熬出來，吃此豬皮也不會漏，而且肉味濃郁。真的非常美味，但其實要素翅就可滿足到我。蛋白海皇炒飯：所謂海皇，就只有蝦仁而已，但蝦仁不太鮮。有例牌的菜粒蛋白，飯炒的不太乾亦不濕，剛剛好。可惜重味精，破壞了整體味道。飯後甜品的紅豆沙和生果拼盤也不算出色，不講也罷。又一餐好彩，再好吃也快變習慣了。

平時都係去開利苑飲! 今次就試下同區其他酒樓喇! 見openrice都好多人話創紀之城好彩ok喎。於是去試下，打電話去book位,我一開口已經講4位，d staff係咁將我條line hold完又hold，之後先同我講。"六位以上先有得book喎! 又唔早d講~ 我一早都已經講明4位架喇!於是去到walk-in攞飛，都唔係好多人喎! 等咗5分鐘已經有枱。至於食品方面，叫左十幾個點心，都係同一般茶樓差唔多，但價錢又唔係叫平喎。又唔叫得做好食，但又唔可以叫難食。連最貴個隻$33蝦餃都係一般水準。我寧願比多少少錢去食真正好食喇。 最好笑就係個馬拉糕，真係貨不對辦到呢~ 我真係O咀

星期六約左幾位朋友行附近既傢俬鋪, 行之前梗係要食飽飽先啦, 所以去左好彩飲早茶. 見到佢張點心紙寫住8:00am-11:30am有特價點心, 都幾多款wor. 既然咁抵, 梗係叫多d啦. 仲有幾款餸我係覺得幾特別的.古法馬拉糕: 呢間酒樓平時小點都要$13架, 但而家呢籠馬拉糕只係$9! 雖然d顏色好似有d奇怪, 但食落鬆軟.豉汁蒸鳳爪: 都係$9, 勁抵! D鳳爪都幾大隻.海蜇千層峰: 見到個名就諗: 千層峰即係咩呢? 原來就係用豬耳整成的薄片, 一層層咁, 賣相好特別. 海蜇同豬耳食落好爽, 好一款開胃小吃.紅燒乳鴿: 呢款真係要推介, 因為炸得香口之餘, 食落又有肉汁. 而家諗返都好想再食!賽螃蟹燴伊麵: 個人覺得味道淡左d. 如果好似食上海菜咁加醋, 個麵又會太酸. 賽螃蟹配伊麵似乎唔係好夾……

朋友去完旅行番黎,約左中午係觀塘好彩,攞番shopping list既嘢,唔洗點等就有位喇2個人叫左少少點心加個面就算,點心都係D大路嘢-好似腐皮卷,鮮蝦腸,鮮竹卷咁,味道同質量都係正路,幾好食之後黎埋個賽螃蟹燴伊面,估唔到真係幾好味,下面係伊面底,上面攤曬D蛋白,蝦仔,仲食到有D魚肉同帶子仔,個蛋白個形推得幾靚,唔會太散,入面有魚鮮味,成個餸有醋既酸同埋甜甜地既味,加埋做得唔錯總括而言呢餐食得唔錯,加埋又有手信收,

星期日同左d 親戚屋企人去左平時去開既好彩飲茶, 個日叫左好多點心:鮮蝦腸 -d 蝦好大隻奶黃包 – 同其他d 酒樓差不多, 都好食黑椒金錢肚 – 有黑椒落左, 好正的崧子芋粒餃 – 幾特別, 好多崧子茸, 很有咬感 仲有牛肉, 叉燒酥…一大班人所以叫了1碟xo 醬蝦球炒麵和鮑粒炒飯個人鍾意蝦球炒麵多d, 因為有d xo醬, 少少辣本身我唔食得辣都覺得炒得幾好食

很久沒有來飲早茶了, 因為地點對於我們來說真的不甚"就腳", 但母親大人說好想食這裡的珍珠雞, 於是只好陪她來喇!雖然人只得兩個, 但我們叫了六樣點心: 咸水角, 牛腸, 煎羅漢腐皮卷, 叉燒包, 鳳爪和珍珠雞咸水角: 皮很薄, 但饀用了韮菜, 有點怪!牛腸: 皮都滑, 但餡料因混入了牛根, 所以有少許渣! 煎羅漢腐皮卷: 不太油膩, 算脆口, 但碟喼汁竟然帶鹹味! (不知是否錯將喼汁上了豉油樽來用!) 母親大人說不點重好味!叉燒包: 味道不過不失!鳳爪: 味道一般, 但比以前差咗!珍珠雞: 糯米不夠乾身, 瑤柱絲和冬菇味淡咗! (十分失望!)埋單連加一, 盛惠$128! 總體而言, 食物水準差了, 只有茶的水準還保持住!

有個Antie嫁女派帖, 約左我同阿媽食飯, 三個人去左觀塘好彩雖然唔近mtr, 但搭巴士返屋企就好方便例牌一定要叫隻燒雞, 好彩d燒雞特別好食, 個皮脆卜卜, 又唔會有雪藏味門口有個擺海鮮既魚缸, 客人可以自己揀, 不過得三個人, 連一條魚都食唔晒…只好叫碟菜、再叫左碟鮑魚仔, 半打都係每人兩隻, 鮑魚細細隻唔un都幾好味雖然我地得三個人, 佢都送左大大碟生果盤比我地, 一d都唔頽

冰鎮鵝肉卷:凍既鵝加上凍既東菇同紅蘿白一齊食落去d肉汁加上東菇同紅蘿白既味道好清晰，好好味。大都督回鍋魚頭:成煲魚頭既精華向曬d粉皮到最好既食法食曬d魚頭同冬荀金華火腿先再食粉皮，因為等d粉皮吸曬d魚頭同冬荀金華火腿既汁，一拍落口香濃既味道走曬出來~~正。仲有D遲先POST